عيد ميلاد حبيبي موديست

[se_ Elsyed]

والله كبرت واحلويت يا بوديس

47 سنة ؟!!!

يابن الايه

ده انت داخل على حته بخمسين راكب رهوان

ياااااااااااااااااه

على فكره يا جماعه

انا اعرف موديست من سنة 98

بجد

بس ما كانش اسمه كده

وبعدين بالصدفة ..

والصدفة البحته .. اتقابلنا في هذا المكان الجميل بتوصية صديقة وحبيبة غاليه حاضره غائبة هي صديقتنا المتشركة واختنا الكبيرة " ست أمينه " واتقابلنا هنا وشبهنا على بعض

كل سنة وانتي طيب يا كبير

واحب أطمن الجميع ان موديست لإنه فنان مرهف الاحاسيس

فهو حابس نفسه دلوقت لتأليف مقطوعه موسيقية من مقطوعات بيتهوفن .... وهايفاجئنا بيها

[سهيلة]

كل سنه وانت طيب يا استاذ موديست

عيد ميلاد سعيد

[somayasaleh]

فنانا الكبير موديست.......

كل سنة وحضرتك طيب

وعيد ميلاد سعيد....

وهابي بيرزداي تو يو

وعقبال ميت سنة.......

وفين مقطوعاتك الموسيقية التحفة......وحشتنا،،،،،،، :ninja: :D

[MZohairy]

ممكن يا سين سين تتصل عليه بالتليفون و تقوله يكلمني على الموبايل؟

مش عارف اكلمه بقالي مده و قلقان عليه بصراحه

هذا الإنسان الخلوق الشديد الأدب

بحس دايما اني انا مش متربي لما اقارن نفسي بيه

طمني عليه من فضلك يا حماده

[Scorpion]

والله كان حابك معايا تعليق علي اللي كتبتة يا زهيري .. بس مسحته ... :happy:

صديقي الحبيب ملك الذوق و الأدب و التواضع بدون منازع في المحاورات موديست ...

من كل قلبي اتمني لك عيد ميلاد رائع ... محاط بدفء كل من تحبهم و يحبونك و نحن من ضمنهم ...

كل أمنياتي و احترامي البالغ و مودتي العميقة ...

:wub: :wub:

[Folana]

السلام عليكم ورحمة الله...

هو ده اللى بيقولوا عليه بقى " الحكم الغيابى"...قصدى يعنى "عيد الميلاد الغيابى"؟...

طبعا العزيز موديست متواجد بينا حتى لو مش متواجد.... :happy:

الغائب الحاضر موديست...كل سنة وانت طيب...ويارب تكون فى احسن حال ونطمئن عليك قريبا...

وهابى بيرث داى ..بالعربى يعنى مع السلامو عليكووو

[se_ Elsyed]

بحس دايما اني انا مش متربي لما اقارن نفسي بيه

انت قلت السر اللي كنت مخبيه من سنين من ساعة اليوم - الابيض - اللي عرفت فيه موديست

فعلاً أنا نفسي بأحس إن شوارعي بالنسبة له

تفتكر ليه يا زهيري ؟

يعني هو كان بياكل مربى واحنا بناكل فول ؟

ولا العيب كان في الهوا ولا في الهرمونات ولا ايه بالظبط ؟

معليش يا زهيري

انا بس اللي عارف النمره السرية لموديست واللي لما بيبقى في حالة انعزال فني .... باعرف أتصل عليه واعتر فيه واقتحم خلوته

لكن هانت وهايرجع ويبقى زي الفل

[لولا]

موديست الراقى حد السماء

ارق واجمل امنياتى القلبية بعيد ميلاد سعيد

كل سنة وانت طيب وبخير وسلامة

غيبتك عن المحاورات طولت قوى المرادى ,, يارب تكون بكل خير wst::

تحياتى

لولا

[shahd]

كل سنة وحضرتك طيب وفي خير وسعادة وراحة بال وعقبال دشليوووووووون سنة

[أسد]

موديست باشا

كل سنة وانت طيب

عمر مديد إن شاء الله

طبعاً إحنا اتكلمنا على التليفون فقط

لنا لقاء إن شاء الله

وكل عام وانت بألف خير

[bentmasria]

الغائب الحاضر موديست

كل سنة وانت بالف صحة وعافية وفى خير وفرح وسعادة وبين احبابك الغاليين يارب

وحشتنا يا غالى

ووحشت محمد افندى بالتحديد بيدور على اللى عمل الصورة

ربى يسعدك ويوفقك ويهديك لكل الخير يارب

:lol: :lol: :) :wub: