70 يوم في مصر (من الكويت و إليها)

[doha]

بداية اسمح لي اناديلك محمد بس على اعتبار فارق السن الي لصالحي طبعا بس بالتاكيد انا بقولك اسمك مجرد ولكني اعنيه بألقابه على اعتبار ان من الظلم واحد له اسلوبك واهتماماتك يحاسب على السن بس .. اعتقد اننا لو حسبناها كده هتطلع اكبر من السن ده وبكتير ..

انا مش داخله اقولك كمل وانما داخله اقول ( شكرا ) ..

بشكرك على اني بجد استمتعت باسلوبك في الوصف بغض النظر اتفقت معاك في وجهة نظرك او لم اتفق الا ان اسلوبك المتفرد يستحق مني تحية وكبيرة كمان .. بجد لك قلم اتمنى تعرف قيمته لان ممكن فعلا يوصلك لشيء يستحق ..

و بشكرك على اتاحة الفرصة لي اشوف مصر من الزاوية الي انت شفتها منها .. وجهة نظرك في تناول الامور ومنطقتها وتحليلها تستحق بالفعل وقفة عندها وبرضه بحييك على اسلوبك في الاستنباط ودقة ملاحظتك واستنتاجاتك من مواقف بسيطه ممكن كتير مننا يتعرض لها ولا تعني له شيء في النهاية بينما انت حاولت تخرج منها بموقف او فكرة والاهم انك شاركتنا معاك فيما خرجت بيه من هذه التجربة الي للاسف كنت اتمنى لو تكمل سردك لها ..

ثم بشكرك على ادبك الجم في التعامل مع المخالفين لك في وجهة النظر .. كان ممكن ترد على الي اعترضوا على كلامك سواء بالتهكم او السخرية او حتى التطاول وممكن الاشتباك كمان .. كل الي انت عملته هو اعلان تحفظك على كلامهم ثم انسحابك من اكمال الحوار .. بصراحه بحييك على ظبط النفس الي انت فيه واتمنى لو انا شخصيا اقدر ابقى زيك كده في كل المواضيع هادية ونفسي طويل ومردش على البعض بالي اشوفه يستحق الرد بيه .. اتمنى .

واخيرا بشكرك شكر كبييير قاااد كدهوه عشان بدال مااقعد اكتب وابح صوتي في نظريتي القائلة بأن الديموقراطية بعض من تخيلنا انت جبت لي مثال عملي خفيف ظريف على السريع كده ( حاجه زي كليبات اليوتيوب بتجيب من الآخر بدال مانقول حلقة امبارح كان فيها نروح لاطعين الحلقة بذات نفسها للي عاوز يشوف بنفسه)

وبعد اذن السادة المعترضين على ماكتبه ( الاستاذ ) محمد عن مشاهداته وانطباعاته ..

في رايي المتواضع جدا فمحمد مكتبش ( نقد ) للاوضاع في مصر ـ مع ان من حقه يكتب لو كان عاوز يكتب ـ هو بس كتب الي شافه بالظبط وكأنه بيعرض علينا فيديو او صورة لرحلته .. كونه مش شايف في الصورة غير الدبانة الي واقفة على تمثال نهضة مصر فدي مش مشكلته وانما مشكلة كل الي شايف الصورة وساكت مش بيعلق على الي هو شايفه ..

محمد جايب الصورة وذكر الاحداث بتسلسلها بدون تدخل منه تقريبا .. انتم مش شايفين الذبابه الي بيتكلم عنها او شيفينها بس بتنكروا عليه تركيزه عليها خلاص اعملوا العكس .. اكتبوا انتم واوصفوا جمال التمثال .. محدش حايشكم .. الي شايف ان محمد بيبالغ او بيتجنى يعمل زي محمد ماعمل .. يحكي ويقول .. لما بينزل مصر بيشوف ايه وبيعجبه فيها ايه ولما بيكون بعيد فاكر منها ايه ومشتاق فيها لايه .. كل الي معترض يكتب موضوع زي ده بالظبط ويقول فيه الي هو حاسس بيه شايفه ويحكي ويتغزل في التمثال زي ماهو عاوز وياريت بس مينساش يجيب لينك الموضوع ويحطه هنا في رد عشان نضمن ان الي هيشوف ده يشوف ده والي بيقرأ بعد كده هو الي يقرر ياترى الصورة صورة الدبانة ولا .. التمثال ..

ياريت بلاش الكلام الكبير والارهاب بان دي مصر وان لسه في رجاله وبتقف وقفة رجاله ويقطع لسان الي يتكلم عن حاجه في مصر ..

لو كان الكلام عن حاجة وحشة في مصر يشيل عن حد صفة الوطنية يبقى على كده رئيس الجمهورية بنفسه لما بيطلع يقول بطلوا خلفة مليتوا البلد يبقى مش وطني بقى .. طب ازاي .. وهو الوطني والوطني هو ..

الي مش عاجبه الي محمد كتبه يكتب هو العكس مش يمنع محمد انه يقول خاصه وهو لم يستخدم اي الفاظ خارجه او يعمم .. هو بس قال الي شافه وعلق عليه من وجهة نظره والي مش عاجبه او مخالفه في الرأي ياريت يكتب هو شايف ايه ووجهة نظره هو ايه بدون مصادرة لوجهة نظر او رأي حد ..

ده اذا كنتم شايفين ان محمد ( غلط ) عشان استنكر شيء لا يستحق الاستنكار من وجهة نظركم .. اما لو كان ( غلطه ) الي ( بتحاسبوه ) عليه هو انه ( تجرأ ) اساسا وجاب رأي مش موافق لراي البعض يبقى من حق البعض تقطع اللسان الي يقول كلام هم مش مقتنعين بيه ..

اوعى تكون الحكاية كده لان الطريقة دي مش مقبوله عندنا هنا في محاورات الديموقراطيين الي شعارها الرأي والرأي الآخر هنا المفروض الواحد يقول الي هو عاوز يقوله والي مش عاجبه يفند الاقوال دي برأي مخالف مش يكمم ولا يكتف ولا يعمل مقص حرامية في حد ولا يرهب ويشتم ويرفع شعارات الوطنية .

مش بقولك ياحج محمد انت وفرت علي كتير .. رووح يابني ربنا يفتح عليك ومايقطع لك عداد كهربا ..

التوقيع ..

أبلة ظاظا ...

[MoHaMMeD EgYpT]

بداية اسمح لي اناديلك محمد بس على اعتبار فارق السن الي لصالحي طبعا بس بالتاكيد انا بقولك اسمك مجرد ولكني اعنيه بألقابه على اعتبار ان من الظلم واحد له اسلوبك واهتماماتك يحاسب على السن بس .. اعتقد اننا لو حسبناها كده هتطلع اكبر من السن ده وبكتير ..

انا مش داخله اقولك كمل وانما داخله اقول ( شكرا ) ..

بشكرك على اني بجد استمتعت باسلوبك في الوصف بغض النظر اتفقت معاك في وجهة نظرك او لم اتفق الا ان اسلوبك المتفرد يستحق مني تحية وكبيرة كمان .. بجد لك قلم اتمنى تعرف قيمته لان ممكن فعلا يوصلك لشيء يستحق ..

و بشكرك على اتاحة الفرصة لي اشوف مصر من الزاوية الي انت شفتها منها .. وجهة نظرك في تناول الامور ومنطقتها وتحليلها تستحق بالفعل وقفة عندها وبرضه بحييك على اسلوبك في الاستنباط ودقة ملاحظتك واستنتاجاتك من مواقف بسيطه ممكن كتير مننا يتعرض لها ولا تعني له شيء في النهاية بينما انت حاولت تخرج منها بموقف او فكرة والاهم انك شاركتنا معاك فيما خرجت بيه من هذه التجربة الي للاسف كنت اتمنى لو تكمل سردك لها ..

ثم بشكرك على ادبك الجم في التعامل مع المخالفين لك في وجهة النظر .. كان ممكن ترد على الي اعترضوا على كلامك سواء بالتهكم او السخرية او حتى التطاول وممكن الاشتباك كمان .. كل الي انت عملته هو اعلان تحفظك على كلامهم ثم انسحابك من اكمال الحوار .. بصراحه بحييك على ظبط النفس الي انت فيه واتمنى لو انا شخصيا اقدر ابقى زيك كده في كل المواضيع هادية ونفسي طويل ومردش على البعض بالي اشوفه يستحق الرد بيه .. اتمنى .

واخيرا بشكرك شكر كبييير قاااد كدهوه عشان بدال مااقعد اكتب وابح صوتي في نظريتي القائلة بأن الديموقراطية بعض من تخيلنا انت جبت لي مثال عملي خفيف ظريف على السريع كده ( حاجه زي كليبات اليوتيوب بتجيب من الآخر بدال مانقول حلقة امبارح كان فيها نروح لاطعين الحلقة بذات نفسها للي عاوز يشوف بنفسه)

وبعد اذن السادة المعترضين على ماكتبه ( الاستاذ ) محمد عن مشاهداته وانطباعاته ..

في رايي المتواضع جدا فمحمد مكتبش ( نقد ) للاوضاع في مصر ـ مع ان من حقه يكتب لو كان عاوز يكتب ـ هو بس كتب الي شافه بالظبط وكأنه بيعرض علينا فيديو او صورة لرحلته .. كونه مش شايف في الصورة غير الدبانة الي واقفة على تمثال نهضة مصر فدي مش مشكلته وانما مشكلة كل الي شايف الصورة وساكت مش بيعلق على الي هو شايفه ..

محمد جايب الصورة وذكر الاحداث بتسلسلها بدون تدخل منه تقريبا .. انتم مش شايفين الذبابه الي بيتكلم عنها او شيفينها بس بتنكروا عليه تركيزه عليها خلاص اعملوا العكس .. اكتبوا انتم واوصفوا جمال التمثال .. محدش حايشكم .. الي شايف ان محمد بيبالغ او بيتجنى يعمل زي محمد ماعمل .. يحكي ويقول .. لما بينزل مصر بيشوف ايه وبيعجبه فيها ايه ولما بيكون بعيد فاكر منها ايه ومشتاق فيها لايه .. كل الي معترض يكتب موضوع زي ده بالظبط ويقول فيه الي هو حاسس بيه شايفه ويحكي ويتغزل في التمثال زي ماهو عاوز وياريت بس مينساش يجيب لينك الموضوع ويحطه هنا في رد عشان نضمن ان الي هيشوف ده يشوف ده والي بيقرأ بعد كده هو الي يقرر ياترى الصورة صورة الدبانة ولا .. التمثال ..

ياريت بلاش الكلام الكبير والارهاب بان دي مصر وان لسه في رجاله وبتقف وقفة رجاله ويقطع لسان الي يتكلم عن حاجه في مصر ..

لو كان الكلام عن حاجة وحشة في مصر يشيل عن حد صفة الوطنية يبقى على كده رئيس الجمهورية بنفسه لما بيطلع يقول بطلوا خلفة مليتوا البلد يبقى مش وطني بقى .. طب ازاي .. وهو الوطني والوطني هو ..

الي مش عاجبه الي محمد كتبه يكتب هو العكس مش يمنع محمد انه يقول خاصه وهو لم يستخدم اي الفاظ خارجه او يعمم .. هو بس قال الي شافه وعلق عليه من وجهة نظره والي مش عاجبه او مخالفه في الرأي ياريت يكتب هو شايف ايه ووجهة نظره هو ايه بدون مصادرة لوجهة نظر او رأي حد ..

ده اذا كنتم شايفين ان محمد ( غلط ) عشان استنكر شيء لا يستحق الاستنكار من وجهة نظركم .. اما لو كان ( غلطه ) الي ( بتحاسبوه ) عليه هو انه ( تجرأ ) اساسا وجاب رأي مش موافق لراي البعض يبقى من حق البعض تقطع اللسان الي يقول كلام هم مش مقتنعين بيه ..

اوعى تكون الحكاية كده لان الطريقة دي مش مقبوله عندنا هنا في محاورات الديموقراطيين الي شعارها الرأي والرأي الآخر هنا المفروض الواحد يقول الي هو عاوز يقوله والي مش عاجبه يفند الاقوال دي برأي مخالف مش يكمم ولا يكتف ولا يعمل مقص حرامية في حد ولا يرهب ويشتم ويرفع شعارات الوطنية .

مش بقولك ياحج محمد انت وفرت علي كتير .. رووح يابني ربنا يفتح عليك ومايقطع لك عداد كهربا ..

التوقيع ..

أبلة ظاظا ...

شكرا لحضرتك علي الاطراء و الكلام الجميل ده و بجد كان نفسي اكمل موضوعي لك انا بجد اسف مش هقدر

[عبير يونس]

أخي الفاضل محمد

صحيح انا ما قرأتش لحضرتك كتير

بس موضوعك ده بيفكرني بنفسي لما كنت في سنك

كنت ناقمة على مصر كل لما أنزل أجازة و شايفة السعودية أحسن منها في كل حاجة

و طبعا ده كان بسبب النظرة الدونية اللي كان من حولي ينظرون بها إلى مصر

و كنت بأداري اني مصرية

و اتقن لهجتهم

لدرجة انهم مكنوش بيعرفوا اني مصرية

كان والدي ووالدتي الله يرحمهم على النقيض تماما

لكن لأني مكنتش باسمع عن مصر و عظمة مصر غير منهم مكنتش مصدقة غيرالنغمة اللي حواليا و اللي كانت بتكرهني في مصر

ده كان في أواخر التمانينات على فكرة

و كانت البلد أفضل من دلوقتي كتيييييييييييييييييير

بحماس الشباب

لما رجعت مصر في الجامعة كنت دايما بأقارن بين مصر و السعودية

من حيث الجامعة و خدماتها للطالبات

و كأنهم في جامعة امريكية

و الجامعة في مصر اللي كنت باقعد على الأرض في السكشن

أو أقوم بتأجير كرسي بربع جنيه

عايزة اقولك اني فسخت خطوبتي عشان خطيبي السابق شتم في السعودية و السعوديين

:blink:

كنت متحيزة جدا

و خصوصا اني لما اتخرجت اخدت التقدير الشعبي المحترم ظلما و عدوانا فزاد نقمي على البلد و حسيت اني انتهيت

و عايزة اقولك اني وافقت على زواجي من زوجي لأنه كان بيعمل في السعودية

و حيرجعني هنا تاني

و صحيح ما رجعتش على طول لظروف والدتي و كنت عايزة أفضل معاها

لكن فضلنا نعافر لحد ما جينا هنا تاني

طبعا انصدمت صدمة كبيرة جدا

مش لقيت ان السعودية وحشة والكلام ده

بس لقيت ان الأدوار اختلفت تماما

لما كنت هنا زمان كنت باحسب الأمور من وجهة نظر الابنة المدللة

اللي كل طلباتها أوامر

و معندهاش أي مسئولية غير تذاكر و بس

لما جيت تاني مع زوجي

لقيت نفسي في دور مختلف

لقيت نفسي زوجة وأم و شريكة في كل المسئوليات

بدأت أنضج

و أشوف الحياة من منظار تاني

فقت لقيت نفسي معلقة في الهواء

بلا جذور

بدأت أبص على بلدي بصة تانية

و بدأ كلام أبي و أمي رحمهما الله

يتردد في داخلي من جديد

و بدأت بعد سنوات طويلة أصدق كلامهما

عن عظمة بلدي

و تفردها في كل شيء

بدأت أتأمل فيها و في تاريخها

و في ناسها

بدأت أراها بعيون جديدة

و بدأت اعتز بكوني مصرية

سيبك من السلبيات

كل بلد في الدنيا فيها سلبيات

و المدينة الفاضلة ليست موجودة على الأرض

دي يمكن من سر عظمة مصر و المصريين

أنهم شامخون حتى مع كل المصايب اللي البلد غرقانة فيها

مصر بجد والله مش شعارات زي الأم

مش لينا بس

لكل اللي حواليها

اللي حاصل ان الأم تعبت

و أصابها الشلل اللي أقعدها

و بقت تسيبنا نهج بعيد عنها

بنفس حب الأم اللي خايفة على ولادها

و حريصة على مستقبلهم

حتى لو كان الثمن هو غيابهم عن عينيها

في بعضنا ماسك في تراب رجليها

و مش عايز يسيبها

و في منا كتير بيدور على مصلحة ولاده

بخوف الآباء على ولادهم

و بنحاول باستماته ندور لهم على حياة كريمة و مستقبل أفضل

و برضه متلوعين على أمنا القعيدة التي لا حول لها و لا قوة

موقف غاية في الصعوبة و التعقيد

يشعر به كل مصري مغترب

يجعله بين نارين

مش عيب أبدا انك تتعلق بالكويت البلد اللي تربيت فيها و اتعلمت فيها وأكيد هي بلدك التاني

و كمان مش عيب ابدا إنك عايز تهاجر

لأنه من حقك تفكر في مستقبل أفضل

لكن حيجي يوم

حتفتخر انك مصري

و حيجي اليوم اللي حتقول فيه

لو لم أكن مصريا لوددت أن أكون مصريا

و ابقى افتكر كلامي

مصر محتاجة للدعاء

و الدعاء المكثف

و التضرع إلى الله

لتقوم مرة أخرى على رجليها

تحياتي

[president]

ياريت بلاش الكلام الكبير والارهاب بان دي مصر وان لسه في رجاله وبتقف وقفة رجاله ويقطع لسان الي يتكلم عن حاجه في مصر ..

لو كان الكلام عن حاجة وحشة في مصر يشيل عن حد صفة الوطنية يبقى على كده رئيس الجمهورية بنفسه لما بيطلع يقول بطلوا خلفة مليتوا البلد يبقى مش وطني بقى .. طب ازاي .. وهو الوطني والوطني هو ..

الي مش عاجبه الي محمد كتبه يكتب هو العكس مش يمنع محمد انه يقول خاصه وهو لم يستخدم اي الفاظ خارجه او يعمم .. هو بس قال الي شافه وعلق عليه من وجهة نظره والي مش عاجبه او مخالفه في الرأي ياريت يكتب هو شايف ايه ووجهة نظره هو ايه بدون مصادرة لوجهة نظر او رأي حد ..

ده اذا كنتم شايفين ان محمد ( غلط ) عشان استنكر شيء لا يستحق الاستنكار من وجهة نظركم .. اما لو كان ( غلطه ) الي ( بتحاسبوه ) عليه هو انه ( تجرأ ) اساسا وجاب رأي مش موافق لراي البعض يبقى من حق البعض تقطع اللسان الي يقول كلام هم مش مقتنعين بيه ..

اوعى تكون الحكاية كده لان الطريقة دي مش مقبوله عندنا هنا في محاورات الديموقراطيين الي شعارها الرأي والرأي الآخر هنا المفروض الواحد يقول الي هو عاوز يقوله والي مش عاجبه يفند الاقوال دي برأي مخالف مش يكمم ولا يكتف ولا يعمل مقص حرامية في حد ولا يرهب ويشتم ويرفع شعارات الوطنية .

الفاضله ضحى . كل التحيه والتقدير للعزيز محمد . بس اسمحيلى ياريت حضرتك تجيبلى مداخله واحده ردت على محمد كان فيها ارهاب فكرى او قالتله ماتكملش

كل الردود على محمد كانت من اناس مش صغيرين عشان يعرفوا يعنى ايه ديمقراطيه فى الحوار . وكانت بترد على كلامه لا بمقص حراميه ولا حتى بمقص ترزيه

مستنى منك اقتباس لأى مداخله تعبر عن الكلام اللى انت قولتيه . بعض الناس وانا منهم استخدمنا حقنا فى الرد وتوضيح وجهة نظرنا ايه المشكله فى كده .

حضرتك بنيتى مقال طويل وعريض على حاجه محصلتش اساسا . واكيد حضرتك عارفه ان فى محاورات الديمقراطيين المفروض نتمعن فى ردود الناس الأول

قبل مانبنى استنتاجات وارهاب فكرى والكلام الجامد ده .

توضيح اخير فى هذا الموضوع ردى على محمد هو فقط لتوضيح ان مايراه سلبيه لا هو سلبيه ولا حاجه واذا كانت حتى سلبيه فالسلبيه موجوده فى كل

مكان مش قاصره على مصر بس .

الفاضله ضحى تعلمين ان محمد سنه صغير 17 سنه . هل من واجبنا لما نشوف الدبانه والسلبيه نقعد نقوله اه عندك حق وبرافو ونمى

شعوره بالحقد والبغض على البلد اكتر ماهو حاقد . ولا نحاوره ونقوله السلبيه اللى انت بتتكلم عليها دى مش سلبيه ولا حاجه او مش خاصه بمصر بس

وبالتالى ممكن ان احنا نعدل موازين الكره والحب لبلده . فى رايك اى اتجاه أفضل ؟ كلنا بنتتقد البلد بس فى نقد عن حب وياريت الحال يتصلح .

وفى نقد انا بكره البلد دى ومافيش امل فيها .

تحياتى .

[ssmaly]

الموضوع ده مثال جيد لما يحدث فى المحاوارات(عادة)

على فكرة موضوع محمد ده مع احترامى الشديد له ولكل من من فى المحاوارت من اعضاء موضوع عادى عن رؤية لكاتبة عن ما شاهده فى مصر ولا يندرج تحت باب السياسة ولا الدين ولكن هذه رؤيته الخاصة التى من الممكن ان تكون حدثت فى ظروف خاصة به(يعنى حكاية قطع الماء والكهرباء قليل ما يحدث ) و من حقه ان يتذمر من هذه الظروف حتى لو انه السبب من وجودها ونحن نرد ليه ونشرح وجهه نظرنا (كما رد عليه احد الأفاضل ) انه يجب ان يجعل احد الاقارب ان يتابع الشقة وهما مسافرين

الكثير من المواضيع تبدأ مثل موضوع محمد (هو يادوبك كتب مداخلتين فقط) كاتب الموضوع يكتب رأيه فى مداخلة ويرد البعض عليه ثم تبدأ الردود بين الاعضاء من سخرية و ردود على الردود واتهامات متبادلة ورد على الاتهامات وينتهى الموضوع الى حرية الرد وتكميم الأفواه وان ليس من المفروض ان نتكلم عن مصر او نتشتمها (هو مين اللى شتم مصر هنا ياجماعة)

وينقسم الاعضاء الى اكثر من طرف وكله بيهاجم كله وبيدافع عن نفسه فى اتهام لشىء لم يحدث

منتدنا اسمه محوارات يعنى لازم أن يكون حوار وليس اتهامات وسخرية من الأعضاء

الحوار ان ترد على ماكتبه برد منطقى يمثل رأيك الشخصى وليس رأيك الشخصى فى كاتب الموضوع انه صغير السن

وليه احنا حساسين جدا من الكلام عن اى مشكلة فى مصر

مصر بلدنا التى لها كل الفضل فى اى شىء نحن فيه نتمنى لها ان تكون احسن بلد فى العالم ونشعر بالحزن اذا وجدنا فيها اى مشكلة ولو بسيطة

اعتقد ان الانتقاد من قبل اى مغترب غير مقبول عند المصريين الصامدين فى داخل مصر وبيشعروا انه اتهام من شخص غريب ليس مصرى ليس له الحق ان ينتقد مصر

انا لما بنزل مصر فى اجازة واشتكى من اى حاجة فى مصر (حاجة خاصة او عامة سياسية او اجتماعية او اقتصادية ) او بهجوم مضاد من اقاربى ومعارفى كأنى عدو يهاجم مصر نفسها

مع ان الكثير من اقاربى لا يهتمون باخبار مصر زى (لانهم مشغلون بلقمة العيش ليل نهار ) ولكن يشككون فى ما اقول عن موضوعات مطروحة فى الفضئيات المصرية مثل فساد القمح وموضوع العبارة وموضوعات كثيرة لا يعلمون تفاصيلها ولكن يشككون فى ما اقول على طول الخط (دى كانت نقطة جانبية)

و هل الهجوم على محمد هنا بسبب موضوعات سابقة له وليس هذا الموضوع؟انا مش عارف

ارجو ان نتحاور ولا نتناحر

د/محمد

صيدلى عجوز بالكويت

[doha]

ياريت بلاش الكلام الكبير والارهاب بان دي مصر وان لسه في رجاله وبتقف وقفة رجاله ويقطع لسان الي يتكلم عن حاجه في مصر ..

لو كان الكلام عن حاجة وحشة في مصر يشيل عن حد صفة الوطنية يبقى على كده رئيس الجمهورية بنفسه لما بيطلع يقول بطلوا خلفة مليتوا البلد يبقى مش وطني بقى .. طب ازاي .. وهو الوطني والوطني هو ..

الي مش عاجبه الي محمد كتبه يكتب هو العكس مش يمنع محمد انه يقول خاصه وهو لم يستخدم اي الفاظ خارجه او يعمم .. هو بس قال الي شافه وعلق عليه من وجهة نظره والي مش عاجبه او مخالفه في الرأي ياريت يكتب هو شايف ايه ووجهة نظره هو ايه بدون مصادرة لوجهة نظر او رأي حد ..

ده اذا كنتم شايفين ان محمد ( غلط ) عشان استنكر شيء لا يستحق الاستنكار من وجهة نظركم .. اما لو كان ( غلطه ) الي ( بتحاسبوه ) عليه هو انه ( تجرأ ) اساسا وجاب رأي مش موافق لراي البعض يبقى من حق البعض تقطع اللسان الي يقول كلام هم مش مقتنعين بيه ..

اوعى تكون الحكاية كده لان الطريقة دي مش مقبوله عندنا هنا في محاورات الديموقراطيين الي شعارها الرأي والرأي الآخر هنا المفروض الواحد يقول الي هو عاوز يقوله والي مش عاجبه يفند الاقوال دي برأي مخالف مش يكمم ولا يكتف ولا يعمل مقص حرامية في حد ولا يرهب ويشتم ويرفع شعارات الوطنية .

الفاضله ضحى . كل التحيه والتقدير للعزيز محمد . بس اسمحيلى ياريت حضرتك تجيبلى مداخله واحده ردت على محمد كان فيها ارهاب فكرى او قالتله ماتكملش

كل الردود على محمد كانت من اناس مش صغيرين عشان يعرفوا يعنى ايه ديمقراطيه فى الحوار . وكانت بترد على كلامه لا بمقص حراميه ولا حتى بمقص ترزيه

مستنى منك اقتباس لأى مداخله تعبر عن الكلام اللى انت قولتيه . بعض الناس وانا منهم استخدمنا حقنا فى الرد وتوضيح وجهة نظرنا ايه المشكله فى كده .

حضرتك بنيتى مقال طويل وعريض على حاجه محصلتش اساسا . واكيد حضرتك عارفه ان فى محاورات الديمقراطيين المفروض نتمعن فى ردود الناس الأول

قبل مانبنى استنتاجات وارهاب فكرى والكلام الجامد ده .

توضيح اخير فى هذا الموضوع ردى على محمد هو فقط لتوضيح ان مايراه سلبيه لا هو سلبيه ولا حاجه واذا كانت حتى سلبيه فالسلبيه موجوده فى كل

مكان مش قاصره على مصر بس .

الفاضله ضحى تعلمين ان محمد سنه صغير 17 سنه . هل من واجبنا لما نشوف الدبانه والسلبيه نقعد نقوله اه عندك حق وبرافو ونمى

شعوره بالحقد والبغض على البلد اكتر ماهو حاقد . ولا نحاوره ونقوله السلبيه اللى انت بتتكلم عليها دى مش سلبيه ولا حاجه او مش خاصه بمصر بس

وبالتالى ممكن ان احنا نعدل موازين الكره والحب لبلده . فى رايك اى اتجاه أفضل ؟ كلنا بنتتقد البلد بس فى نقد عن حب وياريت الحال يتصلح .

وفى نقد انا بكره البلد دى ومافيش امل فيها .

تحياتى .

مع احترامي التام لكلام حضرتك فاسمح لي اختلف معاك فيه جملة .. وتفصيلا ..

بدايه كلامك عن طلب الاتيان بكلمه واحده حد فيها قال لمحمد متكملش بيفكرني بمشهد محمد صبحي في مسرحية تخاريف وهو متقمص شخصية الحاكم المستبد وبيكلم المواطن ويقوله تكلم يابن (( الشــ ... عب )) . وطبعا برغم ديموقراطية صبحي وكلامه الحلو الا ان المواطن للاسف خرس .. ومتكلمش ..

متوقع ايه بعد الهجوم العنيف الي حصل عليه كاتب الموضوع من عدد معتبر من الاقلام والردود ؟

مش محتاج ياسيدي الفاضل انك تقوله متكملش فكل لبيب بالاشارة يفهم واذا كان الهجوم ده كله حصل عليه من اول مداخلتين امال لما يجيب الي عنده كله هتعملوا فيه ايه .. الهجوم الكاسح لايعني الا معنى واحد ان قلت المزيد فلدينا مزيد .. وعلى راي المثل ان خفت متقلش واهو محمد خذها من قاصرها وبعد مااترهب قرر مش قايل ..

ثم بعد اذنك مش فاهمه ايه علاقه سنه في الحجر على ابداؤه لرأيه ؟ هل ترى اننا اوصياء عليه مثلا على اساس اننا اكبر سنا وبالتالي عارفين مصلحته اكتر منه وواجب علينا لما نلاقيه متبني وجهة نظر غلط اننا نكممه اولا عشان ميهرطقش بيها ثم نبدأ نفرض عليه وجهة نظرنا ونكتبها بداله على اساس ان الزن على الودان امر من السحر ومصيره يعقل من كتر مايقرأ كلامنا ويفهم الدنيا ماشية ازاي ؟

هل معنى كده لو كان محمد عنده اربعين ولا خمسين سنة وكتب نفس الكلام مكانش حد من الحضرات اعترض ولا قاله انت بتكتب ايه ؟

طيب ايه قولك بقى في الحاله دي لو محمد ابو اربعين سنة كتب كلام مش ولابد وانسكت عليه على اساس انه كبير بقى وهو حر في القربة الي شايلها وجاء محمد تاني عنده بقى المرة دي 15 سنة وقرأ الي كتبه المحمد الاولاني واقتنع بيه .. تفتكر في الحاله دي نعمل ايه؟

تفرق ايه بقى ان كان كاتب الموضوع عمره 17 ولا سبعين اذا كان الي هيقرأ ممكن يكون لسه يادوب مقفلش عشر سنين ..

اعتقد في الحاله دي ان اسكات شخص ما ومنعه من ابداء وجهة نظره بالتهكم عليه او اتهامه بغير مافيه او الهجوم عليه بسيل من وجهات النظر المخالفة لتشتيت موضوعه وتحويله لموضوع تاني خالص خاص بالي بيردوا مش بصاحب الموضوع نفسه الي فاتحه اساسا عشان يتكلم عن تجربته هو برؤيته هو ووجهة نظره هو مش وجهات نظر الساده الاعضاء وجيرانهم وحبايبهم والي يتشدد لهم كمان امر غير مقبول ابدا مهما كان سن صاحب الموضوع بل لا علاقه له اساسا بالسن ..

ياجدعان ده حتى عنوان الموضوع انسحب منه وترك تحديده لمن يرى عنوان مناسب أكتر .. ماله العنوان القديم ؟ مكان معبر ومميز وفيه شيء من روح صاحب الموضوع .. حتى ده كمان مش مسموح له يختاره ؟

بجد انا مش عارفه ايه الي بيحصل ده .. محمد ايجيبت قال وجهة نظر مش عجباكم اكتبوا انتم مواضيع تانيه فيها الوجهة الي تعجبكم وقولوا فيها الي عاوزين تقولوه .. سنه 17 سنة فده ميديلكمش الحق ابدا تكمموه وتحجروا على رايه على اساس انه مش عارف مصلحته .. محمد ايجيبت النهرده لو عمل حاجه غلط ربنا هيحاسبه عليها بالظبط زي مابيحاسب اي حد فيكم .. يبقى زي ماهيتحاسب زيكم يبقى هو فاهم زيكم واي وجهة نظر غلط هيتبناها هو مسؤول عنها تماما زي اي حد فيكم مابيكون مسؤول عن اي وجهة نظر هو مقتنع بيها .. لا علاقه له بالسن ولا علاقه له بوجهة النظر .. كل انسان يتحمل مسؤولية افكاره ومحدش رقيب على حد ولا وصي على حد عشان يملي عليه يفكر ازاي او يتعاطى مع الاحداث باي كيفيه..

واخيرا انا لا اقصدك اخي الكريم شخصيا ولا ردك تحديدا كما لا اقصد اي من الي ردوا على محمد بشكل شخصي ولا ردودهم بالذات وانما بتكلم عن ( الحالة العامه ) والمبدأ نفسه اني اقرأ وجهة نظر شخصيه لحد فادخل معترض او متهكم او زاجر والهدف في النهاية اني افرض وجهة نظري عليه واتهمه صراحة او ضمنا باي اتهام يضمن لي انه يتخلى عن رايه ويتبنى الي شايفه انا انه الصح ..

مبدا الوصاية اعتقد انه مرفوض ولا علاقه له نهائيا بمحاورات الديموقراطيين الي يفترض اننا جميعا بننتمي اليها ..

[president]

الفاضله ضحى

اكيد السن عامل مهم فى حياتنا . الأنسان منا تتراكم خبراته بمرور السنين وبكثرة التجارب ولهذا تعودنا دائما اذا اردنا النصيحه ان نلجأ لم هم أكبر سنا وأكثر خبره

حتى يساعدونا على اتخاذ القرار . ليس بالضروره كل من هو اكبر سنا يصبح اكثر حكمه ونضجا . ولكن فى بعض المواضيع مثل هذا الموضوع نحتاج

الخبره والسن حتى يسردوا لنا ماضينا وما فيه من عزه ويعطونا الأمل بأن هذه العزه قد تعود . اما اذا اختصرت تاريخ مصر بس فى أخر عشر سنين

فأكيد هافتكر ان تاريخ مصر كله كده .

اذا اتبعنا مبدأ حضرتك ان كل واحد حر فى رأيه ومسئول عنه . لكان اباءنا تركونا فى فترة المراهقه وبلاويها وقالونا انتم من اخترتم .

الأنسان يتحمل تبعيات قراره وآراءه عندما يصل الى السن والخبره التى تؤهله الى ذلك .

سيدتى اذا جاء يوم تحاورت مع ابنك او اخيك الصغير ووجدت وجهة نظره مختلفه معك ولن أقول وجهة نظره خاطئه هاتقوليله انت حر ودا رأيك وماليش دعوه بيك ؟

لماذا اخذنا الجانب السئ فى النصيحه ولم نفترض اننا تعاملنا مع محمد انه أخ صغير . تفتكرى هنخسر ايه ان محمد يحب مصر ولا يكرهها ؟ ولا حاجه

زى ماأهالينا ربونا وعلمونا ومش مستنين منا حاجه دلوقتى بعد ماشتغلنا .

سيدتى اذا كنت مقتنع بما أفعل فلن يرهبنى احد وسأكمل مابدأته حتى أوصل وجهة نظرى أو أقتنع بالرأى الآخر . اما اذا كان تفكيرى مشوش ولا أقف

على أرض صلبه فسأهرب فى أول منعطف . لا أحد يستطيع ان يكمم أحد فلا يوجد أحد وصى على أحد .

اذا كان محمد آثر أن لا يكمل كتابته لأنه اعتقد ان البعض غضب منه لأجل ذلك فهذا أدب منه عظيم مع العلم ان أحد لن يغضب اذا أكمل تجربته .

ولكن ألا يستحق من فى مثل ادبه النصيحه وله الحق ان يتدبر النصيحه ويقبلها أو يرفضها فهذا حقه .

تابع يامحمد ولن تجد منى أى تعليق آخر على تجربتك .

تحياتى

[Scorpion]

واخيرا بشكرك شكر كبييير قاااد كدهوه عشان بدال مااقعد اكتب وابح صوتي في نظريتي القائلة بأن الديموقراطية بعض من تخيلنا انت جبت لي مثال عملي خفيف ظريف على السريع كده ( حاجه زي كليبات اليوتيوب بتجيب من الآخر بدال مانقول حلقة امبارح كان فيها نروح لاطعين الحلقة بذات نفسها للي عاوز يشوف بنفسه)

الخ الخ الخ الخ الخ الخ ...

نفس طويل

الخ الخ الخ الخ الخ الخ

نفس أطول

الخ الخ الخ الخ

الي..

ياريت بلاش الكلام الكبير والارهاب بان دي مصر وان لسه في رجاله وبتقف وقفة رجاله ويقطع لسان الي يتكلم عن حاجه في مصر ..

اوعى تكون الحكاية كده لان الطريقة دي مش مقبوله عندنا هنا في محاورات الديموقراطيين الي شعارها الرأي والرأي الآخر هنا المفروض الواحد يقول الي هو عاوز يقوله والي مش عاجبه يفند الاقوال دي برأي مخالف مش يكمم ولا يكتف ولا يعمل مقص حرامية في حد ولا يرهب ويشتم ويرفع شعارات الوطنية .

مش بقولك ياحج محمد انت وفرت علي كتير .. رووح يابني ربنا يفتح عليك ومايقطع لك عداد كهربا ..

التوقيع ..

أبلة ظاظا ...

مش كده برضه يا مدام doha ... انا مش عارف انتي مستحملة الديكتاتورية دي لغاية دلوقتي ازاي ...

بس حضرتك مش ملاحظة ان مؤخرآ مابقاليش اي شاغل غير مهاجمة اسلوب ادارة الحوار في المحاورات ... مش ملاحظة حضرتك تكرار اسلوب "التريقة" علي مكان حضرتك بتكتبي فيه صفحات صفحات مداخلات مخصصة للهجوم و الهجوم فقط ...

اللي ماكانش عاجبه اللي كتبه الفاضل محمد قال له في وشه ايه اللي مش عاجبه في كلامه ... و تأنيبه له كان بناء علي مسلسل كتابات من نفس المنظور لنفس صاحب الموضوع لم تكن تخرج أبدآ عن أكثر من مهاجمة بلده بالرغم من صغر سنه ...

أما حضرتك فكالعادة استخدمتي اسلوب الهمز و اللمز و التريقة و اتهام بعضنا بادعائهم الوطنية و الشعارات الخ الخ .. و لم تملكي الشجاعة لتوجهي حديثك لأشخاص بعينهم ...

أصبحتي تشتركي في المواضيع لا للأفادة او الأستفادة و لكن لتستخدميها لتعلني علي الملأ ان محاورات المصريين منتدي مش ولابد .. ديكتاتوري القرار .. و خانق للأصوات .. فعلتي هذا في موضوع عزتي بحجابي ... ثم موضوع تحاوروا تصحوا .. و ها أنتي تعيدي الكرة مرة أخري في هذا الموضوع ....

ما ينفعش كده يا افندم .... العملية بقت ماسخة بجد ....

ايه رأيك في الأرهاب الفكري ده ؟؟؟ فظيع مش كده ؟؟؟

[herohero]

أخي الفاضل محمد

بس موضوعك ده بيفكرني بنفسي لما كنت في سنك

كنت ناقمة على مصر كل لما أنزل أجازة و شايفة السعودية أحسن منها في كل حاجة

ده طبيعي وانا بقول اي حد اتربى ف مكان بيكون له انتماء له ومع الوقت بتتغير نظراتنا انا كنت ازعل لما حد يقول الكويتيين وحشيين مع ان هم مش من بقية اهلي

ولما حد كان يتريق ع الخليج كنت اضايق كنت معتبر نفسي محسوب ع الكويت وكنت حزين وانا نازل ف الغزو لمصر كنت حاسس بانتماء للكويت

ومع الوقت اتغيرت الامور حسيت ان برده ولائك وانتمائك لبلدك وانا ضد اي واحد يقارن مصر بالدول اللي حواليها

ما ينفعش لما تيجوا تقارنوا هنقارن مصر مع الهند وماليزيا

هي ده النماذج اللي قريبة مننا واللي نستاهل نفكر فيه

[Ambitious]

ايه يا جدعان ماتصلوا على النبى .. انا مذهول من اللى بيحصل بصراحة

[doha]

و

الي..

أبلة ظاظا ...

مش كده برضه يا مدام doha ... انا مش عارف انتي مستحملة الديكتاتورية دي لغاية دلوقتي ازاي ...

بس حضرتك مش ملاحظة ان مؤخرآ مابقاليش اي شاغل غير مهاجمة اسلوب ادارة الحوار في المحاورات ... مش ملاحظة حضرتك تكرار اسلوب "التريقة" علي مكان حضرتك بتكتبي فيه صفحات صفحات مداخلات مخصصة للهجوم و الهجوم فقط ...

اللي ماكانش عاجبه اللي كتبه الفاضل محمد قال له في وشه ايه اللي مش عاجبه في كلامه ... و تأنيبه له كان بناء علي مسلسل كتابات من نفس المنظور لنفس صاحب الموضوع لم تكن تخرج أبدآ عن أكثر من مهاجمة بلده بالرغم من صغر سنه ...

أما حضرتك فكالعادة استخدمتي اسلوب الهمز و اللمز و التريقة و اتهام بعضنا بادعائهم الوطنية و الشعارات الخ الخ .. و لم تملكي الشجاعة لتوجهي حديثك لأشخاص بعينهم ...

أصبحتي تشتركي في المواضيع لا للأفادة او الأستفادة و لكن لتستخدميها لتعلني علي الملأ ان محاورات المصريين منتدي مش ولابد .. ديكتاتوري القرار .. و خانق للأصوات .. فعلتي هذا في موضوع عزتي بحجابي ... ثم موضوع تحاوروا تصحوا .. و ها أنتي تعيدي الكرة مرة أخري في هذا الموضوع ....

ما ينفعش كده يا افندم .... العملية بقت ماسخة بجد ....

ايه رأيك في الأرهاب الفكري ده ؟؟؟ فظيع مش كده ؟؟؟

لا بالعكس ابدا يااستاذ سكوربيون الي حضرتك عملته ده مش ارهاب فكري نهائيا .. ده اعتراض وباسلوب مؤدب وحتى لو كان بيشي عن غضب منك او ضيق بكلامي فهو من حقك وجهة نظرك ومقدرش امنعك تقولها خاصة وحضرتك عملت زي مابتنصحني وقلتها لي ( في وشي ) مش رحت لفيت في موضوع تاني وقعدت تتريق وتشتم .. او خليتني بقول راي ورحت ماسح بي البلاط الاول عشان قلته بعدين عدلت عليه برأيك .

وحضرتك مستغرب ليه من اني اعترضت على الوضع ؟ بالنسبة لموضوع عزتي بحجابي انا متكلمتش فيه ولكن تكلمت عنه وعن غيره في موضوع ( تحاوروا تصحوا ) وهنا اتكلمت عن الي حصل هنا .. طبيعي جدا اني اعترض على الي حصل في الحالتين لان في الحالتين تم تغيير مسار الموضوع بل وعناوينهم رغم انف كتاب الموضوع انفسهم . ان كان صادف انك في الحالتين راضي عن الي حصل فيمكن ده لان صادف ان حضرتك متبني نفس وجهة نظر الاغلبية الي فرضت كلماتها واراءها على الآخرين ..

حضرتك شاعر بالضيق من تعبيري عن غضبي ؟ متنساش ياسيدي الفاضل اني ( استأذنت الاول ) قبل ما افتح الموضوع ده وعلى فكره في اي لحظة حد من المشرفين يقولي توقفي عن نقد الوضع في المحاورات اوعدك اني هتوقف فورا ومش هفتح سيرة اي انتقاد تاني .. كتبت ثلاث اربع مداخلات ( فولوسكابية ) لو تفتكرها عشان اتأكد اني املك مثل هذا الحق واني مش هخالف القواعد لو تكلمت والاهم اني مش هتعرض للتشكيك في نواياي والتهجم على شخصي زي ماحضرتك عملت في .. واعتقد معظم المشرفين ردوا علي وبرحابة صدر ان قولي الي عندك .. واديني بقول .. وسبق واعلنت اني مش عضو مشاغب ولا بحب اثير البلبله وسبق وقلت اني بتكلم من باب الديموقراطية الي بينادي بيها المنتدى والي شايفه انها غايبه عنه على مايبدوا .. لو حضرتك او اي مشرف تاني شايفين اني تكلمت زياده عن اللزوم او لي هدف تاني من كلامي زي ماحضرتك بتلمح ياريت حد ينبهني لذلك عشان اتوقف واوعدك اني مفتحش سيرة الموضوع ده تاني ابدا ..

واخيرا اتمنى حضرتك تسحب اتهاماتك لي وتلميحاتك من اني داخله لا للافادة والاستفاده لان حضرتك مدخلتش في نيتي عشان تعرف انا بشارك ليه وبرضه اذا كان ( تريقتي ) مش عجباك فياريت تراجع تريقات آخرين بس بنفس عين النقد الي حضرتك بتوجها لي .. حضرتك فقدت اعصابك وطفح بيك الكيل عشان مرة ولا مرتين عضو من حزب الراي المخالف استخدم نفس طريقة البعض من الاغلبية في فرض رايه عليهم بالقوة والتهكم على تصرفاتهم وارهابهم فكريا عشان يتوقفوا عن ابداء مزيد من الراي .. شفت حضرتك الشعور شكله عامل ازاي وخنق الكلام في الحلق مؤلم ازاي ؟

ان حبيت انا ممكن اكمل وكلما اتيحت لي الفرصة ممكن اقول اهوه .. ده الي كان قصدي عليه وده الي عنيته .. ممكن افضل كده لغايه مالكل يتغير والكل يعرف اننا في محاورات ديموقراطية زي مابتطالبوا الآخرين بضرورة احترام ارائكم يبقى ياريت تطالبوا انفسكم برضه باحترام اراء الآخرين .. لو ده حصل هتوقف من ذاتي بالتاكيد ولو محصلش هستمر الا اذا حصلت مقاطعه من احد ما وقالها لي صراحة .. كلامك في هذا الموضوع غير مرحب بيه اطلاقا .. هحترم وجهة النظر وهتوقف فورا معنديش مشكلة ..

انا قلت ان في عدم ديموقراطية والبعض تحداني بان مفيش .. كان لازم من ادلة عملية على كلامي واديني ببرزها .. لو المشرفين شايفين اني تجاوزت فانا منتظره منهم سحب التصريح الي اظن سبق واخذته منهم بالكلام علانية في هذا الموضوع وبعتذر لو سببت اي ازعاج .. اما لو محدش قالي اسكتي فاسمح لي ياسيدي الفاضل سكوربيون اعتقد يبقى عداني العيب بقى لو فضلت اتكلم على اساس ان مازال عندي امل ان الكلام هيجيب نتيجة ..

ملاحظة : دور حواليك كده يمكن تلاقي لي مشاركات تانيه ملهاش علاقه بنقد المحاورات .. يجوز في وحضرتك مش واخد بالك ..

[Scorpion]

اولا يا افندم انا مش بكتب بصفتي الاشرافية و انما من خلال حق تتيحه لي المحاورات كعضو في ابداء رأيه.. و ده اللي انا شايفه حضرتك .. يعني اللي يحكمني و يحكمك هنا هي قواعد الكتابة و بس.. و حضرتك ماشاء الله شغالة في معارك دون كيشوتية الله ينور و ماحدش شال حرف من الي بتكتبيه في دليل واضح ان المحاورات مش هي الي انتي بتصوريها في كتاباتك..

ما انكرش ان في بداية التحاق حضرتك بالمحاورات كان لك مواضيع لا بأس بها و اتذكر علي الأخص موضوع عن عمل الكشري كانت وصفة هايلة بصراحة .. لكن بعد ان تم تطبيق قواعد الكتابة علي احد مواضيعك حتي اتخذت كتاباتك مسار مختلف و لقيتك بعدها .... بتعملي كشري حلو برضه ...

اعذريني لو ما كملتش بعد كده الحوار الممتع ده.. علشان المشرفين الديكتاتوريين اللي هنا شكلهم حيقفلوا الموضوع ده..

[doha]

اولا يا افندم انا مش بكتب بصفتي الاشرافية و انما من خلال حق تتيحه لي المحاورات كعضو في ابداء رأيه.. و ده اللي انا شايفه حضرتك .. يعني اللي يحكمني و يحكمك هنا هي قواعد الكتابة و بس.. و حضرتك ماشاء الله شغالة في معارك دون كيشوتية الله ينور و ماحدش شال حرف من الي بتكتبيه في دليل واضح ان المحاورات مش هي الي انتي بتصوريها في كتاباتك..

ما انكرش ان في بداية التحاق حضرتك بالمحاورات كان لك مواضيع لا بأس بها و اتذكر علي الأخص موضوع عن عمل الكشري كانت وصفة هايلة بصراحة .. لكن بعد ان تم تطبيق قواعد الكتابة علي احد مواضيعك حتي اتخذت كتاباتك مسار مختلف و لقيتك بعدها .... بتعملي كشري حلو برضه ...

اعذريني لو ما كملتش بعد كده الحوار الممتع ده.. علشان المشرفين الديكتاتوريين اللي هنا شكلهم حيقفلوا الموضوع ده..

مهو انا برضه في البدايه لما كنت بتكلم عن الكشري كان مرضي عني وكان تقييمي الشخصي 5 نجوم ولما سبت الكشري واتكلمت في السلطة وصواني القرع بالبشاميل انهفيت انذارات وانغضب علي زي ماحضرتك شايف كده مع اني والله زي ماحضرتك بتقول مازلت بطبخ حلو برضه ..

على كل حال استاذ سكوربيون انا بقولها بأمانة ربنا يحاسبني عليها ان كنت بكذب .. لما بدأت اعتراضي في موضوع تحاوروا تصحوا كان قصدي اني اعترض على الوضع اجمالا في المحاورات ومكانش غرضي ابدا اعترض او اقيم اداء المشرفين .. ربما كان لي اعتراض على اداء بعض المشرفين او لنقل بعض اداء المشرفين ولكن مكنتش ابدا بحملهم وحدهم سبب للوضع الي وصلت له المحاورات او لشعوري انا شخصيا بان كتير مش قادر يقول رايه بصراحة او يكتب الي هو عاوز يكتبه بدون مايتعرض للتهكم او السخرية او المصادرة ..

على كل حال وطالما الوضع وصل للشكل الحالي وبدا وكأني بتهجم على المشرفين فقط وقوبلت وجهة نظري دي بانكارهم لمااقول واعزائه لغرض في نفسي مش لحقيقة واجب تغييرها فبالتاكيد مهما تكلمت مش هوصل لشيء وعلى مايبدوا هيبقى الوضع على ماهو عليه وبرضه ممكن اكون بظلم المشرفين بكلامي الي اصبح يميل لتحميلهم وحدهم مسؤولية مايحدث ..

طالما كده فاعتقد من الحكمه اني اعمل زي مالفاضل محمد عمل واتوقف عن التعليق على هذا الموضوع ..

خلاص الي عندي قلته ومازلت مصرة عليه والبعض خاصه ممن بيدهم الامر شايفين اني مبقولش الحقيقة .. خلاص انا مش هعلق تاني ولا هكتب واقول في ظلم او مفيش في ديموقراطية ولا ديكتاتورية انا هيسبكم انتم تحكموا .. في كل مرة حضرتك تشوف موضوع تم اغلاقه او تم تحويل مساره عن عمد او تم اخراس صاحبه بالاصوات المعارضه له تذكر كلامي .. سواء بقى انا علقت او معلقتش مش هتفرق .. زمان ممكن كان للبعض حجة ان مش واخد باله ان في هضم لفئة كبيرة من الاراء بس دلوقت بعد ماقلت ونبهت ولفت نظركم ان ياجماعه اعضاء ومشرفين ارجوكم خلوا الي عاوز يقول حاجه يقولها والي مش عاجبه يناقش في اللاراء مش يطعن في الشخص ويسفه تبنيه لوجهة نظر مخالفة ؟

انا قلت الي عندي خلاص واجدني مضطرة للتوقف عشان مظلمش حد وبرضه مظلمش نفسي بالاستمرار في حوار لا طائل من وراءه ..

بعتذر من المشرفين اجمالا لو فهم من كلامي انهم شخصيا الوحيدين المعنيين باعتراضاتي وبسحب طلبي السابق باعطائي حرية الاعتراض بدون تدخل بتهجم او تهكم او ارهاب .. خلاص مش هتكلم تاني .. قلت الي عندي خلاص وبعتذر لو كلامي مكانش في محله ..

واكيد بعتذر منك استاذي الفاضل بشكل خاص لو كلامي سبب لك اي ضيق بس عزائي ان وصفة الكشري بتاعتي عجبتك بالف هنا وشفا يارب وباذن الله اول ماتعلم صينية الكوسى مش هبخل عليك ابدا بالطريقة .. بس دعواتك اعرفها اصل طول عمري بيني وبين الكوسى .. مفيش عمار :rolleyes: ..

[MoHaMMeD EgYpT]

بسم الله الرحمن الرحيم

انا من تقريبا 4 ايام كتبت موضوع 70 يوم من الكويت و اليها الموضوع الذي يحكي قصة اجازتي بمصر

لكن من اول صحفة من الموضوع اتغير مضمون الموضوع كليا

الموضوع كان مجرد اجازة يعني تفاصيل واقعية مش بستخدم خيالي لتأليف قصة

قولت مثلا ان طريق اسكندرية الصحراوي اصبح مزوعا هل كده انا غلطت ؟؟ لو كذبت فعلا انا موافق باي تعليق بخصوص النقطة دي

لكن بعض الاعضاء يقول لي عادي لما الطريق اصبح مزوعا و البعض يقول مش عاجبك الطريق انه اصبح مزروعا :rolleyes:

لكن بصراحة انا مش فاهم هل انا غلطت ؟؟ هل كلامي محتاج لتصحيح

لما اقول الشمس بتشرق من الشرق و تغرب في الغرب هل دي محتاجة لاراء :fight:

المواضيع الشخصية = شئ واقعي مش تأليف

و حتي كل من له راي فيا قاله لكن الشئ الجنوني هل انا طلبت راي حد في شخصيتي في ذلك الموضوع المشئوم

الموضوع داخله ايه بسني هل انا مثلا علشان سني 17 هل انا مثلا كاذب :rolleyes: و انا اعرف ان المحاورات لم تحدد سن معين للاعضاء المشتركين و لو حددت انا اعتبر مشترك قبل ذلك يبقي لا يسري النظام علي لكن لو فعلا انا مسبب مشاكل لاعضاء المحاورات بسبب ان سني صغير فيا ريت اللي انا مسبب له المشكلة يقولها و انا فعلا لو وجدت اني مسبب مشكلة لنسبة كبيرة من الاعضاء سوف انسحب من المحاورات

شئ اخر الموضوع كان مجرد اجازة اصبح سياسة و اتهمت بسب مصر و كره مصر و اراء ليس لها اي صلة بالموضوع و في الاخر الموضوع اصبح لتصفية الحساب و للهزار

و انا صاحب ذلك الموضوع المشئوم توقف عن الكتابة و فعلا الكل اصبح متاكد اني زعلت من الاراء المعاكسة لي لكن بالعكس انا زعلت فعلا من الهماجية و تلك الحرب الفكرية في موضوع شخصي لا يستهل ربع تلك الردود و مهاجمة الاعضاء بعضهم بعض و مهاجمتي بسني bnd5::

رابط الموضوع المشؤم

http://www.egyptiantalks.org/invb/?showtopic=88071

تم تعديل 23 أكتوبر 2009 بواسطة MoHaMMeD EgYpT

[MoHaMMeD EgYpT]

http://www.egyptiantalks.org/invb/?showtopic=88329

يا ريت يا جماعة كفاية بجد كفاية و اللي فعلا نفسه يقول او يبرر حاجة انا عملت موضوع بخصوص اللي حصل لان فعلا بالطريقة اللي حصلت دي و لو تكرر نفس الحكاية في مواضيع اكثر يبقي هنقول بعد فترة من الوقت علي المحاورات السلامة

المحاورات من اول يوم اشتراكت فيه منتدي منظم ذو اشخاص ذو فكر عظيم لكن لو المحاورات اصبحت بالشكل بتاع موضوعي ده يبقي بجد المحاورات هيصبح من الماضي

[Alshiekh]

بعد ان ابدي الفاضل MoHaMMeD EgYpT رغبته في عدم إكمال سرد تجربته في موضوع 70 يوم في مصر (من الكويت و إليها).. و بعد مراسلته للتأكد من هذه الرغبة.. تم غلق الموضوع لإنتفاء الغرض منه.

عن فريق المشرفين

Mohammad