حكايتى مع صديقتى

[اميره]

حكايتى مع صديقتى هى ::

أنا ليه صديقتى قريبه منى أوى وبحبها زى أختى بالظبط

وفى يوم أتعرفنا على بنت جديده وبقت صحبتنا بس علاقتها بينا مش زى علاقتى انا وصديقتى التانيه

وفجأه لقيت صديقتى دى بقت قريبه منها أوى وابتعدت عنى وبقت تصرفاتها معايا غريبه

يعنى تقابلنى ولا كأنها تعرفنى .

و بقيت أشوفهم بالصدفه ألقيهم مع بعض وعلاقتهم غامضه ومش مفهومه

بصراحه أنا أخدت منهم موقف وزعلت خصوصاً من صديقتى الى كنت بحبها ومعرفش ليه إتغيرت فجأه كدا .

وبعدين هى حاولت تكلمنى كتير بس أنا قلبى مش صافي لها ومش حقبل على نفسى ولاكرامتى وضع زى ده

حاسه كمان انها ملهاش أمان يعنى إلى تبيعنى فجأه كدا ومن غير سبب ممكن تعمل أى حاجه تانيه.

صح ولا أنا أتسرعت فى حكمى وموقفى تجاهها ده

[سهيلة]

بصى يا اميره الصداقه حاجة جميله اوى موش سهل تتعوض

عشان كدة قبل ما تقررى تبعدى عنها

لازم تسمعى منها

ممكن تكون صديقتكم الجديدة وقعت بينكم

لازم تسمعى وتفهميها الحقيقه

وبعدها قررى

تكملى ولا تبعدى

تحياتى

[ذهبية]

اختلف فى الراى مع سهيلة طالما مفيش سبب للبعد و فجاة اتجهت للصديقة الاخرى يبقى مع السلامة

لا هاشغل بالى بيها كتير و تاكدى انها لما تلاقيك مش فى دماغك هى نفسها هترجعلك تانى

اعتقد ان الصداقة الحقيقية لا تتاثر بوجود صديقة اخرى او غيرها و لا باى تغير جديد هو مجرد ما تظهر صديقة على السطح يكون مهتمتى انتهت فى حياتها

لا يا اميرة هذة ليست صداقة

ومن يبيعنى ابيعة و لا ياخذ وقت فى مجرد التفكير فية

[اميره]

ذهبيه هو دا نفس رأى والدتى

قالت لى إلى يتخلى عن شخص ويبيعوا من غير سبب وبدون أى مقدمات

يبقا ماينفعش يكون صديق نثق فيه ابداً .

وطالما هى فضلت إنها تكون مع التانيه يبقا مع السلامه

وزى ماحضرتك بتقولى فعلا لم طنشتها وإبتعدت عنها دلوقتى بتتمنى إنها ترجع لى تانى

بس أنا خلاص هى أنتهت بالنسبالى لانها مش مخلصه.

واكتشفت بعد ذلك أنها كانت تتصنع بكل تصرفاتها معايا

بجد أنا مش فاهمه الدنيا الى غريبه ولا الناس الى بقت معايرها الاخلاقيه فى النازل

[تامر مصطفى]

انا اختلف مع الاخت ذهبية

ومادامت هي صديقتك وتعز عليكي يبقى المفروض تكلميها وتصارحيها بإحساسك وتطلبي منها الصراحة

ممكن يكون لها عذر

وممكن تكون بعدت عنك شوية كنوع من التغيير وبحديثك معاها تجذبيها تاني ليكي

او تكون زعلانه منك من موقف فهمتك غلط فيه

[اميره]

استاذ تامر أنا فعلاً اتكلمت معاها عشان أحاول أفهم موقفها الغريب ده

بس الى صدمنى أكتر إنها بتنكر أصلاً إنها بتكلم البنت دى وأنا بنفسى شفتهم

يعنى لوحد قالى كنت ممكن أكذبو وأصدقها بس أنا الى شفتها

وكمان بتحاول تطلعنى أنا الى غلطانه بحقها ان زعلت منها أصلا

بصراحه مش دى صديقتى الى حبيتها وعرفتها اتغيرت كتير بس للأسوء

و هى خلاص انتهت من حياتى لانها شخصيه متقلبه وبتتغير بسهوله

وأصبحت بتفكر بطريقه عكس تفكيرى تماماً ..

وداعاً يادنيا الصداقه :wub:

[الباشمهندس ياسر]

مفيش صداقة بين البنات

الا فى حالات نادرة اوى و مبتتكررش كتير

عوامل كتير اوى بتكون سبب رئيسى انها تاخدهم من بعض

[doudy]

معاكى حق فى الابتعاد عنها يا اميرة

الاولى منها انها لو حد وقع بينك و بينها

انها تيجى تتاكد منك مش تبعد و تنسى صاحبتها

دة لو كان السبب ان فيه حد وقع بينكم

لكن ابتعادها فجاة و من غير اسباب

يضايق و يحسسك ان فعلا ما لهاش امان

ربنا يعوضك خير عنها

[بنت الشاطئ1]

انا حكايتى مع صحبتى بقى ان انا عرفتها على صديقة لى واصبحنا نحن الثلاثة صديقات نخرج معا ونزور بعض معا

لما هى بقى عرفتنى على صديقتها والتى تسكن بجانبها .. اعترضت انى اتصل بصحبتها او ازورها بمفردى مع ان هى كانت تزور صديقتى-التى عرفتها عليها- وتزورها بدونى احيانا ...واعترضت ايضا انى اكلم صديقتها فى التليفون واننى ان اردت من صديقتها اى شئ ان اخبرها هى الاول لتقوم هى بالحديث معها اولا

وعندما قلت لها ولم ذلك قالت لى تفاديا للمشاكل

ومرت السنون وتعرفت هى بالصدفة على صديقة اخرى لى

لم تذكر لى اى شئ عن تطور علاقتهما معا ..وعندما واجهتها هذه المرة بأنها تنهانى عن تصرف وتأتى هى بمثله كان ردها ان هذه الصديقة الاخيرة علاقتهما فى الله قلت لها اننا دائما علاقتنا فى الله ..ظلت تجادل بكلام غير مقنع

ومن يومها بتجنب اى جدال معها او عتاب لأن الناس فعلا عقليات مختلفة عن بعض وبحس ان الواحد احيانا بينزل لمرتبة متدنيه عندما يعاتب هذه النوعية من البشر ..افضل شئ ان الواحد يخلى دايما علاقته بالناس سطحية لا يتعمق فى علاقاته .. وهناك مثل يقال

*أحبب حبيبك هوناً ما ، عسى أن يكون بغيضك يوماً ما ، وأبغض بغيضك هونا ما ، عسى أن يكون حبيبك يوماً ما*

فالأنسان لازم يكون ليه جزء خاص من حياته لا يقتحمه احد

[Damo]

مفيش صداقة بين البنات

الا فى حالات نادرة اوى و مبتتكررش كتير

عوامل كتير اوى بتكون سبب رئيسى انها تاخدهم من بعض

انا موفقاك تماما

ومن يومها بتجنب اى جدال معها او عتاب لأن الناس فعلا عقليات مختلفة عن بعض وبحس ان الواحد احيانا بينزل لمرتبة متدنيه عندما يعاتب هذه النوعية من البشر ..افضل شئ ان الواحد يخلى دايما علاقته بالناس سطحية لا يتعمق فى علاقاته .. وهناك مثل يقال

*أحبب حبيبك هوناً ما ، عسى أن يكون بغيضك يوماً ما ، وأبغض بغيضك هونا ما ، عسى أن يكون حبيبك يوماً ما*

فالأنسان لازم يكون ليه جزء خاص من حياته لا يقتحمه احد

و موفقاكي بردو. انا فعلا وصلت لنفس الconclusion في الآخر.

دلوقتي انا شايفه الصداقه مجرد واجب اجتماعي مش اكتر.