وماذا عن امريكا؟

[MoeTdot]

السلام عليكم و رحمة الله و بركاته

اللى أنا عاوز أعرفه عشان نخلص الليلة دى

يعنى الواد لما يتولد هناك و أبوه و أمه تأشيرتهم تنتهى , هيقولولهم خدوا نفسكم و ( عيالكم - اللى هو الواد اللى مولود هناك ) و يقولولهم مع السلامة , ورونا عرض أكتافكم؟؟؟؟؟

MERCEDES S430

yup

:lol: :lol:

[myusername]

السلام عليكم,

اسمحوا لى يا جماعة أقول رأيى فى موضوع الهجرة لامريكا.

الهجرة الى أمريكا هى أكبر افتكاسة فى تاريخ البشرية... لان اصلا الهجرة الى أمريكا مقفولة بالضبة و المفتاح.

اولا انا بتكلم عن اللوترى... 50 الف جرين كارد كل سنة.. طيب كام واحد بيقدم؟ ربما يكونوا 2 مليون بيقدموا, و بيختاروا منهم 55 الف واحد..

يعنى اصلا الموضوع ده ارزاق بشكل بحت... لكن مينفعش ان الواحد يعتمد على هجرة امريكا.. لان باب الهجرة الوحيد هو عن طريق اللوترى.

دلوقتى - للاسف - شباب كتير جدا بيتجوزوا امريكيات.. و يروحوا يقدموا على هجرة على حس الموضوع ده.. و طبعا ما اسهل انك تعلق بنت امريكية من عالنت و تخليها تجيلك مصر... انا نفسى عملتها :blush2:

بالنسبة بقى لموضوع ان الواحدة تروح تولد هناك... الموضوع ده بيحصل فيه مهازل..

من فترة قريبة, كان فيه واحد سأل القنصل الامريكى... و قال له ان عنده بنتين معاهم الجنسية الامريكية و عايزهم يرورحوا يدرسوا هناك.. بس هو مأخدش التأشيرة و مش عارف ياخدها.. شفتوا مهزلة اكتر من كده؟

يعنى حتى تأشيرة امريكا للسياحة اللى اتعمل عليها مليون ورك اروند, مش عارف ياخدها عشان ولاده معاهم الجنسية الامريكية...

و قصص من دى كتير ياما...

عموما انا بس حبيت اوضح للناس موضوع الهجرة لامريكا.

بالتوفيق باذن الله.

[Mercedes]

ايوه بالضبط!!

الا لو حضرتك عندك استعداد تسيبلهم الواد يربوه هما>

بس فيه طرق تانية تقدر تقدم فيها على جرين كارد و ده الى ناس كتير بتعمله. أهم حاجة انك تكون داخل بطريقة شرعية بعد كده الموضوع بيبقى مش صعب أوى.

السلام عليكم و رحمة الله و بركاته

ماهو اليومين دول يكاد يكون مستحيل أى حد يخش أمريكا بشكل غير شرعى , كل المشكلة فى اللى دخل شرعى و قعد لحد التأشيرة ما خلصت .

بس حضرتك ماقولتش , اييييييييييييييييييييه بقى الطرق التانية؟؟؟؟؟؟؟

MERCEDES S430

[dcfarouk]

السلام عليكم

معلومه مهمه لازم اضيفها

تكلفه الولاده في امريكا ممكن توصل لحوالي 20 او 25 الف دولار وده من تجربه زميل ده غير تكلفه السفر

يعني لما تحط حوالي 120 الف وانت ممكن تستغلهم في الهجره لكندا وتعمل بيهم مشروع صغير هناك

اعتقد افضل