فنكوووو يا مصريين نيوزيلانده و استراليا

[Damo]

انا و اسرتي مقيمين في نيوزيلاند و لسه من قريب مامتي كانت بتقولي معقوله بقلنا ٣ سنين هنا و مش قبلنا اي حد مصري يفكرنا بمصر شويه و نعرف نكلمه و يكلمنه نهزر معاه و يهزر معانا بالمصري. فانا قلت ليه يا دامو مش تفتحي موضوع تنقبي فيه عن مصريين قريبين منك...

فنكوووو يا مصريين نيوزيلانده و استراليا? عايزين نلاقيكوا. هوا في رابطة مصريين في نيوزيلانده او استراليا من ورانا؟

يا ريت اللي يعرف حد تنطبق عاليه المواصفات يعمل عمل خير و يوصلنا لبعض :blink:

[mokhtarelmalahy]

ان شاء الله تلاقوا المصريين والاخوه العرب قريب ومتحسوش باى غربه انا اسمع ان الجنسيات العربيه خصوصا السعوديه وعمان كتير فى نيوزلندا خاصه الطلبه والمصريين منتشرين فى استراليا

قولى بس يارب يوفقنى فى موضوع الهجره لنيوزلندا ده وهتلاقونى اول واحد يعملكوا الرابطه انتم فى اوكلاند ولا ويلنغتون

[aboueyad alex]

الاخت /دامو

لو دورتى فى باب الهجرة لكندا حتلاقى موضوع عن استراليا و نيوزيلاند

[blbl]

لو حضرتك في اوكلاند في مجموعة مصرية وعربية وبيلتقوا كل كام اسبوع والستات بتهيص مع بعض. في كمان دروس في الجامع بتاع بكاورنجا بيديها مهندس مصري.

لو حضرتك في كريس شارش الغالب هم المصريين المسيحين وهم الي حدا ما مغلقين الجروب عليهم.

لو حضرتك بر المدينتين دول بتهيقلي فرصة مقابلة مصريين صعبة حبيتين تلاتة.

[Damo]

مستر Mokhtarelmalahy ان شاء الله هجرتك تخلص علاطول مع ان احنا تعبنا فيها شويه

مرسي مستر aboueyad alex

مستر blbl احنا في اوكلاند. مرسي اوي على المعلومات دي هقول لمامتي و اكيد اكيد هاتزقطط :lol:

شكرا اوي يا جماعه :blink:

[se_ Elsyed]

في واحد صاحبي وحبيبي وكان مشرف معانا .. إسمه لانسلوت .. عايش في استراليا بقى له فترة وساكن ورا محطة البنيزم

وكمان بنت عمتي واسرتها بقى لهم فعلاً حوالي 25 سنه في استراليا ... ومن ساعتها ما شوفتهاش لأن زياراتها لمصر مش متفقه مع زياراتي .....

يالله عيشي يا دامو

يارب أكون افدتك

[mada abd El Qader]

يا جماعة انا عايز اروح ادرس فى نيوزلاندا و كنت عايز استفسر من اصحاب الخبرة اللى هناك لو انا عملت كده و رحت درست انجليزى هناك هل اقدر الاقى الشغل اللى ممكن اقعد بيه و بعدها اقدر اقدم على الهجرة -

يا ريت حد يحكيلنا تجربته و خاصة الاستاذ Damo صاحب الموضوع