يا بلاش !!!!!!!!!!!

[عبدوو]

بسم الله الرحمن الرحيم

" وصلنى عبر البريد الالكترونى هذا الاعلان ياريت احد الاخوان بالرياض يتاكد ويرد لنا خبر فورا مشكورين "

أنطلقت حملات حج جاليات البديعة وهي حملات حكومية خيرية مضمونة تحت رعاية وزارة الشؤون الإسلامية و الأوقاف

للموظفين والعوائل

المبلغ 2000 ريال

للحجز / 014330888 تحويلة / 252

العزاب والطلاب والعاطلين عن العمل

المبلغ 600 ريال

للحجز / 0505203606

أنشر ولك مثل اجرهم وأنت مرتاح

وعقبالنا فى جده يارب .. اصلى تعبنا من الحج السلكونى :blush2:

[doha]

اساسا كل حملات الحج السنة دي اسعارها مابين 2000 الى اقصى شيء 4000 مفيش اغلى من كده

بس على فكره الحملة ام 600 دي احتمال تكون مضروبه زي مابيقولوا لان اصلا الوزارة حاطه حد ادنى لخدمات الحاج وبناء عليه محددين الحد الادنى للسعر وهو الف وتسعمائة ريال مينفعش تكون حملة جاده ويكون السعر اقل من كده ..

[OmarBak]

اساسا كل حملات الحج السنة دي اسعارها مابين 2000 الى اقصى شيء 4000 مفيش اغلى من كده

بس على فكره الحملة ام 600 دي احتمال تكون مضروبه زي مابيقولوا لان اصلا الوزارة حاطه حد ادنى لخدمات الحاج وبناء عليه محددين الحد الادنى للسعر وهو الف وتسعمائة ريال مينفعش تكون حملة جاده ويكون السعر اقل من كده ..

انا اتصلت بكذا حملة

اقل شيءسمعته فئة ج او تقريبا د ب 4 الاف ريال وباص

وسمعت 7 و 8 وفيه الاتقان فئة أ ب 5300 تقريبا

لو حد عنده معلومة عن حملة كويسة ورخيصة يقول

[مصري بالرياض]

السلام عليكم

يوجد حملات خاصه تشمل على التنقلات والسكن فقط بسعر 1300 ريال

[OmarBak]

هو ينفع بالواسطة تجيب موافقة الداخلية على الحج لحد زيارة؟؟؟؟؟؟؟؟

[عبدوو]

ولا واحد من الى ردوا ولا من الى مردوش كلف خاطره واتصل وشاف ايه الوضع .. !!؟

اقل حمله فى جده اعتقد بـ 2000 ريال فما بالك فى الرياض ..

اما الاخ الى بيقول انها مضروبه انا بقوله الحاجات ديت خيريه حاول اقرا الموضوع كاملا ( مذكور فى ثنايا الموضوع انها خيريه حكوميه ) ..

زى الجميعات الى بتسفر المسلمين الجدد للحج والعمره مجانا وخد عندك من ده كتير ناس بتحب الاجر والثواب ..

وفق الله الجميع .

[OmarBak]

يا شباب

هو الزيارة ممكن تاخد موافقة الداخلية ع الحج

[doha]

للاسف الحملات الرخيصة اوي بتكون موضع شك لان السنة الي فاتت في ناس اتنصب عليها بالطريقة دي . . اعلان عن حملة ببلاش خالص ولما اشتركوا طلع صاحبها نصاب وخذ الفلوس وجري ..

المهم اثناء بحثي عن ارقام للحملات وجدت المعلومه دي بخصوص الاوراق اللازمه لاستخراج تصاريح الحج للمصريين الي معاهم اقامة مش زياره ..

للمقيمين نظامياً في المملكة:

صورة الجواز.

صورة الإقامة.

2 صورة شخصية للرجال و النساء

صورة من شهادة تطعيم الحمى الشوكية

صورة من شهادة تطعيم الانفلونزا الموسمية.

تعبئة نموذج الجوازات وختمه من الكفيل

http://www.passport.gov.sa/cgi-bin/form1/Haj_permit.htm

سداد الرسوم كاملة.

فصيلة الدم.

وعلى حد علمي الطلبات دي كلها بتجهز وتسلم للحمله وهم بيطلعوا التصريح بس قبل الحج بقد ايه مش متاكده ومش عارفه برضه ان كان التطعيم ضد الانفلونزا الموسمية كافي ولا لازم انفلونزا خنازير كمان وبرضه كنت سمعت ان موافقة الكفيل مش شرط ضروري انما الي فهمته دلوقت انها اسااسية عشان بيمضي ويختم على استماره الجوازات .. برضه باذن الله لو تاكدت من النقطه دي هرد لكم خبر .. وياريت لو حد عارف حد مضمون يقولنا على رقمه لان زوجي ناوي يطلع الحج السنة دي باذن الله ومازلنا في مرحلة البحث . .

[OmarBak]

هو اللى جاى من مصر حج رسمي يقدر يسافر من مكة لجدة ويرجع تانى اثناء فترة اقامته هنا

[alex man]

هو اللى جاى من مصر حج رسمي يقدر يسافر من مكة لجدة ويرجع تانى اثناء فترة اقامته هنا

نعم عادى جدا بدون اى مشاكل

[OmarBak]

هو الزيارة ممكن تاخد موافقة الداخلية ع الحج

[alex man]

ياعم الحاج كل الناس اللى قادمة زيارة بيحجوا بدون مشاكل اتركها على الله

[doha]

ولا واحد من الى ردوا ولا من الى مردوش كلف خاطره واتصل وشاف ايه الوضع .. !!؟

ولاتزعل نفسك ياسيدي

اتصلت بالرقم الاول وطلع غير موجود في الخدمه اساسا !!

[مصري بالرياض]

الحمله دى انا حجزت فيها ياجماعه سعرها معقول وكويسه تنقلات وسكن بسعر 1300 ريال على الرقم ده 0547360618 اللى لسه ما حجزش يتصل عليها وربنا يتقبل