زهقان في أوتاوا

[autoscriptor]

مساء الخير عليكم جميعًا..

بقالي حوالي 4 أسابيع في أوتاوا وزهقت موت ... أنا مجرد بعمل لاندج وراجع تاني بعد ما استلم بطاقة الاقامة... المهم.. انا تقريبًا معرفش حد هنا .. أنا بصراحة نفسي اتعرف على أي مصري أو عربي. أنا بحب اتكلم في السياسة والدين والفن وأي مواضيع عامة تانية ...

النهاردة مشيت من Bank Street مع Queen لغاية متحف الحضارة الكندية الناحية التانية من النهر في جاتنو وقعدت في المتحف حوالي أربع ساعات لغاية ما قفل. كان نفسي حد يبقى معايا ندردش سوا عن معروضات المتحف. المهم لو في فرصة تليفوني 6132557367

تم تعديل 15 أكتوبر 2009 بواسطة autoscriptor

[znaty]

مساء الخير عليكم جميعًا..

بقالي حوالي 4 أسابيع في أوتاوا وزهقت موت ... أنا مجرد بعمل لاندج وراجع تاني بعد ما استلم بطاقة الاقامة... المهم.. انا تقريبًا معرفش حد هنا .. أنا بصراحة نفسي اتعرف على أي مصري أو عربي. أنا بحب اتكلم في السياسة والدين والفن وأي مواضيع عامة تانية ...

النهاردة مشيت من Bank Street مع Queen لغاية متحف الحضارة الكندية الناحية التانية من النهر في جاتنو وقعدت في المتحف حوالي أربع ساعات لغاية ما قفل. كان نفسي حد يبقى معايا ندردش سوا عن معروضات المتحف. المهم لو في فرصة تليفوني 6132557367

انت ايه ؟؟ من هواة المراسلة :lol: :lol:

ماهو انت لو كنت نزلت تورونتوا كنت هاتتكعبل فيهم في الشوارع

دور كدة جايز تلاقي قهوة المصريين زي عوكل :blink:

باهزر معاك والله ربنا يعينك :ninja:

بس حاول تكون علاقات بنفسك هاتستفيد اكتر من موضوع التليفون

[autoscriptor]

حكاية تكوين العلاقات بنفسي محتاجة محيط عمل مثلاً.. أما أنا فأنا مجرد راكن لغاية الـ PRC ما يجي... المحيط الوحيد هو الشارع ... ومش معقول حوقف أي حد بيتكلم عربي في الشارع وأقوله وحياة أبوك أخوك زهقان أية رأيك نشرب فنجان قهوة في Tim Horton إللي على أول الشارع!!!!

عمومًا يا عم Zanty شكرًا على الرد على الأقل ...

[jessika]

ضحكتنى يا دكتور زناتى

وبالنسبة للاخ الجديد بردو ضحكتنى ههههههههههههههه

طبعا عندك حق مش معقول هاتوقف حد فى الشارع .......بس لو بتروح مسجد او كنيسة اتعرف على حد هناك

وربنا معاك

[عبير يونس]

ضحكتنى يا دكتور زناتى

وبالنسبة للاخ الجديد بردو ضحكتنى ههههههههههههههه

طبعا عندك حق مش معقول هاتوقف حد فى الشارع .......بس لو بتروح مسجد او كنيسة اتعرف على حد هناك

وربنا معاك

صح يا مدام جيسيكا

دي أحسن وسيلة للتعارف

خصوصا في الغربة

فكرة يا أستاذ اوتو سكريبتور

حاول يمكن تقدر تتعرف على حد

ربنا معاك

أنا لو مكان حضرتك

كان زماني اتعرفت على طوب الأرض

واضح ان حضرتك خجول حبتين

و اللي معقد المشكلة زيادة ان الأجانب معظمهم ناس في حالهم

جرب حكاية المسجد أو الكنيسة دي

خصوصا يوم جمعة أو أحد

بيبقوا الناس كتيرة

و ممكن تتكعبل في اتنين تلاتة كده

توقع لهم الحاجات اللي شايلينها مثلا

و بعدين توطي تلم معاهم

حاجات كده يعني

[safaalabana]

مساء الخير عليكم جميعًا..

بقالي حوالي 4 أسابيع في أوتاوا وزهقت موت ... أنا مجرد بعمل لاندج وراجع تاني بعد ما استلم بطاقة الاقامة... المهم.. انا تقريبًا معرفش حد هنا .. أنا بصراحة نفسي اتعرف على أي مصري أو عربي. أنا بحب اتكلم في السياسة والدين والفن وأي مواضيع عامة تانية ...

النهاردة مشيت من Bank Street مع Queen لغاية متحف الحضارة الكندية الناحية التانية من النهر في جاتنو وقعدت في المتحف حوالي أربع ساعات لغاية ما قفل. كان نفسي حد يبقى معايا ندردش سوا عن معروضات المتحف. المهم لو في فرصة تليفوني 6132557367

اخونا الفاضل ..حمدالله على سلامة الوصول ..اتفق معك ان اسوأ ما يمكن ان يمر به الانسان هو الوحده ..مشعارفه فى تجمع للعرب فى أوتاوا والا لا ...حاول تدور على النت ..

الحاجه الثانيه فى ناس بتتمنى تكون عندها فرصه زى اللى عندك دى وياخدوها سياحه ..او يشوفوا امكانيهالحصول على عمل..او كورسات ودراسه يا ترى حضرتك عملت كل ده؟؟؟ طيب

ت حكيلنا عن انطباعاتك فى الفترهاللى فاتت دى

وجرب كده الدعاء بالايه الكريمه (رب لا تزرنى فردا وانت خير الوارثيين)....وابقى طمنا عليك

[Terminal]

لو سمحت هو عمل اللاندنج وعمل كارت الاقامة بياخد كام يوم من ساعة ما تقدم عليه؟؟؟؟؟

[صعيدي من مونتريال]

لو سمحت هو عمل اللاندنج وعمل كارت الاقامة بياخد كام يوم من ساعة ما تقدم عليه؟؟؟؟؟

٤ أسابيع من يوم اللاندنج لو اعطيتهم عنوانك اول ماتوصل المطار

مستشار هجرة وتقطيع بطايق

[اسكندرية تانى]

كتب أو كتبت الزميل أو الزميلة    safaalabana

 وجرب كده الدعاء بالايه الكريمه " (رب لا تزرنى فردا وانت خير الوارثيين)....وابقى طمنا عليك"

عفوا أخى أو أختى الفاضلة:

الاية الكريمة يجب ان تكتب صحيحة بدون اجتهاد

وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ

سورة الانبياء أية89

تم تعديل 15 أكتوبر 2009 بواسطة اسكندرية تانى

[autoscriptor]

اخونا الفاضل ..حمدالله على سلامة الوصول ..اتفق معك ان اسوأ ما يمكن ان يمر به الانسان هو الوحده ..مشعارفه فى تجمع للعرب فى أوتاوا والا لا ...حاول تدور على النت ..

الحاجه الثانيه فى ناس بتتمنى تكون عندها فرصه زى اللى عندك دى وياخدوها سياحه ..او يشوفوا امكانيهالحصول على عمل..او كورسات ودراسه يا ترى حضرتك عملت كل ده؟؟؟ طيب

ت حكيلنا عن انطباعاتك فى الفترهاللى فاتت دى

وجرب كده الدعاء بالايه الكريمه (رب لا تزرنى فردا وانت خير الوارثيين)....وابقى طمنا عليك

- مراتي كانت معايا أول 10 أيام ورجعت علشان عندها شغل... وانا كنت فاكر بقى ان دي فرصة مش حتتعوض وحرفرف بأجنحة الحرية في البلاد الكندية. والله ما كملتش يومين وعرفت ان انا اتزنقت في الـ Basement إللي أجرته لوحدي.

- أجرت عربية أول أسبوع ودفعت تأمين تقريبًا نفس قيمة الايجار.. التوتال كان 650$. منصحش أي حد ياخد تأمين من مكتب الإيجار. Expedia عندها تأمين أرخص كتير، حوالي 30$ على العربية مهاما كانت مدة الإيجار.. بس لازم تتصل بيهم وهما حيضيفوه.

- بعد العربية كان لازم يبقى عندي وسيلة مواصلات تحت إيدي.. ولأني عجلاتي قديم اشتريت Mountain Bike بسعر مناسب أرخص من أي إيجار لأي عربية. وطبعًا أوتاوا فيها Bike routes كتيرة جدًا. واستمتعت جدًا أول أيام لما كان الجو كويس وحتى لما كانت بتمطر. الجو كان دافي ودرجات الحرارة وصلت في يومين ورا بعض حوالي 21. أما دلوقتي فدرجات الحرارة العظمى يدوب بتقرب من 7 مئوية. المهم لسة البسكلتة برضه هي وسيلة مواصلاتي في أوتاوا لغاية دلوقتي بس لازم أعمل ترتيبات جامدة قبل ما استخدمها: جاكيت جامد يخفف تأثير الرياح، غطاء للرأس مخصوص يغطي الأذنين وإلا بعد شوية ممكن ينشفوا ويقعوا على الأرض وتنزل تلمهم زي قطع البلاستيك. قفازات علشان الصوابع ما ينشفوش هما كمان. المهم الموضوع شغال لغاية دلوقتي.

- أجرت عربية الويك إيند إللي فات وأخدتها سواقة من أوتاوا لغاية Niagara Falls حوالي 6 ساعات سواقة غير الوقفات. كنت متوقع ان الشلالات أكبر من كدة بكتير، بس عمومًا الموضوع كان يستاهل السواقة. نزلت في أوتيل اسمه Super 8 منتشر قوي في كندا وأسعارة كويسة. مدينة نياجرا الكندية نسخة صغيرة من لاس فيجاس وعايشة على السياح الأمريكيين من الولايات المجاورة لأونتاريو لأن المقامرة مش متاحة في كل الولايات الأمريكية. وأنا راجع عديت على تورونتو وركنت العربية قدام Rogers Center وطلعت الـ CN Tower. مع أنه جامد جدًا إلا اني ماكنتش منبهر كفاية. طبعًا لا يقارن ببرج الجزيرة يا جماعة.. كمان مفيش حناطير. نزلت من البرج ومشيت لأول الشارع وأخدت الترام ونزلت في China Twon. أتمشيت شوية ومقدرتش أعد كل الصينيين إللي شفتهم هناك.

- رجعت أوتاوا ولقيت الانترت متنيل على عينه السيجنال واقعة.. كلمت صاحب البيت إللي هو مصري أصلاً.. سابلي المفتاح بتاع الشقة إللي فيها الراوتر وصلحته بعد يومين أقعدتهم في البيت من غير ما اعمل أي حاجة.

- امبارح أخدتها مشي لغاية Bayward Market. في محل شيكولاتة في أول السوق المغطى على الناصية رهيب. بيعمل شيكولاتة بجميع انواع المكسرات. كمان بيغطي التفاح الأخضر بالشيكولاتة والكراميل والمكسرات وتلاقي الناس واقفة خارج المحل وبتاكل التفاح بعد ما عاملة المحل تقطعه slices.

- كملت وعديت من قدام السفارة الأمريكية عبرت الكوبري للناحية التانية Gatinuea وزرت متحف الحضارة الكندية. ممكن أقول ان دي أكتر مرة استمتع بمتحف بالطريقة دي في حياتي. أنا زرت متاحف في لندن ونيويورك وادنبرة وبرلين بس المرة دي كانت أحلى مرة. اعتقد السبب في الطريقة إللي هما مصممين بيها الدليل الصوتي. زي ما يكون في واحد معاك واخدك خطوة خطوة. زفي كل مكان بتلاقي الدليل الصوتي بيسنمعك مسرحية صغيرة تعيشك بجد في جو المكان.

- النهاردة رحت متحف كندا الحربي. المفروض انه أجدد متحف في المنطقة. أكتر حاجة استفدتها كان فيلم عن معركة كيبيك بين البريطانيين والكيبيكيين. غير ان المتحف مليء بالمعجات الحربية من الحربين العالميتين الأولى والثانية.

اللاندج.....

-----------

- مطار أوتاوا مطار صغير والموظفين مش معتادين على استقبال مهاجرين. علشان كدة الموضوع أخد مني وقت شوية لغاية ما خرجت. على الرغم انهم دققوا في كل حاجة إلا ان مفيش حد من الموظفين سواء موظف الهجرة أو الجمارك طلب مني اثبات للفلوس إللي انا جايبها معايا. عملت اللاندج يوم 18 سبتمبر ولغاية دلوقتي ما جاش الـ PRC. الراجل المصري الجدع إللي انا مأجر منه الشقة اداني عقد إيجار باسمي واسم مراتي قدمت بيه على التأمين الصحي وقبلوه. طلعت كارت الضمان الاجتماعي تاني يوم واستلمته في البريد بعدها بأسبوع. فتحت حساب في البنك وطلعت فيزا مضمونة واستلمتها واستخدمته وكله عال. لازم تعمل كدة علشان تبني تاريخ ائتماني من أول يوم.

- رخص القيادة في أونتاريو بطلعها شركة خاصة اسمها DriveTest مملوكة لشركة بريطانية أكبر اسمها Serco DES. الموظفين عاملين اضراب من يوم 21 اغسطس ومحدش عارف يعمل رخصة من ساعتها. بقالهم 7 أسابيع عاملين اضراب وعلشان كدة مش عارف أعمل الرخصة. المهم لو معاك رخصة من أي حتة هاتها معاك لأنها حتقصرلك مدة الحصول على الرخصة من الفئة G على الأقل 12 شهر. لو معاك رخصة من أكثر من سنتين طلع شهادة بيانات (تكون البيانات فيها واضحة) ووثقها من الخارجية وترجمها وبعدين وثقها من السفارة الكندية. بالورقة دي تعمل كشف النظر .. تاخد الامتحان النظري .. وتخش امتحان الـ Highway على طول ولو نجحت تاخد الرخصة من الفئة G على طول. لو معملتش الورقة وجيت بالرخصة بس يبقى تعمل كشف النظر وتنجع في الامتحان النظري وتمتحن امتحان الشارع وتاخد الرخصة من الفئة G2 وبعد كدة ب 12 شهر تمتحن الـ Highway وتاخد الرخصة من الفئة G

[montrealAlex]

باشا اوعى تاخد كارت التامين الصحى وتمشى وتقعد خارج كندا اكتر من 6 شهور لان دا بيعملك مشاكل

اذا كنت ناوى تسيب كندا اكتر من 6 شهور سلم كارت التامين الاول

ولما ترجع خدة تانى -- اذا كانت فترة غيابك عن كندا اكتر من 6 شهور متواصلة

اوك

[znaty]

تصدق بالله انك ممتع جدا ؟؟؟؟

والله العظيم يا اخي انا لو كنت في كندا كنت كلمتك وجتلك من اي حته wst::

بس العين بصيرة بقي

فعلا الخروج معاك ممتع جدا

دة انا زي ماكون اتفسحت معاك بجد smk:

ربنا يعينك اليومين دول لغاية ماترجع لمراتك ان شاء الله

علشان ةتعرف فايدتها

كان زمانك بتتفسح معاها الوقتي md2:

في امان الله

[surgeon]

مساء الفل يا باشا

ربنا يسهلها عليك ويهونها لغاية ما تأخد الكروت

بس خد بالك الكروت بتاخد 61 يوم غير الوقت فى البريد!!!

انا فى المطار قالوا لى 4 اسابيع , انا عرفت المعلومة ديه النهاردة من ادارة الهجرة وكان التوضيح ان فى ماكينات للكروت جديدة وهو دة السيستم الجديد الزمنى.

ده خلانى اعيد حساباتى كلها, انا بقى لى اسبوعين فى مونتريال ولو الموضوع كدة يبقى اسألك الرحيل بدرى بدرى.

ربنا يوفقك إن شاء الله

[safaalabana]

كتب أو كتبت الزميل أو الزميلة    safaalabana

 وجرب كده الدعاء بالايه الكريمه " (رب لا تزرنى فردا وانت خير الوارثيين)....وابقى طمنا عليك"

عفوا أخى أو أختى الفاضلة:

الاية الكريمة يجب ان تكتب صحيحة بدون اجتهاد

وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ

سورة الانبياء أية89

شكرا اخى الكريم والله عارفه انه بتتكتب بالزال ولكن الحرف ده بيطلع عندى دال بس من غير نقطه... جزاك الله كل خير

[ZOOZ]

الحمد لله على السلامه ..أصبر ان الله مع الصابرين كله يهون الزهق وغيره يهون ..ممكن أسأل انت حتعمل اللاندنج وترجع 3 سنوات متل أكتريه الناس ويلا حترجع بفتره قصيره..وبالنسبه لعنوان البريد انت فتحت صندوق بريد ويلا اديتهم عنوان حد تعرفهم..انا اسف على الاسئله الكتيره لأنو عنجد عنوان البريد مشكله اذا كان الواحد ما بيعرف حد هناك..

[AL MUHAGER]

ربنا معاك يا عم زهقان.... بس صدقني اكيد تجربة مفيدة وخصوصا موضوع العجلة...

اسمع كلام وزيرة الاعلام جيسيكا ودورلك على جامع ولا كنيسة وانت هاتتعرف على طوب الارض هناك...

سلم لي على المتحف :blush2:

[اغابي]

انت المفروض ما تزهقش

بس خلى بالك من نفسك وربنا يوفقك

تحياتي :rolleyes:

[extra]

يا مدام اغاني الكلام ده من شهر و نص يعني زمانه رجع بالسلامه