اين نقابة الاطباء؟؟؟؟؟؟؟؟؟؟

[bentbatota]

لقد طفح الكيل مما يحدث للاطباء بسبب انفلونزا الخنازير بدأنا بتحويل اطباء الامتياز لزائرات صحيات

سوف اقص عليكم ما يحدث معى اولا انا طبيبة نساء وولادة حاصلة على التخصص واعمل بمركز صحى اخصائية اقوم بالكشف على السيدات الحوامل ومتابعتهم ولى فى هذا التخصص 12 سنة وعندما بدأ العام الدراسى وجدت اسمى بين الاطباء الممارسين الموزعين على المدراس بسبب انفلونزا الخنازير الكل عندنا قالوا معلش ازمة وحتعدى يا دكتورة

ثم بدأت المهزلة والاوامر مروا على المدارس و حمامات المدراس والصابون والكلور يوميا وتوقع حضور وانصراف فى كل مدرسة وترجع تكمل شغللك قلت يا جماعة مال الدكتور والحمامات دى مسئولية المدرسة واذا كان وزارة الصحة عايزة تتطمئن يبقى شغلانة المراقب الصحى لان دى شغلانتة هم عددهم زى الليمون ام قولنا ماعلينا ويا مصبر الوحش على الجحش

طبعوا ورقة اسمها البلاغ اليومى باسم الحالات المشتبه واياك تكتب اى حالة تكتب لايوجد وتوقع عليها ولازم تتسلم يوميا قولنا حسبى الله ونعم الوكيل عشان لوظهرت حاله فى مدرستك تبقى انت كبش الفداء مش المديرين

كتبنا البلاغ اليومى ووقعنا بان مافيش حالات الحمدلله الى آلان ليس فى اى حالة اشتباه فى المدارس جينا نسلمها مرضيش يستلمها وكتب السيد المراقب مذكرات فى الشئون القانونية فى الاطباء انهم مابيسلموش البلاغ اليومى ياترى لييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟

ليه ليه يا سعادة المراقب الصحى عشان ما فيش مع البلاغ اليومى يومية غياب الطلبة فى المدارس سمعنى مرة تانية لوسمحت غياب ايه ؟؟؟؟؟ الطلبة هو انا دكتور ولا فراش والدكتور ايه علاقته بالغياب دى اوامر المدير كل دكتور يجيب الغياب معاه من المدرسة والغياب مسئولية الدكتور مش الممرضة ولا المراقب الصحى والاوامر شفهية

مع ان الغياب ممكن اى موظف يتصل بالمدارس ويحصل عليه و بتنزل عى النت يومية الغياب بكل مدارس الادارةعندنا موظفين مركز معلومات وفيه نت واللى عرفناه انهم بيحصلوا على يومية غياب المدارس من الادارة التعليمية يوميا تفتكروا بعد دا كله ليه مطلوب نجيب غياب الطلبة؟؟؟؟؟؟

طبعا رفضت الموضوع ولسه مش عارفة ايه اللى حيحصل رغم ان كل اللى حوليا معلش هاتى يومية الغياب معاكى ما انتى كده كده بتمرى على المدارس وايه يعنى وخالى الدنبا تمشى بدل مايوروكى النجوم فى عز الضهر

فعلا يا اخوانا احنا فى وزارة الصحة موظفين بدرجة تالتة وبلا حقوق لهم بل عليهم وكانهم صنف تانى

ملحوظة المراقب الصحى هو المسئول عن محلات الباعة الجائلين والتبليغ عن اكوام الزبالة اوالمجارى وكل ما يهدد صحة المواطنين واخذ عينات المياه وتحليلاها.............الخ الخ

واليوم تقرر اضافة حضانات الاطفال الى جانب المدارس حاعمل ايه معاهم ايه دول؟؟؟؟؟؟؟؟؟؟؟

ومش حاكتب ليكم عن اماكن المدارس والمسافات و سندوشات الطعمية اللى بياكلها المدرسين قبل الطلبة وتحكم الناظر فى الطبيب ولا استخفاف بعض ضعاف النفوس من المدرسين على الاطباء خصوصا لو دكتورة

فين نقابة الاطباء من دا كله طبعا الاعضاء فى النقابة من الجامعة فما يعرفوش اى حاجة بتحصل للاطباء فى وزارة الصحة وحالهم و ما يقع عليهم من ظلم انما دورها يجى بس لما طبيب يخطىء فقط

كفاية كده وبس

[mandoo]

أنا مع ماتقوم به وزارة الصحة للحفاظ على شعب مصر من هذا الوباء اللعين الذى يستدعى تضافر الجهود ولامجال حاليا للشكوى ... فنحن أما مهمة وطنية نأمل أن نخرج منها بأقل الخسائر .... وبما أنك طبيبة فتعلمين جيدا خطورة هذا الوباء على الشعب المصرى ... وإتجاه وزارة الصحة بتكليف جميع الأطباء ليس عيبا ... فهل نقوم بإستقدام أطباء من الصين مثلا لمباشرة هذه الأعمال ؟

أما بخصوص المراقب الصحى فأعتقد أن وزارة الصحة أصابت فى تقديرى بأن يكون الطبيب هو المسئول الأول عن كتابة التقارير لما فيها من أمور فنية دقيقة ..... أما بخصوص النظافة كما ذكرت فهى ليست من إختصاص الطبيب ولكن المتابعة يجب ان تسند الى شخص آخر يكون رقيبا على أعمال المراقب الصحى .. وأنا لا أشكك فى نزاهة المراقب الصحى ... بل من الطبيعى لكل ورشة عمل رئيس يتحمل مسئولياتها ويكون هو صاحب القرار ..

أنا ضد طلبهم عدم كتابة أى حالات فى التقرير اليومى ... فهذه هى المصيبة الكبرى ولا يمكن السكوت عليها .. ويجب الإبلاغ عن ذلك للجهات المعنية وعلى أن تكون الشكوى جماعية وحتى لاتحول الى شكوى كيدية وتصبحين متهمه بإثارة البلبلة .

نعم أين نقابة الأطباء ؟ وأين النقابات الأخرى ؟؟؟؟؟؟؟؟؟؟؟؟؟؟؟ لقد تعودنا أن تكون كل منظومة لدينا ناقصة .... فهل هو مزاج ؟ ام قلة حيلة ؟

مع خالص تحياتى

[dawn walker]

بصى يا عزيزتى

نقابة الاطباء فى التلاجة

وغدا سيخرج د حمدى السيد ليتهمك بعدم الوطنية وربما يحول المعترضين للجان تأديبية (كما فعل مع اطباء الامتياز بالاسكندرية وحولهم على المدارس )

ويجيش الراى العام ضد الاطباء الرافضين لا بتزاز الوزارة المصونة ..الللى بتبيع الوهم للمصريين

فما تتعبيش نفسك

وما تنتظريش حد يأيدك هنا او يتعاطف..لانهم واخدين فكرة مسبقة وما اسوأ الافكار المسبقة ...وكله هييجى يكلمك عن الوطنية وخاصة بعد تهييج التوك شو للشعب المصرى الغلبان ...

الله يعينك

تم تعديل 17 أكتوبر 2009 بواسطة dawn walker

[bentbatota]

يا خوانا انا لم اعترض على المشاركة اوالشغل ومصر هى امى وكل الكلام الوطنى اللى عايزين تقولوه

ولكن تحديد اولويات يعنى اخصائى نساءوولاده يفيد اكتر ولا اخصائى الاطفال والباطنة والحميات وفين التأمين الصحى من دا كله

ومحدش شاف يومية غياب الطلبة فى المدارس ايه علاقة الطبيب بيها يفرض عليه ان يجبها زى ما يكون عامل بالاعدادية وشوفتوا انى معترضة وبس

وكمان محكمة تادبية وبلبلة راى عام يادى المصيبة يعنى كلام الناس صح امشى جوه الحيط مش جنبها وعايزين نربى العيال

فعلا انا كنت داخله فى تحدى مع نفسى انى اشوف تعاطف الناس مع الأطباء ولا لا لان اللى قرا الموضوع لغاية دلوقتى 46 واللى رد 2 منهم رد اتهمنى بانى لا اريد المشاركة وفى هذه الازمة الوطنية والتانى واضح ان زميل مهنة

يعنى لو موضوع بيتكلم طبيب ترك فوطة فى بطن مريض ولا عمل اى حاجة وحشة يا ترى كام رد كان وكام واحد كان شاف الموضوع

من بكره يا خوانا حاروح اجيب يومية الغياب بتاعة الطلبة والف على المراحيض

واعتذر انى كتبت هذا الموضوع من اساسه ويا ريت يغلق الموضوع

[سهيلة]

ازيك يا دكتورة

موش عاوزاكى تزعلى من رد فعل الناس لانهم مهماااااااااا تخيلوا موش هيوصلوا للواقع المرير اللى بيعيشه الطبيب

يا جماعه عاوزة اقولكم ان الوزارة بتستعبد الطبيب بجد

موش بتحترم ادميته اساسا وف الاخر كل الناس بتتسائل ليه اخطاء الاطباء زادت وعد اهتمامهم بالمرضى زاد

لان الناس موش عارفين ان

الوزاررة مثلا ف موضوع انفلوانزا الخنازير بتطلب من الدكاترة اللف ع المدارس

وطبعا زى ما قالت زميلتنا الدكتورة المسافات بين المدارس بعيدة

طب على الاقل يوفروا مواصله او اسعاف حتى ينقل الطبيب من مدرسه لاخرى

كمان عدد المدارس كبير ف منظقه كل دكتور طب ازاى هيلف على كل دة الا اذا كان يمتلك عربيه او توفروله مواصله

كمان ما فيش بدلات للتنقل ولا فلوس زيادة للطبيب قصاد هذا المجهود المطلوب منه

يعنى اذا اردت ان تطاع فامر بما يستطاع

قلبى معاكى يا دكتورة والله

[Alshiekh]

أزيدكم واحدة من مزايدات الحكومة ومحافظة الاسكندرية وجامعة الاسكندرية مجتمعين

قرروا متضامنين توزيع اطباء الامتياز لهذا العام على المدارس على الرغم منهم لايزال امامهم اكثر من اربعة اشهر لانهاء سنة الامتياز والتى تعتبر هى التدريب العملى لهم.

ومن المفارقات انهم يطلبون منهم التوقيع على اقرار بأنهم سيؤدون ذلك متطوعون وبعدم مسئولية الجامعة او وزارة الصحة عما يحدث لهم !!!

نقابة اطباء اسكندرية ابلغتهم " شفويا " بانهم لن يمنحوا ترخيص مالم ينهوا سنة الامتياز

وعلى ضوء ذلك رد الدكتور حمدى السيد ( نقيب الاطباء ) عليهم فى لقاء تليفزيونى بانهم سيتم تكريمهم لانهم سيقومون بعمل قومى.

واتعجب كيف يكلفون اطباء الامتياز بعمل كهذا وهم لايزالوا فى حكم الطلبة حيث انهم لايزالون تحت اشراف جامعة الاسكندرية ولم يصدر ترخيص لهم بعد بانهم اطباء لانهم لازالوا يعملون بنظام التغيير على الاقسام المختلفة تحت ملاحظة المكلفين من اطباء الجامعة ، هل اصبح طلبة المدارس حقل للتدريب بدون اشراف اطباء ممارسين؟ وهل يمكن ان يكون الهدف ان يقوم طبيب الامتياز بمجرد قياس حرارة التلاميذ وتحويلهم وخلاص؟

وكيف يطلبون منهم ان يوقعوا على اقرارات بعدم تحمل الدولة لمسئولياتها تجاههم ؟

لقد وقف اطباء الامتياز وقفة واحدة ورفضوا تنفيذ الامر ولايزال التفاوض مستمرا

[tantrum]

الزميلة العزيزة

عفوا إن كان رأيي مختلفا معك

فأنت كما يبدو تعملى بالرعاية الصحية الأولية

و كل ما ذكرتيه يعد من إختصاص طبيب الرعاية الأولية

و ذلك فى سياق أننا نعانى من وباء منتشر

و المشكلة عندك هى لماذا لم تنقلى لمستشفى وذلك لأنك حاصلة على تخصص (المفروض دبلومة أو ماجستير نساء و توليد) أما إن كان تخصصك طب أسرة فهذه الأعمال من تخصصك.

و عفوا أيتها الزميلة الكريمة

أنا أرى فى هذه الأعمال منتهى الرقى و التضحية و الفائدة

فهى تشمل إجراءات وقائية افضل ألف مرة من العلاج.

أما ضعاف النفوس و الناظر و تحكمه فعفوا مرة ثانية فأنت دورك و أوامرك الوقائية تسرى عليهم وهم ملزمون بتنفيذها ولك الكلمة العليا.

أرجو تقبل إختلاف وجهة النظر

تم تعديل 18 أكتوبر 2009 بواسطة tantrum