السيناريو المتوقع بعد اعلان الخبر

[وطني حر]

السيناريو المتوقع بعد اعلان الخبر

الموت باب وكل الناس داخله

بعد اعلان خبـر وفاه الزعيم حاكم اكبر دوله عربيـه طبعا الموت هيحصل لا مناقشـه فيه ودا اكيد . لكن ايه اللي هيحصل بعد الوفاه

سيعلن الخبر والمذيع مش عارف يفرح ولا يبكي وهل البكا بدموع ولا كافيه نبره حزن .

دا يتوقف اولا على قناعه المذيع في المرشح القادم لانها هي الي هتحدد نوع الدموع .

يعلن الخبر والناس تخرج في الشارع ايه في ايه . ولا كانهم سامعين حاجه هو الريس مات . الله يرحمــه طبعا الشعب متعود الحزن , وسعب طيب تغلب نبره التعاطف والانسانيه اكثر . وهنسمع اذكرو محاسن موتاكم . وهتبان المحاسن اكثر واكثر . الناس هتحزن ودا يتوقف على نوعيه الوفاه . هي هي بفعل فاعل او اراده الله فوق كل شي

سيحدث الهرج والمرج وتنتشر الشائعات في كل مكان عن سبب الوفاه طبيعيه ولا مش طبيعيه . طبعا لازم ترجح انها بفعل فاعل وهناك ايادي خفيه وراء موته . حتي لو كان على فراش الموت بالمستشفي عشان نجبر بخاطر الوريث . ما يصحش نقول المرحوم قضي اجله . لا لا لازم نقوم هناك ايدي مدسوسه للمرحوم .

سيجتمع الحزب الحاكم وقبلها سيجتمع مجلس الشعب . وهيجتمع معاهم الشوري تضامنا واننا معاكم في المصيبــه . طبعا دي مش هتعدي من صفوت بيك . لازم يكون ليه ومجلسه راي وقرار

يعلن تكليف السيد رئيس المجلس رئيسا للدوله لحين انتخاب رئيس منتخب

كل السيناريو اللي فات مش مهم واكيد هتحصل لكن المهم هو ايه

المهم انو العصابه هتجتمع وتتفق وتفاوض الابن جيمي وتقتسم معاه الكحك وبكدا يتفقو علي الانصبه ويعلن الرئيس جيمي بعد استكمال الاجراءات الانتخابيـه . والف سلام عليك يا مصــر .

هل في حد ليه اعتراض علي السيناريو دا طبعا ما حدش هيسمع اعتراضاتكم

وبعيدها بكم يوم يحضر سيادته مع المدام المصون زعيمه مصر الاولي احتفالات ونهتف باسمه . . بالروح بالدم , ويا دار ما دخلك شر

لو هناك تغيير في مصر التغيير هيكون من اسكندريــه واسكندريــه تكسب

وتصبحون علي خير

..

[dawn walker]

السيناريوا ده هيحصل ........ وسيتم استبدال صور مبارك ذى الشعر المصبوغ .....بصور نجله ..وستكون ماما خديجة راعية الامومة والطفولة .وهلم جرا

[Phizer]

لا بس اشك انا فموضوع التشكيك في سبب موته الراجل برضه كبر اوي هوا اكتر من كده ايه ربنا يسترها

انت نسيت الانتخابات النزيهه الي هتتعمل والاخوان والمعارضه هتقاطع

(( ربنا ميكتبها ويحمي بلدنا لحسن اكتر من كده بوظان تبقا خربت))

[herohero]

طبعا ده اللي هيحصل وياريت يحصل انا والله خايف من حالة فوضى انما لو ع اد الاخ جمال فخلاص احنا جاهزين لكده وماما خديجه شايف ان ده مش هيمشي عليها

فياريت نعمل مسابقة للاسم ؟؟ هتبقى ليدي خديجه

ربنا يسهل

[ذهبية]

البقية فى حياتكم جميعا و اللى يحصل يحصل هو هيحصل اية اكتر من اللى احنا فية

ضربوا الاعور

[بحار الغربة]

ايه ياجماعة فرحونى

هوا الراجل مااااااااااااااات ولا ايه

انا ناوى ادبح فرخة محترمة لو الخبر صحيح واصورها واحط صورتها فى المنتدى الجميل ده وهيا محمرة وملفوفة فى علم مصر