معايا مية الف جنيه اعمل ايه بيهم مشروع ولا اهاجر ؟؟؟؟

[MoHaMMeD EgYpT]

انا شايف ان في مجموعة بتقولك الهجرة احسن و مجموعة بتقول اقعد في بلدك و اعمل مشروع افيدلك

انا هقول لحضرتك علي اللي انا شايفه و انت قرر

انا شايف ان فعلا الهجرة احسن لكن برده ممكن تخسر اشياء كتير مش مادية لا اقصد يعني لو اتزوجت هناك و انجبت صعب تربي اولادك وسط كل انواع القذرات لكن برده ارجع و اقولك ان برده في مصر صعب تربي اولادك وسط القذرات لان فعلا مافيش حد يقدر ينكر ان مصر بقا الفاسد منتشر فيها بنسبة كبيرة و لو مش في العلن يبقي في الخفاء و الفرق بين الدول الاجنبية و مصر ان في مصر الفاسد ( اقصد كالمخدرات و الزنا و الاشياء دي ) لكن اللي بيعمله بيبقي في الخفاء لكن في دول الغرب بيعملوها في العلن و بيدوك الحرية انك تعمله او ما تعملهوش

انا من اخر اجازة ليا في مصر اللي رجعت منها من كام يوم شوفت فيها ان مصر بصراحة بقت اوحش من الاول و بجد حرمت انزل مصر مش هقول علطول لاني مش هقدر غصب عني لازم انزل مصر علشان الجامعة لكن بجد مصر احوالها بقت تصعب علي الكافر من الخضار اللي مزوع بالمجاري الي عوادم و الدخان اللي بقا في كل مكان الي الشرطة اللي بقت في كل حتة مالهاش شغلة غير انها تحاول تجيب منك فلوس باي طريقة لدرجة اني كنت بمشي بالباسبور و ببقا ماشي و خايف زي اللي عامل عاملة الي الجوازت في مصر والله ماكان عاوز يخرجني من مصر بيقولي لي موقفك ايه من التجنيد مع ان سني 17 و 7 اشهر و الله ماكان عاوز يخرجني من مصر و كان شكله زعلان و راح خاتملي جانب الاقامة clp:: و حتي شركة الطيران في مصر بيقولوا لي انت نزلت مصر علي امتي بجد ماكنتش فاكر فقولت لهم علي شهر 7 يمكن 3 / 7 قالي 3 / 7 ولا 13/7 قالي يعني عاوز يغلطني الي موقفي مع اللي بيفتش الشنط تقولش مهرب مخدارت ده حتي المخدرات في مصر بقت مضروبة :wub: المهم راح فتح الشنطة بكل بجاحة و شغال يفتش كاني معايا مخدرات ولا حاجة اما لما وصلت الكويت اقسم بالله ان ضابط الجوازت راح خاتملي الباسبور في ثانية و رحت جايبة شنطتي في ثانية و خرجت من غير حتي ما يفتشوا الشنط

انا من وجهة نظري ان حضرتك تهاجر و تاخد الجنسية و بعدين ترجع تشتغل في الخليج و اولاد حضرتك يتربوا في الخليج مش هقولك الخليج احسن مكان للتربية لكن الخليج الحل الوسط لان في الخليج الفساد مش منتشر زي مصر ولا حتي زي الغرب انا عارف ان الخليجين عنصريين لكن حضرتك هيكون معاك جنسية اجنبية يعني مايهمكش منهم و بعد ما اولادك يكبروا ابقي ابعتهم يدروس في الجامعات الاجنبية يبقي انت كده مسكت العصية من النص و ربنا يوفقك

[se_ Elsyed]

الاخ سى السيد .... كلمة غير لائق ربما يظن البعض بها اننى كتبت كلاما قبيحا .... الوصف الذى وصفت به الشعب السعودى كان نتيجة ما اشعر بيه من تفرقة عنصرية كلنا نلمسها بوضوح

شكرا

لو تقبل حضرتك كمصري ان يصفك احد من يكرهونك بهذا الوصف ... فسنعيد الجُملة المحذوفة مره أخرى

قل رأيك وانطباعك كما تشاء لكن بدون تجريح وبدون الفاظ تؤخذ علينا ..وتأكد ان الكُره لا يؤدي الا الى الكُره

[سكر]

صلى صلاة استخارة وشوف نفسك فى ايه وجربه

لو اتحرمت من التجربه حتى وان كانت فاشله هتقضى عمرك كله بكلمة ياريت

جرب بس مضرش يعنى لو التجربه (مصر-الخليج -الغرب) هيكون ضررها عليك خلاص اتحمل

لكن لو انك فى التجربه هضر غيرك يبقى صعب اقولك جرب

انا بعد 6 سنوات فى الرياض والحمد الله فى نعمه كبيرة جدا ومرتب محترم ومكان اكثر من رائع

وبتعامل مع اضف ناس فى الوسط السعودى والاحترام هى السمه الاساسيه

بعد كل هذا هضرب كرسى فى الكلب واهنزل مصر بلا عودة على اخر 2009

ومفيش اى مصدر رزق لى غير راتبى يعنى هاكل من اللحم الحى

ومفيش اى خطط لا مستقبله ولا عموديه

لسبب بسيط جدا

لان احب الناس الى قلبى مريض ويحتاج الى بشدة ولا يوجد بديل غيرى فى هذا المكان

فمينفعش اكون انانى وهفوض امرى الى الله

فانت شوف ظروفك ايه الحياة بدون مخاطرة ملهاش طعم بس بردة خاطر بنفسك مش بغيرك

[se_ Elsyed]

الي الشرطة اللي بقت في كل حتة مالهاش شغلة غير انها تحاول تجيب منك فلوس باي طريقة لدرجة اني كنت بمشي بالباسبور و ببقا ماشي و خايف زي اللي عامل عاملة

معليش ودون الخروج عن موضوع الدكتور

أرجو من اي زميل ومنك يا محمد ان تذكر لي عدد المرات اللي وقفتك فيها الشرطة للتحري او تسألك عن بطاقتك أو يقلبك في فلوس ..... وكانت كام الفلوس دي .... وايه السبب ؟

وياريت اللي عنده تجارب يحكيها لنا والا هايبقى افتراء بدون ادلة

[se_ Elsyed]

الخلاصه

مصر سيئه جدا جدا جدا جدا و الدول الخليجيه سيئه جدا جدا والهجره سيئه جدا

وانتا اعمل حساب المستقبل كويس جدا علشان ترجعش تندم

ربنا يوفقك ويوفق البلد دى

والله انت راجل عسل

طب ما تقول له اشرب سم واخلص من الحياة وقرفها ؟

مصر اذا كانت سيئة فهي سيئة بنا

فالارض لا تُسي الا نفسها ...

بل نحن الذين نعيث فيها فساداً اما بالمشاركة في هذا الفساد أو بالسكوت عن هذا الفساد

[بحار الغربة]

يا أخوانى الصيدلى فى الخليج وخصوصا صيدليات الشوارع (, retail pharmacy & st,pharmacy,) بيواجه يوميا سيل من الاهانات والعنصرية واحيانا الطعن فى زمته والتعدى علية باساليب كثيرة بالاضافة الى دوامة الشاق الذى يتعدى 12 ساعة يوميا ويترك فى صيدلية مع عامل وحيد فى صيدلية عهدتها تتجاوز المليون احيانا واى سرقة او عجز بيخصم عليه هذا بالاضافة الى حجم الضغط النفسى من ادارته .

بالمناسبة دى هاحيلكم على اللى حصلى من سنتين .... استلمت الصيدلية وبعد سبعة اشهر بنجردها طلع فيها عجز خيالى ( 70 الف ريال ) وده بسبب عمال هنود كانوا بيجوا يشتغلوا ويسرقونا على مدار الفترة دى وماكانوش على كفالة الشركة واول ما بانت الجريمة اختفوا وقفلوا موبايلاتهم والاسوأ من كده ان المدير المصرى راح سكن واحد منهم لقاه عنده كراتين ادوية سارقها من الصيدليات فراح واخدها منه ومزعقله ومشاه بكل بساطة ... وصدر قرار بخصم مبلغ 22 الف ريال عليا وزيهم على زميلى ... ومع علم المديرين انى مظلوم قالوا لصاحب العمل ده اهمال من الصيدلى علشان مايطلعوش عيب فى طريقة ادارتهم للعمل وبالفعل خصموا منى مبلغ 22 الف ريال .

ياترى الاخ اللى بيقولى استحمل وماتستقلش النعمة ايه رأيك ؟؟؟؟؟؟

الصيادلة ومن له قريب صيدلى هيعرفوا معنى الكلام ده ولكن اللى بيشوف المهنه من بعيد بيعتقد غير ذلك وبيرى الجانب المادى فقط وياليت الجانب المادى مجزى

يا اخوانى متوسط رواتب الصيادلة اللى انتم بتشفوهم مابين 4 و5 الاف وبدل سكنه لا يتجاوز 7 و8 الاف مما بيجعله يضيف راتب ثلاث شهور الى بدل سكنه كى يأخذ سكن مناسب .

الاخ بحار قدر يوفر ما وفره اعلاه عشان كان عازب وبيوفر من بدل سكنه لكن لو اتجوز وعمل استقدم ونزل كل سنه اجازه هيعقد مش اقل من 8 سنين اضافية كى يكون نفس المبلغ .

كلامك بجد حقيقى وواقعى مليون فى المية

عزيزى بحار شوف الصيادلة القدامى هنا فى الخليج واللى بقالهم 10 سنوات واسألهم انتم عملتم ايه فى مصر ,بعدها هيتضح لك الامر استفيد من اخطاء الناس القدامى ولا تكن نموذج مكرر للاسف بعتبرة فاشل من وجهة نظرى .

مافهمتش قصد حضرتك .... يعنى اشوف الناس القديمة ابتدت فى مصر ازاى ؟؟؟؟ ياسيدى الفاضل الوضع كان مختلف اوى ايامها ومع ذلك هاخد بنصيحتك واسألهم برده وان كنت بدأت ارتاح نفسيا للهجرة

[وطني حر]

من عنوان الموضوع دون الدخول في تفاصيله راي هــو

معايا مية الف جنيه اعمل ايه بيهم مشروع ولا اهاجر ؟؟؟؟

الطريقه او البلد او المهنه اللي جمعت منها المئه الف اوعي تسيبها وتشوف غيرها ؟

طورها للافضل تحصل على مبلغ اكبر خلال الفتره القادمــه . اياك والتنطيط اثبت . وطور

[بحار الغربة]

لو تقبل حضرتك كمصري ان يصفك احد من يكرهونك بهذا الوصف ... فسنعيد الجُملة المحذوفة مره أخرى

قل رأيك وانطباعك كما تشاء لكن بدون تجريح وبدون الفاظ تؤخذ علينا ..وتأكد ان الكُره لا يؤدي الا الى الكُره

كلامك حضرتك جميل وصح وانا مقتنع بيه ووانا كنت من الناس اللى بتنبذ اثارة البغض بين الشعوب العربية والكلام الانشاء ده

ياسيدى الفاضل انت ما اشتغلتش شغلتى ولا احتكيت بالشعب هنا

ابسط مثال يدخلك بنى ادم يقولك عندك بنادول الاخضر تقوله خلص يدور وشه الناحية التانية ويقول ( يلعن امك ) ويمشى ....

واحد تانى يقولك عاوز جل معقم لليد تقوله خلص يقول وايش الصيدليات ال ( كلمة قبيحة ) هذى ؟؟؟؟

مع انه سأل فى عشرين صيدلية قبلك مش موجود

اللى يقولك يامصرى تعال ... هاتلى كذا وكذا ... يلا بسرعة .... بطريقة تحسسك انك كلب مش بنى ادم

يا اخى انت ما اتعاملتش مع البشر دول

انا معاك ان فيهم محترمين كتير لكن صدقنى لو دخلك بنى ادم واحد من النوعية اللى بحكيلك عنها فى الاسبوع بس ( ناهيك انك بتشوفهم كل يوم )

بتقعد طول الاسبوع تتحسر على انك مصرى

ناهيك عن اللى بيدخل يطلع عقده النفسية عليك

واحد داخل لقانى مشغل الشيخ المنشاوى فقالى بقرف كده يا اخى الشيوخ المصريين قراءتهم حلوة لكن منهجهم كده

( وبيشاور على لحيته يقصد انهم حالقين لحيتهم ) ... قلتله لكن اساتذة العالم فى القراءات ( حبيت اخنقه )

واللى يقولك انا نازل مصر قريب علشان اشوف بنات مصر وكأنه بيحرق دمك

تم تعديل 17 أكتوبر 2009 بواسطة بحار الغربة

[بحار الغربة]

مصر اذا كانت سيئة فهي سيئة بنا

فالارض لا تُسي الا نفسها ...

بل نحن الذين نعيث فيها فساداً اما بالمشاركة في هذا الفساد أو بالسكوت عن هذا الفساد

متفق معاك مليون فى المية

[OReX]

السلام عليكم ورحمه الله وبركاته

لنأخذ لك خيار على حدى

اولا المشاريع الصغيرة فى مصر للاسف نسبة كبيرة منها لا تحقق اهدافها ولا اريد ان اقول فشلت

ولكن بالفعل هناك مشاريع فى مصر بدأت بأقل من هذا المبلغ بكثير ومنهم من بدأ بالاستدانه وسبحانك ربى كبرت واصبحت تدخل رزقا وفيرا نسأل الله لنا ولهم البركة فى الرزق

اخى الكريم للاسف لم تتحدد المشروع من البداية او لم يكن حلمك اصلا فلهذا يجب دراسة الامر جيدا قبل التفكير فية بشكل عملى

لاسف انا بعيد كل بعد عن مجال الصيدلة فلهذا لا استطيع ان اعطيك افكار فيه اما مشروع فتح صيدلية هذا اعارضة بشدة وخصوصا سنك الصغير يعنى المستقبل امامك ان شاء الله لا تدفن نفسك فية الا اذا كانت مرحلة مؤقتة فقط

ثانيا خيار الهجرة كما تفضل اخ كريم وقال لا تأخذة كحل للهروب من مصر فقط فهو خيار العمر كله واعلم اخى انك عندما تتعود على الحياة بالخارج الاحتمال الاكبر ان لا تستطيع معايشة ظروف مصر مرة ثانية

والاهم عندما تفكر فى الهجرة ان تضع دينك نصب عينك وان تتأكد انه لن يتأثر بحياتك الجديدة سواء انت او اولادك بإذن الله

واعتزر لكل من قال احصل على الجنسية الاجنبية وارجع سيتغير راتبك او حياتك

لا يا اخى الجنسية الاجنبية تحميك فى حال تعرضت لموقف يتطلب الحماية من السفارة غير ذلك انت مصرى وهوا اجنبى الفارق عندما تحصل على شهادة اكاديمية من الخارج ستفتح لك ابواب كثيرة كانت من الممكن ان تكون مغلقة بسبب جودة التعليم المصرى بالمقارنة بالتعليم الاجنبى

والمبلغ المذكور لا يكفى للتعليم فى جامعة جيدة اكثر من سنة

الخلاصة واعتزر لك على اطالتى فى الحديث ان اذا كان لديك فكرة مشروع من البداية ادرسة جيدا واسخر ربك وتوكل على الله وستكسب الجلوس بجانب والديك

واذا كنت تحب التعليم فى حد ذاتة وتريد العمل بدون ضغوط مصر والوطن العربى برمتة بتوكل على الله بالهجرة وسمعت انك من الممكن ان تستقدم ابويك فيما بعد

فى النهاية احببت ان انقل لك تلك الاية

" إِنَّ الَّذِينَ تَوَفَّاهُمُ

الْمَلائِكَةُ ظَالِمِي أَنفُسِهِمْ قَالُواْ فِيمَ كُنتُمْ قَالُواْ

كُنَّا مُسْتَضْعَفِينَ فِي الأَرْضِ قَالُواْ أَلَمْ تَكُنْ أَرْضُ

اللَّهِ وَاسِعَةً فَتُهَاجِرُواْ فِيهَا فَأُولَئِكَ مَأْوَاهُمْ

جَهَنَّمُ وَسَاءَتْ مَصِيرًا " ... النساء ٩٧

بالتوفيق ان شاء الله

[Mercedes]

السلام عليكم و رحمة الله و بركاته

و الله أنا انبسط كتييييير جدا لما لقيت لسه فى ناس نفسها ترجع مصر و تستقر و تبدأ فى عمل مشروع انتاجى محترم

أما بصراحة كان عندى مشروع كدة فى دماغى و كان نفسى أعمله بس المشكلة أننى مابفهمش فيه خالص و كان عندى استعداد انى لو لقيت واحد أمين و بيفهم فى المشروع دة كويس , أننى أعطيه 30% من المكسب الصافى لمجرد أنه يدير المشروع بخبرته لأننى مؤمن جدا بمقولة أعطى العيش لخبازه و لو ياكل نصه

و المشروع دة كان مزرعة تسمين عجول و جاموس و أنا كان فى مخيلتى أننى ممكن أشترى أرض حوالى فدان و أعملها سور و سقف معدنى و أبدا بحوالى 100 راس أو على الأقل 50 راس و بعد كدة نزودها ل 100 راس

بس للأسف أنا مش لاقى الراجل المتمرس فى الموضوع دة , رغم أننى قابلت ناس كتييير يقولولى أن الموضوع سهل جدا و مش عارف ايه , لكن أنا بعتقد أننى لو هاعمل مزرعة تسمين المواشى و بالعدد دة من المواشى , فأنا بكون محتاج فعلا لواحد بيفهم كويس جدا فى الموضوع دة

ولا انتم ايه رأيكم؟؟؟؟؟

[بنت الشاطئ1]

انا رأيى مش هيختلف كتير

طبعا المبلغ صغير

اول حاجة تزوج وبلاش تفرش شقة لأن المبلغ فعلا مش هيكفى ..

ثانيا انت لازم تحدد هدف ..انت عايز تعليم واللا مجرد فلوس وجنسية تانية

انا رأيى ان التعليم اهم وده طبعا فى بلد اوروبى احسن ..ولو حد قالك بلاش تتجوز عشان المصاريف هناك ..لأ ثم لأ ..انت هدفك الدراسة والدراسة لازمها انك نفسيا تكون مرتاح والزواج سكن للنفس وكمان مش هدفك انك تعمل فلوس مع ان ده مش مستحيل مع وجود الزوجة

وانا كنت هقولك برضة خليك فى شغلك لكن شعرت من كلامك انك تعبان نفسيا من المكان اللى انت فيه ..طب ايه اللى يخليك مستنى عندك

ويا سيدى الاعمار بيد الله

واحد قريبنا متغرب ونزل اجازة وبعد اسبوع وهو عند اهله والده اتوفى

وواحدة تانية عايشة فى نفس المدينة اللى فيها اهلها ولم ترى امها لما اتوفت لأنها كانت عاملة عملية ومحجوزة فى المستشفى ولم تعلم بوفاة والدتها الا بعد امها ما ادفنت

بس للأمانة من عيوب الغربة انك لما ترجع مصر مش هتقدر تستحمل وكمان لما تروح بلد اوربى لازم تحدد مدة معينة انك تنجز فيها عشان مش سنة تجر سنة وبعدين تلاقى ان اولادك كبروا هناك..يعنى باختصار

1 تزوج

2 حدد هدف .. تعليم مثلا

3 حدد المدة

4 وظيفة محترمة

5 استقرار

[Alrefaey]

يا أخوانى الصيدلى فى الخليج وخصوصا صيدليات الشوارع (, retail pharmacy & st,pharmacy,) بيواجه يوميا سيل من الاهانات والعنصرية واحيانا الطعن فى زمته والتعدى علية باساليب كثيرة بالاضافة الى دوامة الشاق الذى يتعدى 12 ساعة يوميا ويترك فى صيدلية مع عامل وحيد فى صيدلية عهدتها تتجاوز المليون احيانا واى سرقة او عجز بيخصم عليه هذا بالاضافة الى حجم الضغط النفسى من ادارته .

بالمناسبة دى هاحيلكم على اللى حصلى من سنتين .... استلمت الصيدلية وبعد سبعة اشهر بنجردها طلع فيها عجز خيالى ( 70 الف ريال ) وده بسبب عمال هنود كانوا بيجوا يشتغلوا ويسرقونا على مدار الفترة دى وماكانوش على كفالة الشركة واول ما بانت الجريمة اختفوا وقفلوا موبايلاتهم والاسوأ من كده ان المدير المصرى راح سكن واحد منهم لقاه عنده كراتين ادوية سارقها من الصيدليات فراح واخدها منه ومزعقله ومشاه بكل بساطة ... وصدر قرار بخصم مبلغ 22 الف ريال عليا وزيهم على زميلى ... ومع علم المديرين انى مظلوم قالوا لصاحب العمل ده اهمال من الصيدلى علشان مايطلعوش عيب فى طريقة ادارتهم للعمل وبالفعل خصموا منى مبلغ 22 الف ريال .

ياترى الاخ اللى بيقولى استحمل وماتستقلش النعمة ايه رأيك ؟؟؟؟؟؟

الصيادلة ومن له قريب صيدلى هيعرفوا معنى الكلام ده ولكن اللى بيشوف المهنه من بعيد بيعتقد غير ذلك وبيرى الجانب المادى فقط وياليت الجانب المادى مجزى

يا اخوانى متوسط رواتب الصيادلة اللى انتم بتشفوهم مابين 4 و5 الاف وبدل سكنه لا يتجاوز 7 و8 الاف مما بيجعله يضيف راتب ثلاث شهور الى بدل سكنه كى يأخذ سكن مناسب .

الاخ بحار قدر يوفر ما وفره اعلاه عشان كان عازب وبيوفر من بدل سكنه لكن لو اتجوز وعمل استقدم ونزل كل سنه اجازه هيعقد مش اقل من 8 سنين اضافية كى يكون نفس المبلغ .

كلامك بجد حقيقى وواقعى مليون فى المية

عزيزى بحار شوف الصيادلة القدامى هنا فى الخليج واللى بقالهم 10 سنوات واسألهم انتم عملتم ايه فى مصر ,بعدها هيتضح لك الامر استفيد من اخطاء الناس القدامى ولا تكن نموذج مكرر للاسف بعتبرة فاشل من وجهة نظرى .

مافهمتش قصد حضرتك .... يعنى اشوف الناس القديمة ابتدت فى مصر ازاى ؟؟؟؟ ياسيدى الفاضل الوضع كان مختلف اوى ايامها ومع ذلك هاخد بنصيحتك واسألهم برده وان كنت بدأت ارتاح نفسيا للهجرة

لا ياجميل ,انت فهمت عكس ما اقصد فى الفقرة الاخيرة وهى انك لو سألت الصيادلة القدامى اللى لسه ما زالو فى المملكة هيقولو لحضرتك انهم ما اقدرو يعملو شىء مناسب يادوب تأسيس بيت واتجوز واهو عايش والمبلغ اللى معاه لا يرتقى انه يأسس بيه صيدلية مناسبة وانه حاسس انه واقف فى نصف السلم لا هو رجع مصر بدرى واسس صيدلية ايام ابو بلاش ولا استمرارة قدر يوفر له السيوله اللازمة لتأسيس صيدلية .

الحياه فرص والنجاح انك تقتنص الفرصة فى الوقت المناسب .

[MoHaMMeD EgYpT]

الي الشرطة اللي بقت في كل حتة مالهاش شغلة غير انها تحاول تجيب منك فلوس باي طريقة لدرجة اني كنت بمشي بالباسبور و ببقا ماشي و خايف زي اللي عامل عاملة

معليش ودون الخروج عن موضوع الدكتور

أرجو من اي زميل ومنك يا محمد ان تذكر لي عدد المرات اللي وقفتك فيها الشرطة للتحري او تسألك عن بطاقتك أو يقلبك في فلوس ..... وكانت كام الفلوس دي .... وايه السبب ؟

وياريت اللي عنده تجارب يحكيها لنا والا هايبقى افتراء بدون ادلة

اقسم بالله مش افتراء ولا حاجة

انا اطلب مني بطاقتي 2 مرات

مرة لما كنت راجع بليل في مكروباص ( في 6 اكتوبر ) راحوا موقفين المكروباص علشان كان مليان شوية صيع و راحوا سالوا عن بطايق كل اللي راكبين

مرة لما كنت مسافر المنصورة ( عندنا في البلد :lol: ) المهم راحوا موقفين الاتوبيس و طلع امين شرطة و مخبر و فتشوا الشنط و سالوا عن بطاقتي :lol: و فتشونا تفتيش غير ادامي يعني ايه حتة مخبر و امين شرطة يقعدوا يفتشوا فينا و في جيوبنا كاننا تجار مخدارت و انا منظري اساسا ما يديش مجرم ولا حاجة و بجد كنت عاوز اقولهم كلمة مش تمام لكن اهوه انا مش معيا باسبور اجنبي :lol:

اما بقا بخصوص التقليب في الفلوس فده كتير انا سمعت من شوية من اصحاب انهم بقوا عاملين تسعيره يعني مثلا واحد تاجر مخدارت صغير ممكن ياخده منه 100 جنيه و يسيبوه و حاجات زي كده كتير

تم تعديل 17 أكتوبر 2009 بواسطة MoHaMMeD EgYpT

[بحار الغربة]

1 تزوج

2 حدد هدف .. تعليم مثلا

3 حدد المدة

4 وظيفة محترمة

5 استقرار

شكرا على نصيحة حضرتك

باختصار هارد على سؤالك : ليه انا متحمل هنا الحياة مادمت تعبان كده وهاقولك ببساطة

اولا : لانى حتى الان ماعملتش مبلغ المية الف جنيه وانما من المقرر انهم يكونوا معايا لو ربنا سهل ومشيت الامور تمام بدون عجز او سرقة على شهر 4 القادم

ثانيا انا ناوى اجيب والدى ووالدتى لاداء العمرة فى شهر 3 القادم وننزل سوا مصر

[الباشمهندس ياسر]

الي الشرطة اللي بقت في كل حتة مالهاش شغلة غير انها تحاول تجيب منك فلوس باي طريقة لدرجة اني كنت بمشي بالباسبور و ببقا ماشي و خايف زي اللي عامل عاملة

معليش ودون الخروج عن موضوع الدكتور

أرجو من اي زميل ومنك يا محمد ان تذكر لي عدد المرات اللي وقفتك فيها الشرطة للتحري او تسألك عن بطاقتك أو يقلبك في فلوس ..... وكانت كام الفلوس دي .... وايه السبب ؟

وياريت اللي عنده تجارب يحكيها لنا والا هايبقى افتراء بدون ادلة

انا شخصيا محصليش ولا مشكلة مع الشرطة خالص

بس ده ميمنعش انهم مش كويسين خاااااالص

لو تقبل حضرتك كمصري ان يصفك احد من يكرهونك بهذا الوصف ... فسنعيد الجُملة المحذوفة مره أخرى

قل رأيك وانطباعك كما تشاء لكن بدون تجريح وبدون الفاظ تؤخذ علينا ..وتأكد ان الكُره لا يؤدي الا الى الكُره

كلامك حضرتك جميل وصح وانا مقتنع بيه ووانا كنت من الناس اللى بتنبذ اثارة البغض بين الشعوب العربية والكلام الانشاء ده

ياسيدى الفاضل انت ما اشتغلتش شغلتى ولا احتكيت بالشعب هنا

ابسط مثال يدخلك بنى ادم يقولك عندك بنادول الاخضر تقوله خلص يدور وشه الناحية التانية ويقول ( يلعن امك ) ويمشى ....

واحد تانى يقولك عاوز جل معقم لليد تقوله خلص يقول وايش الصيدليات ال ( كلمة قبيحة ) هذى ؟؟؟؟

مع انه سأل فى عشرين صيدلية قبلك مش موجود

اللى يقولك يامصرى تعال ... هاتلى كذا وكذا ... يلا بسرعة .... بطريقة تحسسك انك كلب مش بنى ادم

يا اخى انت ما اتعاملتش مع البشر دول

انا معاك ان فيهم محترمين كتير لكن صدقنى لو دخلك بنى ادم واحد من النوعية اللى بحكيلك عنها فى الاسبوع بس ( ناهيك انك بتشوفهم كل يوم )

بتقعد طول الاسبوع تتحسر على انك مصرى

ناهيك عن اللى بيدخل يطلع عقده النفسية عليك

واحد داخل لقانى مشغل الشيخ المنشاوى فقالى بقرف كده يا اخى الشيوخ المصريين قراءتهم حلوة لكن منهجهم كده

( وبيشاور على لحيته يقصد انهم حالقين لحيتهم ) ... قلتله لكن اساتذة العالم فى القراءات ( حبيت اخنقه )

واللى يقولك انا نازل مصر قريب علشان اشوف بنات مصر وكأنه بيحرق دمك

و انت مبتردش ليه يا دوك

اللى يقول كلمة يتقاله قصادها اتنين

فى النهاية احببت ان انقل لك تلك الاية

" إِنَّ الَّذِينَ تَوَفَّاهُمُ

الْمَلائِكَةُ ظَالِمِي أَنفُسِهِمْ قَالُواْ فِيمَ كُنتُمْ قَالُواْ

كُنَّا مُسْتَضْعَفِينَ فِي الأَرْضِ قَالُواْ أَلَمْ تَكُنْ أَرْضُ

اللَّهِ وَاسِعَةً فَتُهَاجِرُواْ فِيهَا فَأُولَئِكَ مَأْوَاهُمْ

جَهَنَّمُ وَسَاءَتْ مَصِيرًا " ... النساء 97

بالتوفيق ان شاء الله

يا استاذ

ممكن حضرتك تشرحلى دلالة الاستدلال ف الاية الكريمة

اذا تكرمت...؟

[OReX]

السلام عليكم

يا استاذ

ممكن حضرتك تشرحلى دلالة الاستدلال ف الاية الكريمة

اذا تكرمت...؟

http://www.alhikmeh.com/arabic/mktba/akhlaq/alwatan/01.htm

موقع علمى ليس دعاية واذا كان يخالف قوانين المنتدى فاعتزر عن ذلك

حتى لا تتحمل عناء البحث

<h6 style="margin-left: 10px; margin-right: 10px;" dir="rtl">حقوق المواطن</h6> أولاً: الكرامة: إذا توفرت للإنسان أسباب ومدارك الكرامة، وشعر بأن كرامته محظية بالاحترام، يكون ذلك سبباً في انشداده إلى تراب وطنه ويعمق إحساسه بالانتماء إليه والولاء للجماعة فيه إذ يقر لهم بالاحترام مقابل احترامهم له..، القرآن الحكيم يتحدث عن أولئك الناس الذين تصادر كرامتهم في أوطانهم، ولا يكونون قادرين على الدفاع عن حرياتهم الأساسية في بلادهم، فهم مخيرون بين العيش في الوطن أذلاء مهانين أو الهجرة عنه طلباً لأجواء الحرية والكرامة، وحينئذ فالخيار الثاني هو المطلوب يقول تعالى {إِنَّ الَّذِينَ تَوَفَّاهُمْ الْمَلاَئِكَةُ ظَالِمِي أَنفُسِهِمْ قَالُوا فِيمَ كُنتُمْ قَالُوا كُنَّا مُسْتَضْعَفِينَ فِي الأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُوْلَئِكَ مَأْوَاهُمْ جَهَنَّمُ وَسَاءَتْ مَصِيرًا} (43)

فالإنسان يجب أن لا يرضى لنفسه الإذلال والاستضعاف، وأن تصادر كرامته، إنما ينشد إلى

وطنه، حينما تتوفر له الكرامة فيه، واحترام الآخرين له.

ما اردته من الاستدلال واضح يا اخى عندما يصل بك الامر الى درجة الظلم للنفس وكانت الهجرة عن الوطن هيا الخيار فلا مانع منه

واذا كان للاية معنى اخر فعزرا على هذا الجهل والله لم اعرف معنى له الا هذا ولكنى بالفعل فهمتها هكذا ووجدت الكثير يستدلون بها سواء كانوا افراد او مواقع دينية

تم تعديل 18 أكتوبر 2009 بواسطة OReX

[nizza la bella]

الاخ بحار

مشاريع فى ممكن بس المبلغ اللى معاك يادوبك راشاوى

حددهدف

هل انت عاوز تعيش وخلاص بدون نظام بدون احترام

ولا مجتمع بيحترم الادمية

مجتمع منظم نظيف راقى خالى من الفساد

عليك وعلى الهجرة او اوربا انت سنك صغير اوعى تخطب او تتجوز اوعا اوعا

حدد هدفك الاول

هاجر

خد جنسية و باسبور اجنبى وشوف هاتتعامل ازاى فى مصر اى دول الخاليج

تحياتى

على

[المخنوق دائما]

قد يكون رأيى مخالفا بعض الشىء

بالنسبة لعمل مشروع(أيا كان المبلغ) لماذا فرضنا نجاح المشروع بنسبة 100%ولم نأخذ فى الحسبان فشلة(لاقدر الله) على الرغم من معرفتنا بأن أغلب المشروعات الناجحه لم يفكر أصحابها بها صدفة أو انها كانت واحدة من ضمن خيارات متعددة كما فى حالة(بحار) بل كانت هى هدفهم الأوحد وشغلهم الشاغل وطموحهم فى الحياة وقد يضطرون الى تغيير مسارهم مؤقتا ولكن فى خدمة هدفهم الأساسى(كمن يسافر لفترة لجمع مبلغ من المال).

والخلاصة ان فكرة المشاريع لاتنجح مع كل الناس وليس كل من توفر معه مبلغ من المال(قل أو كثر) قادرا على عمل مشروع ناجح

فعقل الانسان وطموحة وميولة هو الذى يحدد مشروعه وليس المبلغ الذى يتوفر معه ومن ثم يبحث عن الطرق لتحقيق هذا الهدف.

أشعر من كلامك(بحار) أنك متحيرا فى إختيار أحد أهم قراراتك وهو مايتعلق بوظيفتك وإستقرارك ولذلك فرأيى ان تحدد ماتريد انت اولا:

فإذا كنت تريد المال والإستقرار "الى حد ما" (فعليك بدول الخليج)

واذا كنت من هواة العلم وتريد حياة الرفاهية (فعليك بالهجرة)-وانا من مؤيدى العمل بالدول الأجنبية لفترة من العمر وليس الهجرة والسفر للتعلم والحصول على الشهادات أو الإستقرار هناك"فالإستقرار هناك مفاسده أكثر من منافعه"

ولا أنصحك بخيار المشروع (إلا إذا كنت ممن تتوفر فيهم شروط رجال الأعمال والمستثمرين) فأنا أظن أن هناك أناس خُلقوا ليصبحوا مستثمرين ورجال أعمال ويظهر ذلك فيهم جليا منذ طفولتهم.

وقرار مشروع أى حاجة وزى ماتيجى تيجى فهو خاطىء تماما يؤدى كالعادة الى الخسارة او التعرض للنصب

اما رأيى الشخصى فهو أن تكمل فى دول الخليج وتتنقل من مكان عمل لأخر حتى تستقر فى مكان تشعر فية بالراحة ومن ثم تفكر في مايمكنك عملة فى مصر لتستقر فيها مع أسرتك ووسط والديك.

أو ان تسافر للعمل فى دولة أجنبية وليس للدراسة والإستقرار الدائم

تم تعديل 18 أكتوبر 2009 بواسطة المخنوق دائما

[Amr Radwan]

قد يكون رأيى مخالفا بعض الشىء

بالنسبة لعمل مشروع(أيا كان المبلغ) لماذا فرضنا نجاح المشروع بنسبة 100%ولم نأخذ فى الحسبان فشلة(لاقدر الله) على الرغم من معرفتنا بأن أغلب المشروعات الناجحه لم يفكر أصحابها بها صدفة أو انها كانت واحدة من ضمن خيارات متعددة كما فى حالة(بحار) بل كانت هى هدفهم الأوحد وشغلهم الشاغل وطموحهم فى الحياة وقد يضطرون الى تغيير مسارهم مؤقتا ولكن فى خدمة هدفهم الأساسى(كمن يسافر لفترة لجمع مبلغ من المال).

والخلاصة ان فكرة المشاريع لاتنجح مع كل الناس وليس كل من توفر معه مبلغ من المال(قل أو كثر) قادرا على عمل مشروع ناجح

فعقل الانسان وطموحة وميولة هو الذى يحدد مشروعه وليس المبلغ الذى يتوفر معه ومن ثم يبحث عن الطرق لتحقيق هذا الهدف.

أشعر من كلامك(بحار) أنك متحيرا فى إختيار أحد أهم قراراتك وهو مايتعلق بوظيفتك وإستقرارك ولذلك فرأيى ان تحدد ماتريد انت اولا:

فإذا كنت تريد المال والإستقرار "الى حد ما" (فعليك بدول الخليج)

واذا كنت من هواة العلم وتريد حياة الرفاهية (فعليك بالهجرة)-وانا من مؤيدى العمل بالدول الأجنبية لفترة من العمر وليس الهجرة والسفر للتعلم والحصول على الشهادات أو الإستقرار هناك"فالإستقرار هناك مفاسده أكثر من منافعه"

ولا أنصحك بخيار المشروع (إلا إذا كنت ممن تتوفر فيهم شروط رجال الأعمال والمستثمرين) فأنا أظن أن هناك أناس خُلقوا ليصبحوا مستثمرين ورجال أعمال ويظهر ذلك فيهم جليا منذ طفولتهم.

وقرار مشروع أى حاجة وزى ماتيجى تيجى فهو خاطىء تماما يؤدى كالعادة الى الخسارة او التعرض للنصب

اما رأيى الشخصى فهو أن تكمل فى دول الخليج وتتنقل من مكان عمل لأخر حتى تستقر فى مكان تشعر فية بالراحة ومن ثم تفكر في مايمكنك عملة فى مصر لتستقر فيها مع أسرتك ووسط والديك.

أو ان تسافر للعمل فى دولة أجنبية وليس للدراسة والإستقرار الدائم

احترم التفكير العقلاني :unsure: انا مع رأيك بشده