عايز رأيكم .... ممنوع الضرب ... أراء فقط

[se_ Elsyed]

أخوكم س س كان هايتورط في مشكلة العراق من فترة .. هاتقولوا لي إزاي ما أنا عارفكم ..

- الموضوع بجد .. فقد عرض علي أحد الأشخاص كمية كبيرة جـــــــــــــــداً من الدولارات بثمن بخس ( الدولار بـ 2 ريال مع أن سعره الرسمي 3.77 ريال ) ، فشكيت وقولت يمكن مزيفة أو أقل تقدير غسيل مواعين قصدي اموال ..

- فقولت المزيف سهل الواحد يكتشفه عن طريق السيريال نمبر أو معارفنا في البنوك ... لكن الغسيل هو اللي ممكن الواحد يتشطف معاه ..

- المهم قعد يلح علي فترة أسبوع وانا بأفكر وأقول يا واد يا س س اعملك سبوبة وقب على وش الدنيا وودع الفقر ... وعملية نظيفة مية في المية .... لكن ضميري صحي وقولت طب مش كده حرام ؟... وفرضاً الحكومة كبست علينا في مكان التسليم هايبقى منظري أيه قدام المجتمع ما هو قليل البخت يعضوا الكلب في المولد يعني سايب كل الناس وييجي للمتعوس مخصوص .....

المهم قولت أجرب كده في مبلغ صغير من أبو 3 أصفار .... ويوم ما أتصل به أعرف أنه باع الكمية كلها وقال لي ما أنا قولت لك وانت اخدت وقت كتير يا معلم والحاجات دي لما بتتصبر كتير في الملاحات انت عارف بيحصل لها أيه .. واحد إبن حلال شال كل البضاعة منه وطبعاً ها يكسب فيهم الضعف على طول .

- المهم من خلال كلامي مع الراجل عرفت أنه مسلكها من العراق ... قولت بركاتك يا حاج صدام ... ده في ناس هاتهبر هبر من المواضيع دي ...

فأيه رأيكم دام فضلكم .... الحاجات دي حلال ولا حرام ؟

[Lighthouse]

حرام طبعا

مال مشكوك في مصدره

وطالما جاي من العراق ممكن يكون من الاموال المنهوبة من البنوك وقت الغزو

زيها زي اي بضاعة مسروقة وتباع بابخس الاسعار

حرام

[أسد]

البعد عن الأمور المريبة هي الأفضل ...

ذات مرة في عام 1990 ... كنت وقتها في مصر ...

عرض علي مبلغ كبير من الدينار الكويتي ...

وكان في حدود 20000 دينار كان المطلوب فيهم جنيه واحد للدينار

والسعر قبل الغزو مباشرة كان أكثر من 8 جنيه

وبصراحة لم أجرؤ على تلك الخطوة ..

كان وقتها إشاعات عن انهم جيلغوا الدينار القديم ولن يقبل بعد التحرير

إضافة إلى أن الأمل في التحرير لم يكن واضحاً ...

وكان كثير من المصريين يتاجرون في الدينار الكويتي ... في ذلك الوقت ..

ومنهم من حصد الأرباح بالملايين بعد التحرير ....

[moody00x]

استفت قلبك ولو افتوك ....

لو قلبك اتنفض لحظة العرض المقدم اعرف انه يتناقض على

الاقل مع مبادئك واخلاقياتك ان لم يكن حرام بالقطع

ممكن تليفون الراجل يا بو السيد

fsh:: mf( :huh:

تم تعديل 1 يناير 2004 بواسطة moody00x

[Guest Mohd Gramoun]

ابو السيد....

فيه 40 مليون جاهزين ...علي 3 بس المشكلة أن الراجل عايز الموضوع كله يخلص في قعده واحدة... يعني 120 مليون ...الموضوع ده ممكن يطلع لك فيه سعي 3 مليون...تخلص؟

[se_ Elsyed]

ابو السيد....

فيه 40 مليون جاهزين ...علي 3 بس المشكلة أن الراجل عايز الموضوع كله يخلص في قعده واحدة... يعني 120 مليون ...الموضوع ده ممكن يطلع لك فيه سعي 3 مليون...تخلص؟

جاهز يا مجرمون باشا وكاش اون ديليفري ... أنا مابحبش اتعامل بشيكات ..

هو بصراحة ممكن المبلغ يخسع معايا في حسبة 30 أو أربعين ريال أبقى أستلفهم منك ...

كله سوف يتم مناقشته اليوم على قهوة كتكوت ...

بيننا ميسد كول بقى علشان الكارت خلص

آه يا س س يا فشار ... بتستخدم كارت موبيل ومامعكش رصيد وبتخلص في صفقة بـ 120 مليون ريال