الاقامة

[شريف حمدي]

اعتقد ان معظم العقود التى تبرم بتهتم بمواعيد الدوام وبدل الإقامة والراتب أما بالنسبة لتجديد رسوم الإقامة فجرت العادة على أن يتحملها العامل ولكن إذا كان هناك اتفاق مسبق على تحمل الكفيل لها ومذكور فى العقد هذا فهو يلتزم قانوناً بها

أعتقد واخدة بالك يا استاذ سى السيد من أول كلمة قلتها أنى اعتقد ولا أجزم !!!!!!!!!!!!!

دى حاجة وبعدين يعنى يا ريت يكون الرد مش قاسى كده لأنه كلامى فى الحقيقة هو اللى بيحصل وده العملى والواقعى تقولى تجبر الكفيل ما تجبروش دى فوارق شخصية بين الناس بس حقيقى جرت العادة فعلا على تحمل العامل لرسوم تجديد الإقامة وده بناءاً على تجارب ناس كتير مسافرة السعودية وبغض النظر عن القانون

ولهذا فأرجو من حضرتك عدم التهكم اللاذع على رأيى والذى أؤكد لك بغض النظر عن القانون انه يحدث عملياً وفعلياً ، وعموماً أرجع وأقول أنا قلت أعتقد ولم أقل أكيد وتقريباً فى فرق فى معنى الكلمتين !!!!!!!!!!!!

أعتقد يا أخ ابو اياد ان سي سي لا يقصد اي اهانه لان هذا ليس من أخلاقة بالعكس تجد عنده حرقة فقط علي المصريين واوضاعهم فقط

[se_ Elsyed]

اعتقد ان معظم العقود التى تبرم بتهتم بمواعيد الدوام وبدل الإقامة والراتب أما بالنسبة لتجديد رسوم الإقامة فجرت العادة على أن يتحملها العامل ولكن إذا كان هناك اتفاق مسبق على تحمل الكفيل لها ومذكور فى العقد هذا فهو يلتزم قانوناً بها

يا اخي اي عقد واي اتفاق ؟؟؟؟؟؟

احنا بنقول قانون

قانون بينص على تحمُل الكفيل لتكاليف الاقامة ...

واي حاجه خلاف لذلك بتبقى مخالفه صريحه يُعاقب عليها الكفيل

[rewsha]

القانون بيقول ان صاحب العمل يتحمل تكاليف الاقامه

لكن الواقع بقه ....يختلف من كفيل لكفيل ومن متعاقد لمتعاقد

بمعنى .....

ممكن كفيل يتحمل تكاليف اقامة المتعاقد وممكن كفيل تاني يحملها للمتعاقد نفسه

وممكن متعاقد يتحمل تكاليف اقامته وممكن متعاقد تاني يرفض ويطالب بتطبيق قانون العمل السعودي

لكن المهم ....النفس ....(.اقصد النفس الطويل) مع الكفيل اللي بيحملها للمتعاقد

[KAhamid]

أحد الزملاء باعت سؤال بيقول

أشعر بألام في الجانب الأيمن السُفلي من بطني ... فأرجو من أصحاب الخبرة أن يدلوني عن سبب المشكلة ..

أنا بقى سي السيد العضو العامل في هذا المنتدى المحترم ممكن اقول له لك ثقه وفخار إن ده سببه مشاكل كامنه لديه في قاع العين وبالتالي عليه انه يعمل اشعه على الاذن الوسطى عشان يشوف رُكبته اخبارها ايه بدل ما الامور تتطور وجلده يقع ...

فهمتوني ؟

لو سمحتوا يا جماعه من غير إساءه ...

هو ليه اللي مش عارف ما يسكتش وما يفتيش بغير علم ويودي الناس في داهيه خصوصاً في الامور المحسومة قانونياُ بدل ما نعمل زي الدبه اللي بتقتل صاحبها من كتر الحب مع إنها كانت عاوزه تساعده ..

أصلها شافته نايم تعبان وجت دبانه غلسه وقفت على وشه فجت بهدوء تهشها .. ولانها تقيلة ودبدوبه ... فراحت مطبقه له وشه فموتت الدبانه وموتت صاحبها بالمره

وده امر لاحظته على فكره في مواضيع كتيرة تحتوي على أمور قانونيه كتيرة مش بس الموضوع ده

وإليكم ما قيل من الزملاء اللي كان قصدهم يساعدوا الراجل .. لكنهم كانوا على وشك إنهم يموتوه او يمكن موتوه بالفعل وزمانه ممكن يكون استسلم وعرف غن تكاليف الاقامة على العامل

أما بالنسبة لتجديد رسوم الإقامة فجرت العادة على أن يتحملها العامل ولكن إذا كان هناك اتفاق مسبق على تحمل الكفيل لها ومذكور فى العقد هذا فهو يلتزم قانوناً بها

لا مؤخذه يا ابو إياد ... كلامك مش صحيح يا أخي بالمره

هو قانونا الاقامه بكل تكاليفها على صاحب العمل لكن فعليا هي على العامل

مش هتقدر تجبره على استخراجها وفي نفس الوقت العرف الدارج انها على العامل مش صاحب العمل

لا مؤخذه يا مدام ضُحى

ده كلام يموت الدبه نفسها واللي يتشدد لها

لا في عُرف دارج ولا عُرف ديك بيقول كده حتى

ولإننا في بحبوحه من العيش وكل اللي معدي جنب الموضوع بيفتي

فمحمد اللي عايش في الكويت وعنده 17 سنه وده مش عيب يا محمد على فكره انا باحترمك والله

لكن اشمعنى انت ... إديها يا عم ما ترحمهاش

الاقامة علي العامل مش الكفيل

لا حول ولا قوة الا بالله العلي العظيم

قانون العمل السعودي - المادة رقم أربعين

1- يتحمل صاحب العمل رسوم استقدام العامل غير السعوديـ ورسوم الإقامة ورخصة العمل وتجديدهما وما يترتب على تأخير ذلك من غرامات ورسوم تغيير المهنة والخروج والعودة وتذكرة عودة العامل إلى موطنه بعد انتهاء العلاقة بين الطرفين

----

وفي حالة رفضه ، تروح بكل بساطة تشتكيه في مكتب العمل وقبل كل ده تستشير المكتب العمالي بالقنصلية المصرية

هو ده الكلام

ولو ثُبت على اي كفيل .. او كفولة ... أو كنملة مش فيل إنه بيحمل العامل تكاليف الاقامة او التأمين الطبي ... بيروح في داهيه .. لكن اللي عنده قلب وشجاعه إنه يشتكي ويطالب بحقه

مره أخرى بجديه يا جماعه من فضلكم

من قال لا أعلم فقد أفتى ... أنا شخصياً باعمل كده في الأمور القانونية والدينية بالذات

إنما أتفهلو - جايه من الفهلوه - وامسك البايب وأقول جرت العادة وجرا الماء ... ده اكبر غلط

كلامي ممكن يكون قاسي وصادم

لكن أنا لاحظت فعلاً في مواضيع كتيرة جداً هذا السلوك اللي بيودي في داهيه من البعض ...

إزاي ؟

إزاي موضوع يعدي من تحت إيده من غير ما يزود عدد مداخلاته وتتحسب له بونطه ويُدلي بجردله ويعمل منظر ...

تصبحو على خير

والله انت برنس

وربنا يخليك للمنتدي

[samehbadr]

الموضوع يرجلك بالاتفاق بلاش كل حاجة مكتب العمل مش هيفدك ده في كل الحالات الا اذا الامور خربت