قبول ابناء سيناء في الكليات العسكرية

[se_ Elsyed]

اقسم بالله اول ما قريت الخبر ده عملت

كده

:wub: ngh:

يا نهار اثود

يا نهار اثود

قبائل سيناء تشيد بقبول أبنائها بالكليات العسكرية

أكد مشايخ قبائل جنوب سيناء تقديرهم وشكرهم للرئيس مبارك لموافقته علي قبول أبنائهم بالكليات العسكرية لأول مرة‏,.

بصراحه

لينا حق يحصل فينا كل حاجه وحشه

اذا كانت الناس ساكته وما بتنطقش

وبألوم صديق زي النسر المصري واهو سيناوي انه ما اتكلمش في حاجه زي دي قبل كده

يعني كل ده وما كانش في سيناوي في شرطة ولا جيش ولاحربية ولا امن مركزي حتى ؟

يا حلاوه يا حلاوه

ومبارك عمال يتكلم عن المواطنه والبطارخ

يا راجل روح بقى خربتها وقعدت عل تلها

متوقعين ايه من فئة من الشعب عايشه وسطنا ومحرم عليه وظائف زي كده وبالتالي هو دايماً مشكوك في امره ومشبوه

انا تعمدت ان اضع هذا الموضوع في باب الفساد

[محمد عبدالعزيز]

أعتقد إن ده له علاقة باتفاقية كامب ديفيد وتحديد عدد القوات المسلحة اللى موجودة فى شبه جزيرة سيناء, أو يمكن كانت تلكيكة وبيضحكوا علينا بالتفسير ده.

لأن وأنا فى الجيش كان معانا فى مركز التدريب عسكرى من العريش, وكان العسكرى الوحيد اللى مسموح له ينزل أجازته باللبس المدنى ويخرج قدام الجميع وماحدش يقدر يكلمه كلمة واحدة, وطبعاً كنا كلنا بنحسده على كده عشان كنا لازم ننزل الأجازة باللبس الميرى, وبعدين لما استفسرنا قالوا لنا الكلام ده, إن مش مسموح لأى عسكرى يدخل سيناء بسبب معاهدة كامب ديفيد.

شبه جزيرة سيناء تعانى من إهمال شديد جداً وياما قرأت وسمعت عن مطالبات للاهتمام بهذه المنطقة لحل كثير من مشاكل مصر, ولا حياة لمن تنادى كالعادة.

[المخنوق دائما]

أنا عن نفسى عارف الموضوع ده من زمان

عارف انهم مابياخدوش حد من سيناء أو السلوم والحدود مع ليبيا عموما فى الجيش او الكليات العسكرية بمبدأ إن ولائهم قد يكون لجهات أخرى نظرا لأن أصولهم ليست مصرية 100%

تم تعديل 22 أكتوبر 2009 بواسطة المخنوق دائما

[مغتربة]

وجب التوضيح

ابناء سينا من ( الحضر ) يدخلون كاقه الكليات العسكريه ( انا من سينا اساسا) من زمان و ليس هناك اى عائق امامهم فى ذلك

الاعتراضات كانت تطال فقط اهل سينا من البدو لاعتبارات كثيره

انا عن نفسى لم اكن مقتنعه بها

[HassanMMM]

اقسم بالله اول ما قريت الخبر ده عملت

كده

:blink: :o

يا نهار اثود

يا نهار اثود

قبائل سيناء تشيد بقبول أبنائها بالكليات العسكرية

أكد مشايخ قبائل جنوب سيناء تقديرهم وشكرهم للرئيس مبارك لموافقته علي قبول أبنائهم بالكليات العسكرية لأول مرة‏,.

بصراحه

لينا حق يحصل فينا كل حاجه وحشه

اذا كانت الناس ساكته وما بتنطقش

وبألوم صديق زي النسر المصري واهو سيناوي انه ما اتكلمش في حاجه زي دي قبل كده

يعني كل ده وما كانش في سيناوي في شرطة ولا جيش ولاحربية ولا امن مركزي حتى ؟

يا حلاوه يا حلاوه

ومبارك عمال يتكلم عن المواطنه والبطارخ

يا راجل روح بقى خربتها وقعدت عل تلها

متوقعين ايه من فئة من الشعب عايشه وسطنا ومحرم عليه وظائف زي كده وبالتالي هو دايماً مشكوك في امره ومشبوه

انا تعمدت ان اضع هذا الموضوع في باب الفساد

الصراحه انا ذيك بالظبط ماكنتش متخيل انهم ممنوعون من دخول هذه الكليات. واول ما قرادت الخبر افتكرت علطول ايام حرب اسرائيل على لبنان(٢٠٠٦) كان في جندي اسرائيلي قتل ووجدت صوره في الأخبار لمراسم دفنه اللي لفت نظري ان الناس اللي حواليه واهله تقريباً كانت ملابسهم شبه ملابس المسلمين خصوصاً الإيشاربات للنساء لما قراءت الخبر عرفت ان الجندي ده من الدروز اللي هما اصلاً اعتقد اصولهم عربيه او لبنانيه ( ياريت حد يصحح لنا المعلومه لو كانت غلط) المهم انه مش يهودي خالص خالص. بس كده فهمت ان الجيش الإسرائيلي بيعامل الدروز على اساس انهم من اهل البلد ولهم الحقوق كامله ( ويا ترى ولائهم حيبقى لمين بقى لما يتعاملوا على هذا الأساس)

دا انا متأكد كمان انهم حطو صوره في الأخبار علشان يظهروا للعالم كله شوفوا احنا جيش اسرائيل من كل الفئات واحنا جيش ودوله ديمقراطيه ازاي وبنعامل مواطنينا بالمثل :blink: :blink:

امال احنا اهه في مصر wst::

[ابو محمد المصري]

لا تقوللي مواطنه ولا تقوللي ان فيه حاجه اصلا اسمها دستور بيحكمنا كلنا

بدو جنوب سينا الحكومه بتعتبرهم جزء من الاحتلال نفسها تفتح عينيها تلاقيهم غاروا في 60 داهيه

كل يوم اعتقالات وتجاوزات في مجتمع من وجهه نظرهم مجتمع قبلي غير مشارك في الدوله

عايزين الحكومه تدخلهم الجيش او الشرطه وتفتح عنيهم علي حقوقهم طب من باب اولي يعلموهم الاول او حتي يشغلوا العاطلين عندهم او يمدوهم باي جزء من الحضاره التي ينالها باقي اهل سيناء في الشمال

رجعنا نفرق بين الشمال والجنوب مره تانيه

الحضاره في شمال مصر والتخلف والعيشه الضنك في الجنوب وليس اهلنا في الصعيد ومشاكلهم ببعيد عنا

انا لاادفع لانني من اهل الجنوب وان كنت اتمني ذلك ويشرفني

ولكن جنوب القطر وشماله مصريون يا خلق هوووووووووووووووووووووه

[miramikhail]

على فكرة حد علمى أن فعلا أحنا لحد الجزء اللى خدناه من سينا وقت الحرب من حقينا نحط جيش فية و لكن الباقى مافيهوش جيش حسب معاهد كامب ديفيد عشان كده اللى على الحدودمع أسرائيل ضباط شرطة مش جيش ده للمعلومية فقط

أما بالنسة لعدم أدخال أهل سينا الجيش فالحقيقة أنا كنت فى التسعينات و قت ما كنت بشتغل فى الحكومة كان فية لواء جيش و كان عارفين أنه أصلا من العريش طبعا هو لكل قاعدة شواذ و عامتا مش بس بتوع سينا اللى مابيتخدوش فى الكليات العسكرية فئات تانية يمكن القرار ده مبيبقاش مكتوب لكن بيبقى متعارف علية ولو حصل و دخل بتبقى غلطة عمرة :rolleyes: