آخر أخبار إماراتنا العزيزة

[قطرة ندى]

إضافة ..

الموضوعات المثبتة عن السعودية تحتوى معلومات وإرشادات وردود على استفسارات خصوصا فيما يتعلق بالقوانين المنظمة للعمل والعمال .. ونظام الكفيل والخروج النهائى .. إلخ من واقع خبرات شخصية مش مجرد أخبار ومنوعات (ودرجات حرارة كمان) من السهل جدا العثور عليها فى أى مكان على النت ..

توضيح:

تقوم الإدارة بتثبيت الموضوعات التى تراها ذات فائدة ملحة وتخدم قطاعا كبيرا من زوار الموقع .. ونظرا لعدم توفر تلك الشروط بهذا الموضوع فالإدارة تعتذر لعدم قيامها بتثبيته

الإدارة

ياعصام باشا الادارة تثبت الموضوع او متثبتهوش تفرق ايه بالنسبة لى؟

يعنى انا لا احصل منكم على اجر او حتى بشترك فى المنتدى باسمى الحقيقى

لعلم سيادتك انا بكتب فى مواقع تانية مش منتديات .. مواقع بنقل الخبر باسمى الحقيقى على وعد ان المواقع لما تبدأ تدر ربح هيدخل الكتاب فى الموقع فى نسبة من الربح ..دا غير انى بكتب المقالة فى المجلة يعنى بألفها ب350 جنيه

وعلى فكرة برده انا عاملة منتدى باسمى لو حبيت تدخل عليه أديلك الاسم

يعنى باختصار الموضوع ده مايهمنيش فى اى حاجة.. غير حبى للناس اللى هنا...وعموما لو عايز تقفل الموضوع اقفله وريحنا

تم تعديل 6 يناير 2010 بواسطة قطرة ندى

[قطرة ندى]

الزميل magedo...

برجاء مراعاة الكتابة باللغة العربية كلغة وحيدة مسموح باستخدامها على صفحات المنتدى ، ولا توجد أعذار كعدم وجود لوحة مفاتيح عربية لديك ، فباستخدام جوجل ، يمكنك الوصول للوحات مفاتيح عربية افتراضية كما يفعل العديد من أعضاء المنتدى.

الزميلة قطرة ندى...

يمكنك مراسلة أي من المشرفين على المنتدى وطرح تساؤلك بخصوص عدم تثبيت موضوع لمغتربي الإمارات بصدر باب المغتربين المصريين. وبالمرة تثبيت موضوعات للمغتربين بالكويت وقطر والبحرين وليبيا واليمن ، وباقي الدول الأوروبية وباقي القارات. ومفيش حد أحسن من حد.

أحب أوضّح لسيادتك نقطة بسيطة ، لحين تفرّغ سي السيد للرد بنفسه إن أراد... لو دخلتي على إحصائيات المنتدى فستجدي أكبر نسبة دخول على المنتدى من السعودية ، وكم الاستفسارات المتعلقة بالبصمة وإجراءات الدخول في السعودية مرهقة بجد! يمكن حذف موضوع أو اثنين من الموضوعات المثبتة ، قد أتفق معك في ذلك. لكن ليس بمثل هذه الطريقة نعرض طلبنا.

وشكراً لتفهمك.

الإدارة.

عيب الكلام بالطريقة دى ..ياريت يعنى تحترموا الحريم شوية... والله يخليك انا متشوقا اشوف مصر فمتخيبش ظنى

[herohero]

[quote

عيب الكلام بالطريقة دى ..ياريت يعنى تحترموا الحريم شوية... والله يخليك انا متشوقا اشوف مصر فمتخيبش ظنى

سيدتي هديئ من غضبك القصة بسيطة الاخوان اتكلموا بواقع عملي لان فعلا السعودية يتفات لها بلاد قوانينها معقده بجد وغير مفهومة فعشان كده متثبت موضوع خاص بها غير ان الغالبية اللي بيدخلوا في مملكة الانسانية

وبصراحة بيضيف اضافة ليهم

وبعدين مين قال ان الاخوه هنا مش بيحترموا السيدات الفضليات ، ياسيدتي لكم كل احترام لكن دعيني من اسلوب الحوار المصري اللي بيعتبر كل كلمة موجهة للشخص بذاته

خلينا متحاورين بمنطق دون التعصب لفكرة او اخذ اي شيئ ع المستوى الشخصي

[قطرة ندى]

سيدتي هديئ من غضبك القصة بسيطة الاخوان اتكلموا بواقع عملي لان فعلا السعودية يتفات لها بلاد قوانينها معقده بجد وغير مفهومة فعشان كده متثبت موضوع خاص بها غير ان الغالبية اللي بيدخلوا في مملكة الانسانية

وبصراحة بيضيف اضافة ليهم

وبعدين مين قال ان الاخوه هنا مش بيحترموا السيدات الفضليات ، ياسيدتي لكم كل احترام لكن دعيني من اسلوب الحوار المصري اللي بيعتبر كل كلمة موجهة للشخص بذاته

خلينا متحاورين بمنطق دون التعصب لفكرة او اخذ اي شيئ ع المستوى الشخصي

انت فهمت غلط خالص

انا عاملة مجهود وكنت مستنيا كلمة شكر لكن........ انت شفت بنفسك الشكر كان جامد ازاى

انا حبيت بس اوصل معلومة انى ملياش اى مصلحة فى الكتابة هنا غير انى لقيت الناس عايزة كده واكتر من واحد دخل وقال الكلام ده

انما ان نجيب كلام قديييم ونعلق عليه بالشكل ده من غير اى داعى فدا شيئ غريب جدا ايه الدافع من وراه

وايه اللى جد عشان موضوع التثبيت ده يتفتح؟

[herohero]

انت فهمت غلط خالص

انا عاملة مجهود وكنت مستنيا كلمة شكر لكن........ انت شفت بنفسك الشكر كان جامد ازاى

انا حبيت بس اوصل معلومة انى ملياش اى مصلحة فى الكتابة هنا غير انى لقيت الناس عايزة كده واكتر من واحد دخل وقال الكلام ده

انما ان نجيب كلام قديييم ونعلق عليه بالشكل ده من غير اى داعى فدا شيئ غريب جدا ايه الدافع من وراه

وايه اللى جد عشان موضوع التثبيت ده يتفتح؟

ياسيدتي عندنا الكثير من واقع مصرنا العزيزة نتشغل فيه وياريت تفكري ف فزورة رغبة مصر ف استيراد غاز من العراق اللي انا طارحها ف المنتدى ونفسي حد يعرفني السبب ايه او الحل ايه لانه خبر غريب ع مصراوي يرفع الضغط وكل شيئ

فاحنا مع بعض مش منتظرين من بعض تقييم كلنا اخوه

[أبو العز]

ألف شكر للأخت قطرة ندى

مجهود طيب أرجو الاستمرار ونحن نشجعك قلبا وقالبا وياريت ترسلى لنا المنتدى الخاص بك (بعد اذنك طبعا) لانى صراحة يعجبنى أسلوبك فى طرح المواضيع

gt:

[قطرة ندى]

ألف شكر للأخت قطرة ندى

مجهود طيب أرجو الاستمرار ونحن نشجعك قلبا وقالبا وياريت ترسلى لنا المنتدى الخاص بك (بعد اذنك طبعا) لانى صراحة يعجبنى أسلوبك فى طرح المواضيع

wst:: wst::

شكرا على ذوقك

الأخ magedo يبدو انه مكبر دماغه خاالص ..

[قطرة ندى]

ياسيدتي عندنا الكثير من واقع مصرنا العزيزة نتشغل فيه وياريت تفكري ف فزورة رغبة مصر ف استيراد غاز من العراق اللي انا طارحها ف المنتدى ونفسي حد يعرفني السبب ايه او الحل ايه لانه خبر غريب ع مصراوي يرفع الضغط وكل شيئ

فاحنا مع بعض مش منتظرين من بعض تقييم كلنا اخوه

هو بما انى عايشة فى الامارات فيهمنى طبعا البلد اللى انا عايشة فيه فى المقام الاول وعموما دا بلد عربى مسلم وشايفة ان التعامل كويس فمش عيب أبدا اننا نظهر الحسنات زى ما بنظهر السيئات .... بالنسبة لموضوعك بخصوص استيراد الغاز من العراق

عينيا الاتنين .. هو فى انهى باب وانا ادخل عليه؟

[moheltohamy]

الزميل magedo...

برجاء مراعاة الكتابة باللغة العربية كلغة وحيدة مسموح باستخدامها على صفحات المنتدى ، ولا توجد أعذار كعدم وجود لوحة مفاتيح عربية لديك ، فباستخدام جوجل ، يمكنك الوصول للوحات مفاتيح عربية افتراضية كما يفعل العديد من أعضاء المنتدى.

الزميلة قطرة ندى...

يمكنك مراسلة أي من المشرفين على المنتدى وطرح تساؤلك بخصوص عدم تثبيت موضوع لمغتربي الإمارات بصدر باب المغتربين المصريين. وبالمرة تثبيت موضوعات للمغتربين بالكويت وقطر والبحرين وليبيا واليمن ، وباقي الدول الأوروبية وباقي القارات. ومفيش حد أحسن من حد.

أحب أوضّح لسيادتك نقطة بسيطة ، لحين تفرّغ سي السيد للرد بنفسه إن أراد... لو دخلتي على إحصائيات المنتدى فستجدي أكبر نسبة دخول على المنتدى من السعودية ، وكم الاستفسارات المتعلقة بالبصمة وإجراءات الدخول في السعودية مرهقة بجد! يمكن حذف موضوع أو اثنين من الموضوعات المثبتة ، قد أتفق معك في ذلك. لكن ليس بمثل هذه الطريقة نعرض طلبنا.

وشكراً لتفهمك.

الإدارة.

عيب الكلام بالطريقة دى ..ياريت يعنى تحترموا الحريم شوية... والله يخليك انا متشوقا اشوف مصر فمتخيبش ظنى

الكلام ده مُوجّه ليّا حضرتك؟! wst::

ويعني إيه نحترم الحريم شوية؟ إحنا مين؟ ويعني إيه نحترمهم شوية؟ حاجة كده زي اللي ظباط الجوازات السعودية بيعملوه إنهم ما بيحترموش الدور وبيسمحوا للـ (حريم) السعوديين بتجاوز الصف في المطارات ، بينما باقي الـ (حريم) بتوع الفلبين نايمين ع الأرض منتظرين تحرّك الصف؟!

ممكن توضحيلي فين التجاوز في كلامي؟ لو كان كلامك عن نقطة تثبيت موضوعات لمقيمين باقي الدول ، فده حدث بالفعل ، وتقدري تراجعي موضوعات زملاءنا في الكويت... واللي قلته هوّه اللي هيحصل لو بصّينا للموضوع نظرة كل دولة ليها الحق في موضوع مثبت!

وما زلت منتظر أعرف فين تجاوزي أو قلة احترامي أو العيب في ردي عليكي...

[قطرة ندى]

لحين تفرّغ سي السيد للرد بنفسه إن أراد

دا اعتبره تهديد ولا ايه بالضبط؟

لكن ليس بمثل هذه الطريقة نعرض طلبنا.

هو فين الطلب بالضبط اللى بتستنكره؟

حاجة كده زي اللي ظباط الجوازات السعودية بيعملوه إنهم ما بيحترموش الدور وبيسمحوا للـ (حريم) بتجاوزوا الصف في المطارات؟

يعنى انت زعلان قوى انهم بيعدوا الحريم قبل الرجالة فى السعودية؟!!

يعنى انت تزعل لو أختك أو بنتك عدوها قبل الرجالة؟

وبعدين ايه الغريب فى كده؟

ما كل الدول العربية فيها نظرة احترام للمرأة..

انت عايز تقول يعنى ان المصريين مابيحترموش المرأة ومعندهمش لياقة ولاحاجة اسمها ليدز فرست؟

طيب يا سيدى ولا يهمك

أنا اللى غلطانة

انت الفرست وانا الليدز

يعى انت فكرك ما فيش أماكن بتبقى فيها المرأة فى الآخر؟

كل الأماكن اللى فيها هنود بتبقى فيها المرأة فى الآخر!!

[moheltohamy]

لحين تفرّغ سي السيد للرد بنفسه إن أراد

دا اعتبره تهديد ولا ايه بالضبط؟

يا مدام قطرة ندى...

تعتبريه تهديد أو لأ ده شئ يرجع لحضرتك...

سي السيد هو اللي قام بتثبيت المواضيع في الباب ، وبالتالي هو المفترض قيامه بالرد على سيادتك. أنا فقط حبيت أوضح الفكرة العامة لمبدأ تثبيت المواضيع من وجهة نظر الإدارة.

لكن ليس بمثل هذه الطريقة نعرض طلبنا.

هو فين الطلب بالضبط اللى بتستنكره؟

طلب تثبيت موضوع زي موضوع حضرتك كموضوع مخصص لقاطني الإمارات. كل التلميح كان عن هذه الفكرة.

ومن قواعد المشاركة في المنتدى مناقشة أي فكرة أو قرار إداري عبر مراسلة أي من فريق المشرفين على الخاص ، وليس التلميح والتهكم بها على العام.

حاجة كده زي اللي ظباط الجوازات السعودية بيعملوه إنهم ما بيحترموش الدور وبيسمحوا للـ (حريم) بتجاوزوا الصف في المطارات؟

يعنى انت زعلان قوى انهم بيعدوا الحريم قبل الرجالة فى السعودية؟!!

يعنى انت تزعل لو أختك أو بنتك عدوها قبل الرجالة؟

وبعدين ايه الغريب فى كده؟

ما كل الدول العربية فيها نظرة احترام للمرأة..

انت عايز تقول يعنى ان المصريين مابيحترموش المرأة ومعندهمش لياقة ولاحاجة اسمها ليدز فرست؟

طيب يا سيدى ولا يهمك

أنا اللى غلطانة

انت الفرست وانا الليدز

يعى انت فكرك ما فيش أماكن بتبقى فيها المرأة فى الآخر؟

كل الأماكن اللى فيها هنود بتبقى فيها المرأة فى الآخر!!

نفس الرد ده قالهولي موظف الجمارك السعودي... ورديت عليه وقلت له (أمي وأختي ومراتي وبنتي المفروض أخليها تحترم الدور لأنها لا أحسن ولا أنضف من كل المنتظرين قبلها).

ولو تعاملتي حضرتك مع أي دولة متقدمة بعيداً عن دول العالم الثالث ورأيتي المساواة في الحقوق ، والراجل زي الست زي الشاب زي العجوز في الإلتزام بمبدأ الصف ، واللي بيسعى له الفرد نفسه قبل الموظفين كنتي تفهمتي كلامي.

أما بخصوص مبدأ ليديز فيرست ، فده من الإتيكيت ، واللي يسعدني أعمله بكرامتي ، إحتراماً مني لها ، وليس إنها شايفة نفسها كائن رقيق لا يتحمّل الوقوف ، أو إنها أنضف مني ، وأولى مني بالتكريم ، وأجبَر على مثل هذه المواقف السخيفة اللي ما شفتهاش غير في السعودية. إني أُجبر على فعل شئ يأخذه شخص ما كشئ بديهي وحق مسلّم بيه له يُفقِده معناه وجمال الإحساس بيه!

وأعتقد إحنا في دول العرب آخر ناس نتكلم عن تكريم المرأة ، أو تكريم بني الإنسان بوجه عام.

ونهايةً... فمن منطلق أني ما زلت لا أرى فيما قلته لا عيب ولا تجاوز ولا قلة احترام... فما زلت أنتظر من سيادتك توضيح للتوبيخ الموجه لي (عيب الكلام بالطريقة دي)...

[قطرة ندى]

نفس الرد ده قالهولي موظف الجمارك السعودي... ورديت عليه وقلت له (أمي وأختي ومراتي وبنتي المفروض أخليها تحترم الدور لأنها لا أحسن ولا أنضف من كل المنتظرين قبلها).

ولو تعاملتي حضرتك مع أي دولة متقدمة بعيداً عن دول العالم الثالث ورأيتي المساواة في الحقوق ، والراجل زي الست زي الشاب زي العجوز في الإلتزام بمبدأ الصف ، واللي بيسعى له الفرد نفسه قبل الموظفين كنتي تفهمتي كلامي.

أما بخصوص مبدأ ليديز فيرست ، فده من الإتيكيت ، واللي يسعدني أعمله بكرامتي ، إحتراماً مني لها ، وليس إنها شايفة نفسها كائن رقيق لا يتحمّل الوقوف ، أو إنها أنضف مني ، وأولى مني بالتكريم ، وأجبَر على مثل هذه المواقف السخيفة اللي ما شفتهاش غير في السعودية. إني أُجبر على فعل شئ يأخذه شخص ما كشئ بديهي وحق مسلّم بيه له يُفقِده معناه وجمال الإحساس بيه!

وأعتقد إحنا في دول العرب آخر ناس نتكلم عن تكريم المرأة ، أو تكريم بني الإنسان بوجه عام.

انت بتتكلم على المساواة ؟

هى فين المساواة دى

والله انا مش شايفة اى نوع من المساواة ..يعنى انت لما تشوف واحدة بيتاخد دورها بالدراع هتعترض مثلا؟وده دكتير بيحصل فتفتكر ايه المطلوب منها فى موقف زى ده انها تستخدم اديها وتدخل فى وسط الرجالة ولا تلعب كراتيه؟وبعدين ترجعوا تقولوا ستات مصر ناشفين زى الرجالة .مش فاهمة هو ايه المطلوب بالضبط؟

فى الميراث حقها منهوب رغم ان ربنا بيقول (مما قل منه او كثر نصيبا مفروضا) لكن للاسف طالما ان كله ماشى بالدراع ومش ماشى بالدور زى مابتقول

[moheltohamy]

نفس الرد ده قالهولي موظف الجمارك السعودي... ورديت عليه وقلت له (أمي وأختي ومراتي وبنتي المفروض أخليها تحترم الدور لأنها لا أحسن ولا أنضف من كل المنتظرين قبلها).

ولو تعاملتي حضرتك مع أي دولة متقدمة بعيداً عن دول العالم الثالث ورأيتي المساواة في الحقوق ، والراجل زي الست زي الشاب زي العجوز في الإلتزام بمبدأ الصف ، واللي بيسعى له الفرد نفسه قبل الموظفين كنتي تفهمتي كلامي.

أما بخصوص مبدأ ليديز فيرست ، فده من الإتيكيت ، واللي يسعدني أعمله بكرامتي ، إحتراماً مني لها ، وليس إنها شايفة نفسها كائن رقيق لا يتحمّل الوقوف ، أو إنها أنضف مني ، وأولى مني بالتكريم ، وأجبَر على مثل هذه المواقف السخيفة اللي ما شفتهاش غير في السعودية. إني أُجبر على فعل شئ يأخذه شخص ما كشئ بديهي وحق مسلّم بيه له يُفقِده معناه وجمال الإحساس بيه!

وأعتقد إحنا في دول العرب آخر ناس نتكلم عن تكريم المرأة ، أو تكريم بني الإنسان بوجه عام.

انت بتتكلم على المساواة ؟

هى فين المساواة دى

والله انا مش شايفة اى نوع من المساواة ..يعنى انت لما تشوف واحدة بيتاخد دورها بالدراع هتعترض مثلا؟وده دكتير بيحصل فتفتكر ايه المطلوب منها فى موقف زى ده انها تستخدم اديها وتدخل فى وسط الرجالة ولا تلعب كراتيه؟وبعدين ترجعوا تقولوا ستات مصر ناشفين زى الرجالة .مش فاهمة هو ايه المطلوب بالضبط؟

فى الميراث حقها منهوب رغم ان ربنا بيقول (مما قل منه او كثر نصيبا مفروضا) لكن للاسف طالما ان كله ماشى بالدراع ومش ماشى بالدور زى مابتقول

يا فندم اللي بتعمليه حضرتك ده إسمه تشتيت...

أنا كنت باتكلّم على موقف محترم ، وعمري ما شفت حد زاحم ولا تحرّش بامرأة في مطار من مطارات الدنيا!

وأنا لا اتكلمت على ستات مصر ، ولا ميراث ولا خناقات مع رجالة ، ولا يعنيني هنا مناقشة الحياة في مصر للمرأة ، ببساطة لأن ده مش موضوعنا حالياً.

أنا أُهِنت برد حضرتك ، ومحتاج أعرف سبب وجيه أُهان بسببه!

ونهايةً... فمن منطلق أني ما زلت لا أرى فيما قلته لا عيب ولا تجاوز ولا قلة احترام... فما زلت أنتظر من سيادتك توضيح للتوبيخ الموجه لي (عيب الكلام بالطريقة دي)...

[قطرة ندى]

أنا أُهِنت برد حضرتك ، ومحتاج أعرف سبب وجيه أُهان بسببه!

طيب انا آسفة على الاهانة

كده حلو؟

[أبو العز]

ياخواننا صلوا على النبى ومافيش اهانة ولا حاجة

وخلونا نرجع لموضوعنا

عرفتوا ان الامارات طبقت اللتر كوحدة قياس بدلا من الجالون الامبريالى فى محطات البترول اعتبارا من اول الشهر ياترى حد حس بأى فرق فى السعر او الكمية

ياريت كل مقيمى الامارات يدلوا بدلوهم فى هذا الموضوع وانا مستعد للرد على اى استفسارات

[roby]

ده الموضوع كبر اوى اوى ,ياجماعة بهدوء بس كدة اولا الاخ الكريم اللى ذكر ان حصل تهكم على عدم تثبيت الموضوع انا شايف ان ده محصلش ده مجرد محادثة عادية و ملاحظة على ان كل المواضيع المثبتة تخص السعودية مش اكتر وبعدين الست عاملة مجهود فنفسها يتثبت الموضوع للاستفادة و انا شايف ان الموضوع ابسط من الشد اللى حصل منك و منها .

نتمنى مشاركة الجميع و للامام للمنتدى ككل مش الباب ده بس .

[pmj]

ننتظر منك كل جديد يا قطره الندى وجزاكى الله خيراااا انك بتكتبى المعلومات دى ومعلش اصل احنا فى مصر عندنا طبع وهو عدم الشكررررر احنا بنعلق على الوحش بس لكن لو شئ كويس بنتجاهله وده الى بنسميه العلاقات الانسانيه وهى قليله عندنا شويه وحصل خيررررر

[عصام]

طيب انا آسفة على الاهانة

الأخ العزيز محمد التهامى ..

أعتقد أنه بذلك يكون سوء التفاهم قد زال ..

الإدارة ترحب بأى اقتراحات عبر المراسلة على الخاص مع أحد المشرفين أو من خلال باب شئون المحاورات

ونرجوا من الزملاء الاستمرار فى إثراء الموضوع بمعلوماتهم التى تهم بلا شك قطاعا من زوار الموقع

وننوه أنه سوف يتم حذف كل المداخلات التى تسببت فى تشتيت الموضوع خلال فترة وجيزة من الآن

الإدارة

[magedo]

يا جماعه سلام عليكم اولا

تانى حاجه انا مش مكبر دماغى و الله و لا حاجه انا ساعات ببقى فى الطراوه لكن انا بتابعكو على طول و معاكو ده انا مصدقت لقيت حد بيتكلم على الامارات و انا اسف لو كنت غبت شويه

تالت حاجه انا فعلا معنديش فى الشغل كيبورد عربى و شكرا على معلومتك لانى مكنتش اعرفها

رابع حاجه ملهاش لزمه الخناقه اللى حصلت احنا اخوات مش كده شكلنا وحش قدام الناس فى الخليج بسبب الخناقات بيننا

خامس حاجه يا ريت محدش يسفه من جهد الاخرين حتى لو كتب درجات حراره و نقوله على الاقل شكرا

اخر حاجه انا بشكر كل المشرفين على المنتدى و كل واحد كتب معلومه او افاد اخوه المصرى فى غربته