معاناة الاتصال بالقنصلية

[الحازم حسن]

بما اني في ابها وعايز اغير المهنة في الباسبور وده يلزمه استسفار قبل ما اسافر حوالي 1000 كيلو اتجننت في دماغي وقلت اتصل بالقنصلية فتحت دليل الصفحات الصفراء ولقيت منه رقم القنصلية في جدة 6652657 02 واتضح بعد كده انه بيربط فاكس بعد رنتين بس

وبعد معاناة رهيبة في واحد مؤدب قوي رفع السماعة ورد قلت له عاو اغير المهنة هل لازم آجي لغاية عندكم ولا ينفع اخلص بالبريد قال لي لأ لازم تشرفنا من أبها

قلت له طيب عاوز استفسر من اي موظف على الورق المطلوب مش معقول اروح جدة وبعدين ارجع تاني على ورق ناقص اتفضل بأدب شديد وقال لي لو تكرمت اتصل بيا كمان 5 دقايق وانا حدور على الرقم واديهولك قلت له جزاك الله كل خير مين معايا يا افندم قال لي احمد قلت له احمد بس كده قال لي القنصل احمد

واتصلت بيه فعلا بعد خمس دقايق واداني الرقم ده 026605205 طلع راجل محترم جدا

الرقم ده عليه اكتر من 10 تحويلات والصاعقة ان الـ 10 مش بيردوا من 8 صباحا الى 2 بعد الظهر 48 ساعة عاوز اتصل ومش قادر اوصل لاي موظف لدرجة اني بطلب تحويلات مختلفة لناس ملهاش في الموضوع زي التركات والميراث مثلا على أمل انه يحولني على الموظف المطلوب ولا حياة لمن تنادي

مش عارف اعمل ايه والوقت بيمر ولازم الحق نفسي

فالي اصحاب القلوب الرحيمة ممكن حد يديني تليفون يكون بيرد في السفارة لو يعرف او يقول لي علىا الشروط والإجراءات المطلوب بشكل مفصل