رسالة شكر إلى .......

[se_ Elsyed]

لو طلبنا من كل واحد بأن يختار شخص معين - ممكن شخصين ... زي بعضه - يرسل له رسالة شكر مختصرة بمناسبة العام الجديد فمن سيختار ؟ ولماذا ؟

الواد س س من ساعة ما بقى مشرف واستحمى ولبس الحتة اللي عالحبل بقى عنده أفكار غريبة !! wst:: wst::

[فــيــروز]

ناس كتير طبعا h):

ما تبحبح العدد شويه يا س.س. wst::

طيب ابتدى باللى على بالى دلوقت h):

استاذ عمر مديرى فى العمل السابق لمساعداته ليا فى مواقف كتيره

امل صديقتى العزيزه فى الشغل الجديد اللى اهتمت بيا فى وقت كان كل الناس مشغولين بنفسهم و مشاغلهم فى بداية عملى هنا

اختى الصغرى عشان مستحملانى رغم انى احيان بابقى اخت كبيره غلسه

حنان صديقتى اللى بتسال عنى رغم انى لا اسال عنها بنفس القدر

طبعا طبعا طبعا امى الحبيبه الغاليه wst:: ربنا يخليها و يبارك فيها بس ده موضوع تانى بقى ..

اما افتكر ناس تانيين هاجى اقول wst::

[Handicraft]

أمى وأبى

[Excellence]

رسالة شكر مع أكبر باقة من أحلى ورد أضعها عند أقدام أصغر رجل من أطفال الإنتفاضة

رسالة شكر مع قبلة إحترام على يد أمه التي زرعت فيه مشروع الشهادة في سبيل الله ليلحق بأبيه الشهيد

و على المستوى الخاص..

رسالة حب إلى شقيقي الوحيد محمود..

أغلى الناس و صديق العمر

كل سنة و انت طيب يا حنش

تم تعديل 1 يناير 2004 بواسطة Excellence

[جـورج]

طبعا السيد مدير الامن

و مدير الاستاد

لا بجد بقى

عايز اشكر واحد قدم لى نصيحه اكثر من ممتازه بدون ما يشعر و لا يعرف انى عملت بنصيحته

[أسد]

أحمد الله وأشكر فضله على كل النعم التي أنعم بها علي .... وله الحمد والمنة ...

رسالة شكر ثانية .. إلى ابني ...

فهو يضفي على حياتي بهاءاً وجمالاً في كل يوم .....

[se_ Elsyed]

خلاص هأعديها المرة دي يا فيروز ... بس أعملي حسابك المره الجاية mf( ax:

يا شماتة طنط طازه فيا :huh: cbyb: cbyb:

[se_ Elsyed]

أمى وأبى

يا عم بنقول رسالة مش تلغراف ...

أكتب كلمتين كده من اللي بيهزوا الحجر ... بابا حبيبي ماما حبيبتي كده يعني ...

[se_ Elsyed]

عايز اشكر واحد قدم لى نصيحه اكثر من ممتازه بدون ما يشعر و لا يعرف انى عملت بنصيحته

طب ما أحنا عايزين نستفيد احنا كمان يا عم جورج ... أكون متطفل لو سألتك عن النصيحة دي ؟

أوعى تكون " إمشي جنب الحيط يا ضنايا .. ومالكش دعوة بالمشاكل والقضايا "

[جـورج]

السيد المشرف المحترم س . س

الحقيقه انا كنت مجهز اوراق الهجره بعد شويه ملل من الشغل و قررت الاستقاله و السفر فورا

و كانت نصحه الصديق هى عدم الاستعجال فى موضوع الهجره عن تجربه شخصيه له

و فعلا قررت اعاده النظر و تم حل مشاكل العمل و حصلت على وضع افضل بكتير مما كنت اتوقعه

و طبعا كله بتوفيق من الله

[se_ Elsyed]

السيد المشرف المحترم س . س

الحقيقه انا كنت مجهز اوراق الهجره بعد شويه ملل من الشغل و قررت الاستقاله و السفر فورا

و كانت نصحه الصديق هى عدم الاستعجال فى موضوع الهجره عن تجربه شخصيه له

و فعلا قررت اعاده النظر و تم حل مشاكل العمل و حصلت على وضع افضل بكتير مما كنت اتوقعه

و  طبعا كله بتوفيق من الله

أخوك س س حصلوا نفس الموقف .. روحت قدمت اوراق الهجرة لأمريكا واترفضت بسبب أن اولادي كانوا لسه في مصر ..

ويشاء الله أن بعدها بشهر بالظبط يحصل اللي حصل في سبتمبر .. يعني كنت زماني في جوانتانامو وانت عارف صحتي مابتجيش عالرطوبة بالإضافة إلى إن لون البدل الحمره مش ستايل خالص ..

[se_ Elsyed]

أود ان أوجه رسالة شكر لكل أب وأم أفنوا حياتهم في سبيل تربية وتنشئة جيل صالح يستطيع أن يتحمل المسئولية ...

ورسالة شكر لكل شخص في موقع مسئولية وما زال لديه ضمير حي ويراعي الله في عمله ولم يجرفه التيار إلى طريق الحرام ...

ورسالة أخيرة شخصية إلي كل إنسان تعلمت منه ولو حرفاً في مشوار حياتي ...

[ragab2]

رسالة

شكر الى الله تعالى على نعمه الكثيرة

ورسوله الأمين

ثم الى أبى وأمى

ثم زوجتى وأولادى وأصحابى الذين تحملونى وونسوا وحدتى

ثم الى جار مسيحى أنقذنى من الموت عندما كنت طفلا وسقطت من فوق الشجرة قدك صدرى ووقف التنفس وأسرع الجار وحملنى ونفض جسدى الى أن فك صدرى

[Salwa]

رسالة شكر ..........

ارسلها الى .....اعضاء هذا المنتدى ...

كلمة شرف ....من قلبى ..

اعادوا لى الثقة فى اشياء كثيرة ومعانى جميلة وقيم رائعة ...

اعتقدت فى وقت من الأوقات انها اندثرت .....

كنت وحدى ..فى مجتمعى هذا ...اعيش فى مجتمع خاص بى داخل مجتمعهم ..

من يرانى ..يرانى ككائن خاص ..لاانتمى ..لعالمهم ...ولا...لعالمى ..

ووجدتكم .....وفى يوم 15 يناير 2003..قررت ان اسمح لكم واسمح لنفسى

ان ...تقتحموا صومعتى ...وتشاركونى وحدتى المتفردة ...

شعرت ...حقيقة ....انى عدت مرة اخرى الى موطنى ../ورغم زياراتى المتعددة الى بلدى

كنت اشعر دائما بالغربة اذا خرجت ..خارج اسرتى /

عدت معكم الى اوائل السبعينات .......وكأنى ..والله على ما اقول شهيد ...وجدت ضالتى بعد عناء هنا ......انتم اهل البلد الحقيقيين .......وليسوا من اراهم واتعامل معهم ...هناك .

اعرف ان حديثى هذا ربما يكون مجحفا لأبناء الجيل الحالى ....ولكنى لااعمم الرأى ..

وجدت ..الطفشان ...الافوكاتو ...اخناتون ...فرىفرير...عائلة ابوزيد ..محبط ..داروين ..

KWA.....الحرملك كله بلا استثناء ..المجموعة الاسلامية /رغم تشددهم /كلهم .

د.رجب....كباريتى بمشاكل فلسطين /وليست مشكلة واحدة /...هشام عبد الوهاب....

وكيف انسى مصرى؟...وابن مصر ؟وEGYPT5..والباحث عن الحقائق...ومودى ...

وغيرهم .../انا اتحدث عن من ..اجبرونى ..على الخروج من شرنقتى ...

وليس عن من اتوا بعدهم .........فلا يغضب منى احد ..

شعرت بسعادة لاتوصف .....ولا يعلمها الا من عاش ثلاثة ارباع عمره ...يتحدث لغة غير لغته ...ويحيا مجتمع غير مجتمعه ....واذا اراد الاقتراب من مجتمعه الاصلى يجد غربة اشد قسوة ...من غربته ...

شكرا لكم .........من قلبى فعلا ....

لاتسألونى كيف؟؟؟؟؟؟؟ لاتوجد لدى اجابة محددة .........او مقنعة..

اصبح لحياتى مذاق آخر .......

الناس مش هايفة ....// آسفة جدا جدا //......زى ما كنت فاكرة .

اتانى وقت كنت اظن ان المصرى ...خلاص....خلع جلده ....تلون ...اصبح مسخ..

يقلد فقط ....

كنت احاول الاقتراب دائما من ابناء بلدى ...واشعر انى ...انفخ فى قربة مقطوعة ...

احارب وحدى ...احاول اصلاح الكون وحدى ....انفخ فى الثلج ....

كنتم مثل ...الطبيب النفسانى .....اعدتم لى ما فقدته ...اعدتم لى ...مصر...بكل عبق الماضى الجميل ...

شكرا لكم ....مرة اخرى ..

المنتديات كثيرة جدا جدا .......والمصريين كثر فى كل مكان ......ولكنى معكم كنت كقطعة البازل التى وجدت مكانها الطبيعى ...فى المكان المناسب ..

كل عام وانتم بألف خير ..

اختكم سلوى .....

[se_ Elsyed]

وجدت ..الطفشان ...الافوكاتو ...اخناتون ...فرىفرير...عائلة ابوزيد ..محبط ..داروين ..

KWA.....الحرملك كله بلا استثناء ..المجموعة الاسلامية /رغم تشددهم /كلهم .

د.رجب....كباريتى بمشاكل فلسطين /وليست مشكلة واحدة /...هشام عبد الوهاب....

وكيف انسى مصرى؟...وابن مصر ؟وEGYPT5..والباحث عن الحقائق...ومودى ...

وغيرهم ...

لا إله إلا الله ...

يعني والراجل صاحب التوبيك ده .. مافيش حد وجده في السكة وهو ماشي ...

عمال أقرأ الأسامي وأقول ماشي يمكن انا في الأخر علشان أصغر واحد في الناس اللي أساميهم إتقالت .. خلص الموضوع قولت يمكن في الملحق .... ولكن ذهب مجهودي ادراج الرياح ... :)

وهنا أتذكر القول المآثور للشاعر العباسي " حشيش " معليش يا زهر

أنا بأهزر معاكي يا مدام سلوى .. احنا كلنا بنعزك والله .. وإنت عارفه مافيش بيننا مجاملات فأحنا مشرفين خضر زي بعض ومش محتاجة كلام

[Salwa]

كدة برضه يا محترم ؟؟؟

انا قلت وغيرهم .........ومن غير ما اقول ...هو المنتدى يبقى له هذا الطابع

الخاص من غير ..أحد اعضاؤه المميزين ...كسيادتكم مثلا ..

وعلى فكرة انا عند دخولى المنتدى لفت نظرى اول شئ .....

المواضيع الجادة ...........

مواضيعك جميلة خفيفة كما النسمة الرقيقة ...حقيقة ..

طيب ممكن حشيش يزعل ..او ..سكوربيون ...او غيرهم ..

لكنى حددت موقف معين ...وحدث معين ....ادى لاستمرارية شخصى الضعيف هنا .

انا متأكدة انك فاهم كلامى كويس جدا ..

كل سنة وانت طيب يا ابنى العزيز ...

سلامى

ماما سلوى

[se_ Elsyed]

انا متأكدة انك فاهم كلامى كويس جدا  ..

كل سنة وانت طيب يا ابنى العزيز ...

سلامى

ماما سلوى

أنا فاهم طبعاً يا مدام سلوى ... بس لو حضرتك بصيتي على صحيفة سوابقي هاتلاقي إني بأحب أناغش واهزر مع اللي انا بأحبهم والمقربين من قلبي وحضرتك منهم طبعاً ...

فكل سنة وإنتي طيبة وعام سعيد عليكي ...

عايز منك طلب بسيط بس يا مدام سلوى ..

حضرتك بس تشرفنينا في باب الإبتسام وتحكيلنا بالتفصيل عن مهرجان الطماطم اللي بيتعمل كل سنة في أسبانيا ده وبنكتفي بالفرجة عليه ....

أصل بصراحة الموضوع ده غايظني قوي وكل ماشوف كمية الطماطم اللي بتتبعزق على الأرض دي اتحصر وأقول يعني لو كنا انا وشعنونة أخدنا تريلتين مليانين طماطم من دول ونزلنا بيهم أي سوق خضار أنا عليه إني انادي بصوتي الجهوري وأقول " مجنونة يا قوطه " وشعنونة بعلاقتها تسوق لنا كمية على تجار الجملة اللي تعرفهم ...

ماكنش بقينا مليونيرات دلوقت من العملية دي ؟!!