بنك الأفكار .. للعرسان الشطار

[قلب ابيض]

قلب ابيض

انا حمى يا روش؟؟؟ اسمها حمااااا من الحمايه والحما

التانيه دى من الحمى" الحومه " بعيد عنك ودى مش انا خاااالص

ده انا ابنى وبنتى بيغيروا من خطابهم عشان بحبهم اكتر منهم 000ابقى حما ازااااى؟

ماشى ياعنبو طب محروم من الوجبه 00بس

وموضوع التعارف ده مش هارسيك عليه 00ورينى انت بقى هاتتعرف ازاى

يا اعدل الناس الا فى معاملتى فيك الخصام وانت الخصم والحكم

انا أثف اثف منقطع النظير

انا مقصدش ابدأً موضوع حمى ده انا قصدى حمااااااااااااااااااااااااااااااااااااااااااااا كفايه كده ولا ازود كمان ااااااااااااااااااااااااااااااااااااا

نيجى للجد بقى

كده بقى انا هتعزم مرتين او تبعتى ليا 29 ريال مره علشان ابن حضرتك ومره علشان بنت حضرتك

يلا بقى اقولى على موضوع التعارف لانه بجد مهم لينا كلنا وخصوصا ده بيكون الانطباع الاول وكل جانب بيكون مبحلق فى التانى

الف الف الف مبروووووووووك على خطوبة بنتك وابنك وياااااااااارب يجعل ايامك وايامنا كلها فرح وهناااااااااااااااااااااااااااااااااااااااا

خلااااااص هاتنزل المره دى---لكن مره تانيه لامومكين ااااابدا " وش القصرى "

وعد ياعنبو لو كنت فى مصر وقتها لازم تكون موجود معانا ويمكن ربنا يفرجها من عنده لك وللى فى بالى <_<

اما موضوع التعارف ده بقى -------

اتحايل على شويه

انا وضحت اكتر من مره ان مهم جدا ان يكون فى توافق ما بين العائلتين مش بس العروسين --اجتماعيا وثقافيا وماديا ايضا

وانا شخصيا راعيت ده كويس فى اختيار او الموافقه على اختيار ازواج او زوجات ابنائى ولله الحمد بتوفيق ربنا

يعنى لو انت مش بتحب او مرتبط بأى شكل من الاشكال ببنيه مليحه وزينه عليك وعلى اختيار الوالده والاخوات " انا قديمه شويه فى النقطه دى -بس صدقونى زماننا ده الشاب عاوز اللى فى تربيه اخته واللى يلاقى لها اصول يرجع لها فى حاله سوء التفاهم الوارد فى الحياه عموما ومش محتاج اللى تتجمل وتتصنع فى مقابلتها لى من غير ما يعرف اصلها وتربيتها والبيت اللى نشئت فيه -محتاج البنت اللى تبقى اخته وحبيبته وامه وصاحبه احيانا وصعب تعرف ده كله من الاول للاخر الا اذا كان فى علامات لكده ودى اللى اقصدها بأنها تكون عارفينها الاهل من قبل

ولكل قاعده شواذ ---ده راى شخصيا

السلام عليكم ورحمة الله....

والزميل العزيز "سكوربيون"...قد قام بتوضيح أهمية هذه الخطوة.....وللعزيزة "قلب أبيض"..أقولها اولا ألف مبروك لبنوتك

الله يبارك فى حضرتك ويتمم لبنوتك على الف خير

واحييك على الخطوه الجريئه اللى عملتيها دى وان شاء الله هابدأ انا بالموضوع ده مع ابنى الاول 00وبعدين اخده قدوه لبنتى وخطيبها

شكرا لحضرتك جدا على التوضيح

تابعوووونا

[مزاميزو]

سمع هسسسسسس

الكشف الطبي ثم الكشف الطبي ..... وكمان مرة الكشف الطبي عشان الحبايب

أنا بتجربتي المريرة في الزواج .... اللي الحمد لله انتهى

كان نتيجة اني عملت الكشف الطبي لي ولزوجتي السابقة على الورق عشان كتب الكتاب

ومعرفتش انها كانت مخبية عني حالتها المرضية غير لما راحت تعمل الكشف الطبي عشان تسافر معايا

وهنا انكشف المستور

يا جماعة لو حد عرف اللي حصل بالضبط معايا مش هتفرق معاه شكل الطلب يكون ازاي .... مش مهم مين يطلب عمل الكشف الطبي بس المهم يتعمل قبل ما يبقى في ارتباط حقيقي وعاطفي بين العريسوالعروسة

ولكم التحية على الموضوع

بالمناسبة محدش عنده عروسة ..... هاهاهاهاهاهاهاهاهاهاها <_<

[عنبو]

وعد ياعنبو لو كنت فى مصر وقتها لازم تكون موجود معانا ويمكن ربنا يفرجها من عنده لك وللى فى بالى

وعد طبعاً بجد لو كنت فى مصر هكون اول الحاضرين انا واللى فى بالك

عاوز اسأل سؤال ياجماعه ؟؟

هو الواحد يجيب شبكه بكام يعنى انا صحابى كلهم جابوا من 20 الى 30 الف

وكان رد معظمهم ان دى فلوس متحوشه للزمن بس انا المبدأ ده انا رافضه انا عاوز اجيب ليها هديه هى متبعهاش خالص وتفضل معها العمر كله يعنى لو همشى بالمبدا ده هجيب ليها خاتم مثلاً هقولها دى الشبكه والباقى للزمن ؟؟

ايه رأيكم الواحد يجيب الشبكه مره واحده احسن ولا يجيب الشبكه على فترات يعنى يجب بنص المبلغ مره والنص التانى يجيبه على فترات ؟؟

ثم ايه رأيكم فى مبلغ الشبكه يفضل يكون كبير ولا المعقول كويس حتى لو معاك ؟؟

طيب ايهم احسن تعمل الشبكه فى قاعه ولا تعمل حاجه كلوووز على قد اهلك واهلها وخلاص ؟؟

طيب لو والد العروسه حب يساعد فى الشبكه هل تقبل ام لا ؟؟

انا معرفش كده ممكن اكون خارج الموضوع على العموم اهى اسئله موجوده ممكن نتناقش فيها ؟؟

[لماضة مصرية جدا]

خلااااااص هاتنزل المره دى---لكن مره تانيه لامومكين ااااابدا " وش القصرى "

وعد ياعنبو لو كنت فى مصر وقتها لازم تكون موجود معانا ويمكن ربنا يفرجها من عنده لك وللى فى بالى :lol:

اما موضوع التعارف ده بقى -------

اتحايل على شويه

انا وضحت اكتر من مره ان مهم جدا ان يكون فى توافق ما بين العائلتين مش بس العروسين --اجتماعيا وثقافيا وماديا ايضا

وانا شخصيا راعيت ده كويس فى اختيار او الموافقه على اختيار ازواج او زوجات ابنائى ولله الحمد بتوفيق ربنا

يعنى لو انت مش بتحب او مرتبط بأى شكل من الاشكال ببنيه مليحه وزينه عليك وعلى اختيار الوالده والاخوات " انا قديمه شويه فى النقطه دى -بس صدقونى زماننا ده الشاب عاوز اللى فى تربيه اخته واللى يلاقى لها اصول يرجع لها فى حاله سوء التفاهم الوارد فى الحياه عموما ومش محتاج اللى تتجمل وتتصنع فى مقابلتها لى من غير ما يعرف اصلها وتربيتها والبيت اللى نشئت فيه -محتاج البنت اللى تبقى اخته وحبيبته وامه وصاحبه احيانا وصعب تعرف ده كله من الاول للاخر الا اذا كان فى علامات لكده ودى اللى اقصدها بأنها تكون عارفينها الاهل من قبل

ولكل قاعده شواذ ---ده راى شخصيا

السلام عليكم و رحمة الله و بركاته

عزيزتي قلب ابيض.....هو الحقيقة انتي قلب سكر.......و كفاية كده احسن النمل يتلم

طب انا عايزة آخد رأيك في حاجة.......انتي بتتكلمي عن التعارف.......و اتوصيتي ياخونا طب بالنسبة للبنت تعمل ايه

انا اتربيت في اسرة منغلقة جدا علي نفسها..........يعني ما فيش غير الاخوات و الاب و الام.......محدش يعرفنا.....تصدقي ده........آه و الله

و لما ابتديت اشتغل طبعا دخلت الشغل مشمرة كمامي.........يعني كنت مذاكرة......او شغل و بس

مكنتش بقابل حد يستفزني.......ـو ينكشني بمعني اصح

طبعا لما اتخرجت ماما ابتدت تعمل زيارات مكوكية لصديقات لطيفات جدا.........بس هما مش شبهنا خاااااااااااااااالص و نتج عنه طبعا كمية من زيارات الصالون ابسط حاجة نوصفها بيها انها كانت نكت مؤلمة؟؟؟

الصراحة انا اتخنقت.......

لو نجحت في شغلي..........يقولك لا دي متنفعنيش شكلها هتبقي كتيرة عليا..........ده ع اعتبار اني هتوزن و ع اعتبار انه هيشيلني ع قلبه

لو قولنا يا جواز...................تلاقي ناس بتجيبلك الاكتئاب ثنائي القطب من قبل ما ترتبط بيها طب لما تتجوز ده يبقي شكله ايه؟؟؟

انا عايشة بره مصر دلوقتي...........و في محيط عملي يمكن يكون فيه ناس بس من جنسيات مختلفة و طبعا الاهل مش موافقين

و اللي بيبقي الخير جواه و النيل رواه..............ألاقي اهل ييقولولي طب نسال عليه فين............طب نعرف اصله منين؟؟؟؟

و انا مالي

أنا بقي عندي السلانسيه.........دي حالة بتاعت الخنقة الشديدة

ارجع مصر و افتتح الصالون........كده السلانسيه هينتهي بيا في قهوة كتكوت

افضل بره مصر..............و يمكن اكون شوية حسيت اني بقدم خدمة للانسانية..........مع ان الانسانية بعتتلي جواب شكر عمنول بتقولي كفاية كده؟؟؟

مش عارفة

بس خلاص

[الباشمهندس ياسر]

ثم ايه رأيكم فى مبلغ الشبكه يفضل يكون كبير ولا المعقول كويس حتى لو معاك ؟؟

طيب ايهم احسن تعمل الشبكه فى قاعه ولا تعمل حاجه كلوووز على قد اهلك واهلها وخلاص ؟؟

طيب لو والد العروسه حب يساعد فى الشبكه هل تقبل ام لا ؟؟

انا معرفش كده ممكن اكون خارج الموضوع على العموم اهى اسئله موجوده ممكن نتناقش فيها ؟؟

مساء الورد

ازيك يا عنبو يا حبيبى ... شكلك خلاص نويت تدخل القفص الذهبى

مبرووووووووووووك

بص بقى

الشبكة هدية منك لعروستك و بتفضل ذكراها بينكم حلوة

و المفروض انك مترهقش نفسك ماديا فيها و متجيبش حاجة بنية انك تبيعها بعدين و الكلام ده

و الطبيعى انها بتيقى حاجة بينك و بين عروستك ... محدش تانى خالص يتدخل فى ده

الفرحة بتاعت الشبكة

معظم الناس بتفضل انها تبقى عائلية و بس و الفرحة الكبيرة تبقى ليلة الزفاف و فيه ناس تانية بتعمل فرح ف الشبكة و فرح ف ليلة الزفاف

و انا مع الناس الاولانيين مش مع التانيين :lol:

والد العروسة مش بيشارك فى الشبكة ... انما الطبيعى ان اهل العروسة بيهادوها بمناسبة الشبكة

هذا و الله اعلم

:lol:

عنبو : مفيش باكو بقى حق الكام نصيحة دول...؟

[Scorpion]

معلهش يا جماعة .... علشان بس الموضوع ما يتشتتش ... احنا حنتكلم علي اللي خلاص عرفوا بعض و نقوا بعض و قرروا خلاص يتجوزوا ... علشان لو رجعنا نتكلم عن التعارف من اوله خالص و السؤال عن العريس او العروسة فده حياخد صفحات لوحده...

و بما اننا اتفقنا اننا حنمشي في الموضوع ده خطوة بخطوة ... فالخطوة دلوقتي حوالين مسألة الشبكة و اللي الفاضل محمد العنبى ابتداها بشوية اسئلة مهمة فعلآ ..

[Alshiekh]

أنا داخل اثبت حضور

النقطة الاولى والخاصة بالكشف الطبى فهى بلاشك خطوة مهمة جدا لكن اعتقد ان ثقافتنا وايضا ثقافات الامريكان الذين اعيش بينهم لاتضع هذه النقطة فى الاعتبار ، والحقيقة لست متخيلا كيف يمكن فتح الموضوع مع العريس او مع العروسة ، لانى اعتقد ان امر بهذه الاهمية يجب ان يسبق اى ترتيبات أخرى.

أما عن موضوع الشبكة والجهاز وما الى ذلك فاسمحوا لى ان انوه بتجربتى

بما انى كنت سابق عصرى ( مش غرور ولا حاجة )

و من 30 سنة او اكثر شوية رفضت تماما ان يكون هناك شروط من اهل العروسة بخصوص الشبكة او الجهاز وعلى ضوء ذلك لم يحدث نصيب فى المرات الثلاث الاولى

كان رأيى ان الزواج سيكون خاص بى وبزوجتى ، لانه سيكزن بيتنا نحن وليس بيت الاهل والاقارب ، وان الشبكة هى هدية منى لعروسى ، ويجب على عروستى ان تتفهم مانحن مقدمين عليه وان تتقبل هديتى لو كانت فعلا " بتشترى رجل "

والحمد لله تم كل شيئ على خير وكما اردت انا وعروسى ولم نسمح لاى من اعضاء الاسرتين بالتدخل فى أمورنا ، وبقى لنا 29 سنة وشويتين.

طيب انا ليه باقول الكلام ده؟

باقول الكلام ده علشان انبه المقدمين على الزواج من الشباب والشابات بأن يستقلا باتخاذ قرارات تخص مصيرهم هم. وللآباء والامهات اللى حايبقوا حموات واصهار ان يكون رايهم استشارى فقط وغير ملزم ، سيبوا عيالكوا يخوضوا تجاربهم بانفسهم ومش معنى انكوا حاتساعدوهم يبقى كل حاجة تمشى زى مانتوا عايزين.

يعنى الشبكة ، والتى يدور الحديث حولها الآن ، أقول للعريس " لاترهق نفسك ولايكلف الله نفسا الا وسعها " واقول للعروسة صدقينى لو راعيتى ظروف عريسك فى موضوع الشبكة ففى المستقبل مش حاينسى لك وقفتك معاه ، لان العريس فى فترة الشبكة وماقبل الزواج بيبقى " تايه ومش عارف حايعمل ايه "

يعنى ياعروستنا مش مهم اختك او صديقتك او بنت خالتك او بنت عمك أو حتى شبكة خطيبك السابق كانت ايه وبكام ، ركزى اكثر فى عريسك يستاهلك والا لا

[لماضة مصرية جدا]

أنا داخل اثبت حضور

النقطة الاولى والخاصة بالكشف الطبى فهى بلاشك خطوة مهمة جدا لكن اعتقد ان ثقافتنا وايضا ثقافات الامريكان الذين اعيش بينهم لاتضع هذه النقطة فى الاعتبار ، والحقيقة لست متخيلا كيف يمكن فتح الموضوع مع العريس او مع العروسة ، لانى اعتقد ان امر بهذه الاهمية يجب ان يسبق اى ترتيبات أخرى.

أما عن موضوع الشبكة والجهاز وما الى ذلك فاسمحوا لى ان انوه بتجربتى

بما انى كنت سابق عصرى ( مش غرور ولا حاجة )

و من 30 سنة او اكثر شوية رفضت تماما ان يكون هناك شروط من اهل العروسة بخصوص الشبكة او الجهاز وعلى ضوء ذلك لم يحدث نصيب فى المرات الثلاث الاولى

كان رأيى ان الزواج سيكون خاص بى وبزوجتى ، لانه سيكزن بيتنا نحن وليس بيت الاهل والاقارب ، وان الشبكة هى هدية منى لعروسى ، ويجب على عروستى ان تتفهم مانحن مقدمين عليه وان تتقبل هديتى لو كانت فعلا " بتشترى رجل "

والحمد لله تم كل شيئ على خير وكما اردت انا وعروسى ولم نسمح لاى من اعضاء الاسرتين بالتدخل فى أمورنا ، وبقى لنا 29 سنة وشويتين.

طيب انا ليه باقول الكلام ده؟

باقول الكلام ده علشان انبه المقدمين على الزواج من الشباب والشابات بأن يستقلا باتخاذ قرارات تخص مصيرهم هم. وللآباء والامهات اللى حايبقوا حموات واصهار ان يكون رايهم استشارى فقط وغير ملزم ، سيبوا عيالكوا يخوضوا تجاربهم بانفسهم ومش معنى انكوا حاتساعدوهم يبقى كل حاجة تمشى زى مانتوا عايزين.

يعنى الشبكة ، والتى يدور الحديث حولها الآن ، أقول للعريس " لاترهق نفسك ولايكلف الله نفسا الا وسعها " واقول للعروسة صدقينى لو راعيتى ظروف عريسك فى موضوع الشبكة ففى المستقبل مش حاينسى لك وقفتك معاه ، لان العريس فى فترة الشبكة وماقبل الزواج بيبقى " تايه ومش عارف حايعمل ايه "

يعنى ياعروستنا مش مهم اختك او صديقتك او بنت خالتك او بنت عمك أو حتى شبكة خطيبك السابق كانت ايه وبكام ، ركزى اكثر فى عريسك يستاهلك والا لا

السلام عليكم و رحمة الله و بركاته

إيه الكلام الجامد ده يا أستاذ محمد

و الله العظيم كنت هعيط م التأثر........و مش بتريق و الله

أنا متفقة في كل كلمة و كل حرف قلته........ان القرارات المصريرية لازم يبتدي الضحيتان انهم ياخدوها مع بعض و باقتناع كامل عشان دي حياتهم مش حياة حد تاني

بس الحقيقة هو ده مكنش لازم يبتدي لحظة اختيار الزروج او الزوجة دي مرحلة طويلة بنربي فيها ولادنا علي ازاي ياخد قرار..... و يقيمه و يتحمل تبعاته

اخونا عنابي......يا خولي الجونينة....

نصيحة استاذ محمد في الجون تماما

ركز في اختيارك ع البني آدمة أوي أوي أوي....... و خلي الفرحة و الشبكة و الشكليات في حدود المعقول......من غير افراط ولا تفريط (منشكرين يا باشمهندس ياسر اهي لزقت في لساني)........احنا بنفرح جوه قلوبنا اكتر م ان احنا نفرح لما ناكل حتة جاتوة و لا طبق مليان لحمة في أوبن بوفيه

مبروك يا عنابي

و متنساش تصلي استخارة في كل خطوة.......

بس خلاص

تم تعديل 1 نوفمبر 2009 بواسطة Scorpion

[wsadani]

يمكن ده اول مداخلة لى فى المنتدى

اولا اشكر سكوربيون على الموضوع الجميل ده واللى بإذن الله يفيد اللى متجوزش وداخل على جوازة

وهتكلم فى موضوع الشبكة

1- افضل فى الاتفاقات ان أهل العروسة يقولوا كلمة الشبكة دى هدية العريس يحددها على قد قدرته

2- مبلغ الشبكة يكون متوسط يعنى مش قليل وبرضه مش كثير ( لان وراك مصاريف تانية كتيرة ) اشوف انها من 8-15 وممكن توصل ل 20 اكتر من كده صراحه كتير .

3- حفل الشبكة فى ناس كتير بتحب تخليه على الضيق والمضاريف كلها تبقى فى الفرح .

4- والد العروسة طبعا لا يشارك فى ثمن الشبكة (دى هدية العريس بس )

5- نقطة مهمة احب اوضحها برضه انا فى رأى ان الشبكة تعتبر جزء من المهر مش عارف رأى الناس التانية ايه .

6- الأماكن الى بتتباع فيها الشبكة (ميدان الجامع -الصاغة )

7- خد عندك دى كمان الفاتورة بتتكتب باسم مين ؟؟؟؟؟؟

8- هتاخد مين معاك وانت نازل وانتى نازله .

[قلب ابيض]

يا جماعه الخير

بجد انا نفسى اعقب على كل واحد الى بدلوه فى الموضوع ده

بس عشان خاطر سكوربيون العزيز مش هاطول وهالتزم بالشروط اللى وضعها قبل واثناء طرح الموضوع

بستحيه منى لــ : لماضه مصريه ومحمد وعنابى "; ) " واسفه للسهو عن باقى المشاركين

[قلب ابيض]

يمكن ده اول مداخلة لى فى المنتدى

اولا اشكر سكوربيون على الموضوع الجميل ده واللى بإذن الله يفيد اللى متجوزش وداخل على جوازة

وهتكلم فى موضوع الشبكة

1- افضل فى الاتفاقات ان أهل العروسة يقولوا كلمة الشبكة دى هدية العريس يحددها على قد قدرته

2- مبلغ الشبكة يكون متوسط يعنى مش قليل وبرضه مش كثير ( لان وراك مصاريف تانية كتيرة ) اشوف انها من 8-15 وممكن توصل ل 20 اكتر من كده صراحه كتير .

3- حفل الشبكة فى ناس كتير بتحب تخليه على الضيق والمضاريف كلها تبقى فى الفرح .

4- والد العروسة طبعا لا يشارك فى ثمن الشبكة (دى هدية العريس بس )

5- نقطة مهمة احب اوضحها برضه انا فى رأى ان الشبكة تعتبر جزء من المهر مش عارف رأى الناس التانية ايه .

6- الأماكن الى بتتباع فيها الشبكة (ميدان الجامع -الصاغة )

7- خد عندك دى كمان الفاتورة بتتكتب باسم مين ؟؟؟؟؟؟

8- هتاخد مين معاك وانت نازل وانتى نازله .

وجون وجون وجوووووووون

انا معاك فى كل اللى قلته تماااما وبالفعل ده اللى عملته مع بنتى وماعملتوش مع ابنى " واللى مش فاهم يسألنى ليه وانا اجاوبه

وبالنسبه لرقم 7 و 8

7 - الفاتوره باسم العريس " الدهب للعروسه والفاتوره للعريس "

8 _العروسه والعريس وامهما واختيهما " الموضوع ده نسبى 00فى ناس تحب تلم الاهل والحبايب معاها وفى ناس يادوب مامتى ومامته

اعتقد حسب بيئه او عادات كل حد يعنى كل واحد بيحب يفرح بطريقته

عنبو اللى كنت عاوزه اقوله لك جاوب عليه 'wsadani' ايه رأيك؟؟

[عنبو]

قلب ابيض مشاركة بتاريخ اليوم, 03:48 PM

1- افضل فى الاتفاقات ان أهل العروسة يقولوا كلمة الشبكة دى هدية العريس يحددها على قد قدرته

طيب كلام جميل بس لازم لما نقول كلمه نبقى نتوقع كل حاجه افرض اهل العروسه قالوا كده فعلاً وبعدين العريس قال انا هجيب شبكه ب 8 الاف هل ياترى هيبقوا مبسوطين الموقف ده حصل قدامى هم قالوا كده على اساس ان الراجل هيجيب اقل حاجه 15 فالراجل قال خلاص انا هحيب ب 8 طبعاً كلهم ضربووووووووا بووووووووووووووووز وزعلوا وقعدوا يفاصلوا فى الشبكه وفى الاخر سابهم ومشى لان الموضوع مش كلام وخلاص ؟؟

2- مبلغ الشبكة يكون متوسط يعنى مش قليل وبرضه مش كثير ( لان وراك مصاريف تانية كتيرة ) اشوف انها من 8-15 وممكن توصل ل 20 اكتر من كده صراحه كتير . انا مبحبش اربط الشبكه بمبلغ معين احب يكون هديه بس واحنا رايحين نشترى نبقى متفقين هنجيب بكاااااااااام

3- حفل الشبكة فى ناس كتير بتحب تخليه على الضيق والمضاريف كلها تبقى فى الفرح . تمام

4- والد العروسة طبعا لا يشارك فى ثمن الشبكة (دى هدية العريس بس ) تمام ومصر عليه كمان حتى لو حب يهاديها بعيد عنى وفى يوم تانى كمان

5- نقطة مهمة احب اوضحها برضه انا فى رأى ان الشبكة تعتبر جزء من المهر مش عارف رأى الناس التانية ايه . ممكن نعتبرها مهر

6- الأماكن الى بتتباع فيها الشبكة (ميدان الجامع -الصاغة )

7 - الفاتوره باسم العريس " الدهب للعروسه والفاتوره للعريس " مش هتفرق كتير

8 _العروسه والعريس وامهما واختيهما " الموضوع ده نسبى 00فى ناس تحب تلم الاهل والحبايب معاها وفى ناس يادوب مامتى ومامته

اعتقد حسب بيئه او عادات كل حد يعنى كل واحد بيحب يفرح بطريقته تماموز

عنبو اللى كنت عاوزه اقوله لك جاوب عليه 'wsadani' ايه رأيك؟؟

كده تمام الف شكراً

[Folana]

السلام عليكم ورحمة الله....

الاخت الفاضلة "قلب ابيض كتبت :

بس زى ما حصل كده ماينفعش عم سكوربيون قفز فجأه على الفحص الطبى 00طب فين ماقبل ذلك ؟ ولا ده الاول وبعدين الفاتحه والشبكه او النص اكليل ؟؟

وأشارت فى هذه الجملة التى استوقفتنى الى تقاليد الزواج عند الاخوة المسيحيين.....نتحدث كثيرا عن خطوات الزواج باعتبار أن كل العرسان والعرائس مسلمين...ماذا عن نصفنا الاخر فى المجتمع...شخصيا أجهل تماما هذه النقطة...لذا أرجو من العزيز سكوربيون والافاضل المسيحين معنا هنا أن يدلو بدلوهم أيضا فى هذا الموضوع....وأن يمدونا بخبراتهم حول تقاليد الزواج عندهم حتى يكون هذا الموضوع بمثابة ملف شامل يفيد جميع المقبلين على الزواج سواء مسلمين او مسيحين.

أستاذ محمد كتب :

النقطة الاولى والخاصة بالكشف الطبى فهى بلاشك خطوة مهمة جدا لكن اعتقد ان ثقافتنا وايضا ثقافات الامريكان الذين اعيش بينهم لاتضع هذه النقطة فى الاعتبار ، والحقيقة لست متخيلا كيف يمكن فتح الموضوع مع العريس او مع العروسة ، لانى اعتقد ان امر بهذه الاهمية يجب ان يسبق اى ترتيبات أخرى

خطوة الكشف الطبى أصبحت هامة وملزمة...وبيتم تقديم شهادة طبية تفيد القيام بالفحص الطبى للمقبلين على الزواج عند عقد القران.....اذن من الممكن تجنب هذا الاحراج فى عرض الموضوع لان الحكومة عايزة كده ..

وكما أشار استاذ عادل فى احدى مداخلاتة فى موضوع قانون الزواج الجديد

من الناحية العملية ما الذى تغير فى إجراءات عقد القران ؟ الأرجح لا شئ اللهم إلا ضرورة الحصول على شهادة صحية تفيد إجراء فحوصات طبية معينة ...

ما سبق كان إستهلالا لابد منه

الحقيقة الواقعة أن الفحص الطبى للمقبلين على الزواج تحول تماما إلى ما يشبه الفحص الطبى من أجل قيادة سيارة.

لا يوجد أدنى إهتمام بهذه الفحوصات الطبية و كثير من ال "مأذونين" يأخذ على عاتقه مهمة توفير الشهادة الصحية المطلوبة بإسم القانون لإتمام إجراءات عقد القران و بطريقة عادية !!

فالحقيقة بالفعل ان مايحدث هو ذهاب العروسين الى احد المستشفيات لاستخراج الشهادة الصحية بمبلغ خمسون جنيها دون اجراء اى فحوص طبية لهما.......لا أعلم لماذا ولمصلحة من.....

اذن من الممكن ان يتم اجراء هذا الفحص الطبى عمليا بدلا من التحايل ......

النقطة الاخرى التى أريد الاشارة اليها...هى موضوع الشبكة........

الحقيقة كلما أنوى المشاركة فى هذا الموضوع اجدنى مترددة وأتراجع....لانى كنت أفكر بطريقة مختلفة تماما عن واقع تجربتى مع ابنتى....

واحترت هل أشارك بأفكارى..أم من خلال تجربتى...

سأترك العنان للكى بورد وأرى ما سوف اقوم بعرضه...

فى البداية ..وعند اول زيارة لقراءة الفاتحة..ومايقابلها عند الاخوة المسيحين....بيفضل الذهاب فى الموعد المحدد تماما.....مش قبله بأى حال...

أصبح عُرف الان ان يتم تقديم هدية بسيطة للعروسة.....خاتم..انسيال....اى شىء من هذا القبيل...

تقوم ام العريس بتقديم هذه الهدية الرمزية.....

بالاضافة طبعا للشوكولا..وممكن العريس يشيل فى ايده بوكيه ورد صغير كده لزوم الوجاهة..ولادخال البهجة الى نفس العروسة

الحديث طبعا يكون موجه لرب الاسرة...سواء هو من بيده السلطة او زوجته...ده برسيتيج يجب المحافظة عليه امام اهل العريس...

هناك بعض الأسُر تفضل ان يتم تقديم الشبكة مع قراءة الفاتحة وهنا حيكون فيه ترتيبات تانية...العريس مش مسئول عنها....لان من المعروف ان حفل الخطوبة بيكون مسئولية اهل العروسة....

وأيضا من المفضل اقامة مأدبة عشاء لاهل العريس كدليل على كرم الضيافة

اما بالنسبة للشبكة...ده بيتم الاتفاق عليه تبعا لظروف العريس واللى بتختلف من شخص لاخر.....كنت دائما اقول ان الشبكة دى هدية العريس لعروسه ولا دخل لنا بها...الا انى بمنتهى الصراحة وجدت نفسى اشترطت ان تكون شبكة ابنتى كذا ومن المكان الفلانى....ولكنى وبالرغم من تعنتى هذا الا انى أنصح كل الامهات بأن يترفقن بحال الشباب....

لا يوجد قاعدة أساسية لتحديد ثمن الشبكة...ده شىء بيرجع لامكانيات العريس وتقبل اهل العروسة....الاهم ان يكون الكلام واضح حتى لا يحدث ما اشار اليه محمد عنبوو من مناقشات وفصال حول ثمن الشبكة....

- الشبكة لا دخل لها بالمهر...ولكن هناك بعض الاسر تحدد مبلغ كذا للشبكة والمهر...وهم هنا بيلقوا بالكرة فى ملعب اهل العروسة...وهم أحرار بقى...يشتروا الشبكة بالمبلغ اللى عايزينه والباقى يعتبر مهر لابنتهم...او يشتروا حاجة بسيطة...او يلغوا بند الشبكة ده خالص....

الخطوة التالية لشراء الشبكة...

يتبع

[Scorpion]

النص إكليل ( أو الجبنيوت باللغة القبطية ) يا أختي العزيزة هو طقس كنسي أرثوزكسي خاص بإعلان الخطوبة ... تتم مراسمه في الكنيسة أو في منزل العروسة ...

أولآ بالنسبة للشبكة و طقوسها فأكذب لو قلت اني اعرف اي شيء عن هذا الحدث .. فغيابي عن مصر حرمني من الأشتراك في اي شيء له علاقة به .. و آخر ذكرياتي عن تلك الخطوة يرجع الي ايام مراهقتي .. اتذكر انه كان علي سطح منزل .. و في يدي علبة تحتوي سندوتشين و حتة جاتوه و ازازة ببس .... و ان كنت أعرف انه لا يوجد لا مهر في المسيحية ... و لا طبعآ مؤخر ( بحكم انه لا يوجد طلاق في المسيحية ) .. اما عن الشبكة و قيمتها .. و ما يدور حولها من "مفاوضات" فأعتقد انه لا يختلف كثيرآ عما يدور في اي بيت مصري ... و ان كنت أتمني بالفعل ان تضاف تلك التجربة بواسطة أحد الزملاء او الزميلات المسيحيين الموجودين في اسرة المحاورات ...

ثانيآ .. سأسمح لنفسي بأستغلال فرصة سؤالك هذا لكي اتكلم عن طقس الخطوبة نفسه لدي الأرثوزكس ... من باب المعرفة مثلما طلبتي ... و هو طلب أشكرك عليه بالفعل ....

1- يكتب محضر الخطبة الرسمى يدون فيه الاسم والسن والشبكة وموعد اتمام الزواج ثم يتم التوقيع عليه من الخطبيين والوكيلين والشهود ثم يعتمده الكاهن.

2- يأتى الشمامسة بالخطبيين فى زفة كنسية بلحن قبطي يدعي ابوؤره .... وتكون الخطيبة على يمين خطيبها الى حيث الكرسيين المعدين لذلك... سواء فى الكنيسة أو فى بيت والد العروس ... حسب المزمور القائل "جلست الملكة عن يمين الملك" (مز 45: 9)... وهذا هو وضعها الطبيعى لأن حواء خلقت من جنب آدم الأيمن.

3 . يبدأ الكاهن باعلان الخطوبة ذاكرآ اسم الخطيبين ... ثم يتلي ذلك بعض الصلوات الكنسية و التي تنتهي بصلاة الشكر ...

وتكون الالحان والمردات بالفرايحى.

بعد انتهاء صلاة الشكر يرتل الشمامسة أكيوس (آجيوس) وما يلائم هذه المناسبة من الألحان.

أثناء ذلك يكون تلبيس الدبلتين والشبكة للخطبيين.

وتكون كالاتى:

يسلم الكاهن دبلة الخطيبة للخطيب فتمد الخطيبة يدها اليمنى فيلبسها لها فى أصبعها البنصر الأيمن.

بعد ذلك يقول الكاهن طلبة مكونة من اربع قطع كل قطعة تنتهى بمرد آمين يقوله خورس الشمامسة.

1- فى القطعة الأولى: يطلب الكاهن من الله أن يفيض على الخطبيين برضاه وفضله وأن يبارك مشروع الزواج هذا ويكتب له التوفيق وحسن الختام.

2- فى القطعة الثانية: يطلب أن تكون هذه الخطبة طاهرة وشرعية ومقدمة لمصاهره فاخرة مرعية وأن يملأ قلب الخطبيين بالتهانى والحبور وأن يبلغهما نيل الأمانى بوافر السرور.

3- وفى القطعة الثالثة: يطلب الكاهن من الله أن يقرن هذه الخطبة بحسن القبول وأن يمنح الخطبيين حياة هنيئة أن يحفظهما ناهجين فى طاعة الله وأن يرتبطا بأصول الايمان والفضائل وأن يحفظهما مصونين من شوائب الخلاف والرزائل وأن يتمم لهما الفرح بحفل الاكليل المبارك.

4- وفى القطعة الرابعة: يطلب الكاهن من الله أن يحفظ رئاسة الكنيسة قداسة البابا وأسقف الايبارشية وأن يبارك الحاضرين فى هذا الاحتفال السعيد المبارك. يصلى الجميع الصلاة الربانية "أبانا الذى السموات" ثم قانون ختام الصلوات الاجتماعية بينما الكاهن يصلى البركة على راس الخطبيين بالصليب وهما خاضعين تحت يديه حتى يكمل صلاة البركة... فيقبل الخطيبان الصليب ويد الكاهن.

يقول الكاهن "بخرستوس بينوتى" وهو يرشم الشعب.

ويقول الجميع "آمين ايس ايشوبى".

يقول الكاهن: "يا ملك السلام أعطنا سلامك".....

وأجعلنا مستحقين أن نقول بشكر: "أبانا الذى السموات".... ثم يعطيهم بركة انتهاء الصلاة : "امضوا بسلام سلام الرب فليكن معكم".

يأخذ الشمامسة الخطبيين بزفة الى باب الكنيسة حيث يقفان ليتقبلا التهانى من الحاضرين.

وبس .....

أشكرك مرة تانية علي دعوتك الكريمة .. و في انتظار بقية نصائحك و نصائح جميع الزملاء و الزميلات ...

تحياتي

[Folana]

السلام عليكم ورحمة الله....

بأشكرك اخى العزيز سكوربيون على مداخلتك القيمة ...وبأشكرك على استجابة دعوتى...وبأشكرك جدا على الجو الجديد تماما اللى شعرت به وأنا أقرأ كلامك...

حقيقى كلها معلومات جديدة بالنسبة لى.....لكن تبادر سؤال الى ذهنى وأنا اقرأ...

معنى كده ان الخطوبة بتعتبر رباط مقدس عن الاخوة المسيحين؟..بمعنى هل لو مافيش نصيب يعنى زى مابنقول....الخطوبة دى لازم لها اجراءات محددة لانهائها؟...وهل للخطيبة حقوق مثلا لا بد ان تحصل عليها فى حال حدث خلاف وانتهى الارتباط؟

ولا ممكن تخلع الدبلة وخلاص زى عندنا؟...

مش عارفة الاخوة والاخوات المسيحيين فين؟...حد ينادى عليهم من فوق ياجماعة ... :blink: اتمنى يشاركونا بافكارهم فعلا...

........

أظن ان الاخوة والاخوات تحدثوا عن موضوع الشبكة خلاص....وقيمتها والاماكن اللى ممكن يشتروا منها....وذكرنا أن:

- الشبكة دى هدية العريس لعروسته ومش مفروض اهل العروسة يحددوا قيمتها....( ماعدا أنا وبنتى )

الشبكة تكون فى مقدرة العريس المادية...ولا يرهق نفسه بما لا يستطيع...ولاداعى لشرائها بالتقسيط ولا تأجيرها وده بيحصل احيانا

محلات الدهب منتشرة فى جميع المناطق...بداءا بالصاغة و ميدان الجامع وجميع الاحياء.....يعنى ممكن تشتروها من اى مكان ...بس بلاش يوم الاحد... tot:: yaw:

ممكن تبدأ من دبلتين وتنتهى نهاية تراجيدى بدفع مبلغ وقدره... :) لذا من المهم جدا تحديد القيمة مسبقا.......

وطبعا من الجمل الشهيرة جدا لتجنب اى تدبيسة من قبل اهل العروسة..."هو انا يعنى حأستخسر كام الف زيادة فى العروسة...ولا اللى بينى وبينها حيتحدد بثمن الشبكة...دى شكليات ياجماعة وهى تستاهل اكتر من كده ..بس احنا اتفقنا...يعنى يرضيكوا ما احترمش اتفاقى؟.)

اكتبوها الجملة دى ..حتنفعكوا... :)

يتبع

[ياسمينz]

حلو اوى انى ابتدى اول مشاركاتى فى المنتدى بالموضوع ده لان فعلا موضوع مهم جدا

بس انا استوقفت عند حكاية الكشف الطبى دى وهى فعلا حكاية مهمة وضرورية جدا واول مرة اصلا اعرف انها من ضمن الحاجات المطلوبة بالنسبة للماذون

بالنسبة بقه لحكاية الشبكة لانها من الحاجات اللى منغصة عليا عيشتى

عايز اسأل سؤال للشباب الحلوين وياريت فعلا يجابونى بصراحة

انتوا بتقدر تمن الشبكة ع اى اساس يعنى على حسب حبكم للبنت

ولا المبلغ اللى تقدروا عليه

ولا بتضربوا اقل رقم ومش بتهتموا اوى بحكاية الشبكة دى ولا ايه بالضبط

[عنبو]

Folana مشاركة بتاريخ اليوم, 08:22 PM

السلام عليكم ورحمة الله....

الشبكة دى هدية العريس لعروسته ومش مفروض اهل العروسة يحددوا قيمتها....( ماعدا أنا وبنتى )

ههههههههههههههههههههههههههه

ليييييييييييييييييييييييه

مهو لو الكل فكر بنفس الطريقه يبقى خلاص الكل هيحدد قيمه معينه ولن يتنازل عنها

[Folana]

Folana مشاركة بتاريخ اليوم, 08:22 PM

السلام عليكم ورحمة الله....

الشبكة دى هدية العريس لعروسته ومش مفروض اهل العروسة يحددوا قيمتها....( ماعدا أنا وبنتى )

ههههههههههههههههههههههههههه

ليييييييييييييييييييييييه

مهو لو الكل فكر بنفس الطريقه يبقى خلاص الكل هيحدد قيمه معينه ولن يتنازل عنها

السلام عليكم ورحمة الله....

والله ياعنبوو عندك حق....بس تقدر تقول ان دى كانت افكارى قبل خطوبة البنية...لكن بعدها تحولت الى وحش كاسر ....

مش للقيمة المادية للشبكة ...ولكن ممكن تقول لقيمة بنتى فى حياتى...او لتطفيش العريس ...:lol:

هم بيقرأوا طبعا اللى باكتبه.)...انا باهزر يا خطيب بنتى ... :lol: )

[Scorpion]

طب ايه رأيك انها ما بتهزرش يا خطيب بنتها ....

:lol:

[SoSo R]

الله..الموضوع دة جميل أوى..

كان مستخبى فين؟؟!

مستر سكوب..

بحييك على التفاصيل الدقيقة للخطوبة..

انت عيشتنى الأجواء رغم إنى ماعملتش خطوبة أصلا :lol:

المهم مين كان بينادى :lol:

مدام فولانة...أيوة يا فندم تحت أمرك

فعلا فسخ الخطوبة بيحتاج إن الخطيبين يروحوا للقسيس..وبيعملوا حاجة إسمها فسخ عقد وبيوقعوا هما الأتنين...

وبيكون فى إتفاق بالنسبة للهدايا والشبكة مين اللى هياخدهم..

يعنى اللى هيطلب فسخ الخطوبة هو اللى هيتنازل عن الحاجات للطرف الآخر..

وممكن يكون حسب الأتفاق بين العيلتين..

وعشان الموضوع معقد شوية بتاع فسخ الخطوبة..

بيحصل الآتى..

لما بيتفق الطرفين على الأرتباط بيعملوا تلبيس دبل وهو حفل عائلى على الضيق جدا ويجيبوا دبلتين ومحبس...وبيلبوسهم وسط العيلة فى إحتفال صغير...وممكن يكون القسيس موجود كنوع من البركة ويرشم عليهم الصليب..أو يلبسوا الدبل فى الكنيسة بعد القداس

ولما يتأكدوا من رغبتهم فى اكمال الأرتباط...

يعملوا الخطوبة ويجيبوا الشبكة بالمراسم اللى حكاها أستاذ سكوب

تحياتى