الحج وانفلونزا الخنازير

[بنت الشاطئ1]

السلام عليكم

هل فعلا تم الغاء الحج هذا العام

طيب على افتراض انه لم يتم الغائه

والدتى كانت ناوية الحج هذا العام

لكن الكل مخوفها ..طبعا كله بياخد نصيبه بس مفيش مانع ان الواحد لا يعرض نفسه للتهلكه

مش عارفين ايه رأيكوا

[Folana]

وعليكم السلام ورحمة الله وبركاته....

كنت قرأت من عدة أيام خبر يفيد بدء الاستعداد لموسم الحج..مما يدل على انه لا يوجد قرار بالمنع...

لكن لا اعلم اذا كانت الحكومة الرشيدة مازالت متمسكة بتحديد سن الحاج او المعتمر والذى لا يقل عن 25 سنة ولا يزيد عن 65 سنة ..أم تراجعوا عن هذا القرار...

حأتابع وأرد على حضرتك...وان شاء الله الاخوة يكون عندهم علم ويردوا عليك...

أما بالنسبة لمخاوفك حول انتشار فيروس انفلونزا الخنازير .....

فأقولك من تجربتى الشخصية خلال موسم العمرة الماضى انى قضيت النصف الثانى من رمضان فى الاراضى المقدسة...والموضوع مش بالصورة اللى بيتكلموا عنها دى خالص.....

كان من بين كل الف معتمر تجدى واحد فقط يضع الكمامة...وغالبا الواحد ده كان أنا أو زوجى...:friends:

وكان جميع من حولنا هنا فى مصر يودعوننا وكأنه الوداع الاخير...:waving:

لكن ان شاء الله اذا والدتك قررت أن تحج هذا العام بإذن الله...يكون معاها كمامة ...ودى بالمناسبة صنعوا منها اشكال وألوان...موسم بقى زى ماتشات الكرة كده لما تلاقى البرانيط والالوان بتتغير...

ومش بعيد ابدا يصنعوا كمامة بالمروحة...أو كمامة بالكاتشب...

اى كمامة تؤدى الغرض...لكن هناك نوع بيتغير كل 4 ساعات...ونوع بالفلتر بيتغير كل تلات ايام....انا سمعت كده...ونفذت النصيحة بدون أن اعلم مدى صحتها ولكن عملا بمبدأ من خاف سلم....

حيكون معاها سجادة الصلاة الخاصة بها...وفيه انواع صغيرة تسهل حملها ولها ميزة اخرى ان ماتلاقيش اللى جنبها راحت فاردة السجادة بالعرض علشان تصلى معاها عليها...وده كنت باتعرض له كتير الى ان اشتريت السجادة المحمولة دى...mil:

يبقى معاها مناديل ديتول مبللة...وجل معقم لغسل الايدى...وده تستخدمه على طول...الحقيقة انا كنت بأعقم نفسى واعقم كل اللى حواليا.....mil:

وطبعا الامور كلها متيسرة والحمد لله....يعنى لا داعى للتواجد فى الزحام..ممكن تطوف وتسعى من الدور العلوى فى الحرم....وتحاول ان تجد لها مكانا لا يزاحمها فيه احد على عرفات....

وان شاء الله ربنا ييسر لها كل عسير...عن نفسى لو ربنا اراد مش حأتردد ابدا....

فاللهُ خيرٌ حافظاً وهو أرحمُ الراحمين

[بنت الشاطئ1]

شكرا لك عزيزتى فولانة

بس ايه موضوع المناديل المعقمة ديتوول ديه وايه فايدتها

وكمان ازاى هتختار مكان مش مزدحم على عرفات

يا ريت لو فى حد عنده نصايح لا يبخل بها

هى همرها لم يتجاوز الستون

لكن عموما هل هناك قانون يمنع الحج لمن فوق الستون ..هل هذا خاص بهذا الموسم فقط خوفا من الوباء ام انه عام

[Alrefaey]

مناديل الديتول او سائل اليد المعقم سواء كان ماركة ديتول او افالون او العديد من الماركات هنا فى الصيدليات

دى بتعقم اليد والجسد من اى جراثيم سواء كانت بكتريا او فطر او فيروسات بما فيها انفلونزا الخنازير طبعا

طبعا المفروض استخدام السوائل المعقمة دى فى اى سفر تكون فى شنتطتك او فى المطاعم او خلافه

بس خلى بالك المادة المعقمة دى كحول ايثيلى او ايزوبروبيل فأسألى مدى مشروعيتها فى فريضة الحج

احرصى على انا لا تكون المناديل او السوائل غير معطرة

طبعا لابد من استخدام الكمامات واستخدام المعقمات قبل الطعام والشراب واستخدام الادوات الشخصية

بالنسبة لعرفات هتجدى اماكن فاضية كتير واثناء النوم احرصى انك تنام فى مكان قريب من التهوية سواء فى الخيمة او غيرة

عند الطواف ابتعدى عن الزحام قدر الامكان ويستحسن الطواف من الدور الثانى وللمسنين ركوب كرسى متحرك

احرصى على استخدام كاسات بلاستك شخصية للاستخدام مرة واحده

[pocy]

انا متابعه جدا الموضوع ده لحسن حماتى جالها حج القرعه بعد ما شالوا المستبعدين اتصلوا بيها من اسبوعين كده وخلصنا الاجراءات يوم الخميس اللى فات وربنا يكرمها وتكون الحجه من نصيبها يارب اللهم امين

وانا اجلت سفري لحد 14/12 علشان نكون متاكدين انها جت من الحج ان شاء الله هى مسافره طيران لو حد عرف المواعيد بتاع طيران القرعه بيدأ امتى واخر فوج هيبقي امتى يقلي ويبقي كتر خيره