شمعة فى حب مصر

[ssmaly]

سؤال خطر فى بالى كثيرا

هل من الممكن ان تكون فعالا فى تغير مصر الى الأفضل؟

اذا بدأت بنفسك ان تعمل بجد واحتهاد لتكون مثال جيد للمصريين وتكون اللبنة الاولى فى البناء لتكون اسرة صالحة متعلمة مفيدة لبلدها

ما مدى التأثير والتغير الذى سوف يحدث فى مصر؟

هل اذا بدأ التغير من القاعدة التى لاتملك من امور السلطة والحكم ولا حتى المال ولا منصب ولا اى شىء غير لقب مواطن عادى هل سيحدث اى تأثير يذكر على مدار الباقى لنا من العمر؟

كلنا بنحب مصر حب فطرى حب الابن لامه حتى لو امه اجوزت راجل حرامى بيسرق ميراث اجداده

كلنا بنحب بلدنا وننتقدها (او ننتقد الحكومة التى ادت الى جعل مصر بهذا الحال) ونتمنى ان تتلاشى كل العيوب التى نراها (وكل واحد برى بعيونه وحسب معرفته وتقديره)

زمان فيه واحد زميل لنا فى الجامعة سافر امريكا فى فترة الاجازة (3 اشهر )ولما رجع مكث فى بيته فترة من الوقت لا يريد ان يمشى فى الشوارع لكره وقرفه من الزبالة المتواجدة فى الشارع

ساعتها ان قلت لنفسى ايه الدلع اللى هو فيه والزبالة مشكلة بسيطة مش ممكن تجعلنا نكره النزول او نكره شوارع مصر

ولكن انا الان بقول لنفسى ليه المصريين لا يستحقوا ان يعشيوا فى مستوى من النظافة يماثل اى دولة اوربية او حتى عربية؟

طبعا الرد جاهز الوضع الاقتصادى فى مصر مش ولا بد وطفل كل ثانية واحنا عارفين نأكلكم علشان ننضف البلد وانتم اللى بتوسخوها مش حد تانى

اعتقد الفلوس موجودة وبكثرة ولكن فى جيوب وحسابات اولى الامر (بيحوشوهلنا) واصدقاءهم وكل من يبيع مصر او يساعد على تقويض اى شىء كان جميل علشان بيع الهدد ويكسب منه

طبعا المصريين (كشعب )ممكن ان نوجه اللوم لهم لانهم ينظفون داخل منازلهم جيدا ويغسلوها بالماء والصابون(اذا كان الماء متوفرا) ولكن يرموا مخلفاتهم على باب البيوت

ولكن برضه الحكومة هى السبب

زمان كان الزبال بيمر على البيوت وباخد الزبالة من كل شقة وبيلمها ويترك الشاع نظيف

ولكن الان المطلوب انا نرمى الزبالة خارج المنازل حتى تمر سيارات جمع القمامة وطبعا القمامة تظل فى الشارع حول الصناديق حتى تمر السيارة وبعد مرور السيارة تتجمع قمامة اخرى

نعود العين على رؤية القمامة يدفع الكثير لألقاء قمامة اخرى وهكذا

طبعا ده مثال بسيط للمشاكل التى ممكن تراها فى مصر

انا مش عارف اعمل ايه اذا انتقدت اى وضع فى مصر توجه الاتهامات الى (مثل صاحبنا اللى قعد فى امريكا 3 اشهر) اقل اتهام انى مرفه او غير وطنى و يقولون لى بدل من ان تلعن الظلام اشعل شمعة

السؤال ايه الشمعة اللى ممكن كل واحد يشعلها حبا فى مصر وتساعد على التغير للأفضل؟؟؟

ممكن كل واحد بيحب مصر (وكلنا بنحب مصر ) ان يقولى ازاى نحدث اى تغير ومحسوس فى مصر بلدنا بدون شعارات واحلام وردية