الأعضاء المجهولين !!!

[حشيش]

ترى ما هو سر الأعضاء المجهولين؟؟؟ mfb: mfb: mfb:....كانت هذه هى القضية التى ترافعت فيها مؤخراً وأظهرت فيها براعة غير مسبوقة أمام محكمة الأحوال الشخصية ببولاق الدكرور ;) ;) :blink:...وإليكم نص المرافعة...

ياحضرات المستشارين

لعلكم تتسائلون لماذا زادت فى الأيام الماضية ظاهرة تخفى الأعضاء بمنتدى (محاورات المصريين)...دعونا أولاً نتعرف على سر إختفائهم قبل أن نطالب بالقصاص منهم mfb: mfb: mfb:...هل فضلوا الإختفاء وراء الكواليس لخوفهم من أن يظهروا على عورات النساء؟؟؟ mfb: mfb: mfb:...هل هم ملاحقون من الإدارة؟؟؟ mfb: mfb: mfb: ...هل عليهن إن كن عضوات أحكاماً بالطاعة أو متهربات من الرضاعة (لماذا لا يستعملن حليب نيدو إذاً mfb: mfb: mfb: )...هل هربوا من وطئة الدين وملاحقة الدائنين؟؟؟ mfb: mfb: mfb:...علامات إستفهامٍ كثيرة تبحث عن إجابة....إننى أرجو من عدالتكم أن تنظروا إليهم بعين الشفقة قبل إحالة أوراقهم إلى فضيلة المفتى

حشيش حشيش

المحامى بالنقض والدستورية العليا

تم تعديل 24 يناير 2004 بواسطة حشيش

[فــيــروز]

نادى على المتهمه : mfb:

فيروز خليفه خلف الله mfb:

حاضره يا سيادة القاضى "صوت امينه رزق" mfb:

على صوتك يا فيروز .. mfb:

تحب تسمع ايه حضرتك؟ mfb:

يا فيروز انتى متهمه بانك ومجموعه من اعضاء منتدى المحاورات بتدخلوا المنتدى متخفيين .. تقدرى تقول لنا ايه السبب؟ ;) "صوت الراجل المرعب اللى كان فى فيلم انا حره بيطلع لها فى الحلم" ;)

الحقيقه يا سعادة القاضى .. انا كنت بيعجبنى اوى دور شاديه فى فيلم المراه المجهوله mfb: .. وقلت يمكن ربنا شاء ليا انى احقق امنيتى دى بعد ما العمر قرب يروح وولادى سابونى اشتغل فى البيوت و جوزى عجرنى "هجرنى يعنى" وراح اتجوز الرقاصه cbyb: .. الرحمه يا سيدى القاضى "صوت امينه رزق بتنهنه" mfb:

صوت نحيب و القاعه تضج بالهمهمه و النمنمه .. :blink:

الدفاع يتقدم

[Lighthouse]

يخرب عقلكم

مصايب والله

اما اروح احضر دفوعي ( مش اسمها كده برضه ;) ) وآجي انط لكم في الموضوع ;)

[Byte]

اليوم وجدت نفسى عضو اليوم :angry:

عضو اليوم برصيد 3 مداخلات!!! :lol:

وماعرفش ليه جانى احساس كأنى بالعب استميشن والدور اندر وبتشربونى الدور!!

عضو اليوم ب3 مداخلات؟ يا بلاش! ngh:

طيب بكرة انشاء الله هاكتب مداخلتين، هاتشربونى اليوم برضه؟ cmp:

تم تعديل 24 يناير 2004 بواسطة Byte

[مصرى]

اليوم وجدت نفسى عضو اليوم 

مبروك .. أكيد محمد أبوزيد كان لسه ماصحيش :angry:

[Mohammad Abouzied]

اليوم وجدت نفسى عضو اليوم 

مبروك .. أكيد محمد أبوزيد كان لسه ماصحيش :angry:

هو الي مكتر المداخلات هو نقل الوثائق للمنتدى الخاصة بالصراع العربي الاسرئيلي ووثائق حرب اكتوبر وانا شايف انه مهم جدا نقلهم هنا في المنتدى لان هذه المواقع دائما تضرب من الهكرز الصهيوني وصحيح بترجع تاني في عنوين اخرى لكن ايه الي يضمن يحصل ايه في المستقبل

المهم الوثائق دي لا بتنقل رأي كاتب فيها ولا وجهة نظر فهي مجردة والي عاوز يفهم منها على ما هي عليه كدا اهي موجودة

بس الي عنده ضغط يبعد احسن

[se_ Elsyed]

عمرك أقصر من عمري يا حشيش .... والله العظيم كنت جاي النهاردة وناوي اكتب مقالة تاريخية بعنوان " إن قولت ماتخفش وإن خافت ماتقولش "

وهي عبارةعن تحليل معملي لظاهرة عدد الاعضاء اللي ما شاء الله يقارب الـ 1000 ومع ذلك عدد الاعضاء الناشطين في حركة المحاورات تقريباً يتعدوا على الأصابع ...

وقد يكون التفكير البديهي للزملاء الجدد بإن هؤلاء الذين يكتبون يومياً ما هم إلا شلة ويعرفون بعضهم البعض وبالتالي فلا مكان لي بينهم .

او قد يقول قائل منهم " يا عم انا هاجي فين بين الفطاحل دول زي محمد أبو زيد بتاع المستندات والوثائق أو الدكتور محبط أستاذ التحاليل في جامعة توكسفين أو حشيش اللي بيضحك طوب الأرض أو فيروز زعيمة الشعانين بالمنتدى ... إلخ " ولكن هل فكر أحد منهم بإن هذه العينة المذكورة أين وكيف كانوا قبل الإنضمام للمنتدى ؟.. طب على سبيل المثال ما فيروز لسه ماكملتش سنة معانا لكن لديها جرأة تحسد عليها .. وبتاكل ضرب في أي موضوع بتفتحه لكنها بتستحمل وكل مره تقوم من الخناقة أقوى من الاول .. وده ليه .. لأنها صاحبة عيا قصدي صاحبة رأي بتدافع عنه بإستماتة ..

وقد يكون الزميل المنضم للمنتدى يستمتع بالقراءة .. وهذ حقه .. لكن من حقنا عليه برضوا نسمع صوته إن شاءالله في باب الإبتسام - آه يا لائيم بتعمل دعاية نازية للباب بتاعك .. صحيح اللي إختشوا ماتوا....

وللحق أقول بإن خلال هذا الشهر ما شاء إنضم لنا عدد لا بأس به من الاعضاء المستبيعين واللي بيقولوا رأيهم بصراحة ومنهم على سبيل المثال - لا الحصر - أبو حميد ، والأخ بتاع البنزين إسو ، ونيرون ، وبعيد عن السامعين أفيونة ....

وأخيراً قولنا وهانقولها كتير..... إخترناك إخترناك .. لأ مش دي .. البؤين دول بأقولهم وانا شايل العلم وطالع أقف أستناه في المطار ...

فقولنا يا جماعة إن إحنا مش في إمتحان عليه درجات وفيه نجاح وسقوط .... قول يا عم رأيك قولي يا ستي رأيك .. وهي موته ولا اكتر ... وإنتوا لسه واخدين فكره وحشة عن المعتقلات .. يا جماعة الزمن إتغير وهما كلمتين هاتقولهم جوه وهاتطلع سالم غانم لأهلك .. وتبدا صفحة جديدة مع الحياه .... ماتقول حاجة يا عم محمد أبوزيد يا بتاع معتقلات سويسرا .

[Lancelot]

اليوم وجدت نفسى عضو اليوم 

مبروك .. أكيد محمد أبوزيد كان لسه ماصحيش :angry:

مش ممكن ... أنا لم أضحك بهذا الشكل من فترة .... و الله حلوة يا أستاذ مصري ......

سي السيد كتب :

أو فيروز زعيمة الشعانين بالمنتدى

نداء إلي شعنونة ..... عايزين يسرقوا منصبك ... الكرسي هيضيع يا شنشن ...

جوه دماغي : سي السيد عايز يصالح فيروز علشان يقلبوا عليا أنا .... مفيش غير شعنونة هي اللي تضربهم كلهم .... و بكده أخلص منهم بضربة واحدة  :lol:  ngh:  .... ها ها ها ها ها (ضحكة شريرة)  ngh:  :D  :D 

[فــيــروز]

أو فيروز زعيمة الشعانين بالمنتدى

نداء إلي شعنونة ..... عايزين يسرقوا منصبك

يا عم لا زعيمه ولا هزيمه ماتوديناش فى داهيه mfb:

انا الحقيقه ماحبش المناصب ولا الالقاب .. :unsure: "جزء من حملتى الانتخابيه القادمه" mfb:

وباعمل ترتيبات اتقاعد فى اسوان عشان اقضى ما بقى لى من عمر فى هدوء و سكينه بعد العلق اللى اكلتها فى معظم الموضوعات اللى شاركت فيها :lol:

طب على سبيل المثال ما فيروز لسه ماكملتش سنة معانا لكن لديها جرأة تحسد عليها

صباحه قر يا ناس mc: mfb:

وبتاكل ضرب في أي موضوع بتفتحه

فعلا امى خدت بالها انى من ساعة ما جيت المنتدى وزنى فى زياده مستمره .. هى طبعا معندهاش خبر عن نوعية الاكل اللى باكله هنا .. stnd::

لكنها بتستحمل وكل مره تقوم من الخناقة أقوى من الاول .. وده ليه ..

عشان بتشرب لبن نيدو اللى تنمو معه الاجيال mfb:

لأنها صاحبة عيا قصدي صاحبة رأي بتدافع عنه بإستماتة ..

وزى ما اخويا الروحى س.س. قال انى بقيت صاحبة عيا .. وبالم عشان اعمل عمليه وشوفوا كل واحد فيكم يقدر يجود بكام واحنا داخلين على ايام مفترجه smk:

وللحق أقول

الله الله الله .. دى اخت "بالحق اقول" بتاعة سمير رجب يا س.س. شكلى هابتدى اقلق منك :lol:

قول يا عم رأيك قولي يا ستي رأيك ..

مش عارفه ليه يا س.س. اما قريت الجمله دى افتكرت الراجل اللى بيطلع الاتوبيس ويقول لك الفلايه دى بعناها فى لندن بنص استرلينى و فى سويسرا بخمسه فرنك لكن عشان حبايبنا فى مصر بعناها بنص جنيه والرزق على الله ..

والجنيه يعنى ... التعويم mfb:

يعنى ... الخصخصه mfb:

يعنى ... سندوء النأد ax:

وسمعونا سلام فصل لى جنيه على قدى يا ترزى البنك stnd::

سي السيد عايز يصالح فيروز علشان يقلبوا عليا أنا ....

بس انا وس.س. زى السمن عالبندجان الاسود mc: وانا اما احب انزل اجيب الخضار باقول له والنبى يافندى خلى بالك من الباب بتاعى لحد ما ارجع .. وهو الحقيقه ما جصر .. mfb:

و بكده أخلص منهم بضربة واحدة

النيابه هتتعب قوى فى البحث عن الجانى فى قضية مصرع س.س. و فيروز فى ظروف غامضه mc: المجنى عليهم علاقاتهم متشعبه وناس كتير واقفين لهم بالقلل القناوى المنقوشه !! ترى من الجانى !! 774120 اذاعه rs:

[عصام]

وللحق أقول بإن خلال هذا الشهر ما شاء إنضم لنا عدد لا بأس به من الاعضاء المستبيعين واللي بيقولوا رأيهم بصراحة ومنهم على سبيل المثال - لا الحصر - أبو حميد ، والأخ بتاع البنزين إسو ، ونيرون ، وبعيد عن السامعين أفيونة      ....   

والله العظيم .... وحياة ولادى ...أنا ما ليه أى علاقة بالنزين...... trch:

ولولا إن أنا عارف إن كل إللى بيروح يغير إسمه فى السجل المدنى بيطلع بعد كده بمصيبة (بيتمسك عادة فى المطار ممنوع من السفر) كنت رحت غيرته وخليته أى حاجة يحددها سى السيد.... rs:

حسبى الله ونعم الوكيل :unsure: :lol: :lol: smk:

[عادل أبوزيد]

أرى أن الموضوع تشعب كثيرا و يكاد يكون مؤهلا لباب "دعوة للإبتسام"

أعتقد إستخدام خاصية الإخفاء يتم اللجوء إليها فى حالتين

إما إن عندك كمية رسائل كثيرة لم ترد عليها أو هناك موضوعات كثيرة تشعر إنك لازم تتصفحها ببساطة عليك واجب مدرسى لم تنجزه

و الحالة الثانية كونك نويت الدخول للمحاورات لمدة دقيقة واحدة مثلا.

أنا شخصيا إستعملت خاصية الإخفاء ربما مرتين فى أعقاب يوم تلقيت فيه سبع رسائل فى غضون ساعة واحدة و كان الموضوع لا يستحق فعلا .... و لكننى لم أكررها بعدها بمنطق أنه على القيام بواجبى المدرسى أو الإعتذار عن التأخير فى شجاعة.