ارجو المساعدة بسرعة لضيق الوقت واسفة للازعاج

[طبيبة مستجدة]

السلام عليكم ورحمة اللة وبركاتة

باختصار يا جماعة انا على كفالة زوجى وجايلى عمل بس لازم انقل كفالة ولكن انا مش مرتاحة شوية للمكان وحاسة انى لازم اجربة كام شهر قبل هذا القرار انا لسة فية من 10 ايام فقط ولكن صاحب المكان مصر على تخليص الورق ودة مقلقنى اكتر بس انا بفكر اديلة خطاب من زوجى انة لا مانع انى انقل كفالتى على المكان بس اريحة شوية بالورقة دى لانة بيقول عايز يمشى قانونى هل لو انا اديتة الخطاب دة وحبيت امشى هل فى مشكلة ممكن يعملهالى ولا لا ؟وهل ممكن امشى فى اجراءات نقل الكفالة وعند حطوة البسبور استوب ولا خلاص رجلى تبقى جت فى الخية؟؟يعنى ينفع جوزى يبعت خطابات لمكتب العمل والجوازات برضة يعنى نماطل شوية ولا اية؟افيدونى فى السؤالين ارررجوكم لانى لازم ارد على المدير اقصى حاجة بكرة ان شاء اللة

[مغتربة]

انتى فى اى دوله

لازم توضحى الدوله الى انتى فيها فى سؤالك

لان القوانين بتختلف من دوله لاخرى

[خالد شحاته]

السلام عليكم ورحمة اللة وبركاتة

باختصار يا جماعة انا على كفالة زوجى وجايلى عمل بس لازم انقل كفالة ولكن انا مش مرتاحة شوية للمكان وحاسة انى لازم اجربة كام شهر قبل هذا القرار انا لسة فية من 10 ايام فقط ولكن صاحب المكان مصر على تخليص الورق ودة مقلقنى اكتر بس انا بفكر اديلة خطاب من زوجى انة لا مانع انى انقل كفالتى على المكان بس اريحة شوية بالورقة دى لانة بيقول عايز يمشى قانونى هل لو انا اديتة الخطاب دة وحبيت امشى هل فى مشكلة ممكن يعملهالى ولا لا ؟وهل ممكن امشى فى اجراءات نقل الكفالة وعند حطوة البسبور استوب ولا خلاص رجلى تبقى جت فى الخية؟؟يعنى ينفع جوزى يبعت خطابات لمكتب العمل والجوازات برضة يعنى نماطل شوية ولا اية؟افيدونى فى السؤالين ارررجوكم لانى لازم ارد على المدير اقصى حاجة بكرة ان شاء اللة

الاخت الفاضله

السلام عليكم ورحمة الله وبركاته

اكيد انتي في السعوديه

خالي زوجك يعمل خطاب موافقه علي نقل الكفاله وتعطي للمدير العمل الا انتي فيه وحولي انك نخاري جواز سفرك دوري علي اي عزر لان المشكله هتكون في جواز السفر لو اخده ممكن ينقل الكفاله وطبعا وانتي بتقدمي في العمل اخذو منك صور شهادتك وتاكدو ان معك الشهادات الاصليه علشان كنتي ممكن تعتزري علي ما الشهاده تجي من مصر

[طبيبة مستجدة]

انا فى السعودية

استاذ خالد انا لسة مااديتهمش اصول الشهادات انا ممكن اخرها شوية بس البسبور هو بياخدة قبل ما جوزى يقدم خطابات الجوازات ومكتب العمل ولا بعد كل الاجرائات ما تخلص؟

[mama nona]

الاخت الفاضلة

متفرقش الشهادات معاهم انهم ياخدوها اولأ

اما لوموضع نقل الكفالة

لو اخدو الخطاب نقل الكفالة وجواز السفر مش هيقدرو ينقلو الكفالة غير لما تسلمى الاقامة

ممكن تسلميهم التنازل وتتحججى انه جواز سفرك مع كفيل زوجك

وانا افضل الصراحة

انه تطلبى فترة تجربة 3 شهور

ليكى وليهم

ولو ارتحت لا مانع انك تنقلى

انتى اصلا مضيتى عقد معاهم ؟

لو كنتى مضيتى لازم بيذكر فيه انه فيه قترة تجربة 3 شهور

هما هنا بيعتقدو اوى انها للكفيل مش ليكى انتى

بمعنى انك لو معجبتيهوش بيمشيكى

انما انتى كده كده بيكون عجبك الشغل

انما لو ممضتيش عقد ازا ىهتعطيى تنازل عن الكفالة وتسلمى الجواز

[doha]

يااختي الصراحة مفيش احسن منها .. قولي لصاحب العمل صراحة انا لسه تحت التجربة بجربكم وانتم تجربوني وان ارتحنا للوضع ننقل كفالة مرتحناش لا قدر الله خلاص مخسرناش حاجه ..

ايه وجه الاستعجال في النقل وانتي بقالك معاهم عشر ايام بس؟

على كل حال استخيري وان شاء الله يعمل لك الي فيه الخير مين عارف يمكن المكان كويس فعلا وخوفك ليس له مبرر والله اعلم يمكن لاقدر الله العكس.. استخيري وان شاءالله لو التاجيل فيه خير الراجل هيوافق من نفسه ياجل شويه .. ربنا معاكي

[خالد شحاته]

انا فى السعودية

استاذ خالد انا لسة مااديتهمش اصول الشهادات انا ممكن اخرها شوية بس البسبور هو بياخدة قبل ما جوزى يقدم خطابات الجوازات ومكتب العمل ولا بعد كل الاجرائات ما تخلص؟

الاخت الفاضله

مكتب العمل مش هيوافق علي نقل الكفاله بسهوله من غير موفقة وزارة الصحه لانك طبيبة

[طبيبة مستجدة]

المشكلة انى يا جماعة كل ماقولة خلي فترة نجرب بعض يقولى على ما اجراءات نقل الكفالة تخلص نكون جربنا بعض بس انا مش مقتنعة لان ساعتها هتكون الفاس وقعت فى الراس ولا رايكم اية يا جماعة بيقولى ان اجراءات بتاخد بتاع 5 اشهر

[أسد]

بما أنك طبيبة .. ينبغي على أي مكان تعملين فيه أن يحصل على موافقة الشئون الصحية للعمل ..

وفي حالتك .. الإجراءات الطبيعية تسير كالتالي ..

تعطيهم خطاب موافقة من زوجك على نقل الكفالة . الخطاب ده يكون مصدق عليه من جهة عمله .. ومن ثم يمكن تصديقه من الغرفة التجارية .

يعد ذلك المستوصف أو المستشفى سيطلب منك أصول شهاداتك وشهادات الخبرة .. وشهادة أو كارنيه الهيئة السعودية للتخصصات الصحية .. وأصل جواز سفرك وإقامتك ..

كل ده حياخدوه منك ..

مفيش مشكلة إطلاقاً ..

بعد ذلك .. سيقدمون تلك الأوراق للشئون الصحية بعد إعداد الملف اللازم لذلك .. للحصول على موافقة الشئون الصحية على نقل الكفالة ..

سيصدر خطاب موافقة بعد ذلك من الشئون الصحية .. ترسل منه صورة لمكتب العمل ..

إلى هنا مفيش أي مشكلة ..

لن يتم نقل كفالتك إلا بعد أن يقدم المستوصف جواز سفرك .. والإقامة وسيطلبون إقامة الزوج ..

هذه الخطوات ستأخذ بعض الوقت .. ويمكنك التراجع فيها قبل إنهاء إجراءات نقل لاكفالة بدون أي مشكلة ...

صاحب العمل مضطر لأن يطلب منك هذا الطلب .. لأنه في غير تلك الحالة سيكون في مأزق كبير إذا جاءه تفتيش أو حدث لاقدر الله أية مشكلة أثناء ممارستك لوظيفتك ..

يمكنك أن تطلبي منهم إضافة شرط في العقد أنه من حقك نقل كفالتك إلى أي جهة أخرى في حالة فسخ العقد أو إنتهاؤه ..

أتمنى لك التوفيق