اجر عادل امام وصل الى 30 مليون جنية فى المسلسل و عجبى

[ذهبية]

صباح الخير يا جماعة بصراحة اول ما فتحت صفحة النت فى الموقع اللى بقراها كل يوم اتفاجات بهذا الخبر و حبيت انقلة ليكم

عادل امام يقبض لوحدة على مسلسل اللى بعد رمضان القادم 30 مليون جنية بمعدل مليون فى الحلقة الواحدة

سؤال بسيط خطر على بالى لما دة يقبض المبلغ دة فى المدة دى غيرة بقى بيقبض كام

لما الى ذاكروا و تعبوا و شقيوا علشان فى الاخر يقبضوا 300 جنيهة دة يبقى اسمة اية لما الحكومة تذل الموظفين كل سنة علشان العلاوة اللى فى الاخر بتزيد ملاليم على ملاليم دة اسمة اية

مش عارفة لية افتكرت صور الناس اللى ماتوا و هما بيتخانقوا على رغيف العيش و مش عارفة لية افتكرت الحاجات اللى بتيجى فى برنامج واحد من الناس و اللى بيصور فية اماكن مكنتش اتخيل انهافى مصر و الناس دى عايشة ازاى

حاجات كتيرة دارت جوايا بمجرد ما قريت الخبر دة

هى الدنيا ماشية ازاى ةو ازاى وصلت للدرجة دى هل احنا السبب و لا هما و لا الزمن حد يرد عليا

و اليكم الخبر كما قريتة

خالد فؤاد ـ خاص - 30 مليون جنيه.. هذا هو

الأجر الذي اتفق الفنان الكبير عادل إمام على الحصول عليه من المنتج الكبير صفوت غطاس مقابل قيامه ببطولة مسلسل (العراب) الذي يعود به لشاشة التليفزيون بعد غياب قارب الثلاثين عاماً منذ قيامه ببطولة مسلسل (دموع في عيون وقحة) عام 1982.

الاتفاق بين عادل وغطاس تم عن طريق المؤلف يوسف معاطي الذي لعب دور الوسيط بناء على طلب صفوت غطاس، فأبدى عادل إمام موافقته على بطولة العمل مع وضع شرطين أولهما عرض المسلسل في رمضان بعد القادم وثانيهما الحصول على هذا الأجر وهو مليون جنيه عن كل حلقة أي 30 مليون عن بطولة المسلسل ككل أي نصف ميزانية المسلسل ككل حيث تم رصد ميزانية قدرها 60 مليون جنيه لانتاج المسلسل وهو ما وافق عليه غطاس.

ومن هنا تم اللقاء بين غطاس وعادل إمام وتم توقيع العقود بعد قيام غطاس بتحرير شيك لعادل إمام بثلاثة ملايين جنيه كمقدم تعاقد وشيك آخر بنصف مليون جنيه ليوسف معاطي كمقدم تعاقد عن كتابته للمسلسل حيث يحصل معاطي على مبلغ 2 مليون و250 ألف جنيه عن كتابته للمسلسل ككل بواقع 75 ألف جنيه عن كل حلقة سيقوم بكتابتها.

أزمة الشركات

بقي أن نقول أن هذا الأجر الذى تعاقد به عادل إمام على بطولة هذا المسلسل لم يسبق لأي فنان من قبل الحصول عليه أو حتى على ربعه مقابل القيام ببطولة أي مسلسل تليفزيوني حيث أن أعلى أجر سبق لفنان الحصول عليه هو خمسة ملايين جنيه فقط وهو ما حصل عليه يحيى الفخراني مقابل بطولة مسلسله الأخير (ابن الأرندلي) وهو ما حصل عليه أيضاً نور الشريف مقابل بطولة كل من مسلسلي (ماتخافوش) و(الرحايا) ومن ثم من المتوقع أن يتسبب ما حدث في أزمة عنيفة بداخل شركات الانتاج الكبرى في الفترة القادمة حيث أنه من المؤكد أن كل الفنانين سيقومون برفع أجورهم للضعف على أقل تقدير مقابل القيام بأي بطولات تليفزيونية جديدة.

اقرأ أيضا:

طارق الشناوي يكتب لمصراوى: عادل إمام ضد عادل إمام!!

30 مليون جنيه.. هذا هو الأجر الذي اتفق الفنان الكبير عادل إمام على الحصول عليه من المنتج الكبير صفوت غطاس مقابل قيامه ببطولة مسلسل (العراب) الذي يعود به لشاشة التليفزيون بعد غياب قارب الثلاثين عاماً منذ قيامه ببطولة مسلسل (دموع في عيون وقحة) عام 1982. الاتفاق بين عادل وغطاس تم عن طريق المؤلف يوسف معاطي الذي لعب دور الوسيط بناء على طلب صفوت غطاس، فأبدى عادل إمام موافقته على بطولة العمل مع وضع شرطين أولهما عرض المسلسل في رمضان بعد القادم وثانيهما الحصول على هذا الأجر وهو مليون جنيه عن كل حلقة أي 30 مليون عن بطولة المسلسل ككل أي نصف ميزانية المسلسل ككل حيث تم رصد ميزانية قدرها 60 مليون جنيه لانتاج المسلسل وهو ما وافق عليه غطاس. ومن هنا تم اللقاء بين غطاس وعادل إمام وتم توقيع العقود بعد قيام غطاس بتحرير شيك لعادل إمام بثلاثة ملايين جنيه كمقدم تعاقد وشيك آخر بنصف مليون جنيه ليوسف معاطي كمقدم تعاقد عن كتابته للمسلسل حيث يحصل معاطي على مبلغ 2 مليون و250 ألف جنيه عن كتابته للمسلسل ككل بواقع 75 ألف جنيه عن كل حلقة سيقوم بكتابتها. أزمة الشركات بقي أن نقول أن هذا الأجر الذى تعاقد به عادل إمام على بطولة هذا المسلسل لم يسبق لأي فنان من قبل الحصول عليه أو حتى على ربعه مقابل القيام ببطولة أي مسلسل تليفزيوني حيث أن أعلى أجر سبق لفنان الحصول عليه هو خمسة ملايين جنيه فقط وهو ما حصل عليه يحيى الفخراني مقابل بطولة مسلسله الأخير (ابن الأرندلي) وهو ما حصل عليه أيضاً نور الشريف مقابل بطولة كل من مسلسلي (ماتخافوش) و(الرحايا) ومن ثم من المتوقع أن يتسبب ما حدث في أزمة عنيفة بداخل شركات الانتاج الكبرى في الفترة القادمة حيث أنه من المؤكد أن كل الفنانين سيقومون برفع أجورهم للضعف على أقل تقدير مقابل القيام بأي بطولات تليفزيونية جديدة.

[Salwa]

ازيك ياذهبية ..

ازاى صحتك ؟؟

كويسة ؟؟.......يعنى الضغط مش مرتفع عندك ولا حاجة لاقدر الله ؟؟....يعنى ممكن نتكلم ؟؟

امبارح فى حلقة البيت بيتك...

المذيع / تامر ..

احضر اربعة اولاد من الاولاد اللى بيشتغلوا تحت السن القانونى ...!!...والمهم...

الولاد بيشتغلوا ويذاكروا فى نفس الوقت ..

واحد فيهم عنده عشر سنين ومسئول عن ...توك توك....بيسوق طول اليوم.

واللى عنده تلتاشر سنة ...ترزى....بيشتغل اتناشر ساعة فى اليوم

واللى عنده اتناشر سنة ....شغال فى سوبر ماركت من الساعة اتنين الظهر للساعة اتنين بالليل ..

الرابع بقى عنده سبعتاشر سنة ...بيشتغل من وهو عنده سبع سنين....كلهم بيشتغلوا من وهما عندهم اقل من سبع سنين ..

الر ابع ده بقى بيشتغل بنا ...يعنى عامل بناء ...يشتغل يوم وعشرة لأ...نفسه ان اخوه يكمل تعليمه...

بالعربى يعنى ....عيال شقيانة ..ومحدش فيهم بيشرب سجاير..

دول غير اطفال الشوارع ....حتى هم نفسهم بيقولوا ...اطفال الشوارع مش بيشتغلوا ...بيسرقوا وبيشموا كله ..

والمهم ..

كان فيه مسئول (( كبيررررر )) ..فى القوى العاملة بيقول انهم لايتعدوا اربعة الاف طفل (( فقط ))..

وقاوحه المذيع...واتضح ان مفيش لاتفتيش ولا اى شئ...وكله فوضى واستغلال ..

ايضا..

تم التحدث مع الوزيرة مشيرة هانم ...اللى دافعت عن نفسها قائلة ...انتم اللى اتصلتوا بيا...احنا عملنا اللى علينا ..

ياجماعة خللوا الاسر اللى عاوزة ابنها يتعلم احنا مستعدين نعلمه على حسابنا...بس يتصل بينا ..

رد عليها المذيع (( بكل ادب واحترام...الصراحة ))....يعنى حضرتك برضه يتصلوا على 16000؟؟

قالت له...لالالالا...يتصل على .(( مش فاكرة الرقم بصراحة ؟؟ ))..

كتر الف خيرها ...الناس بقى مفروض تضرب الودع علشان تعرف كل القوانين الغريبة دى ؟؟ والا المفروض يكون فيه نشرات فى مبانى الوزارات او الشئون الاجتماعية اللى محدش يعرف عنها حاجة ...!!!

قال لها ..

وحضرتك حاتوفرى لاهله عمل ؟؟ وهو حايدرس ؟؟

قالت ..

لا...احنا مسئولين عن تعليمه....بنساعد الاسر ب..(( 60 جنيه للطفل ده ايه البعزقة دى كلها ))...علشان يذاكر وينتبه لنفسه...شوف حضرتك الاكتئاب اللى باين على وش الشاب اللى مكملش تعليمه؟؟ يعنى شكله بائس ؟؟

لكن فيه وزارة التضامن...هى مشئولة عن ظروف الاسرة المحتاجة ....فيه معاش (( 50 جنيه علشان يشتروا منها لحمة وخضار وسمك وفاكهة وادوية ومواصلات وخلافه ...))..

شفتى ازاى ؟؟ بيزحلقوا المشاكل ؟؟

عادى يعنى ..

وكل مرة تتكلم بحماس منقطع النظيرررر.....مش خايفة من نذير يجيلها فى يوم ويريحنا منها هى واللى زيها ..(( آل انا متصلتش بيكم انتوا اللى اتصلتوا بيا..فيه ايه ؟؟ )) يعنى بجاحة بصراحة ...

وانا ؟؟

اغلقت التلفزيون وبدأت....ادندن..الأول بشويش...وبعدين بصوت عالى ...

وانااااا على الربابة بغنى ...مملكش غير انى اغنى واقول .....ياعينى يامصر ..

ياعينى يامصر ياعينى يامصر ...

عايشة بلادى السمرا بلادى الخضرا بلادى البمبى بلادى ..

ف ضل نسايم الحرية رايحة وجايا ...

حريم بتحكمها بشنبات وحريم بتحكمها حالقة ......وحريم بتحكمها ببدلة وحريم بتحكمها بطبلة ...وحريم بتحكمها بالنار وحريم بتحكمها بالطار .!!

وخلق واقفة بتتفرج والحاوى يلعب بعقولهم .

جلاجلا...قرب وبص ياوله ..

كتكوت وطالع من البيضة واقف محتار ...حطوه وفجأة لقى نفسه واقع فى النار .

مسئول يانور عينى على امك وابوك فى الدار . .

وكله فى الموانى ...كله فى الموانى ..

غنوا وافرحوا ...

جاى لكم من يعبر حقا عن مشاعركم ...انه منكم ولكم .

الممثل العظيم القادر على تصوير مأساة الشعوب تصوير .....اغرب من الخيال واقوى من الحقيقة ...

و...

تيجى نقول لبعض امثلة ؟؟

ابدأ انا ؟؟

اذا كان رب البيت بالدف ضارب.....فشيمة اهل البيت ...الطبل والزمر .

بس المشكلة ؟؟

ان اهل البيت .....الحقيقيين....لاعندهم طبلة ولا زمارة ...؟؟ فهمتينى ؟؟؟....يعنى بس كل اللى يقدروا يعملوه ....انهم يتفرجوا ..!!

ويتحسروا ..

مرة على ...ضارب الدف..

ومرة على ...قارعى الطبول...ونافخى البوق ..

ومرة ؟؟

ومرات ...

على انفسهم .

لاحيلة لهم..

حيلتهم الوحيدة ...حالياااا....هى التشدق بالعبارات...والحزن...والحسرة ..

بس....خلاص.

[Damo]

ازاي بني آدم بيكسب مليون جنيه بالسهوله دي بيقدر ينام و يصحى و يقضي يومه كل يوم و هو واعي تماما ان في اطفال باسرهم مش لقيه اكل يوم واحد. و عادل امام مش النموذج الوحيد. في ملوك كل يوم اول ما يفتحوا عينيهم ملايييييييين تخوش حسابهم و مش بالجنيه

[aimen]

اغنية ساخرة لزياد الرحبانى

شو هالإيام اللي وصلنالا

قال إنو غني عم يعطي فقير

كانو المصاري قشطت لحالا

عا هيدا نتفه و هيدا كتير

الحلوه دي الحلوه دي

الحلوه دي بتعجن في الفجرية

بيقولولك من عرق جبينو

طلّع مصاري هالإنسان

طيب كيف هيدا و كيف ملايينو

و ما مره شايفينو عرقان

مش صحيح مش صحيح

مش صحيح الهوا غلاب

الغني من تلقاء نفسو

حابب يوزع ورق المال .. عال

مانو بخيل ابدا على عكسو

اتذكركن يا ولاد الحلال

ليل يا لال ليل يا لال ..حول

كل واحد منا عندو ستيلو

ما بيمنع إنو يصير تلسيق

جيبلي لامضيلك بقلم ستيلو

كل الشعوب بكرا حتفيق

يا سلام يا سلام يا سلام سلم

كل المصاري اللي مضبوبي

اللي لا بتنعد و لا بتنقاس

اصلن مجياب الناس مسحوبي

و لازم ترجع عاجياب الناس

هي دي هي دي هي دي الأصلية

من اغنية ساخرة لزياد الرحبانى

رابط الأغنية http://www.alnhr.com/f37/t40735/

تم تعديل 27 أكتوبر 2009 بواسطة aimen

[المخنوق دائما]

على الرغم من حبى لعادل إمام"كفنان كوميدى" الا انى لا احب أراؤة ولاتوجهاتة السياسية حيث اننى اعتبرة من"مدعى الثقافة او أشباه المثقفين"

بس العيب مش علية -العيب على المنتج اللى دفع وعلى القنوات الفضائية اللى هتشترى المسلسل

وعموما

قال صلى الله عليه وسلم:

لا تزولا قدما عبد حتى يسأل عن أربع : عن عمره فيما أفناه ، وعن شبابه فيما أبلاه ، وعن ماله من أين اكتسبه وفيما أنفقه ، وعن علمه ماذا عمل به

[osaimi]

شكله هيموت قبل ما يخلص التمثيلية ، مافيش غير حسبنا الله ونعم الوكيل

تم تعديل 27 أكتوبر 2009 بواسطة osaimi

[newcomer]

سبحان مقسم الارزاق!!

كل يوم بيتأكد لنا انه مفيش معادلة فى تقسيم الرزق

اقصد معادله قايمه على حسابتنا البشريه

سبحان الله !!

لكن ارجع و اقول ما هو احنا اللى بنبقى جزء كبير فى تعليه اجر اى ممثل

احنا اللى بننزل من بيوتنا و نروح ندفع تذكره السينما

اللى بتخلى المنتج يقول الممثل ده يدفع فيه و لأ

كل ما بنفتح قنوات بتعرض مسلسل او برنامج.....

بنساهم فى زيادة نسبة المشاهده

اللى على اساسها بتبقى الاعلانات

اللى بتمول او بتدفع للمنتج....اللى برضه بيقيم اجر الممثل او المذيع....

مرة سمعت ان كل مره بنضغط على الريموت لمشاهده قناة ما

فده بيتحسب بطريقة هندسية معينه ...داخل فيها الاقمار اللى بتبث القنوات

المهم ......انه ده بيكون عامل من عوامل حسابات نسبة المشاهدة

اللى عايزه اقوله .....كل حاجة محسوبه

ما فيش منتج عايز يخسر....لو هو مش عارف ان الفلوس دى راجعه

و معاها ارباح - ما شاء الله لا قوة الا بالله- مش هيدفع و لا الف جنيه

الحكايه كلها محسوبه علينا احنا ... المشاهدين

و ارجع و اقول سبحان الله .....و اكيد كل واحد فينا واخد ال24 قيراط

اللى ربنا قاسمهمله .....كل واحد بطريقته

صحه .... فلوس ....اولاد....رضا.....راحة بال....علم.....

[om marawan]

امممممم

الحقيقة انا ليا راى مختلف شوية

بعيد عن عادل امام او اى شخص تانى

هو مبدئيا كون عادل بيعمل مسلسل فده معناه ان المنتج نفسه ضامن يقبض قد اللى هيدفعه عشر مرات والا مايكونش منتج

فهنلاقى بعد عادل بقا للمنتج اللى هيخبط فى الحلقة عشرة مليون او حتى اتنين مليون

وفى بعد المنتج غيره وغيره من الناس اللى بتكسب الملايين بالاسبوع لا وايه على مدار السنة

الفكرة انه الطبيعى ان يكون فيه ناس معاها فلوس وناس لأ

ده تقسيم الارزاق

القضية الحقيقية فى واحدة مستفزة مثلا زى مشيرة خطاب دى او غيرها

اللى عليها مسئولية تهز الحجر وهى ولا على بالها

او شايفة انه ليس فى الامكان ابدع مما كان

وعجبى فعلااااااا

[om marawan]

نسيت اقول بالمرة ان تامر حسنى معروض انه يعمل مسلسل برضه باجر 25 مليون جنيه

.

.

.

بس :sad:

[بندق أفندى]

عادى .....................

رزق الهبل على المجانين

[ذهبية]

صباح الخير يا سلوى انا الحمد الله كويسة الحمد الله فى كل الاحوال

ام حالى انا فى حالة تفكير مستمر و لما قريت تعليقك زدنى حيرة و تفكير اكتر و اكتر

قصة الاولاد اللى حضرتك ذكرتيها على قد ما هى تسعد و تفرح قد اية الاولاد دول بالرغم من ماساتهم الا انهم متمسكين بالتعليم و بيعملوا المستحيل لدة و بالرغم انهم فى الشارع من سن مبكرة محدش فكر فيهم يشرب سجاير او يسرق

لكن للاسف تتحسرى على حال البلد علشان طفل يشتغل ة هو عندة سبع سنين علشان يعرف ياكل و تموت جواة معنى الطفولة

بدل ما يلعب و يعيش طفولتة بدل ما يضحك يبكى بدل ما ياخد مصروف من ابوة هو اللى يديلة بدل ما يفكرش فى حياتة الا مدرستة و كرستة و لعبة يشتغل بنى و ترزى و ميكانيكى

حالنا يا سلوى يبكى و يحزن انا واحدة كل ما اتفرج على برنامج واحد من الناس و يجيب حالات الانسانية و الناس عايشة ازاى ة الله بابكى و مقدرش اكمل الحلقة و يصيبى الكابة لايام متصلة و مش باقول الا حسبى الله ونعم الوكيل

اشكرك يا سلوى على مرورك على مداخلتك و اغنية انا على الربابة باغنى اىل قريتها اكتر من مرة لانها بجد معبرة قوى

[ذهبية]

damo

من ناحية بينام اكيد بينام لو مش بينام مش هايكون من السبب اللى حضرتك ذكرتة ان فية ناس تانية مش لاقية تاكل اعتقد ان دة مش على بالة اصلا

اعتقد اصلا انة مش حاسس انة فية ناس كدة لسبب بسيط ان كل المجتمع المحيط بية زية و يمكن اكتر يعنى حضرتك متخيل انة واحد صاحب ملايين هو او غيرة هيكون من اصحابة مثلا ناس فقيرة او مش لاقية تاكل

يا افندم كل الطيور على اشاكلها تقع

هو محلل لنفسة الفلوس دى لسبب بسيط جدا اللى مش عايز ميلزموش انا باعرض الى عاجبنى توافق ترفض دى حاجة مش بتاعتى

انا بتكلم على المنظومة كلها على البلد و الى فيها فين الرقيب فين العدل فى التوزيع فين خير البلد لما ناس بتاجر فى كلام فارغ زى الفن بتاخد الارقام دى

[ذهبية]

امينة اشكرك على المرور و الاغنية الجميلة جداااااالزياد الرحبانى

المخنوق دائما اتفق معك فى الراى العيب مش علية ما اناقولت انا باعرض اللى يوافق يوافق اللى يرفض يرفض

لكن الرحمة حلوة و الاحساس بالناس و مشاكلهم و نفسيتهم

بجد لو ترك الامر بهذا الشكل هتكون مهلكة

انا هاحكى لحضرتك انا ابنى جالى امبارح بيقولى ماما هانا هارجع فى كلامى مش عايز اكون مهندس لية يا حبيبى انت شاطر

قالى و هاعمل اية بالشاطرة هاقبض كام يعنى يا ماما انتى عارفة لعيب الكورة بياخد كام انا خلاص قررت اطلع لعيب كورة

خليكى كول يا ماما دة انا هاطلع فى التلفزيون و صورى هتيجى كل يوم فى الجرنار بذمتك يا ماما عمرتك شوفتى صور مهندس

بتيجى فى الجرنار و بياخد ملايين كبرى يا ماما

لاحظ حضرتك ان ابنى لا يتعدى 11 سنة تخيل حضرتك

[مهندس تحكم]

انا شايف ان المسألة كلها عرض وطلب ونوع من انواع البيزنيس.....

مسلسل فية اي ممثل من ايلي الناس بتحبهم .....يعني معدلات مشاهدة عالية ....وبالتالي اعلانات كتير ....وبالتالي فلوس كتير قوي علشان اي حد ياخد حق عرض المسلسل...او حتي ياخد دقيقة اعلان قبلية ولا في نصة ولا بعدة....

تعرفوا مين ايلي بيدفع اجور الناس دي..........احنااااااا........تعالوا نشوف ازاي...!!!!

الاول الناس تتفرج علي ممثل صغير....وبعدين يحبوة قوي قوي .....وبعدين يدخلوا السينما ويتابعوا اعمالة ليل ونهار ...ويكعوا دم قلبهم ايلي هم شقيانين بية...... علشان يتفرجوا علية وبالتالي الافلام تنجح لانها بتحقق ايرادات ....ومن ثم يبقي الممثل ...نجم كبير ولية معجبين ومريدين....ومن ثم يصبح نجم شباك.....ويطلب ايلي هو عايزة ...ودة حقة لان دة نصيبة في الارباح من اسهم المشاهدين.....ايلي هو احنا برضة....طيب المنتج هايكسب ازاي.....هايبيع الافلام والمسرحيات ويبييع لبيوت الازياء ايلي هاتعمل الملابس ويبيع لشركات العربيات ....ويبيع لاصحاب الاعلانات ايلي هايوموتوا علي دقيقة اعلان......وصاحب الاعلان هايلم الفلوس دي من مين .....احنا تاني....عن طريق سلعته الاستهلاكية الاستفزازية........يعني احنا ايلي بندفع الملايييييين دي كلها......

ويجعلة عامر.....

[مغتربة]

المنتج جانبه التوفيق تماما

الاجر مبالغ فيه بشكل لا يعقل

و اسهم عادل نزلت كتير بعد فيلمه الاخير

و هوه نفسه عارف دا كويس جدا

و كمان جود نيوز فسخت عقدها معاه

بعد خسائر فيلمه الاخير معاها

و عامل السن كمان مش فى مصلحته اطلاقا

يمكن علشان كده بيحاول يلم اخر الى يقدر عليه

قبل ما الطلب يخف من عليه

مليون جنيه عن كل حلقه

هذا سفه

و اعتقد ان المنتج سيندم قريبا جدا على هذا

عندما تكون ميزانيه المسلسل 60 مليون

كم متوقع ان تكون ارباحه فيه

[pink rose]

عادى .....................

رزق الهبل على المجانين

بندق افندي

اسمحيلي المقولة دي في حرمانية على حد علمي

رزق الهبل و المجانين هما الاتنين و غيرهم على الله

اما بالنسبة لعادل امام و اللي زيه فا فعلا احنا اللي عملناهم كده

بس الحمدلله انا اخر فيلم دخلته لعادل امام دا كان بخيت و عديلة

و كنا مع بابا و ماما و مش قادرة اوصفلكم انا كنت و اخواتي عاملين ازاي من الكسوف من المناظر المقرفة اللي في الفيلم و من يومها قررت ما ينفعش الكائن دا ادخله اي فيلم تاني خالص

تصدقوا بالله فيلم التجربة الدنماركية دا شوفته هنا فيالسعودية فيديو عند اقارب لينا عجبني جدا و قولت ما شاء الله عادل امام ايه دا بدأ يحترم نفسه اهو الفيلم كان فلة شمعة منورة ما فيهوش اي حاجه خارجة خالص

اتاريني كنت باتفرج على نسخة ممنتجة للفيلم مقصوص منها المشاهد الخارجة اللي فعلا مالهاش اي لازمة الفيلم كان من غيرها بجد زي الفل

لما شوفته في التليفزيون بقى قولت فعلا يموت الزمار و صوابعه بتلعب عادل امام عمره ما هايتغير و الدليل على كلامي الفيلم الاخير بوبوس دا عنده 80 سنة و برضه لسا قليل ادب

و اظن موضوع الفلوس دا رزق ربنا بيزيده و الله اعلم ليزيد من عذابه

منه لله هو و الله زيه

[Damo]

damo

من ناحية بينام اكيد بينام لو مش بينام مش هايكون من السبب اللى حضرتك ذكرتة ان فية ناس تانية مش لاقية تاكل اعتقد ان دة مش على بالة اصلا

اعتقد اصلا انة مش حاسس انة فية ناس كدة لسبب بسيط ان كل المجتمع المحيط بية زية و يمكن اكتر يعنى حضرتك متخيل انة واحد صاحب ملايين هو او غيرة هيكون من اصحابة مثلا ناس فقيرة او مش لاقية تاكل

يا افندم كل الطيور على اشاكلها تقع

هو محلل لنفسة الفلوس دى لسبب بسيط جدا اللى مش عايز ميلزموش انا باعرض الى عاجبنى توافق ترفض دى حاجة مش بتاعتى

انا بتكلم على المنظومة كلها على البلد و الى فيها فين الرقيب فين العدل فى التوزيع فين خير البلد لما ناس بتاجر فى كلام فارغ زى الفن بتاخد الارقام دى

فعلا عندك حق يا ذهبية... مع ان عادل امام زمان كان بيمثل ادوار الغلابه و المساكين في افلام كتير و كان يجسد ان ازاي في في المجتمع ناس على وش الدنيا و ناس... العكس تماما. نسي كل ده كده علاطول؟؟؟ حاجه تبكي

ملحوظه: انا بنت :blush2:

[osaimi]

فعلا كلامك مظبوط ، أنا بقيت أشمئز من الأشكال دي ، وزي ما قلت الناس اللي عملت واحد زى الهلفوت ده ، يجب علينا مقاطعتهم ومقاطعة أعمالهم التي لاتعبر إلا عنهم وأمثالهم

[هيثم نافع]

اغنية ساخرة لزياد الرحبانى

شو هالإيام اللي وصلنالا

قال إنو غني عم يعطي فقير

كانو المصاري قشطت لحالا

عا هيدا نتفه و هيدا كتير

الحلوه دي الحلوه دي

الحلوه دي بتعجن في الفجرية

بيقولولك من عرق جبينو

طلّع مصاري هالإنسان

طيب كيف هيدا و كيف ملايينو

و ما مره شايفينو عرقان

مش صحيح مش صحيح

مش صحيح الهوا غلاب

الغني من تلقاء نفسو

حابب يوزع ورق المال .. عال

مانو بخيل ابدا على عكسو

اتذكركن يا ولاد الحلال

ليل يا لال ليل يا لال ..حول

كل واحد منا عندو ستيلو

ما بيمنع إنو يصير تلسيق

جيبلي لامضيلك بقلم ستيلو

كل الشعوب بكرا حتفيق

يا سلام يا سلام يا سلام سلم

كل المصاري اللي مضبوبي

اللي لا بتنعد و لا بتنقاس

اصلن مجياب الناس مسحوبي

و لازم ترجع عاجياب الناس

هي دي هي دي هي دي الأصلية

من اغنية ساخرة لزياد الرحبانى

رابط الأغنية http://www.alnhr.com/f37/t40735/

فيه أغنية أفكه للمرحوم فيلمون وهبة تنطبق على هذا الموضوع

شو ما قلك سنفريان * آه * شو ما جبلك سنفريان

سنفرلو ع السنفريان

هيدا من بيت الفرفور* آه * يا عالم ذنبه مغفور

لو قال النحــلة دبور * * ما تقـــلو إلا تربيان

سنفررر يا سنفور

ماما بتقلو شيري * آه * بابا بيقلو واوي

يا عمي إوعى تجافيه ** بيهدو عليك الحيطان

سنفررر يا سنفور

الله يخلي لأموه * آه * و الورد ما شموه

بالدني ما بيهموه ** إلا يكون بطنو مليان

سنفرلو ع السنفريان

http://www.BLOCKED77/file/164379746/30420e47/__-___.html

حسبنا الله و نعم الوكيل