مطلوب عروسة !!!

[حشيش]

يعلن حشيش عن مناقصة لتوريد عدد واحد عروسة بلدى بالشروط والمواصفات الأتية wst:: wst:: wst:: :

1- ألا يقل الطول عن 165 سم مكعب.

2- ألا يقل الوزن عن 60 كيلو صافى (قايم - بدون ورقة).

3- ألا يكون قد سبق لها الزواج (يسمح بطفل واحد).

4- ألا يكون قد سبق لها الحبس على ذمة قضايا مال عام أو مخدرات.

5- أن تجيد القراءة والكتابة.

6- أن تجيد أعمال الكومبيوتر (يفضل من لها إلمام بلغة الجافا أوالكاكا).

7- أن تجيد أعمال الهواء.

8- أن تجيد الطهى إجادة تامة (جميع الأصناف بلا إستثناء مع مراعاة أن هذا الشرط أساسى).

9- أن تكون مقبولة الشكل ( يسمح بضربة أو ضربتين مطوة فى وشها على أقصى تقدير).

10- أن تكون قليلة الكلام (يمكن قبول فاقدة النطق).

11- أن تجيد أعمال الإبرة والتنجيد.

فعلى من تجد فى نفسها أنها مستوفية للشروط أن تتقدم بطلبها إلى عناية السيد/ حشيش حشيش أردوغان فى موعد غايته شهر من تاريخه (المشرفات يمتنعن) مشفوع بتزكية من إثنين من الأعضاء أو عضو ذكر وعضوتين أنثتين (تزكية فريق الإشراف لا تقبل)...تسحب كراسة الشروط والمواصفات من المنتدى نظير رسم قدره 100 جنيه مصرى توضع فى حساب السيد حشيش ببنك مصر فرع الدرب الأصفر h): h): mfb:...

[فــيــروز]

اقترح اضافة شرط مهم كمان يا حشيش

تكون بتعرف اشغال الابره

بتدى حقن يعنى .. wst::

[فــيــروز]

أن تجيد أعمال الهواء.

يعنى ايه ده !! wst:: بتلعب اكروبات ريدر يعنى ولا ايه؟ wst::

على العموم يا حشيش انت تستاهل كل خير وربنا يتمم لك بخير مع ست البنات السنيوره wst::

[Lighthouse]

سؤال صغنن يااستاذ حشيش

الشرط رقم 7

أن تجيد أعمال الهواء

ممكن بس تفسره

علشان ندور لك بضمير wst::

[فــيــروز]

[Lighthouse]

شوف ياحشيش ياخويا

عملت كل جهدي علشان الاقي شروطك كلها مجتمعة في نفس العروسة

لقيت عروستين اجمل من بعض

وياسعدك ياهناك لو فزت بواحدة فيهم wst::

ومبروك مقدما

بس اعزمنا بقى wst:: wst::

[Lighthouse]

اما دي بقى فماتقولش لعدوك عليها

متريشة وبنت ناس جامدين قوي قوي

[Lighthouse]

مافيش عندك اي حجة

كاملة من مجاميعه وقمر 14

ياللا بقى

توكل على الله

[se_ Elsyed]

أيه الشروط التعجيزية دي ، بتفكرني بإعلانات الوظائف الخالية ؟!!!!!..

ما تقول إسم العروسة وتريحنا مع إني عارفها يا لئيم

البت "سنية مشاكل " wst:: wst:: بتاعت قهوة السواقين اللي في الكيلو 26 على طريق مصر -إسكندرية الزراعي .... فاكرها يا شيشو ؟

صحيح ياولاد الحب في القلب زي عضة الكلب مش ممكن أثارها تروح ...

[afiona]

-8- أن تجيد الطهى إجادة تامة (جميع الأصناف بلا إستثناء مع مراعاة أن هذا الشرط أساسى).

طلبك عندى يا باشا، بس إسمحلى بسؤال:

ما الفرق بين الشرط الأساسى والشرط الهامشى؟ سؤال مهم لأن فى بنت يتوافر فيها جميع الشروط بس بتقضى آخر ثلاث أشهر من حكم عليها فى قضية مخدرات. ...

بس أخلاق إيه وألعاب هوا إيه وبتعرف تنجد أجدعها كنبة... ممكن أبعتلك صورة بس فى الدرا علشان هى من عائلة محافظة جدا..

[se_ Elsyed]

علشان هى من عائلة محافظة جدا..

محافظة أيه ؟

علشان تفرق معانا .... يعني وجه قبلي وانت نازل ممنوع ...

وجه بحري وانت طالع برضوا ممنوع ....

حدد لو سمحت يا أفيونة يابني ده جواز ونسب مش لعب عيل

س س حمدي ( أخو عماد حمدي اللي ماكنش له دور في فيلم أبو العروسة )

[Lighthouse]

هو يقصد محافظة يعني المحافظة

بس مش العيلة هي اللى محافظة ههههههههه

[zamalkawy]

للعزيز حشيش رفيق الدري و الكفاح شوفلي واحدة معاك بس 180 سم فما فوق بس لغاية 190 سم

[se_ Elsyed]

للعزيز حشيش رفيق الدري و الكفاح شوفلي واحدة معاك بس 180 سم فما فوق بس لغاية 190 سم

طلبك صعب قوي يا زملكاوي ومش موجود إلا في السنغال ... حاجة كده ماركة ناعومي كامبل أو إيمان بتاعت الصومال .

وفيه بديل تاني .. نشوفلك إتنين محلي ونوصلهم ببعض

وفي الاول والأخير إنت صاحب الأختيار ..

لأ بجد إنت اللهم صلي عالنبي 206 سم يعني عايزلك حاجة عمولة أو حاجة تكون من فصيلة الديناصورات المنقرضة ... ربنا معاك يابني ...

[فــيــروز]

للعزيز حشيش رفيق الدري و الكفاح شوفلي واحدة معاك بس 180 سم فما فوق بس لغاية 190 سم

الحقيقه يا كابتن زملكاوى كل ما افتكر انك بسم الله ما شاء الله 206 سم اقول الجدع ده Beyond Imagination اصلا jmb-) jmb-) jmb-) ربنا يعترك فى عروسه اوليمبيه :huh: و يقصر المسافات ما بينكم mf(

[se_ Elsyed]

سؤال صغنن يااستاذ حشيش

الشرط رقم 7

أن تجيد أعمال الهواء

ممكن بس تفسره

علشان ندور لك بضمير  :huh:

حشيش قصده تجيد ألعاب الهواء ..

زي حسام حسن واحمد بلال كده يعني بتدي بالدماغ ...

يعني الواحد يتجوزها ويبقى مطمئن إن مافيش أي واحده من الجيران هاتاخد حق ولا باطل معاها

طلبك هندي يا شيشو ... الشرط ده بالذات متوفر في مدام " فتحيه أبو الروس " أشهر بائعة خضار في الجمالية .... نقول مبروك ونروح نشرب مع الحاج أبو الروس الكبير حجرين ونقرأ الفاتحة ؟

عايز رد سريع لأن فتحية خطابها كتير لكنها عايزة عريس ذو مواصفات خاصة

[فــيــروز]

زي حسام حسن واحمد بلال كده يعني بتدي بالدماغ ...

mf( آآآآآآآآآآآآآآآآآآآه jmb-) jmb-)

قصدك دماغها عاليه يعنى !! jmb-) طبيعى جدا لازم حشيش ياخد واحده دماغها عاليه :huh: jmb-) jmb-) بالمعنى الجغرافى و الديموغ-رافى للكلمه jmb-)

[afiona]

الشرط ده بالذات متوفر في مدام " فتحيه أبو الروس

بلاش فتحية، لا تجيد الجافا أو الكاكا وليست على مستوى الدماغ العالية التى يجب توافرها فى رفيقة درب الأديب والمفكر حشيش حشيش..

البت "سنية مشاكل " بتاعت قهوة السواقين اللي في الكيلو 26 على طريق مصر -إسكندرية الزراعي

بلاش سنية، برغم من أدبها الرفيع فلا يتوافر فيها الشرط الرابع بتاع القضايا، وده مش أوكى مع العقيد عز الرجال حشيش..

إيه رأيك فى المطربة صباح؟

[Lighthouse]

حشيش قصده تجيد ألعاب الهواء ..

زي حسام حسن واحمد بلال كده يعني بتدي بالدماغ ...

يعني الواحد يتجوزها ويبقى مطمئن إن مافيش أي واحده من الجيران هاتاخد حق ولا باطل معاها

نشكر اخونا المفسر العالمي س س

فلولاه لما كنا وقفنا على هذا التفسير الجبار لمعني كلمة تجيد العاب الهواء jmb-)

بجد بجد

تسلم الايادي والادمغة يا س س

يامفسر اللى مايتفسرش

:huh: mf(

[Mohammad Abouzied]

[

ايه رئيك في الجمال دا يا حشيش