دبي تستورد الرمال من بريطانيا

[Mohammad Abouzied]

هي دي العولمة

قال مدير شركة سيونج انترناشيونال انه اصيب بالذهول عندما طلبت امارة دبي شحنة الرمال من شركته وذلك لاعتقاده بان الامارة لديها ما يكفي منها

واضاف المدير البريطاني ، لكن يبدو ان الرمل البريطاني ذا الحبيبات المتوسطة الحجم سيتخدم في ميادين سباق الخيل لانه لا يتطاير بسهولة ومن المقرر ان تشحن مأئة حاوية من الرمل البريطاني الى الامارات ذات الصحراء الواسعة

[Salwa]

اللى معاه قرش محيره ...يجيب رمل ...ويبحتره.

طيب ماهى الحبيبات المتوسطة موجودة فى بلاد تانية ...عربية برضه ..

وبلاد /غلابة / افريقية .

والا هو الرمل البريطانى موصوف لهم ؟؟؟؟؟؟

بصراحة ...........حاجة عجيبة .

نفايات ....ورمل ....ياترى بكرة حاياخدوا منهم ايه تانى ؟؟؟

سلامى

[فــيــروز]

الحقيقه سمعت ان الشواطئ المصريه بها رمال عالية الجوده و ينبغى ان نبذل بعض الجهد للاستفاده منها .. طبعا لا اعرف تصلح فى موضوع سباقات الخيل ده ولا لا لكن الشئ بالشئ يذكر :huh:

[Lancelot]

معلهش أنا ليا رأي مختلف ....

اه ممكن يكون مثل اللي معاه قرش محيره ... يمشي في حالة زي ديه .... بس لما تقولوا إن اللي عمل كده دبي ... يبقي الأمر يختلف ....

عارفين مهرجان دبي للسياحة و التسوق ... اللي مسخناه هنا في مصر تحت عنوان مهرجان السياحة و التسوق .... ده أكبر مهرجان في الشرق الأوسط و قريبا هيكون الأكبر في العالم .... و الدخل بتاعه كبير جدا .... و الفايدة الغير مباشرة ... فرص عمل ... رفع لمستوي البنية التحتية للدولة ....

و المبدأ في البيزنيس إتغير عن زمان .... زمان كانت الدولة تعمل المنتج من الألف إلي الياء ... دلوقتي الدولة تعمل الجزء اللي تكلفته جوه البلد هتقل عن تكلفته لو إتعمل براها .... و أي حاجة تانية نشتريها .... المهم في النهاية الفائدة الإقتصادية ككل .... و يدخل في كده نظرة علي الأفق البعيد .... يعني ممكن التكلفة تكون كبيرة دلوقتي لكن مع زيادة الإنتاج التكلفة هتقل ... يبقي بلاش نستورد .. ننتج محلي أفضل ....

اللي حصل إن السباق لو إتعمل علي الرمل الحالي ... المتسابقون هيشتكوا ... أما لو إستوردنا شوية رمل ... بصرف النظر عن التكلفة و أد إيه ده تصرف غريب .... المهم إن النتيجة كويسة و هي إن سباق دبي للخيول يكون علي مستوي هايل ...

ممكن أكون غلطان .....

لكن اللي أعرفه إن إحنا مش بنفكر كده في مصر .... إحنا إستوردنا نخل صناعي ... شكله - أستغفر الله العظيم - ... بدل النخل الطبيعي الرائع .... علشان طلع موضة ....

[Lighthouse]

لكن اللي أعرفه إن إحنا مش بنفكر كده في مصر .... إحنا إستوردنا نخل صناعي ... شكله - أستغفر الله العظيم - ... بدل النخل الطبيعي الرائع .... علشان طلع موضة ....

وجهة نظرك معقولة يالانس

ونحن بالفعل لانفكر بنفس الطريقة في مصر

والدليل موضوع النخل الصناعي الذي اتحفونا به في كل مكان

وسبب استيراده ليس لانه موضه

ولكن لانها سبوبة معتبرة ح يهلب منها ناس معينة

[Lancelot]

ولكن لانها سبوبة معتبرة ح يهلب منها ناس معينة

ما هي ديه الموضة ..... jmb-) jmb-) :huh: mf(

[ragab2]

يمكن

الرمل الانجليزى مرمل أكتر

[Lancelot]

يمكن

الرمل الانجليزى مرمل أكتر

يا دكتور رجب مفيش حاجة مرملة أكتر من الهانم .......... قصدي السمنة طبعا ...

أنا جاد فعلا في رأيي ده يا جماعة .... و هو ناتج عن نظرتي للتعاملات الإقتصادية بين الدول و الشركات و بعضها البعض .... و زي ما إنتم عارفين تاريخي الطويل في البيزنيس اللي بدأ إمبارح بإبداء الرأي ده .... فأرجو إن حد يصحح لي وجهة نظري لو شايف إنها غلط ...

[فــيــروز]

وسع لو سمحت :huh:

اتفق مع راى لانس فى حالة استيراد الرمل من بريطانيا كان بسبب البحث عن درجه معينه من الجوده لا تتوافر سوى فى الرمل البريطانى

لكن اذا كان هذا الرمل يتوافر باسعار اقل فى دول العالم التالت اللى زى حالاتنا يبقى الموضوع موضوع قرع كما قال الاستاذ اخناتون :huh:

[Mohammad Abouzied]

معلهش أنا ليا رأي مختلف ....

اه ممكن يكون مثل اللي معاه قرش محيره ... يمشي في حالة زي ديه .... بس لما تقولوا إن اللي عمل كده دبي ... يبقي الأمر يختلف ....

عارفين مهرجان دبي للسياحة و التسوق ... اللي مسخناه هنا في مصر تحت عنوان مهرجان السياحة و التسوق .... ده أكبر مهرجان في الشرق الأوسط و قريبا هيكون الأكبر في العالم .... و الدخل بتاعه كبير جدا .... و الفايدة الغير مباشرة ... فرص عمل ... رفع لمستوي البنية التحتية للدولة ....

و المبدأ في البيزنيس إتغير عن زمان .... زمان كانت الدولة تعمل المنتج من الألف إلي الياء ... دلوقتي الدولة تعمل الجزء اللي تكلفته جوه البلد هتقل عن تكلفته لو إتعمل براها .... و أي حاجة تانية نشتريها .... المهم في النهاية الفائدة الإقتصادية ككل ....  و يدخل في كده نظرة علي الأفق البعيد .... يعني ممكن التكلفة تكون كبيرة دلوقتي لكن مع زيادة الإنتاج التكلفة هتقل ... يبقي بلاش نستورد .. ننتج محلي أفضل ....

اللي حصل إن السباق لو إتعمل علي الرمل الحالي ... المتسابقون هيشتكوا ... أما لو إستوردنا شوية رمل ... بصرف النظر عن التكلفة و أد إيه ده تصرف غريب .... المهم إن النتيجة كويسة و هي إن سباق دبي للخيول يكون علي مستوي هايل ...

ممكن أكون غلطان .....

لكن اللي أعرفه إن إحنا مش بنفكر كده في مصر .... إحنا إستوردنا نخل صناعي ... شكله - أستغفر الله العظيم - ... بدل النخل الطبيعي الرائع .... علشان طلع موضة ....

هو فعلا هذا ما حدث وهي دي العولمة فعلا انك تبحث عن الجودة مهما كانت غرابة الحصول عليها ويفكرني هذا عند مقارنة شراء خام الحديد من اوكرانيا او استخراجه من مصر والتي كانت ايام عبد الناصر تصر على استخراجة من اسوان ونقل بالسكك الحديديه الى حلوان فكانت تكلفته ضعف استيراده من الخارج فهل هذا كان معقول لبلد تعاني مشاكل الفقر ؟؟

نيجي لنقطة ثانية وهو استيراد النخل الصناعي فله اسبابه ان النخل لا ينمو في اي مكان علاوة انه عاوز خدمة مستمرة ومتخصصين خاصة اذا كان للزينة وليس للأنتاج

وعندي هنا في الشركة تمت دراسة تكاليف داخل وخارج لتزيين المداخل وتزين المكاتب وحللنا التكاليف وفعلا استقر الرئ اننا افضل استبدال الزراعة الحالية من اشجار بمثيلاتها من الصناعي ودا هايوفر على الشركة اكثر من مئتان مليون ريال سعودي سنويا

[Lancelot]

أستاذ محمد ...

بعيدا عن تجربة الشركة عندكم ....

تعال نتكلم عن النخل الصناعي .... فيه عوامل أخري لازم تدخل في الحسبان عند حساب الجدوي الإقتصادية لإستيراده .... الهدف من جلب نخل صناعي هو التزيين .. و أي شجر ممكن يؤدي المهمة ديه ... مش لازم يكون نخل .... و بالتأكيد مش لازم يكون صناعي .... و لو مش هينفع خالص غير النخل الصناعي ... لازم الواحد ينظر للأمور بنظرة أوسع يراعي فيها الظروف الإقتصادية و أهمية توفير المبلغ لعمل شئ آخر ...

إسمحوا لي أعطي مثال قرأته في كتاب .... المثال بيقول ... عندك مطارين ... مطار A و مطار B .... لو تعطلت طائرة في المطار A في وقت متأخر من اليوم و لزم لإصلاحها إحضار فني من المطار B .... لكن الإدارة الفنية في المطار B رفضت إرسال الفني إلا في اليوم التالي لأنه لو ذهب سيلزم قضائه الليلة في أحد الفنادق هناك و هو ما يعني تكلفة إضافية ... كما أن المطار A رفض تحمل تكلفة إحضار الفني ....

من وجهة نظرهما فإن القسم الفني في كلا المطارين فعل الأمر الصحيح ... لإلتزامه بأمور تخفيض التكاليف .... لكن بنظرة للأمر ككل .... تجد أن الشركة تحملت تكاليف أكبر بسبب تأخر الطائرة إلي اليوم التالي ...

أنا قصدي من المثال ده .... إن النظرة لنفس القرار ممكن تختلف إذا ما أخذت في الحسبان أمورا أخري ... و النتيجة النهائية و الفائدة الإقتصادية العائدة عليك و علي الشركة أو الهيئة التي تعمل لديها هي اللي بتحكم علي الأمر ... و عندما تتمتع الإدارة بالنظرة الواسعة للأمور التي تشمل عوامل أكثر ... تستطيع التوصل إلي نتائج أفضل .... و مش عايز أحبطكم .. لكن الحمد لله ديه حاجة مش عندنا في مصر ...

[Mohd Hafez]

عشرين حاوية رمل .. يعني قرابة 20*21 طن .. وهذا أقصي وزن للحاوية الــ 20 قدم .. يعني قرابة 420 طن .. أعتقد أي منجم بأي بلد عربي ممكن أن يمنخل أكثر من 50 طن رمل يوميا .. بحجم أكبر من 2 مم .. يعني لو كان ضروري جدا شراء رمل متوسط الحجم أي بين 2مم إلي 5 مم كان من الممكن طلبه من أي منجم بمنطقة الجبيل بشرق السعودية ..والتسليم سيكون أسرع من إستيراده من بريطانيا ..

لا مانع من الإستيراد .. ولكن يجب أن تعطي الأولية للسوق العربي .

تم تعديل 3 يناير 2004 بواسطة EGYPT5

[Mohammad Abouzied]

عزيزي لانس

في الادارة الحديثة يقسم كل مركز تكلفة حسب نشاطه ومشاركته وفاعليته في نشاط الهيئة او الشركة التابعة له ويحكم مركز التكلفة نظام دقيق موضوع سابقا بحيث يضمن اقل تكاليف ممكنه له ويشرف على هذه النظم الموضوعه قسم حاص يشمل الشركة كا كل وهو قسم تنسيق النظم بحيث ينتقي من النظام مثل هذه الحالات بحيث يكون هدفه النهائي هو مصلحة الشركة او الهيئة كلها ويكون قراراته حاسمه وغير قابلة قابلة للنقاش وعادتا يكون قسم تنسيق النظم والتخطيط والبرامج وتطوير القوى العاملة والتدقيق العام تابع مباشرة للمفوض بالادارة لاي شركة او هيئة او مؤسسة

عزيزي ايجيبت 5

سعرك بياعك كما يقولون ويعتمد ايضا على الجودة ، انا لعلمي لا يوجد فعلا شركة في الجبيل او المنطقة الشرقية متخصصة في بيع الرمل واعتقد ان دبي لا تختلف ابدا في تضاريسها او مواردها عن السعودية وبالتالي الافضل لها تأخذ ما تحتاجه من بلدها

[Mohd Hafez]

الأخ العزيز محمد

سعرك بياعك كما يقولون ويعتمد ايضا على الجودة ، انا لعلمي لا يوجد فعلا شركة في الجبيل او المنطقة الشرقية متخصصة في بيع الرمل واعتقد ان دبي لا تختلف ابدا في تضاريسها او مواردها عن السعودية وبالتالي الافضل لها تأخذ ما تحتاجه من بلدها

ربما في دبي ليس عندهم وقت ليمنخلوا قرابة 500 طن رمال متوسطة الحجم .. وربما سعر العمالة غالي نسبيا هناك .. ولكن في الجبيل .. بالتأكيد لديهم مناجم عديدة وخاصة أن المنطقة الشرقية في السعودية في نموا معماري ملحوظ هذه الأيام .. ولابد أن يكون عندهم مناجم مجهزة بتلك المناخل .. هذا شئ طبيعي جدا ..

أقل سعر شحن للحاوية من بريطانيا للدبي سيكون ليس أقل من 1500 دولار أمريكي .. هذا غير سعر االرمل .. والذي يجب أن يدفع بالجنيه الإستراليني .. هذا يعني أن سعر الحاوية الواحدة قد يزيد عن 3000 دولار أمريكي ..

بينما سعر شحن الحاوية من الجبيل للدبي لايزيد عن 400 دولار أمريكي .. وسعر الرمال للحاوية الواحدة لن يزيد عن 300 دولار أمريكي .. أي الإجمالي قرابة 700 دولار أمريكي أو أقل للحاوية الواحدة .. أقل بكثير من 3000 دولار أمريكي سعر الحاوية من بريطانيا . بالتأكيد سعر جبيل سيكون أرخص بكثير من سعر بريطانيا .

ربما يكون الرمال المطلوبة .. هي رمال مصبوغة .. أي ملونة .. وفي هذه الحالة .. ليس هناك خيار غير إستيرادها من بريطانيا .