رواتب المصريين فى الخليج

[سكر]

ما هو اكبر راتب لمصرى سمعت عنه فى دول الخليج ؟؟؟

الراتب موضوع الكثير من المغتربين بيخافوا منه ويمكن مش بيحاولوا يسالوا عنه

وخاصه فى دول الخليج

ليه بسال عن الراتب وبالذات فى دول الخليج

1- خبرتى فى السفر فى الخليج وارفض السفر الى الغرب لاسباب شخصيه الا لو كان للتعليم فقط (وجهة نظر )

2-معظم سفر المصرييين فى الخارج بيكون للبحث عن الرزق (باستبعاد الفئة التى تجد انه من الافضل الذهاب بعيدا (كندا - والغرب ) للبحث عن حياة افضل )

ليه بفتح الموضوع دة بقى عشان

1-اكثر شى يولمنى هو شعور المصرى بالصدمة للراتب لما يجى فى الخليج ويقارنه بمن معه فى نفس المكان وليس حتى نفس الكاريير ويجد الفروق كبيرة جدا

حدث لى هذا الموقف وكنت حاسس بغضب عارم جدا ولكن الحمد الله عرفت احول نقطة الضعف الى قوة فى اقرب وقت

2- شفت مستوى مرتبات والله العظيم صعب جدا ومش عارف الناس بتكون فرحانة على ايه وبتعتبر دة فرصه العمر

وبيكونوا شهادات وخبرات ما شاء الله

ما هو اكبر راتب لمصرى سمعت عنه فى دول الخليج ؟؟؟

مش لازم تقول الراتب بتاعك يعنى :wub: ومش الغرض ان الناس تقول رواتبهم انا ارفض ذلك

ولكن لازم يكون فى بصله لمعرفه مستوى الرواتب

والى جاى من مصر يكون عارف هو جاى على اية مش يضرب فى فارق العمله ويطير

[سكر]

اكبر راتب سمعت عنه فى السعودية وبالرياض تحديدا

كان لمهندس نظم معلومات فى شركة اتصالات كبرى

وكان الراتب ماشاء الله 35000 ريال فى الشهر شامل السكن والمواصلات بالاضافه الى تذاكر السفر للعائله واجازة شهر مع الراتب

وهو شخص محترم جدا وبصراحة يستاهل اكتر من كدة كمان

اقل راتب عرفت بيه هو لطبيب اسنان 4000 ريال ومش عارف نظامه اية فى البدلات وكنت عايز اقوله ولا بلاش عشان الناس متزعلش

لاحظ انه طبيب اسنان واى فتحة بق هنا ممكن تكلفك عند دكتور الاسنان اكتر من 1000 ريال براحة كدة

[أحمد سيف]

80 ألف درهم في الشهر ... أستاذ جامعي ... لكن للأمانه معه جنسية أجنبية

[MZohairy]

مصري مستشار للشيخ صالح كامل في مجموعة دله البركه

90 الف ريال شهريا غير السكن في كمبوند رائع في جده و سياره فاخره مخصوصه

طبعا غير البونص السنوي

و الأهم من كده هو نزوله مصر كل يوم اربعاء آخر النهار قبل العصر يكون في الطياره و يرجع الدوام يوم السبت صباحا نظرا لوجود اسرته في مصر

[وطني حر]

سمعت عن مسؤول كبير في شركه الجميح . طبعا الجميح شركه كبيره بيبسي وكمان وكيل جنرال موتورز .

سمعت ان نائب رئيس المجموعه مصري يقبل 120 الف ريال في الشهر .

[ehababdelgawad]

يا جماعة دى أرزاق

المهم هدف كل واحد اية دة اساس السفر

للأسف فى مصريين كتير يسافروا الى الدول العربية من باب انهم مسافرين

وفى ناس تسافر عشان زيادة الدخل

وفى ناس تسافر منغير ميعرفوا اى حاجة عن اى حاجة حتى الخبرة العندة مفيش فبيقبل بأى حاجة اى شغلانة اى راتب اى عيشة والسلام حتى بيكون مش عارف هيرجع مصر امتى

ودى مشكله لان بعد كدة بيحس ان فى واحد بتحكم فى كل حاجة عندة وهو ليس الا عامل منغير اى ضمانات

وبعدين الخليج مش زى الاول لان الاسعار فية متقاربة بينة وبين مصر

فى ناس تقول طب انا معنديش شغل فى مصر ومش لاقى شغل عشان اعرف اعمل حاجة خالص

برضوا مشكلة الشغل فى مصر احنا رفضين الشغل عشان مش كويس عشان مش اد كدة عشان وعشان وعشان واسباب كتير

فى حين اننا لما نسافر برة منشتغل اى حاجة فى اى حاجة

طب اية الهدف برضوا

للأسف محدش عارف هدفة اية من كل دة واية اولويات الهامة عندة هل الراتب هل المميزات هل العيشة الكويسة هل وهل وهل

حاجات كتير لازم نعرفها قبل السفر

لسة صديق لية جيالة وظيفة فى ابو ظبى بسئلة انت عرفت السكن والرعاية الطبية والانتقال نظامة اية

رد عالية قالى مشمهم الحاجات دى لما اسافر ربنا يعدلها

دى بداية المشاكل

طب راح واشتغل وبلغوة ان كل حاجة ضمن الراتب هيعمل اية وهيظبط نفسة ازى هيتعب نقول محدش بيكلها بالساهل لما تحصل مشاكل نقول نصيب

يا جماعة لازم ابسط شيئ نبقا مسافرين وعارفين حقوقنا فين اية ال لينا واية ال علينا هدفنا اية عشان منتعبش ونكون فى مشاكل مستمرة مع الكفيل

ربنا يكرم ويوفق الجميع

[سكر]

ربنا يبارك لكل واحد فى رزقه ويزيده دة عرق غربه وبهدله

انا قصدى بالموضوع دة مش معرفه الرواتب ولكن تنبيه الاخرين ان فى ناس بتعرف تاخد حقها ويتم تقديرهم

وانت الى لازم تفرض نفسك على صاحب العمل

وبالتالى انت كمان لازم تقدر نفسك كويس مش سفر والسلام بالذات لو فى اسرة وبهدله

والدليل على كدة

لسة صديق لية جيالة وظيفة فى ابو ظبى بسئلة انت عرفت السكن والرعاية الطبية والانتقال نظامة اية

رد عالية قالى مشمهم الحاجات دى لما اسافر ربنا يعدلها

دى بداية المشاكل

انا عايز الناس دى تفكر تانى وتالت

عشان ميجيش يوم نلاقى مصريين فى الخليج على 500 ريال ونقول مهوا اصله احسن من مصر وان شاء الله لما اوصل هظبط امورى

والله العظيم ان شفت عقد لواحد مدرس ثانوى عمرة فوق الخمسين والمدرسه والمدير كانوا هيموتوا عليه

والمرتب كام 1500 ريال سالنى قولته

الصراحة قلت كلام مش حلو مينفعش يتكتب المدرسه اتحيلت عليه وزودته 1000 كمان بس الراجل مدير المدرسه كان هيبوس ايدة

عارف المدرس رفض ليه لانه عرف ان الابن الواحد فى المدرسه هيكلفوا حوالى 10000 ريال فى السنه وهو ما شاء الله عندة 4

راح صاحب المدرسه قالوا عندك حل من اتنين

خليهم فى مصر او هاتهم بس مدخلهمش مدارس وينزلوا على الامتحان

يعنى ابقى مدرس وولادى مش فى مدرسه

[mokhtarelmalahy]

احد المهندسين الاستشاريين الكبار باحدى الشركات القطريه الضخمه جدا العامله فى المقاولات بيضرب فى الشهر 101000 ريال قطرى بسم الله ماشاء الله صلوا على النبى

[السيد توفيق]

يوجد مصري بيقبض 250 الف ريال بالشهر ويعمل كبير المسوقين في شركات الجميح لبيع السيارات

وعلى فكرة رواتب المسوقين هي خيالية في الشركات العالمية

[سكر]

ما شاء الله ربنا يبارك

خيالى صرح للبعيد بس ابعد من كدة مكنتش اتخيل لموظف

يوجد مصري بيقبض 250 الف ريال بالشهر

ياريت بقى الشباب الجديد يعرف ان فى فرق بين شغل وشغل وسفر وسفر

مش عبى الشنطة واجرى

[doha]

ما شاء الله ربنا يبارك

خيالى صرح للبعيد بس ابعد من كدة مكنتش اتخيل لموظف

يوجد مصري بيقبض 250 الف ريال بالشهر

ياريت بقى الشباب الجديد يعرف ان فى فرق بين شغل وشغل وسفر وسفر

مش عبى الشنطة واجرى

طيب وايه المشكلة مهو يوجد مصري برضه وعايش في مصر وبيقبض ثلاثه مليون جنيه في الشهر والعهده على عمرو اديب الي بيؤكد ان الحكاية دي صحيحه ..

هل معنى كده ان الشباب في مصر يقعدوا في بيوتهم ويرفضوا يشتغلوا في الوظائف ام 500 وستمية جنيه على اساس ان متوسط الرواتب من مليون وانت طالع ؟

الارقام الكبيرة دي استثناءات لايمكن ابدا القياس عليها بحال ..

على كل اعتقد والله اعلم ان متوسط رواتب المصريين هنا في حدود 3000 تزيد شويه او تنقص شويه ده بالنسبة للوظائف المكتبية زي المحاسب مثلا او المدرس

وفي حدود الـ 8000 - 10000 بالنسبة للوظائف العملية زي الاطباء والمهندسين

وقيس على ذلك فالنسبة هي نفسها بين الدخل في مصر والدخل هنا .. يعني ان كان استاذ الجامعة في مصر بياخذ اكتر من المدرس العادي فبالتاكيد هنا هيكون الوضع هو نفسه وحتى الحرفي الشاطر الي بيكسب في مصر كويس هيكون مكسبه هنا برضه اعلى والحرفة التعبان الي مقضيها هناك بالعافية برضه ( غالبا ) هيقضيها هنا بنفس الطريقة ..

مفيش مقياس ثابت للرواتب ولا متوسط وهي في الاول والآخر ارزاق ..

[MZohairy]

على كل اعتقد والله اعلم ان متوسط رواتب المصريين هنا في حدود 3000 تزيد شويه او تنقص شويه ده بالنسبة للوظائف المكتبية زي المحاسب مثلا او المدرس

صح

بس ده المحاسب التعبان و اللي شغال في شركه تعبانه

انا بكلمك بحكم خبرتي الطويله جدا في المجال ده و في الخليج

المحاسب اللي بيتكلم انجليزي بطلاقه و شاطر و لبق و حسن المظهر و عنده 10 سنين خبره كويسه مثلا و بيشتغل في شركه كويسه (مش ممتازه) مرتبه في الخليج مش اقل من 10 الاف ريال اساسي و 3 شهور سكن و 1000 ريال مواصلات

و كتير من مدراء الحسابات و المدراء الماليين المصريين بياخدوا اكتر من المبلغ ده بكتير وصولا ل 25 و 30 الف راتب اساسي (بشرط توافر العناصر اعلاه)

[سكر]

هل معنى كده ان الشباب في مصر يقعدوا في بيوتهم ويرفضوا يشتغلوا في الوظائف ام 500 وستمية جنيه على اساس ان متوسط الرواتب من مليون وانت طالع ؟

مين قال كدة بس

انا فاتح الموضع للمصريين فى الخليج والمقبلين على العمل فيه

عشان كل واحد يكون فاهم ان الغربه شى مش سهل ولو هتسافر وهتتغرب يبقى لازم الراتب يستاهل الغربه

فى تضحيات كتير هتندفع فى الغربه

حاول يكون سفرك له تمن مش هروب وفقط

وجهة نظر شخصيه بحته

لما بعرف ان رواتب الاطباء فى الخليج 8000-10000

انا بحزن جدا مش عارف ليه وعلى فكرة انا مش طبيب

شايف ان المهنة تستاهل اكتر من كدة بكتير

مفيش مقياس ثابت للرواتب ولا متوسط وهي في الاول والآخر ارزاق ..

فى الخليج فى حاجة اسمها الجنسيه

يعنى لازم اعرف جنسيتك ايه الاول عشان احدد راتبك

بغض النظر عن الكفاءه

[doha]

هل معنى كده ان الشباب في مصر يقعدوا في بيوتهم ويرفضوا يشتغلوا في الوظائف ام 500 وستمية جنيه على اساس ان متوسط الرواتب من مليون وانت طالع ؟

مين قال كدة بس

انا فاتح الموضع للمصريين فى الخليج والمقبلين على العمل فيه

عشان كل واحد يكون فاهم ان الغربه شى مش سهل ولو هتسافر وهتتغرب يبقى لازم الراتب يستاهل الغربه

فى تضحيات كتير هتندفع فى الغربه

حاول يكون سفرك له تمن مش هروب وفقط

وجهة نظر شخصيه بحته

لما بعرف ان رواتب الاطباء فى الخليج 8000-10000

انا بحزن جدا مش عارف ليه وعلى فكرة انا مش طبيب

شايف ان المهنة تستاهل اكتر من كدة بكتير

مفيش مقياس ثابت للرواتب ولا متوسط وهي في الاول والآخر ارزاق ..

فى الخليج فى حاجة اسمها الجنسيه

يعنى لازم اعرف جنسيتك ايه الاول عشان احدد راتبك

بغض النظر عن الكفاءه

عادي في اطباء على فكره بتاخذ اكتر من كده .. يعني لو استشاري راتبه مش هيقل عن 15 غير البدلات .. وبرضه في اطباء بتاخذ اقل من كده في اطباء رواتبها في حدود 4000 فما فوق .. عادي

اصابعك مش زي بعضها وكل ( برغوت على قد دمه ) زي مابيقولوا يعني على حسب شهاداتك وخبرتك وتخصصك كمان بيكون راتبك .. بس انا قلت من 8-10 على اساس ده المتوسط الي الاغلبية بتدور حوله وفي طبعا اقل او اعلى .. وهي في النهاية ارزاق والمهم بس ربنا يبارك للواحد في الرزق الي عنده ويكفيه بغض النظر بقى هو كتير ولا قليل المهم البركه وانه يكون من مصدر حلال ومش مهم اي شيء تاني بعد كده ..

[سكر]

وهي في النهاية ارزاق والمهم بس ربنا يبارك للواحد في الرزق الي عنده ويكفيه بغض النظر بقى هو كتير ولا قليل المهم البركه وانه يكون من مصدر حلال ومش مهم اي شيء تاني بعد كده

اتفق معك فى هذا الكلام جمله وتفصيلا

وبرضه في اطباء بتاخذ اقل من كده في اطباء رواتبها في حدود4000 فما فوق .. عادي

كدة مش عادى كدة فى حاجة غلط

اما فى الشخص او فى الشهادة

مش قصدى صحة الشهادة ولكن فى كفاءة الشهادة على انها تجعل الشخص يعيش حياة كريمة

[moamana]

انا تعليقى على هذا الموضوع اوعدنا يا رب بالرواتب اللى انتم كاتبنها

و فعلا لو مرتبك مش كبير يبقى السفر مش جايب همه فبلاش منه

بس الكلام ده برده مينطبقش فى كل الاحوال

[عنبو]

على كل اعتقد والله اعلم ان متوسط رواتب المصريين هنا في حدود 3000 تزيد شويه او تنقص شويه ده بالنسبة للوظائف المكتبية زي المحاسب مثلا او المدرس

صح

بس ده المحاسب التعبان و اللي شغال في شركه تعبانه

انا بكلمك بحكم خبرتي الطويله جدا في المجال ده و في الخليج

المحاسب اللي بيتكلم انجليزي بطلاقه و شاطر و لبق و حسن المظهر و عنده 10 سنين خبره كويسه مثلا و بيشتغل في شركه كويسه (مش ممتازه) مرتبه في الخليج مش اقل من 10 الاف ريال اساسي و 3 شهور سكن و 1000 ريال مواصلات

و كتير من مدراء الحسابات و المدراء الماليين المصريين بياخدوا اكتر من المبلغ ده بكتير وصولا ل 25 و 30 الف راتب اساسي (بشرط توافر العناصر اعلاه)

والله الراجل ده بيقول كلام زى الفل

انا مش محاسب بس فيه محاسبين بياخدوا مبالغ ضخمه برده

وفيه مهندسين برده بياخدوا مبالغ ضخمه جداً

بس طبعاً اى واحد بياخد اى مبلغ كبير يعنى من 30 وانت طالع دول مش بيخدهم علشان سواد عيونه او علشان هو بيزغزغ الكفيل

لا بياخدهم لانه فعلاً يستحق كده انا فى اى اجتماع مع الناس دول بجد بيقول الناس دى تستاهل اكتر من كده

[سكر]

لا بياخدهم لانه فعلاً يستحق كده انا فى اى اجتماع مع الناس دول بجد بيقول الناس دى تستاهل اكتر من كده

الناس دة على قد ما بتاخد بردة بيكون قليل على الى بيكسبه صاحب العمل من وراهم

يارب كل المصريين يكونوا نموذج للجهد والعمل والمرتب الضخم عشان الغربه صعبة

وبدل ما المصرى يتغرب بالعشر والعشريين سنه يجبهم فى سنتين تلاته وشكرا

حاجة كدة زى النموذج الامريكى فى الخليج مرتبات فلكيه عيشه رفاهية والشغل والكفاءة ممكن يتكتب فيه قصص

بس البقاء للنموذج

[mama nona]

لا بياخدهم لانه فعلاً يستحق كده انا فى اى اجتماع مع الناس دول بجد بيقول الناس دى تستاهل اكتر من كده

الناس دة على قد ما بتاخد بردة بيكون قليل على الى بيكسبه صاحب العمل من وراهم

يارب كل المصريين يكونوا نموذج للجهد والعمل والمرتب الضخم عشان الغربه صعبة

وبدل ما المصرى يتغرب بالعشر والعشريين سنه يجبهم فى سنتين تلاته وشكرا

حاجة كدة زى النموذج الامريكى فى الخليج مرتبات فلكيه عيشه رفاهية والشغل والكفاءة ممكن يتكتب فيه قصص

بس البقاء للنموذج

وهو حضرتك متخيل ان الناس ال زى دول هيتغربو سنتين تلاته وشكرا

مستحيل ابدا مش لمسألة الراتب الكبير والماديات

ولكن لاحساسه بأهميته واهمية عملة على النقيض انه لو نزل مصر لا هيلاقى الراتب ده ولا العمل ده

وبالتالى هيفضل انه يفضل دايما مغترب حتى يشعر بكيانه ووجوده

[mama nona]

انا تعليقى على هذا الموضوع اوعدنا يا رب بالرواتب اللى انتم كاتبنها

و فعلا لو مرتبك مش كبير يبقى السفر مش جايب همه فبلاش منه

بس الكلام ده برده مينطبقش فى كل الاحوال

انا معك فى نفس الرأى

بس بالنسبة لظروف الشباب فى تلك الايام اصبح السفر هو الحل الوحيد للعيشة المرتاحة بغض النظر عن مساوىء الغربه

لم يعد السفر والغربة عند الشباب يعنى ادخار المال اما للزواج او للمشاريع المقبلة وانما اصبح معناه هو العيشة المريحة الهنية بغض النظر عن الادخار

ويا رب يوعدك بالرواتب دى ان شاء الله

بس اعرفى كل ما على راتبك كل ما قصرت مدة عملك

الكفيل هو الكفيل

دايما بيدور على اقل راتب ممكن يؤدى الوظيفة المطلوبة بغض النظر عن الجنسية