هى تتساءل ...وهو يعترض...

[Salwa]

هل من الممكن ايجاد حل لمشكلة ......حتى ولو ظهرت بسيطة للبعض ..

ولكنها تسبب دائما مشاكل ..بين الأخ واخته ...او...بين الزوج وزوجته ..

اذا اراد دخول الحمام ...يجده منظم ومرتب وبه كل احتياجاته ...

يحلق ذقنه ....يأخذ دش...على اقل من مهله ......يخرج من الحمام ..

الدور عليها ...........تصرخ ...ماذا حدث ؟؟

يحتاج لثلاث مناشف ....// تتساءل ...لماذا ؟//.

يضيع وقتها .....حتى معجون الحلاقة ...لايقفله بعد الاستعمال ...وكذا معجون الاسنان .

زجاجة الشامبو بدون غطاء ...الجل ايضا .....

بخار قاتل وكأنها رايحة ساونا .....

وعندما تتساءل ..........يعترض...

هذه خصوصياتى .....من قال لك اصلحى ما افسدته ...اتركى كل شئ مكانه ..

وانا ؟؟ كيف استعمل الحمام ؟؟

وهل هذا حمام ؟؟؟؟؟

فى كل مكان ..اشياؤك ......تستولين على كل موقع ...حتى الحمام ..

كلها اشياء نسائية خاصة بك .......انا احتج ..

هذا الحمام ذو طابع نسائى ....

اريد حمام رجالى .......

او ....اعطينى مساحة اكبر .....

مشكلة ؟؟؟؟؟؟

هل من حل لها ؟؟؟؟

اريد اراءكم .....

سلامى ..

[فــيــروز]

حاجه من الاتنين مالهمش تالت wst::

يبقى كل واحد فيهم له حمام خاص بيه ويجرب هو يستعمل حمامه بعد الهرجله و الفوضى التى تركه ببها و ساعتها يعرف ان الله حق bxg::

تبعته عند مامته تعيد تاهيله من جديد bsh:)

انا رايى ان ده مفروض يبتدى من البيت حيث يتربى الزوج او الزوجه .. كل ام يفترض ان تعلم ابناءها سواء اولاد او البنات وتعودهم النظام

ولا اعتقد ان هذا صعب تعليمه للابناء الذكور لان اكثرهم فوضويه اول ما بيروح الجيش بيتعلم النظام و يرتب سريره ويبقى فله .. يبقى ما السبب فى تلك المشكله؟

السبب ان الام تبدا فى تدليل الابناء الذكور منذ الصغر ثم تاتى الزوجه لتكمل المسيره .. و الحقيقه ان البعض قد يرى فى طلب الزوجه من زوجها مزيد من النظافه او النظام خرقا للناموس -يطلع ايه الناموس ده :huh: - او خروجا عن المالوف بينما النظام و النظافه ليست عادات محتكره لجنس واحد

وربنا يهدى bngn::

[Salwa]

برافو يافيروز ...اكيد......هو التدليل....والأم دائما تجعل ابنها يشعر من يوم مولده انه ..رجل..

يعنى ايه ؟؟؟

يخدم/بضم الياء /....الكل تحت امره ..

ولاتنسى اولوياته ..........ازاى اضيع وقتى فى عمل شئ ..ممكن غيرى يعمله ..

اما حكاية حمامين .......ماشى .../واحد للولاد /....وواحد /للكبار/.

واذا فصلنا الذكور.......والاناث../فى المنزل الواحد .

احتجاج آخر .......

الحكاية مش حكاية نظام ونظافة .........النظافة زايدة عن اللزوم ...لكنى اتحدث عن الفوضى المنظمة المنتظمة ....

كل يوم...فى نفس الوقت ...

لماذا يعتقد الرجل ..دائما ...حتى وهو طفل ...وهو غلام ...

انه خلق للابتكار...وقته من ذهب ...لايضيعه حتى فى اصلاح ما افسده ...

ولو تساءلتى عن هذه الأشياء ..........تسمعى ..ايه..فيه مشكلة ؟؟

والاجابة .....المشكلة ان مفيش مشكلة ملموسة ..

ابحثى عن حل آخر ..

سلامى.

[ragab2]

برافو

مدام سلوى

جبتى الخلاصة

الشاب الشرقى تربى على ثوابت

منها أنه سى السيد وعبد المهينن وأنه خلق للمسائل الصعبة التى لا تقدر عليها البنات والنساء

مثل ارساله فى مشوار معين لمهمة معينة أو فى وقت متأخر وفى مكان معين لايصح فيه ارسال أخته فيه

خشية من تعرضها للمعاكسة أو حتى للاعتداء أو منعا من العار والقيل والقال فى مجتمعنا الشرقى المحافظ

لذا فهو يعتبر أعمال المنزل فرعية بالنسبة له واستهلاكا لطاقته وليست أساسية له والأساسى هو المهام الصعبة خارج المنزل أو وداخله اذا تعرض المنزل لحدث طارئ لا قدر الله

هذا ليس رأيى ولكنه تحليلى لواقع فكر الشاب الشرقى

[se_ Elsyed]

الله الله ... ليه كده أيه ده .... الباب ده في تخبيط ليه يا جدعان .. ماحنا كنا ماشيين كويس ..

لأ شوفوا بجد .. الوضع يختلف ما بين الشاب وأخته أو الرجل وزوجته .... وهأقول إزاي

بالنسبة للولد واخته أو والدته .. فإذا كان هو فوضوي فممكن يحسسوه بقيمة ما يفعله من فوضى في أشياءة الشخصية ، يعنى الحمام مشترك يبقى ينظفوه وأمرهم لله .. لكن ييجوا على غرفته الخاصة أو ملابسه حتى ويسيبوه يعاني الآمرين ويعرف إن الله حق أي نعم هناك روائح كريهة ستنبعث من المنطقة المحظورة التى يعيش فيها لكن كل ذلك سيدفعه إلى الرجوع إلى الطريق الصحيح ...

اما الزوج وزوجته .. فالتفاهم بينهم يبقى بالحوار يعني تيجي الزوجة على الغداء وبعد ما ياكلوا البطيخة اللي جايبها تفاتح زوجها في الموضوع وتقوله بكل هدوء وروية وتؤدة " إنت لازم تنضف شويه يا عيسوي .. واتعلم بقى النظام أنت بقيت راجل مسئول وإذا كانت الست والدتك دلعتك وإنت صغير فالوضع يختلف دلوقت فانا مش الخدامة اللي جابوهالك وخلي بالك عتريس وست أبوها وطلبه . لما يكبروا هايقلدوك ويبقوا عيال معفنه " ساعتها هايتحط قدام الأمر الواقع و و و

يطلقها

[فــيــروز]

س.س. بدا كده

اما الزوج وزوجته .. فالتفاهم بينهم يبقى بالحوار

clp::

وبعدين

تقوله بكل هدوء وروية وتؤدة

clp::

ثم

إنت لازم تنضف شويه يا عيسوي ..

clp::

واتعلم بقى النظام أنت بقيت راجل مسئول

clp::

وإذا كانت الست والدتك دلعتك وإنت صغير

clp::

فالوضع يختلف دلوقت فانا مش الخدامة اللي جابوهالك

clp::

وخلي بالك عتريس وست أبوها وطلبه . لما يكبروا هايقلدوك ويبقوا عيال معفنه

clp:: clp:: clp::

وده ممكن نسميه التطور الطبيعى للحاجه الساقعه clp:: .. قصدى للحوار بين الزوجين clp::

[afiona]

وخلي بالك عتريس وست أبوها وطلبه . لما يكبروا هايقلدوك ويبقوا عيال معفنه

إنت دماغك بتجيب حاجات غريبة، حرام عليك، بطنى وجعتنى من الضحك...

[se_ Elsyed]

وخلي بالك عتريس وست أبوها وطلبه . لما يكبروا هايقلدوك ويبقوا عيال معفنه

إنت دماغك بتجيب حاجات غريبة، حرام عليك، بطنى وجعتنى من الضحك...

الرك على الحلاق يا أفيون ... لو بتحلق عند حلاق صح وبيظبطلك دماغك صح هاتتلكم كلام صح صح ........... صح ؟