قتلى وجرحى بالعشرات في حادث تصادم قطارين بالعياط

[Amr Radwan]

قرات خبر عاجل علي قناة الجزيرة يفيد بوجود قتلي بالعشرات و مصابين في حادث تصادم قطارين في اول صعيد مصر ..

و السؤال الذي خطر ببالي .. "الي متي تصبح حياة المواطن المصري رخيصة لهذه الدرجة" !!! الي متي ستظل القطارات في مصر هي مقبرة متحركة للمصريين و خاصة الصعيد .. بداية من عام 1995 لقطار كفر الدوار و عام 2002 قطار الصعيد (الاول) و عام 2009 قطار الصعيد (الثاني) ..

و لماذا لا يحدث في دولة اخري من دول العالم الثالث او حتي الاول حوادث متتابعة في القطارات مثل ما يحدث في مصر .. ؟؟!؟!؟!

و اليكم الخبر .. بعد بحثي عنه في مواقع الاخبار

قتلى وجرحى بالعشرات في حادث تصادم قطارين بالعياط

10/24/2009 7:10:00 PM

-خاص - وقع تصادم مساء السبت بين قطارين أمام قرية جرزة التابعة لمركز العياط بمحافظة 6 أكتوبر، مما اسفر عن عشرات القتلى والجرحى، وتعطل حركة القطارات.

وكان القطار رقم (152) المتجة من محافظة الجيزة إلى محافظة الفيوم قد اضطر إلى التوقف بعد أن اصطدم بـ "جاموسة"، فاصطدام القطار رقم (188) به فى المسافة بين كفر الرقة وكفر عمار بدائرة المركز مما أدى إلى انقلاب عربتان من القطار رقم (152)، وهو ما أسفر عن مقتل 15 شخصا، واصابة 24 أخرين، ولا يزال العديد من المصابين تحت القطارين.

وعلى الفور هرعت قوات الدفاع المدني وما يقرب من 20 سيارة إسعاف إلى مكان الحادث لنقل الجرحي والقتلى إلى المستشفيات.

المصدر: وكالة انباء الشرق الاوسط، مصراوي

http://www.masrawy.com/News/Cases/General/.../24/trains.aspx

[Nassarlink]

احزنني جدا الخبر عندما قرأته في جريده لوموند الفرنسيه

انا لله وانا اليه راجعون

وحسبنا الله ونعم الوكل

http://www.lemonde.fr/afrique/article/2009/10/24/egypte-au-moins-14-morts-dans-la-collision-entre-deux-trains_1258501_3212.html#xtor=RSS-3208

نصار

[se_ Elsyed]

المصري اللي على حق

ما يقولش للقطارات لأ

أشاهد الان برنامج القاهرة اليوم

أقسم بالله

إن هذا السائق والحادث مثال متجسد لحال مصر

السواق ... هو ......

والقطار .... هو البلد مصر

إسمعوا وأضحكوا

القطر ماشي في امان الله ...

فلاح معدي بجاموسته - جاموستي يا عمده - على المزلقان

راح خابط الجاموسه

مشي 500 متر وراح ضارب فرامل وواقف

على اساس إنه راكب توك توك

هههههههههههه وقال للركاب ينزلوا يستلفوا من الفلاحين اللي في الغيطان على الطريق سكاكين يخلص بقية الجاموسة اللي مضايقاه ولازقه في القطر من تحت

جه القطر التاني من وراح لابس فيه

نكمل ؟

أستمعت منذ قليل لحديث شخص .....؟؟ ... هو المهندس والمتحدث الاعلامي بإسم وزارة النقل واللي كان بيتكلم عن شيء هُلامي وعن حادث أخر ويؤكد ويحلف بالطلاق إنه في موقع الحادث

فالمذيع بيسأله : هو صحيح إن القضبان تقع بين ترعتين وبالتالي عملية الانقاذ هاتبقى صعبه ؟

يقوم قايل : إطلاقاً مافيش ميه حوالين الحادث خالص

وانا شايف معالي وزير النقل ومعالي وزير المواصلات وأصحاب المعالي الأمراء أهم هناك أهم قدامي في الموقع معايا

ههههه يقوم مراسل البرنامج جايب الوزرا اللي يأكدوا إنهم أستعانوا بالشرطة المائية عشان نقل الجثث باللنشات

واحد ...؟؟؟زي ده .. المفروض يحصل فيه إيه ؟

اليبه قاعد بيتعشى مع المدام باميه وعمال يسرح بينا ...

شهود العيان بياكدوا دلوقت إن الساده المسئولين الوزراء قاعدين مآنتخين وحواليهم الحرس الخاص بهم بيشربوا حاجه ساقعه ( كانز ) تخيلوا ؟

وكل واحد مسئول بيتكلم ويحسسك إنه مشمر ولابس الشورت وبيشيل الجثث بإيده ... اهم حاجه يظهر في الكادر عشان تتحسب له بونطه

هو ده مبارك وهما دول رجاله الأشاوس

إنت سواق قطر ؟ شغال يا ريس ... أقف في وسط الطريق وأعمل غرز بالقطر كمان .... أصلك زيك زي رئيس الجمهورية .. لو عمل الاللي عمر ما حد بيحاسبه ويقول له بتعك إيه وبتعمل إيه يا عم الحج ؟

وإنت موظف او مسئول مزلقان وشوفت القطر وقف ... إنزل إنشغل في الجاموسة وما تبلغش القطر اللي جاي بعده قب لما تحصل الكارثة

وإنت وزير نقل ... يبقى أصرف 10 مليون جنية ...

10 مليون جنيه على اعلانات فارغه من عينة الحنفيات اللي بتتسرق في القطارات

لكن الأراوح اللي بتتسرق لا تستحق أن يُنفق عليها مليم واحد

الحنفية عندنا أغلى من المواطن

[se_ Elsyed]

بيتهيألي في واحد نحس معانا في البلد ؟

لو عرفت الحل أتصل على زيرو 900 ست ستات ... أو على صندوق بريد ستمية وستين .. قصر العروبة

ي

ذكر أن مصر شهدت في السنوات الأخيرة العديد من حوادث القطارات ، من أبرزها حادثة فبراير 2002 والتي وقعت أيضا في مدينة العياط " 50 كم" جنوب القاهرة وعرفت بحادثة قطار الصعيد واعتبرت الأسوأ من نوعها في تاريخ السكك الحديدية المصرية حيث راح ضحيتها أكثر من ثلاثمائة وخمسين مسافرا بعد أن تابع القطار سيره لمسافة 9 كيلومترات والنيران مشتعلة فيه وهو ما اضطر المسافرين للقفز من النوافذ .

كما شهد 2006 ثلاث حوادث ، ففي شهر فبراير اصطدم قطاران بالقرب من مدينة الإسكندرية مما أدى إلى إصابة نحو 20 شخصا ، وفي شهر مايو من العام نفسه ، اصطدم قطار شحن بآخر بإحدى محطات قرية الشهت بمحافظة الشرقية ، مما أى إلى إصابة 45 شخصا .

وفي أغسطس 2006 ، اصطدم قطاران أحدهما قادم من المنصورة متجها إلى القاهرة والآخر قادم من بنها على نفس الاتجاه ، مما أدى إلى وقوع تصادم عنيف بين القطارين ، مما أدى إلى مقتل 80 شخصا ، بالإضافة إلى أكثر من 163 مصابا .

وفي التسعينيات ، وقعت حوادث قطارات عديدة من أبرزها مقتل 12 وإصابة 60 في تصادم قطارين على بعد 90 كيلومترا شمالي القاهرة في ديسمبر 1993 .

وفي فبراير 1997 ، أدى خلل بشرى وخلل فى الإشارات إلى وقوع تصادم بين قطارين شمال مدينة أسوان مما أدى إلى وقوع 11 قتيلا على الأقل والعديد من الإصابات .

وفي أكتوبر 1998 ، اصطدم قطار بالقرب من الاسكندرية بأحد المصدات الأسمنتية الضخمة ، مما أدى إلى اندفاعها نحو المتواجدين بالقرب من المكان وخروج القطار نحو أحد الأسواق المزدحمة بالبائعين والمتجولين ، مما أدى إلى مقتل 50 شخصا وإصابة أكثر من 80 مصابا ومعظم الضحايا ممن كانوا بالسوق أو اصطدمت بهم المصدة الأسمنتية.

وفي نوفمبر 1999 ، اصطدم قطار متجه من القاهرة إلى الاسكندرية بشاحنة نقل وخرج عن القضبان متجها إلى الأراضى الزراعية ، مما أسفر عن وقوع 10 قتلى .

وتنوعت أسباب الحوادث السابقة بين تهالك القطارات والإهمال وغياب الصيانة وعدم تطبيق معايير الأمان.

وما يضاعف من حجم الكارثة هو الاحصائيات التي جاءت في وسائل الإعلام ، حيث كشفت صحيفة " الوفد " مؤخرا أن أكثر من ستة آلاف مصري قتلتهم القطارات فى مصر خلال العشر السنوات الأخيرة وأصيب أكثر من 21 ألف مصرى ، موضحة أن متوسط عدد حوادث القطارات فى مصر كل عام حوالى 120حادثة قطار سنويا بمتوسط عشر حوادث كل شهر

.

[OReX]

لا حول ولا قوة الا بالله

لا امتلك ما اقوله من مرارة الاقتباس الذى اشار به الاخ سى السيد

[هيبو]

انا فعلا متأكد ان فيه واحد نحس معانا فى البلد ياجماعه وياااااريت من الاخوه الى مسافرين فى الخارج يشوفوا له عقد عمل علشان نطلعه من البلد وبنوجه رجاء للاخ النحس ان يعترف على نفسه ونوعده ان احنا هنجيب له عقد عمل فى الخليج ولو عاوز يهاجر كندا ممكن عادى

طيب ممكن تكون البلد محسوده وعلشان كده نناشد القوات الجويه بان تقوم بتبخير البلد

طيب ممكن يكون واحد باصص للريس فى الرياسه ياجماعه وانتوا عارفين ان عين الناس وحشه وعلشان ذلك بنطلب من الشعب المصرى كله ان يتوضأوا وبعدين ناخد المياه الى توضأوا بيها ونخلى الريس يستحمى بيها يمكن العقد تتفك

وفى الاخر لا املك الا ان نقول حسبى الله ونعم الوكيل نعم المولى ونعم النصير

[Amr Radwan]

بجد ... انا اتخنقت من سماع الاخبار الخاصة بنتائج الاهمال و عدم الاكتراث بحياة المواطن المصري ..

هل حتي الان لا يوجد "جهاز لاسلكي" مع سائقي القطارات و البلوكات علي الطريق للاخبار عما يحدث لهم علي الطريق ؟؟

هل هذه القصة الهزلية الساخرة و التي تخبرنا ان سبب هذا الحادث هو "جاموسة" عالقة هي سبب الحادث ؟؟ .. اذا كان ذلك فلا اجد الا تعليقا واحد .. مين اللي خلي

السائق ده في مكانه ده ؟؟؟!؟!؟!؟ ده واحد مش بيفكر و لا عنده اي نوع من انواع الذكاء العادي .

 كثرت الحوادث و البلاوي فيكي يا مصر .. و الله ده دليل علي ان مصر فيها حاجة مش مظبوطة و اكيد اولها احنا "المصريين" بدأت احس ان ربنا غضبان علينا .. و اكيد ده انذار لنا من ربنا ..

و في النهاية حسبنا الله و نعم الوكيل ..

[Amr Radwan]

طبعا و بالتاكيد كالعادة ان الدور القوي في عملية المساعدة هو دور الاهالي في القرية لعمل جسر علي المياة لنقل عساكر الدفاع المدني ..

[أسد]

خالص حزني وعزائي على قتلى الحادث ..

المسألة أصبحت مؤلمة جداً ..

يومياً .. يخرج أناس من بيوتهم .. يذهبون إلى أعمالهم .. أو زيارة أهلهم ..

ولكن هناك خطر كبير يطوف حولهم ..

الحوادث ..

حوادث يومية على الطرق .. وحوادث كارثية في القطارات ..

مآسي يتعرض لها المصريون ..

لا أعتقد أنه خطأ حكومي بحت .. أو خطأ من الناس فقط ..

إنها أصبحت منظومة كبرى للخطأ .. والأخطاء .. والخطايا ..

مصر للأسف الشديد أصبحت سداح مداح

كل شئ فيها يسير بشكل عشوائي .. عشوائية كبرى وفظيعة ..

إذا استمرت .. فالقادم أخطر .. وأعظم ..

يجب أن نصحو .. ونعلم أننا كلنا .. وبدون إستثناء .. شركاء في هذا الجرم العظيم الذي يحدث في مصر ..

كل منا مسئول ..

الحاكم ..والحكومة مسئوليتهم أعظم ..

ينبغي أن يقوموا بمسئولياتهم .. ويحددوا أولوياتهم .. ويعملوا فيها ..

يمكننا عمل أشياء كثيرة .. ولكن الناس والمجتمع المصري بصفته الحالية .. وبدون من يقوده غلى الطريق الصحيح لن نصل إلى نتيجة .. بل سنظل غارقين في عشوائيتنا واستهتارنا وإهمالنا

[Simba]

كالعادة سيخرج علينا المسئولين بصرف 2000 جنيه للمتوفي واقل للمصاب ثم نحزن كثيرا ونغضب أكثر حين يخبرنا كاتب بأن ثمن المصري لا يزيد عن ثمن ثلاجة مع أنه امر واقع لا جدال فيه وربما سيقدم السائق كالعادة قربان لفداء رقاب أكبر

انها ليست اول كارثة من نوعها وأدعو الله أن تكون الأخيرة

[وطني حر]

الله يرحمهم برحمته واحر التعازي لاسر المتوفيــن .

ما يحدث في مصر . مش حادثه فرديـه .. ولا مصلحه السكك الحديد تقدر تصلح الوضع . ومش مشكلتهم

الوضع في مصـر بصفه عامه .من قطر لموتور سيكل . لحنتور لتاكسي . ولحد ما توصل للمطار .

هناك شبه حاله استهتار وعدم مبالات . هناك سخط وضجر عام من الشارع المصري

الكل مش طايق الحياه . هناك شبه فلتان وقرف . الكل مش عاجبه وضعه في البلد . الرشوه تعالت واستفلت في كل زاويـه

المفتش يقبض البقشيش عيني عينك .. وطبعا لما انت بتدفع اكيد هناك سخط كبير وعينين محمره من دافع الرشوه . وبينه وبين نفسه يكلمها . له ادفع باي حق . هي البلد دي بالشكل الفوضوض الكل يسرق . وتلاقيه يخبط في الباب ويسكره وكله ضجر

البلد مش قطر . وحادث القطار ممكن تكرر وهي تتكرر في اكثر من مكان وطريق في مصر . لكن حوادث القطارات هي اللي تتناولها الصحف والاعلام المقرو ء والمسموع

حماك الله يا مصر من كل مكروووووووووووووووه

[الترجمـان]

البلد مش قطر . وحادث القطار ممكن تكرر وهي تتكرر في اكثر من مكان وطريق في مصر . لكن حوادث القطارات هي اللي تتناولها الصحف والاعلام المقرو ء والمسموع

حماك الله يا مصر من كل مكروووووووووووووووه

اتفق معك انها تتكرر في كل مكان لا احد يستطيع ان ينكر ذلك ..

ولكن عفوا ..

رد الفعل تجاه تلك الكوارث يفرق من مكان لمكان ..

لإن اللي بيحصل في مصر داه إهدار للمال العام وللثروه البشريه في البلد ..

وبالتالي فإن طبيعة التحقيقات في مثل تلك الكوارث في البلاد التي تحترم المال العام وثروتها البشريه بيكون مختلف تماما عما يحدث في مصر .. فكلمة القضاء والقدر والجموسه هيه السبب دا على العين وعلى الراس ولكن من سمح لتلك الجاموسه ان تعبر ومن سمح "بالقضاء والقدر" أن يحدث بهذا الشكل لازم يتحاكم ..

كما أن قيمة التعويضات التي تعطى لأهالي الضحايا خصوصا أن ذويهم هم مجموعة من العاملين في القاهرة وهم من الكادحين الذين يعولون أسرهم في قرى وصعيد مصر الفقيره لا تتعدى ال 3 آلاف وهي ثمن الجاموسه التي تسببت في هذا الحادث وبالتالي فإن الحزب الحاكم الذي رضي بمثل تلك التعوضات يجب أن يحاكم سياسيا..

نأتي للدعم النفسي للضحايا وهي القيمة المفقودة و الغير موجوده بالمره في التعامل مع تلك المواقف ...

فكلنا يشاهد كيف تتعامل حكوماتنا الرشيده والحكيمه مع تلك الكوارث والمواقف التي تستلزم معامله خاصه مع أهالي الضحايا وإعادة تأهيلهم نفسيا لتجاوز مثل تلك الأزمات دون مضاعفات نفسيه وعضويه ..إللا أننا نرى أن التعامل يكون بعساكر الأمن المركزي الذين يطوقون أهالي الضحايا ويتركونهم ينبحون حتى ينهاروا في النهاية ويفقدون الوعي وفي النهاية شلل في أعضاءهم أو في تفكيرهم وإحباط يساوي بين من مات ومن ما زال على قيد الحياة ..

[miramikhail]

الله يرحمهم جميعا

هو المشكلة أزاى الجاموسة تعدى هو المفروض أن المزلقان بيبقى مقفول و قت ما القطار حيمر (دة حسب ما درسنا فى هندسة السكة الحديد) و فية واحد موجود فى الكشك اللى عند المزلقان لو حصل أى مشكلة لازم يبلغ البلوك اللى قبلة عشان لو فية قطار جاى يوقف و يتبلغ باقى المحطات لأن حسب الهندسة برضة القطر ما يقدرش يقف مرة واحدة لأن لو السائق عمل كده القطر حيخرج من القضبان نتيجة لوزن القطار و قوة الدفع الذاتى و سرعة القطر و الكلام ده ينطبق على المترو و الترام و عشان كده مش من الحكمة أن حد يعدى و فية أى حاجة من دية جاية لأن لو حصل أى حاجة مش حيعرف يقف يعنى على الأقل لازم يزقه قدامة مسافة لها علاقة بسرعة القطر و عدد العربيات.

[pink rose]

انا لله و انا اليه راجعون

البقاء لله يا جماعة مش في اللي ماتوا في القطار دا بس او اللي ماتوا العبارة و غيره و غيره و غيره

لاااااااااااا البقاء لله في مصر

[mandoo]

بيتهيألي في واحد نحس معانا في البلد ؟

لو عرفت الحل أتصل على زيرو 900 ست ستات ... أو على صندوق بريد ستمية وستين .. قصر العروبة

ي

ذكر أن مصر شهدت في السنوات الأخيرة العديد من حوادث القطارات ، من أبرزها حادثة فبراير 2002 والتي وقعت أيضا في مدينة العياط " 50 كم" جنوب القاهرة وعرفت بحادثة قطار الصعيد واعتبرت الأسوأ من نوعها في تاريخ السكك الحديدية المصرية حيث راح ضحيتها أكثر من ثلاثمائة وخمسين مسافرا بعد أن تابع القطار سيره لمسافة 9 كيلومترات والنيران مشتعلة فيه وهو ما اضطر المسافرين للقفز من النوافذ .

كما شهد 2006 ثلاث حوادث ، ففي شهر فبراير اصطدم قطاران بالقرب من مدينة الإسكندرية مما أدى إلى إصابة نحو 20 شخصا ، وفي شهر مايو من العام نفسه ، اصطدم قطار شحن بآخر بإحدى محطات قرية الشهت بمحافظة الشرقية ، مما أى إلى إصابة 45 شخصا .

وفي أغسطس 2006 ، اصطدم قطاران أحدهما قادم من المنصورة متجها إلى القاهرة والآخر قادم من بنها على نفس الاتجاه ، مما أدى إلى وقوع تصادم عنيف بين القطارين ، مما أدى إلى مقتل 80 شخصا ، بالإضافة إلى أكثر من 163 مصابا .

وفي التسعينيات ، وقعت حوادث قطارات عديدة من أبرزها مقتل 12 وإصابة 60 في تصادم قطارين على بعد 90 كيلومترا شمالي القاهرة في ديسمبر 1993 .

وفي فبراير 1997 ، أدى خلل بشرى وخلل فى الإشارات إلى وقوع تصادم بين قطارين شمال مدينة أسوان مما أدى إلى وقوع 11 قتيلا على الأقل والعديد من الإصابات .

وفي أكتوبر 1998 ، اصطدم قطار بالقرب من الاسكندرية بأحد المصدات الأسمنتية الضخمة ، مما أدى إلى اندفاعها نحو المتواجدين بالقرب من المكان وخروج القطار نحو أحد الأسواق المزدحمة بالبائعين والمتجولين ، مما أدى إلى مقتل 50 شخصا وإصابة أكثر من 80 مصابا ومعظم الضحايا ممن كانوا بالسوق أو اصطدمت بهم المصدة الأسمنتية.

وفي نوفمبر 1999 ، اصطدم قطار متجه من القاهرة إلى الاسكندرية بشاحنة نقل وخرج عن القضبان متجها إلى الأراضى الزراعية ، مما أسفر عن وقوع 10 قتلى .

وتنوعت أسباب الحوادث السابقة بين تهالك القطارات والإهمال وغياب الصيانة وعدم تطبيق معايير الأمان.

وما يضاعف من حجم الكارثة هو الاحصائيات التي جاءت في وسائل الإعلام ، حيث كشفت صحيفة " الوفد " مؤخرا أن أكثر من ستة آلاف مصري قتلتهم القطارات فى مصر خلال العشر السنوات الأخيرة وأصيب أكثر من 21 ألف مصرى ، موضحة أن متوسط عدد حوادث القطارات فى مصر كل عام حوالى 120حادثة قطار سنويا بمتوسط عشر حوادث كل شهر

.

عمو سين سين ... إنت متأكد إنه واحد بس ... طيب راجع نفسك ... طيب أقولك ... شوف الرابط ده وأكيد هتغير رأيك

http://www.youtube.com/watch?v=1hnQba4efow...feature=related

حسبنا الله ونعم الوكيل ... بس على فكرة إحنا نستاهل يجرالنا أكتر من كده ... علشان راضين بالظلم وساكتين

خالص تحياتى

[se_ Elsyed]

أتساءل بكل ألم

كيف يفلت المجرم من العقاب ؟

عارفين من 4 ايام كانت هناك مباراة للأهلي والمنصورة في ستاد المنصورة

المباراة بدأت يا جماعه وما كنتش شايف حاجه وانا أرتدي نظارة طبية بسيطة مش كعب كوبايه .. بالبسها في شغلي أو مشاهدة التلفيزيون

ما كنتش شايف حاجه وزي ما يكون إحنا في شهر ديسمبر أو يناير وانا بأتفرج على مباراة أوروبية وفي ضباب وتلج وحركات

فندهت مراتي .. قلت لها : تعالي يا حاجه ... جوزك إتعمى يا سعاد ... أنا أتعميت يا سعاد

مافيش ثواني لقيت المذيع بيقول : للأسف ... الرؤية ضعيفه نتيجة السحابة السودا اللي بتغطي على الوجه البحري في نفس هذا الميعاد من كل سنة نتيجة حرق قشر الأرز وتستمر شهور واسابيع

إنت بتتكلم عن محافظة ... يعني بندر وحضر ... مش ريف ؟؟؟؟؟؟؟؟

يا نهار أسود

يا نهار أسود على مرضى الجهاز التنفسي والأطفال وكبار السن

هو في إيه ؟

------

المفاجآه في موضوع القطر ...

بعد حادث كفر الدوار وزارة النقل حصلت على

8 مليار جنيه

ثمانية مليار جُنيهاً مصرياً لتطوير السكة الحديد

يا عادل بيه ... هو أنا كمُشرف .. أو بلاش دي

كعضو ... لو قلت كلمة وحشه ... أتشطب ؟

هو في إيه

راحوا فين الثمانية مليارررررررررر دول ؟

خدوا دي ... ولسه سامعها في القاهرة اليوم

الموظف أو عامل البلوك اللي المفروض السواق الحيوان اللي وقف كان بلغه إنه واقف ومتعطل عشان يبلغ القطر اللي بعده

عمل إيه الموظف يا سادة ؟

لووووولللللي

ترك البلوك قبل ميعاد ودريته بساعه وربع .. وركب القطار التاني اللي أصطدم عشان يروح بدري بدري

ووجدوا جثته محشورة في القطار

وعامل المزلقان اللي ما كانش موجود وسايب تالجواميس والفلاحين يعدوا والقطر جاي

هههههههههههههه

من شهر أجتمع وزير النقل مع أعضاء نقابة سائقي القطارات عشان يحذرهم إن اي سائق سيُعطل جهاز التحكم الآلي هايتجازا

عارفين بيعملوا إيه ؟

المليارات اللي أتصرفت على أحدث الاجهزة لتقليل الحوادث ... بيعطلوها بإيدهم أول ما يتحرك بالقطر .... ليه ؟

عشان يعمل خمسات ويفحط بالقطر

آه والله ... تخيلوا ؟

هو في إيه ؟

[ozoozo]

انا لما فريت الخبر كنت فاكره موضوع قديم

انا فاكر من كام سنه كان في مصيبه برضه في قطار في العياط

من كتر الحوادث مابقتش عارف دي حادثه جديده ولا قديمه

لذلك نرجو من الحكومه جدوله اوقات الحوادث ومراعاه عدم تكرار الحوادث في نفس الاماكن او كتابه مثلا حادثه العياط الجزء الاول ,حادث العياط الجزء الثاني حتي يتثني لنا متابعه الاخبار بدون لخبطه

[newcomer]

الله يرحمهم جميعا

هو المشكلة أزاى الجاموسة تعدى هو المفروض أن المزلقان بيبقى مقفول و قت ما القطار حيمر (دة حسب ما درسنا فى هندسة السكة الحديد) و فية واحد موجود فى الكشك اللى عند المزلقان لو حصل أى مشكلة لازم يبلغ البلوك اللى قبلة عشان لو فية قطار جاى يوقف و يتبلغ باقى المحطات لأن حسب الهندسة برضة القطر ما يقدرش يقف مرة واحدة لأن لو السائق عمل كده القطر حيخرج من القضبان نتيجة لوزن القطار و قوة الدفع الذاتى و سرعة القطر و الكلام ده ينطبق على المترو و الترام و عشان كده مش من الحكمة أن حد يعدى و فية أى حاجة من دية جاية لأن لو حصل أى حاجة مش حيعرف يقف يعنى على الأقل لازم يزقه قدامة مسافة لها علاقة بسرعة القطر و عدد العربيات.

انا لله و انا اليه راجعون

ربنا يرحمهم و يغفر لهم و يصبر اهلهم

---------------

زى ما اشارت ا. miramikhail فيه ناس - افراد يعنى - بيشتركوا فى المسئوليه

مش معقول كل مرة تحصل كارثة زى دى.....مانسمعش اى لوم او مطالبه بحساب الناس دول

يعنى لو تخيلنا مؤسسة كبيرة بيدريها واحد ( فاسد و لا صالح ....)

و عمال الأمن زوغوا و لا ناموا و لا راحوا يتعشوا ....و الشركة اتسرقت

المفروض احنا لو موظفين فى الشركة دى هنلوم مين الاول؟؟

( ده ما يعفيش المدير من دوره و مسؤليته .....)

لكن لو كل مرة الموظفين اتعاطفوا مع العمال ...".و معلش مرتبهم قليل

و دول غلابه......و هنيجى على دول و نسيب الفاسدين الكبار....و.....و"

اكيد ده بيساهم فى ترسيخ مفهوم الاستهتار عند كل الافراد

اكيد كل حد فى الهيئه دى بيتحمل جزء من الجريمة دى

على قد اهماله و استهتاره......

لازم حالنا يتعدل الاول كافراد.....ساعتها ربنا هيولى علينا اللى نستاهله

انا عارفه ان رأيى ممكن ما يتفقش معاه ناس كتيير

بس هى دى قناعتى .....مش معقول انا اغلط و اهمل و ما اشوفش شغلى

و ما احللش المرتب (اى كان) اللى باخده .....و لما يحصل غلط

رئيسى او مديرى هو اللى يتحمل المسئوليه

تم تعديل 26 أكتوبر 2009 بواسطة newcomer

[أسد]

أتساءل بكل ألم

كيف يفلت هذا العجوز المجرم من العقاب ؟

حُسني مبارك لابد ان يحاكم كمجرم حرب

وأنا أعني ما اقول

........

هو في إيه ؟

الحقيقة مش فاهم ..

ماهي مسئولية رئيس الدولة .. أي رئيس دولة في العالم عن أن عامل مستهتر ترك موقع وظيفته الحيوية ..

وما هي حدود مسئولية الرئيس في أي مكان .. رئيس مصلحة .. أو رئيس وردية ..

خلط الأمور بهذه الدرجة .. صعب جداً ...

نتحدث عن حالة عامة للبلد .. تجسدت فيها البلادة والتبلدوالاستهتار في أبشع صوره ..

لا أحد يقوم بعمله بشكل متقن على الإطلاق ..

إذا أحضرت نقاش يدهنلك الشقة الجديدة اللي في العبور .. حتلاقيه بيطلصق .. ويكروت .. ولو مش واقف على إيده حيبهدل لك الدنيا

هل ياترى مبارك هو المسئول ؟؟

حبذا لو وضعنا كل أمر في نصابه ..

ولكن ..

الآن .. ندعو أي مسئول له علاقة بالامر .. من رئيس الدولة إلى أي وزير ذو علاقة ..

نتمنى ألا يتبهدل أهل الضحايا في الحصول على حقوقهم ..

نتمنى ألا يتبهدل المصابين في مستشفيات تفتقر إلى الخدمة المناسبة ..

نطالب .. بأن يحاسب المسئولون .. ونطالب بأن يحاكم المتهمون .. صغاراً أو كباراً حالما تظهر مسئوليتهم ..

نطالب أن يحاسب المسئولون الذين يتغاضون عن إهمال ورعونة السائقين وعمال التحويلات ..

[hanzalah]

لاحول ولا قوة إلا بالله اعلي العظيم

خالص عزائي لأهل الضحايا البسطاء

لا أدري لماذا يدفع البسطاء دوماً الحساب عن الجميع

لماذا لا يسافر الوزراء بالقطار العادي ليعيشوا مع الناس المعاناة

جريدة الوفد كتبت ان هناك تعويض 5000 .. نعم خمسة الف جنيه تعويض للمتوفى

وتعويض الجريح هو الف جنيه فقط لاغير

اتمنى ان اشاهد مسؤول كبير أو وزير معروف به كسور هؤلاء الجرحى البسطاء ثم يخبرني كيف سيعالج نفسه بمبلغ الف جنيه !!!

الناس عايشه معانا هنا ف مصر

ولا يمكن عايشين في المريخ

لاحول ولاقوة إلا بالله

كيف يلهون الناس في هجمة اعلامية شرسة عن الحجاب والنقاب والبلد وصلت الى هذا الدرك من اللامبالاة بأرواح الناس

كيف يقبض هؤلاء رواتبهم

لماذا لايفتينا شيخ الازهر ومفتي البلاد في هؤلاء .. هل رواتبهم حلال .. هل استمرار هؤلاء في مناصبهم يرضي الله ورسوله

أتمنى ألا يخرج علينا قائل .. لايوجد آية في القرآن تحدد عقوبة الاهمال الجسيم أو تحدد تعويض قتلى عبارة وقطار !!

من أجل الانسان كان الاسلام كله وكانت قافلة الانبياء والرسل وكانت الكتب السماوية

فلماذا يفتينا هؤلاء في الحيض والنفاس و لاينطقون بكلمة تمس مولانا الخديوي وبطانته الفاسدة