ياللا نعبي شريط

[Lighthouse]

استعنا ع الشقى بالله

اختكم لايت هاوس لقيت اغلب الناس يااما مغنيين ونازلين تعبية شرايط والبلية دايره معاهم آخر تمام والباقيين يابيلحنوا ويؤلفوا اغاني يابيرقصوا في الكليبات

فقلت بقي نتلم انا وانتم ونعمل حاجة نقب بيها على وش الدنيا ونعكم قرشين كويسين ونديها فن وشخلعة gt: chn:

قعدت وقلت لازم الشريط الاول يكون هادف ( مش هايف ;) ) علشان نختلف عن باقي الشرايط اللى كلامها في الهجايص :P

القصد

عايزين نعمل شوية اقتراحات لإخراج الالبوم الاول بصورة جيدة

يعني مثلا

غلاف الألبوم

عايزين أفكار نيرة كده علشان الغلاف يكون منافس لالبومات المنافسين

عنوان الالبوم

عايزين اسم معتبر كده للشريط علشان نبيع ونوزع

الفيديو كليب

عايزين افكار للفيديو كليبات اللى ح نعملها

الاعلانات

عايزين افكار برضه للاعلان بطرق مختلفة عن الالبوم

ياللا ورونا الهمة ياشباب وياشابات

chn: chn:

[Mohammad Abouzied]

فقلت بقي نتلم انا وانتم ونعمل حاجة نقب بيها على وش الدنيا ونعكم قرشين كويسين ونديها فن وشخلعة 

قعدت وقلت لازم الشريط الاول يكون هادف ( مش هايف  ) علشان نختلف عن باقي الشرايط اللى كلامها في الهجايص 

باين انك عاوزه تضيعي فلوسك على الفاضي

صدقيني الهجايص هي المستقبل

[Lighthouse]

ماتخافش يااستاذ محمد

ماانا باقول نديها فن وشخلعة

يعني فيها هجايص برضه chn:

وبعدين مش لازم الكلام يبقى هابط قوي يعني

ممكن يهبط نص ونص gt:

عايزين افكار بقى chn:

مش عايزين الموسم ينضرب chn:

[se_ Elsyed]

غلاف الألبوم

عايزين أفكار نيرة كده علشان الغلاف يكون منافس لالبومات المنافسين 

طبعاً مش عايزه كلام صورتي هي اللي هاتبفى عالغلاف وانا لابس الجلابية الجبردين الجديدة وماسك الكوز قصدي المايك ومندمج في الغنا chn:

ولا عندك إعتراض chn:

والان نستمع إلى البلبل الصداح والعندليب النطاح س س مشكاح

س س مشرف ومترب عاطفي بعد الضهر

[Lighthouse]

ودي اول اغنية في الشريط علشان نفتح نفس الناس ونخليهم يبتدوا

ياصنية يا صنية...قولى لاعز الناس

الفرخة مخلية....وسخنت لة القلقاس

ياصنية يا صنية...نادى على الغايب

ياكل ملخية ......معمولة بارانب

يا ولية يا ولية...هاتى البطيخ

والعيش و الجبنة...وبلاش الطبيخ

لايت هاوس الطاير

مؤلفة اغاني وموسيقارة جبارة chn:

[Lighthouse]

غلاف الألبوم

عايزين أفكار نيرة كده علشان الغلاف يكون منافس لالبومات المنافسين 

طبعاً مش عايزه كلام صورتي هي اللي هاتبفى عالغلاف وانا لابس الجلابية الجبردين الجديدة وماسك الكوز قصدي المايك ومندمج في الغنا chn:

ولا عندك إعتراض gt:

والان نستمع إلى البلبل الصداح والعندليب النطاح س س مشكاح

س س مشرف ومترب عاطفي بعد الضهر

جلابية ايه وجبردين ايه بس يا س س

انت عايز الاغنية تبقى محلية ومانطلعش للعالمية خالص

لا بقى

انا رايي تديها لبس روش ونعمل اغاني شبابية طحن

شوف الصورة دي وعايزة رايك chn: chn:

[se_ Elsyed]

شوف الصورة دي وعايزة رايك  chn:  chn:

مالها الصورة ؟!!!

دي بتاعت واحد مستحماش بقالوا سنة !!!

وبعين يا لايت هانم يجب أن تتذكري " إن إعتزازانا بتقاليدنا وعادتنا هو بداية الإنطلاق للعالمية " خليها جلابيه وهاتشوفي الناس قد أيه هاتتهبل عالشريط

إشمعنى عمرنا ماشوفنا مايكل جاكسون ولا ستنج أو ألتون جون حتى لابس جلابيه أو عقال وهو بيغني ... يبقى أحنا ليه نتشبه بيهم

عقلي الباطل بيقولي : أيه القرف اللي كتباه لايت ده  ، صينية أيه وملوخية أيه دي مؤلفة متخرجة من التدبير المنزلي ...أيوه أيوه  يمكن هأتقدم الاغاني دي كتترات لبرامج طبق اليوم او بالهنا والشفا  .....

[Lighthouse]

طيب يا س س

خلينا محلي علشان ننطلق للعالمي

محلي ايه ودكاني ايه بس س س ده شكله ح يورطنا والشريط يقع  chn:

خلاص ماشي ياعم

جلابية جبردين

صوف العسكري

مخطط

منقط

اي حاجة

البس وخلصنا في اليوم المكعبل ده

سكوووووووووووت ح نسجل

[Lighthouse]

عقلي الباطل بيقولي : أيه القرف اللي كتباه لايت ده  ، صينية أيه وملوخية أيه دي مؤلفة متخرجة من التدبير المنزلي ...أيوه أيوه  يمكن هأتقدم الاغاني دي كتترات لبرامج طبق اليوم او بالهنا والشفا  ..... 

هي مين اللى من التدبير المنزلي دي

طيب مطرود من الشريط fsh::

ووريني صورتك ح تعملها غلاف على ايه

الحق على اللى عايزة اغذي المستمعين علشان يسمعوا باقي الشريط بصحة وعافية chn:

طيب خد بقى اغنية عشان اتفاقية الجات عشان نواكب التكلنوجيا:

فاكر

فاااكر

فااااااكرر

فاكر لما قلتلى انت المراد

فاكر لما جبتلى اذن استيراد

ووقفت مشتاق فى المينا تستنانى

وانا جاى مشحون على مركب بكستانى

مـا كـنتش اعــرف انـك راح تتـمرد

وتبعنى تبـعنى بالمـلاليم و انـا مسـتورد

ايييييييييييييييييييييييييييييييييييييييييية

chn: chn:

[حشيش]

chn: chn: chn:

[se_ Elsyed]

فاكر لما قلتلى انت المراد

فاكر لما جبتلى اذن استيراد

ووقفت مشتاق فى المينا تستنانى

وانا جاى مشحون على مركب بكستانى

مـا كـنتش اعــرف انـك راح تتـمرد

وتبعنى تبـعنى بالمـلاليم و انـا مسـتورد

ايييييييييييييييييييييييييييييييييييييييييية

إستنى إستني عارفها والله

دي شحنة مخدرات جايه من باكستان صح ؟

مين اللي بيقول الكلام الكبير ده يا حشيش ... حكيم بعد ما طلق مراته؟

[Lighthouse]

فاكر لما قلتلى انت المراد

فاكر لما جبتلى اذن استيراد

ووقفت مشتاق فى المينا تستنانى

وانا جاى مشحون على مركب بكستانى

مـا كـنتش اعــرف انـك راح تتـمرد

وتبعنى تبـعنى بالمـلاليم و انـا مسـتورد

ايييييييييييييييييييييييييييييييييييييييييية

إستنى إستني عارفها والله

دي شحنة مخدرات جايه من باكستان صح ؟

باقولك ايه يا س س

مابلاش شغل الارشاد الزراعي بتاعك ده chn:

سيب شغل المخبرين على جنب وركز في الشريط

صدقني مستقبلك الفني مضمون

chn: chn:

[Lighthouse]

بمناسبة تشريف الملحن الفلتة حشيش بكر لموضوعنا

اهديه هذا المقطع من قصيدة عصماء بافكر اكملها وياريت يتحفنا بلحن عبقري نكيف بيه السميعة في الشريط المفتخر بتاعنا wst::

يادي السرور يادي الهنا

حشيش بحاله عندنا

وسع يابني من هنا

ده الفن كله عندنا

wst:: wst::

[se_ Elsyed]

تصدقي يا لايت إنتي لما غيبتي الكام يوم اللي فاتوا دول قولت في عقلي الباطل إنك طمعتي في إيراد الشريط الجديد اللي عبناه سوى خاصة ان الأرباح كانت طائلة والإقبال عليه كان منقطع الجماهير ..

واللي خلى الشك يقتلني أكثر إني كنت امبارح معدي في ميدان العتبة ولقيت بتوع البلدية ماسكين واد بياع شرايط كاسيت ونازلين فيه ضرب ومبعترين بسطة الشرايط بتاعته وواحد من الظباط ماسكوا من قفاه وعمال يقولوا " بقى دي شرايط تبيعوها يا ولاد ......... ( نأسف لإنقاطاع الصوت ) الله يخرب بيوتكم مليتوا البلد وبوظتوا ودان الناس

فقولت يــاه للدرجة دي الشريط عمل ضجة في الأوساط الفنية ... هنيالك يا لايت يا مطرية الشباب والرياضة .... بس ماتنسيش إن اللي عمل الشغل ده كله صورتي اللي كانت عالغلاف