أسئلة في الجون

[تامر السعدني]

هنا إن شاء الله هنحط أسئلة بشكل دوري

واللي يحب يجاوب يجاوب

واللي عايز يجاوب بينه وبين نفسه برضو مفيش مشاكل

المهم إن الهدف من الموضوع ده هو التذكرة عن طريق الأسئلة

وبالتالي الموضوع مش هيكون أسئلة مقال ولكن أسئلة من النوع السريع

يعني زي ما بيقولوا كده شكة دبوس

تحياتي للجميع ونتقابل في السؤال الأول

: )

[تامر السعدني]

منتظرين الاسئلة يا استاذ تامر

بس ليا سؤال هي الاسئلة دي بس في الدين فقط و حضرتك بس اللي هاتسأل؟

هي الأسئلة أسئلة خاصة بس ليها علاقة بالدين بس يعني مش فتاوي

ومبدئيا أنا هاسأل دلوقتي وبعد شوية ممكن نفتح المجال

بس عندي عشر أسئلة على السريع كده وبعدين نفتح المجال : )

[تامر السعدني]

طيب يا جماعة نبدأ بالسؤال الأول

هي صيغة السؤال ممكن تكون تقليدية شوية

بس فعلا يا ريت نحاول نفكر في السؤال شوية قبل ما نجاوب

إحنا عايزين الإجابة من واحد فاهم مش حافظ

يعني نفكر في السؤال وندوره في عقلنا شوية وبعدين نجاوب

معلش طولت عليكم

السؤال هو

إنت بتحب ربنا؟؟؟

خلي بالكم الأسئلة الجاية ليها علاقة بالسؤال ده فمحدش يستعجل في الإجابة

وزي ما اتفقنا مش ضروري نكتب إجابة هنا ممكن تجاوب بينك وبين نفسك

نتقابل في السؤال التاني

[اميره]

اولا السلام عليكم

موضوع حلو ياأستاذ تامر وفعلاً يخلى الواحد يفكر فى حاجات ماتخطرش فى باله ..

أنت بتحب ربنا ؟؟

انا حجاوب بأحساسى مش الاجابه الى المفروض تتقال.

أنا بحس بشوق وحب ولهفه نفس شعور أى حبيب لم يحب ( لله عز وجل )

وبحس إن عايزه أصرخ بصوت عالى وأقول بحبك يا الله وبتمنى أقول لكل الناس

إن حب ربنا مالى قلبى ولله الحمد

قسم بالله مش ببالغ فى وصفى ولابكدب هى دى الحقيقه والله ..

[عبير يونس]

أتمنى أن أكون كذلك

لأن حب ربنا مش زي حب أي حد

ان الواحد يحب ربنا يعني يرجو ثوابه

و يخاف عقابه

و لا يجعله أهون النظرين إليه

يعني يضعه في أول قائمة اهتماماته مش في آخرها

يحب ربنا

يعني يأتمر بأوامره و ينتهي بنواهيه

و هل يوجد فينا من يلتزم بكل ذلك دون تقصير؟؟؟

اللهم ارزقني حبك

و حب من يحبك

و حب كل عمل يقربني إلى حبك

آمين آمين آمين

[OReX]

لو اصف علاقتى بربى ستكون علاقة عبد لسيده وللاسف لم اصل الى مرحلة الحبيب والتلزز بالعبودية لله فأراها مرتبه عالية اتمنى ان اصل اليها

[تامر السعدني]

أنا بحس بشوق وحب ولهفه نفس شعور أى حبيب لم يحب ( لله عز وجل )

وبحس إن عايزه أصرخ بصوت عالى وأقول بحبك يا الله وبتمنى أقول لكل الناس

إن حب ربنا مالى قلبى ولله الحمد

صراحة لا تعليق

كلام واضح إنه خارج من القلب

ربنا يكرم حضرتك

[تامر السعدني]

شكرا يا جماعة لكل اللي جاوب سواء كتب إجابته هنا أو كتبها جوه نفسه

ودلوقتي ندخل للسؤال الثاني

وهو زي ما قلنا ليه علاقة بالسؤال الأول

بس خلينا نقول كده مقدمة صغنونة قبل السؤال

طبعا لما قرينا السؤال الأول

فيه ناس قريته بعينيها ومعداش عينيها

وفيه ناس كانت الإجابة جواها جاهزة لأنهم سألوا نفسهم السؤال ده قبل كده كتير

وفيه ناس فكرت في السؤال شوية كده وبعدين اتنهدوا تنهيدة جامدة وبعدين .......... بس. نسوا الموضوع.

وفيه ناس السؤال اتردد في ذهنهم كتير وبعضهم ما زال السؤال بيتردد في ذهنهم حتى هذه اللحظة

يا ترى أنا بحب ربنا؟؟؟

المهم يا جماعة علشان مطولش عليكم

ندخل للسؤال التاني

يا ترى انت كنت من اي نوع؟ هل فكرت في السؤال الاول كويس ولا مر عليك مرور الكرام والا انت كنت من اللي الاجابة محفورة جواهم؟

والى سؤال جديد

باقي 8 اسئلة واسيب الميكرفون : )

تم تعديل 28 أكتوبر 2009 بواسطة تامر السعدني

[OReX]

انا فكرت شوية قبل ما ارد مش علشان مش عارف الاجابة لا

عشان اوصل لادق تعبير لان ساعات بيبقى الواحد فى مشكلة وخلاص وثق مليون فى المية ان هيا هتضرة وضرر كبير سبحان الله بلاقى الحل جايلي من حيث لا ادرى بالرغم من انى قتلت المشكلة بحثا ولم اصل لحل فطبعا سعتها بيبقى حب كبير جدا للمولى سبحانه وتعالى

[sarmar]

الاخوة الاعزاء السلام عليكم

السلام عليكم ورحمة اللة وبركاتة

اول شىء انى اشكر من طرح هذا الموضوع شكرا جزيلا لانة فى اطار هذا السؤال تتمحور الحياة كلها

اول شىء قبل ان احب لابد ان اعرف من هو الحبيب هل عرفتة من عطاؤة ام عرفتة لذاتة ام عرفتة لصفاتة

وبما ان اللة ليس كمثلة شىء فلابد وان يكون حبى لة لامثيل لة فما من محبوب الا ويعرف او يشعر بمشاعر حبيبة زلكن عندما يكون المحبوب ليس كمثلة شىء فانة بالقطع عالما بمن وقر فى القلب حبة

واللة سبحانة وتعالى يحبنا جميعا حبا لا يوصف وليس كمثلة شىء ايضا اى الحب فحبة لنا لانستطيع ان نستوعبة لا بقلوبنا ولا عقولنا الادمية ولااستطيع تمثيل ذلك ولكن للة المثل الاعلى

فحب الخالق لنا كمثل حب الام والاب لاولادهم فاذا نظرنا للعلاقة بين هذة الاطراف نجد قوة الحب قوية جدا من الوالدين الى الصغير وستجدون هذة العلاقة او هذا الحب موجود فى جميع المخلوقات العاقلة والغير عاقلة

اما الحب الصاعد من الصغير الى الوالدين فهو ضعيف وهزيل ولايرقى باى حال من الاحوال الى قوة حب الوالدين

فتخيل اخى الكريم ان حب اللة لنا يزيدعن حب احن ام على وليدها باكثر من 70 ضعفا فلا يوجد عقل او اى مخلوق حتى الان يستطيع ان يتخيل كمية هذا الحب الالهى لجميع عبادة فهل من يقول انة يحب اللة هل هو حب فعلا

انا اعتقد انة لجميع الاسباب التى انا عرفت منها انة هو اللة فكلمة حب قليلة علية نرجو ان نبحث عن كلمة توافية حقة

علما بان اللة سبحانة وتعالى يحبنا ونعمة علينا لاتعد ولا تحصى فكيف بى انى اعطية وهو لايحتاج منى شىء ولكنة امرنى بمنهج فية اوامر ونواهى فانا كانسان وعبد لالوهيتة عندما اشعر بهذا الحب فانما يتحول هذا الحب الى طاعة وتنفيذ اوامرة والحرص عليها بلهفة واشتياق ولا اقصر فبة ابدا مهما كان ولا ابحث عن اعذار لنفسى حين اقصر فيها

وحب اللة قد بحث فية كثير من علاماؤنا الاجلاء ولكنى اردت ان اعبر عن ذلك وانا الضعيف الفقير الى اللة

[عبير يونس]

عن السؤال التاني

فقد سألت نفسي هذا السؤال منذ سنوات طويلة

حيث كنت أعتقد

أن الحب هو مجرد شعور باللهفة والشوق

و قبل أن أعرف أن الحب مسئولية كبرى

فحب الله مختلف عن حب باقي البشر

فهو حب احتياج

و هو قمة الذل للمحبوب و رجاء عطفه

حيث انه لا يحتاج إلى من يحبه

و نحن المحتاجين إلى نظرة عطف و رحمة

هو قمة الانتماء و الولاء

و طبيعتنا البشرية فيها كثير من التمرد

تجعل حبنا له دوما منقوص و غير كامل

و أحيانا غير صادق

أدركت كم كنت ساذجة عندما اكتشفت ان حب اللهفة و الشوق شعور انفعالي

يزول بمرور الوقت

فهذا النوع من الحب لا يليق بالخالق

حبه صعب

يتطلب الكثير و الكثير من تهذيب النفس

و تعبيدها لخالقها

و تذكيرها كل لحظة انها فانية

و انها تحتاج لرحمة خالقها لتنعم بالخلود

منذ ذلك الوقت و انا كثيرا ما أتوقف لأسأل نفسي هذا السؤال

لأقف على مدى ما وصلت إليه نفسي من غفلة

و دائما أجدني غافلة

و تلهيني الدنيا

شكرا أخي على التذكرة

و جعلها الله في موازين حسناتك

تحياتي

:winner:

[مغتربة]

فحب الله مختلف عن حب باقي البشر

فهو حب احتياج

اختلف تماما مع هذ الجمله

على الاقل بالنسبه لى و لا اعبر عن غيرى

فانا ارى ان حبى لله ليس بحب احتياج ابدا

حبى لله حب امتنان ان جاز التعبير

احبه ليس لاحتياجى له

و لكن احبه لعطائه

لرحمته

لعدله

لقوته

احبه ببساطه لانه

الله

احبه ان اعطى و ان منع

ارجو منه العطاء و لكن لا اربطه بحبى له

فلله حبى كله

و اعلم يقينا ان كل امرى معه خير سواء اغدق على او امسك

فهو احن على من نفسى كلها

و اعلم بمصلحتى منى

[اميره]

أنا فعلاً سالت نفسى كتير عن إزاى أصنف حبى لله يعنى السؤال ده كان دايما جوايا

هل أحبه لانه الله ( عز وجل )

أم أحبه لان لازم أحبه أم إن حبه بالفعل محفور جوايا ولا يتصنف ولامثيل له .

ووجدت الاجابه بكل بساطه وبدون تكلف فى الوصف أو التعبير مع إحترامى لمن

يجيبون بدبلوماسيه و إجابات نعلمها جيداً .

ولكن السؤال هو حب الله هل وجدت نفسك تبكى لشدة حبك وإشتياقك للقاء المولى عز وجل

تقول بصوت عالى وأنت فى شدة الضعف والمزله وجسدك لايقوى أن يحملك أحبك يا الله

ذلك مايحدث معى دون ان أتفلسف أو أبالغ

والله إن أعشقك يا أرحم الراحمين ..

[تامر السعدني]

انا فكرت شوية قبل ما ارد مش علشان مش عارف الاجابة لا

عشان اوصل لادق تعبير

جزاك الله خيرا أخي الفاضل

واهتمامك بالدقة ده أكيد طبيعة العمل لها تأثير فيه والا ايه؟ : )

[تامر السعدني]

فى اطار هذا السؤال تتمحور الحياة كلها

فعلا طبعا ده شيء أكيد

فانا كانسان وعبد لالوهيتة عندما اشعر بهذا الحب فانما يتحول هذا الحب الى طاعة وتنفيذ اوامرة والحرص عليها بلهفة واشتياق ولا اقصر فبة ابدا مهما كان ولا ابحث عن اعذار لنفسى حين اقصر فيها

جزاك الله خيرا على هذه الكلمات الهامة

[تامر السعدني]

حبه صعب

يتطلب الكثير و الكثير من تهذيب النفس

و تعبيدها لخالقها

و تذكيرها كل لحظة انها فانية

و انها تحتاج لرحمة خالقها لتنعم بالخلود

صدقتي والله

جزاكم الله خيرا على هذه الكلمات المعبرة

وجزاكم خيرا على التذكرة لي ولكل من يقرأ الموضوع

[تامر السعدني]

و اعلم يقينا ان كل امرى معه خير سواء اغدق على او امسك

فهو احن على من نفسى كلها

و اعلم بمصلحتى منى

فعلا أمرنا مع الله كله خير

وهو أعلم بمصلحتنا

جزاكم الله خيرا على الكلمات القيمة

[تامر السعدني]

هل وجدت نفسك تبكى لشدة حبك وإشتياقك للقاء المولى عز وجل

تقول بصوت عالى وأنت فى شدة الضعف والمزله وجسدك لايقوى أن يحملك أحبك يا الله

ذلك مايحدث معى دون ان أتفلسف أو أبالغ

جزاكم الله خيرا على هذه التلقائية والصراحة

وعلى هذه الكلمات المحركة للقلوب

[تامر السعدني]

جزى الله خيرا كل من تابعنا سواء كتب إجابته أو كانت بينه وبين نفسه

المهم يجاوب

مش عايزين متفرجين بس.

عايزين متفاعلين

عايزين ناس تفكر فعلا في السؤال وتدوره في دماغها وتجاوب عليه بصراحة ولو بينها وبين نفسها

المهم. علشان منغيرش رتم التوبيك نكمل في أسئلتنا

اليوم موعدنا مع السؤال الثالث وهو آخر سؤال نظري وفي نفس الوقت أهم سؤال نظري

وبعدين نخش على العملي : )

السؤال هو

هل حب الله هو أهم وأعظم حب في حياتك؟؟

يعني هل حب الله مقدم عندك على أي حب آخر ؟؟

ننتظر إجاباتكم

تم تعديل 31 أكتوبر 2009 بواسطة تامر السعدني

[OReX]

هل حب الله هو أهم وأعظم حب في حياتك؟؟

يعني هل حب الله مقدم عندك على أي حب آخر ؟؟

كما ذكرت بكل صراحة ان الان علاقتى بربى هيا علاقة العبد بمولاه واتمنى ان تصل الى درجة الحب والتلزز فى العبادة

ولكن اذا نظرت فى داخلى وبحثت عن اعظم حب بشرى ولا يوجد شئ مقدم عليه بالطبع سيكون للحبيب سيدنا محمد عليه الصلاة والسلام