تيجوا نتعلم شوية انجلش

[عبير يونس]

اخواني اخواتي

اللي بيفكروا يهاجروا

و اللي بيعافروا مع المعلم "ايلتس"

و اللي نفسهم يقووا اللغة و معندهمش وقت ياخدوا كورسات

ايه رأيكم مع بعض كده نحاول

نحاول نفك عقدة الانجليزي مع بعض

:amb:

يعني في التوبيك ده نحاول

نقوي اللغة و نعرض لينكات لمواقع

تعليم و كده يعني

و برضه مفيش مانع نشرح شوية جرامر كده على الماشي

و حبذا بقى لو دخلنا في المحادثة

و الكتابة

و كده يعني

قولتوا ايه

نبدأ على بركة الله؟؟؟

[OReX]

السلام عليكم

انا لسا مدخلتش للاسد الكبير الالتس بس عديت على الشبل الصغير التوفل

افضل الكورسات على النت من وجهه نظرى المتواضعة طبعا هوا كورس English For You

بجد والله رائع بمعنى الكلمة مش نظام كتاب وملفات اوديو وخلاص لا خالص مشروح فيديو لناس فى كورس عادى واللى بيدرس طبعا مدرس اجنبى

علشان ما ارغيش كتير اسيبكوا مع اول فيديو

CD 1

/?3dlygkd1dtg

/?1de9dfdkycm

/?3idmf9ddcn3

الكورس كامل حجمة كبير يعنى 17 جيجا بس والله يستاهل الوقت بتاع التحميل وبيبدأ من المستوى البسيط جدا ومش هتلاقى مكان بيديى كورسات بالمستوى دا الا طبعا بمبلغ وقدرة

انا مش ببيعة والله :winner: بس فعلا عاجبنى جدا

المهم يبقى ناقص المحادثة والاستماع

الاستماع حلة بسيط جدا واحنا قاعدين فاضيين كدا فى برنامج Windows Media Player اللى بيجي مجانى مع الوندوز هنعملة بس ابديت لو كان البرنامج قديم وهتلاقوا انه بيقدم خدمة جميلة جدا وهيا الاستماع لمحطات راديو كتير جدا اللى هنركز عليها هتلاقوا تصنيفها Talk

احسنهم من وجهه نظرى هيا برامجها روعة hay house radio دى البرامج اللى سمعتها يعنى لو كانت بتزيع حاجة كدا ولا كدا معرفش والله بس مظنش لان كل البرامج اللى مسعتها ما توحيش بكدا

المهم دا الويب سايت بتاعهم للى يحب يشغلة على طول

http://www.hayhouseradio.com/nowplaying.php

المحادثة بقى بصراحة مش عرفلها حل عادى زى اللى قلت عليهم دول

ياريت اللى يعرف حل كويس يقول عليه اه بالمناسبة فى كورسات برضة للمحادثة على النت بس مش عارف مش واثق فيها

دمتم بكل خير

تم تعديل 28 أكتوبر 2009 بواسطة OReX

[Rock]

انا كيبيكاوي يابوي علي حق ,كيبيكاوى و اقول الحق :winner:

انا هنا بجد بسجل اعجابي

مجهزد موفق انشاءاللة يا اخت مصرية متغربة

[عبير يونس]

السلام عليكم

انا لسا مدخلتش للاسد الكبير الالتس بس عديت على الشبل الصغير التوفل

افضل الكورسات على النت من وجهه نظرى المتواضعة طبعا هوا كورس English For You

بجد والله رائع بمعنى الكلمة مش نظام كتاب وملفات اوديو وخلاص لا خالص مشروح فيديو لناس فى كورس عادى واللى بيدرس طبعا مدرس اجنبى

الكورس كامل حجمة كبير يعنى 17 جيجا بس والله يستاهل الوقت بتاع التحميل وبيبدأ من المستوى البسيط جدا ومش هتلاقى مكان بيديى كورسات بالمستوى دا الا طبعا بمبلغ وقدرة

انا مش ببيعة والله :D بس فعلا عاجبنى جدا

المهم يبقى ناقص المحادثة والاستماع

الاستماع حلة بسيط جدا واحنا قاعدين فاضيين كدا فى برنامج Windows Media Player اللى بيجي مجانى مع الوندوز هنعملة بس ابديت لو كان البرنامج قديم وهتلاقوا انه بيقدم خدمة جميلة جدا وهيا الاستماع لمحطات راديو كتير جدا اللى هنركز عليها هتلاقوا تصنيفها Talk

احسنهم من وجهه نظرى هيا برامجها روعة hay house radio دى البرامج اللى سمعتها يعنى لو كانت بتزيع حاجة كدا ولا كدا معرفش والله بس مظنش لان كل البرامج اللى مسعتها ما توحيش بكدا

المهم دا الويب سايت بتاعهم للى يحب يشغلة على طول

http://www.hayhouseradio.com/nowplaying.php

المحادثة بقى بصراحة مش عرفلها حل عادى زى اللى قلت عليهم دول

ياريت اللى يعرف حل كويس يقول عليه اه بالمناسبة فى كورسات برضة للمحادثة على النت بس مش عارف مش واثق فيها

دمتم بكل خير

هو ده الشغل

ايوة كده عايزين الحماس الجميل ده

ربنا يكرمك يا فندم على اللينكات الحلوة

و بالنسبة للمحادثة ما تقلقش

ان شاء الله حنقول أسرارها

في التوبيك ده ان شاء الله بس انتوا همتكم معانا

[عبير يونس]

انا كيبيكاوي يابوي علي حق ,كيبيكاوى و اقول الحق :D

انا هنا بجد بسجل اعجابي

مجهزد موفق انشاءاللة يا اخت مصرية متغربة

شكرا يا فندم على التشجيع

و أهلا بأهل كيبيك معانا

تشرفنا بزيارة حضرتك للتوبيك و يشرفنا متابعة حضرتك

:D

[عبير يونس]

رجاء للإدارة الموقرة

نقل التوبيك ده لباب التعليم والعمل

عشان التوبيك ده مش بس للهجرة

دي انجلش فور ايفري ون

English For Everyone

عشان كل أعضاء المنتدى الكرام يشاركوا معانا

سواء المهاجرين أو اللي لسه بيشاوروا عقلهم أو المستقرين و مبسوطين في المحروسة

تحياتي

:D

[terminator]

سؤال يا جماعة ....

ازاى أقدر اعمل practice لل speaking ?

أنا قاعد فى مصر المحروسة ومفيش وقت آخد كورسات ولا أعرف حد مهتم بموضوع الأنجليزى من اصله ..

أعمل ايه ؟؟؟

[عبير يونس]

سؤال يا جماعة ....

ازاى أقدر اعمل practice لل speaking ?

أنا قاعد فى مصر المحروسة ومفيش وقت آخد كورسات ولا أعرف حد مهتم بموضوع الأنجليزى من اصله ..

أعمل ايه ؟؟؟

قبل ما أقولك على تمارين للتحدث

لازم تسمع كتييييييييييييييير و على قد ما تقدر

عندك إذاعة البي بي سي

أو فويس أوف أميركا

و عندك قنوات بي بي سي

و سي ان ان

في التلفزيون

اسمع أغاني انجلش

و تقدر تجيب كلماتها من جوجل

ببساطة تكتب اسم الأغنية و جنبها

lyrics

حتلاق كذا موقع فيه الكلمات

ده حيساعدك كتير انك تسمع و تعرف اللي بيتقال

بس حاول قبل ما تحصل على الكلمات انك تفسر اللي بيقولوه قبل ما تشوفها مكتوبة

و بعدين حتعرف كنت صح كام في المية

كل مرة حتتحسن أكتر من اللي قبلها

;)

بالنسبة لتمارين التحدث

في تمرين حلو و سريع

ان حضرتك تجيب جهاز تسجيل و تقعد في غرفة لوحدك و تقعد تتكلم أي كلام انجليزي يجي في بالك و تسجله

و تسمع نفسك

و تكرر التمرين كتير

ياريت بشكل يومي

ده حيفيد حضرتك في كسر حاجز الخجل و الخوف من التحدث

لأن الموضوع عايز جرأة

و بعدين تيجي المرحلة التانية

حاول تكلم استعلامات أي مكان أجنبي في التيلفون تستسفر عن أي حاجة

المركز البريطاني مثلا

أو الجامعة الأمريكية

أي مكان فيه موظفين اجانب أو بيتكلموا انجليزي

ومفيش مانع تكون محضر الكلام اللي حتقوله و تحاول تحفظه

عشان يديك شوية ثقة

المرحلة التالتة بقى

تروح الأماكن دي و تتكلم وجه لوجه و بالانجليزي

أهم حاجة في الموضوع

ما تنكسفش أنك تغلط

أو حتى تنطق غلط

و اوعى تخاف حد يسخر منك

و ده لو حصل فاللي بيعمل كده ليس الا انسان فاشل

فلا تهتم بأمثال هؤلاء و لا تحط لهم أي أهمية

لو عملت المراحل دي بالترتيب

حتكسر الحاجز

و حتتجرأ على الكلام

و دي أهم حاجة في الموضوع

بعد ما تحتك بناس بالانجليزي حتكتسب تراكيب لغوية جديدة و مفردات جديدة

و حتصلح حاجات كنت بتغلط فيها

و كده خلاص تبقى عديت

تحياتي

:smart:

[عبير يونس]

حنبتدي مع بعض من الأول

و لازم قبل ما أي حد يفكر يتعلم لغة

أنه يسأل نفسه هو ليه بيتعلمها

في أسباب طبعا

هل عشان الدراسة؟

عشان بيسافر برة و عايز يعرف يتكلم؟

عشان الوظيفة؟

عشان المتعة ؟

عشان الهجرة؟

لأن إجابة كل سؤال حتوجهنا صح

يعني اللي عايز لغة يتكلم بيها

مش لازم يقوي القراءة و الكتابة

مش بقول ما يعرفهمش

بس ما يبذلش فيهم المجهود الأكبر

يعني يبقى عنده فكرة

و يخللي الجهد في تقوية

الاستماع و التحدث

عشان هو ده هدفه

و اللي عايزها عشان الدراسة

يبقى العكس

ياخد فكرة عن الاستماع و التحدث

و يبذل مجهود في تقوية مهارات القراءة و الكتابة

و اللي عايزها عشان الوظيفة

يقوي مهارات الاتصال

اللي هي التحدث و الكتابة

و طبعا ياخد فكرة عن الاستماع و القراءة

بس حيركز في التحدث و الكتابة

بشكل عام

و في مجال وظيفته بشكل مكثف

و اللي عايزها عشان المتعة و الترفيه

حياخدها من مصادر الترفيه اللي هي الميديا

من أفلام و مسلسلات و أغاني و مجلات

و طبعا عشان الهجرة حيشمل كل حاجة

لأن حياته الجديدة كلها حتبقى باللغة دي

بس يعطي أولويات

يعني الدراسة للمعادلة

أو العمل على طول

و هكذا

يعني نتفق كده على ضرورة تحديد الهدف

منعا لتشتت الجهود

و للحديث بقية...

[pink rose]

انا عاوزة اتعلم المهارات الاربعة لنفسي اولا ثانيا عشان مريم مستقبلا لما تدخل للجد في المدرسة

[عبير يونس]

انا عاوزة اتعلم المهارات الاربعة لنفسي اولا ثانيا عشان مريم مستقبلا لما تدخل للجد في المدرسة

و ده برضه هدف مهم

نتعلم عشان نقدر نساعد ولادنا في دراستهم

بس أكيد حينحصر في المواد الدراسية اللي حتدرسها

أكيد حيلزمك نطق سليم

و حيلزمك مهارة قراءة و كتابة

عشان تقدري تفهمي الدروس و تعيدي شرحها

و عشان تعرفي تشرحيلها تكتب ازاي

مواضيع تعبير و خلافه

[otaka]

انا شخصيا بنصح بقراءه الجرائد فى المكان المهاجر اليه

اولا الكلمات المستخدمه مفيده فى مناقشه اى موضوع متعلق بالمكان ثانيا معرفه عامه بطبيعه الحياه فى ذلك المكان

[عبير يونس]

انا شخصيا بنصح بقراءه الجرائد فى المكان المهاجر اليه

اولا الكلمات المستخدمه مفيده فى مناقشه اى موضوع متعلق بالمكان ثانيا معرفه عامه بطبيعه الحياه فى ذلك المكان

اقتراح ممتاز

فالإعلام المرئي و المسموع و المكتوب يقوم بإبراز النواحي الثقافية في البلاد المختلفة

و الثقافة توأم اللغة

حأبقى أشرح الموضوع ده بالتفصيل لاحقا

[Simba]

هو واحد من أقوى المواقع على الإنترنت لتمنية مهارات اللغة الإنجليزية بشكل علمي ومسلي في نفس الوقت، وهو يصلح لكل المستويات من المستوى المبتدئ وحتى المستويات المتقدمة. ينقسم الموقع إلى 6 أقسام:

-قسم لتعلم اللغة عن طريق الصوت أو الفيديو (وسائط متعددة) وهو عبارة عن تسجيلات وفيديوهات يمكن الإستماع إليها ومشاهدتها على موقع يوتيوب وكل منها يتحدث عن موقف معين من مواقف الحياة.

-القسم الثاني يقدم مواضيع متخصصة في اللغة الإنجليزية مثل كتابة الخطابات الرسمية والنشرات الصحفية والملصقات الدعائية بإسلوب محترف.

-أما القسم الثالث فيعرفك بأهم الإختبارات العالمية التي قد تواجهك كدارس للغة الإنجليزية –مثل الأيلتس والتويفل- ويساعدك على اجتيازها عن طريق تقديم نماذج لها مع الحلول وشرح للإختبار.

-يختص القسم الرابع بالقراءة بإعتبارها أحد الأشياء التي تنمي المهارات الأساسية في تعلم أي لغة فيقدم لك مواضيع مختلفة للقراءة ويظلل على الكلمات الهامة في القطعة.

-القسم الرابع هو القسم الأكثر امتاعاً في الموقع، لأنه قسم الألعاب وهو يتضمن العاباً تناسب كل المستويات، سواء للصغار أو للكبار، للمبتدئين أو للمتقدمين في اللغة وهي تعلّم كلمات جديدة وقواعد اللغة.

-القسم السادس والأخير هو بعنوان "اسأل البروفيسور" وفيه يمكنك توجيه أي سؤال للموقع على أن يقوم المختصين بالرد عليه.

www.english-online.org.uk

على هذا الرابط ستتعلم اللغة عن طريق مشاهدة فيديوهات على موقع يوتيوب حيث ستجد مقاطع معدة خصيصاً للتعليم، بعضها يعرض مواقف حياتية وبعضها يحكي قصصاً أو مواقف كوميدية. الجميل أنك ستجد تحت كل محادثة الكلمات والمصطلحات الصعبة التي تعتبر خلاصة الدرس حيث يمكنك حفظها و استذكارها أو ترجمتها فيما بعد.

www.manythings.org/b/e

الموضوع منقول من مدونة

تم تعديل 30 أكتوبر 2009 بواسطة سمبا

[عبير يونس]

هو واحد من أقوى المواقع على الإنترنت لتمنية مهارات اللغة الإنجليزية بشكل علمي ومسلي في نفس الوقت، وهو يصلح لكل المستويات من المستوى المبتدئ وحتى المستويات المتقدمة. ينقسم الموقع إلى 6 أقسام:

-قسم لتعلم اللغة عن طريق الصوت أو الفيديو (وسائط متعددة) وهو عبارة عن تسجيلات وفيديوهات يمكن الإستماع إليها ومشاهدتها على موقع يوتيوب وكل منها يتحدث عن موقف معين من مواقف الحياة.

-القسم الثاني يقدم مواضيع متخصصة في اللغة الإنجليزية مثل كتابة الخطابات الرسمية والنشرات الصحفية والملصقات الدعائية بإسلوب محترف.

-أما القسم الثالث فيعرفك بأهم الإختبارات العالمية التي قد تواجهك كدارس للغة الإنجليزية –مثل الأيلتس والتويفل- ويساعدك على اجتيازها عن طريق تقديم نماذج لها مع الحلول وشرح للإختبار.

-يختص القسم الرابع بالقراءة بإعتبارها أحد الأشياء التي تنمي المهارات الأساسية في تعلم أي لغة فيقدم لك مواضيع مختلفة للقراءة ويظلل على الكلمات الهامة في القطعة.

-القسم الرابع هو القسم الأكثر امتاعاً في الموقع، لأنه قسم الألعاب وهو يتضمن العاباً تناسب كل المستويات، سواء للصغار أو للكبار، للمبتدئين أو للمتقدمين في اللغة وهي تعلّم كلمات جديدة وقواعد اللغة.

-القسم السادس والأخير هو بعنوان "اسأل البروفيسور" وفيه يمكنك توجيه أي سؤال للموقع على أن يقوم المختصين بالرد عليه.

www.english-online.org.uk

على هذا الرابط ستتعلم اللغة عن طريق مشاهدة فيديوهات على موقع يوتيوب حيث ستجد مقاطع معدة خصيصاً للتعليم، بعضها يعرض مواقف حياتية وبعضها يحكي قصصاً أو مواقف كوميدية. الجميل أنك ستجد تحت كل محادثة الكلمات والمصطلحات الصعبة التي تعتبر خلاصة الدرس حيث يمكنك حفظها و استذكارها أو ترجمتها فيما بعد.

www.manythings.org/b/e

الموضوع منقول من مدونة

ha)

هو ده الشغل

شكرا جزيلا لحضرتك على الروح الحلوة دي لمساعدة الناس

و أرجو ألا تبخل علينا بمشاركاتك

تحياتي

:sad:

[Simba]

شكرا مصرية متغربة والغربة مش مرة اسأليني أنا :sad:

انا لقيت موضوع جميل جدا في المحاورات اسمه يايلا نغني في اغاني اجنبية كتير شايف انها ممكن تساعد علي تحسين اللغة وسمحت لنفسي انقل الاغنية دي لسهولة كلماتها

Time, it needs time

To win back your love again

I will be there, I will be there

Love, only love

Can bring back your love someday

I will be there, I will be there

I'll fight, babe, I'll fight

To win back your love again

I will be there, I will be there

Love, only love

Can break down the wall someday

I will be there, I will be there

If we'd go again

All the way from the start

I would try to change

The things that killed our love

Your pride has built a wall, so strong

That I can't get through

Is there really no chance

To start once again

I'm loving you

Try, baby try

To trust in my love again

I will be there, I will be there

Love, our love

Just shouldn't be thrown away

I will be there, I will be there

If we'd go again

All the way from the start

I would try to change

The things that killed our love

Your pride has built a wall, so strong

That I can't get through

Is there really no chance

To start once again

If we'd go again

All the way from the start

I would try to change

The things that killed our love

Yes, I've hurt your pride, and I know

What you've been through

You should give me a chance

This can't be the end

I'm still loving you

I'm still loving you, I need your love

I'm still loving you

اما الموضوع فمن هنا

http://www.egyptiantalks.org/invb/?showtopic=16230

[ناردين مكرم]

انا مهاجر كندا وعايز كورسات انجليزى واطلب المساعدة من اعضاء المنتد ى وشكرا

[عنبو]

انا عاوز اظبط لغتى علشان الشغل لانى تقريباً مافيش حد بيتكلم عربى حتى لو عربى ؟؟

يعنى لما بنبقى فى اجتماع تلاقى الكل قلب انجليزى

هو انا الحمد لله معقول بس عاوز ابقى زى الوحوش الى معايا انا عندى المدير بتاعى لما برفع له تقرير لازم اقعد اراجعه كذا مره لانه خطير فى الانجليزى وكده كده لازم يطلع فيه خطأ جرامر بس اهو الواحد بيتعلم

انا شخصياً بتفرج على الافلام الاجنبى وبجد بتفيد جداً هو الواحد مهارة الاستماع بتزيد عنده بدون لما يشعر اه والله

على العموم انا معاكم

[pink rose]

اختي كانت بتاخد كورس محادثة في الامريكان سنتر

كانوا بيدوها اغنية معينة مثلا و معاها ورقة فيها كلمات الاغنية بس فيها فراغات

هي تسمع الاغنية و تملى الفراغات دي

دا كان ال home work

طب ما احنا ممكن نعمل كده كمان

ايه رأيكم

كل واحد فينا يجيب اغنية و يكون معاها كلماتها و يشيل بعض الكلمات و الباقي يحل الكلمات الناقصة

فكروا كده و انا هادعبس على اغاني تكون mp3 و احاول احطها هنا

لاننا لو جيبنا اغاني من ال youtube هايبقى homework مسخرة خصوصا لو الاغنية لماريا كاري مثلا :sad: wst::

[se_ Elsyed]

طول عمري كنت بأحب الانجليزي لله في لله

لكن طريقة التعليم في مصر للأسف بتخليك تتكلم انجليزي بالطريفة الفيومية

يكفي إنك تلاقي واحد مدرس يقول لك

يتكون فيرب تو بي من .....

يا عم الرحمه بينا

يا عم حصة أنجليزي يبقى أتكلم بالأنجليزي فقط ومش شرط تكلكع الدنيا عشان الناس تفهم .. كلن عيشهم في الجو ...

المهم

خلصت ثانوي ودخلت عالجامعه ... كلية التجارة أبيض يا ورد لا انجليزي ولا بطاطس وكويس اني خرجت منها وانا عايش وبأتنفس

المهم اخر يوم في الجامعه ألتحقت بالجامعه الامريكية أقوي نفسي اكتر ... وفي امتحان تحديد المستوى على ما أتذكر الان كانوا 21 مستوى .. انا دخلت على طول عالمستوى الـ 16 ..

وكان عندنا دكتور الله يبارك له إسمه علي ... وكان شاب صغير لكن قمه

أول حاجه علمها لنا إننا إزاي نبقى في الكلاس نفكر ونتكلم بالأنجليزي .. ولما حد يقف على راسه برضوا لازم يتكلم انجليزي

اخدت كام كورس عندهم وجيت السعوديه

لقيت الدنيا مختلفه

يعني اللي تتعلمه في اكاديمية لمدة 5 سنين ....

ممكن تتعلمه في شهر واحد بالمحادثة والاحتكاك في جو كله بيتكلم أنجليزي

ودي حقيقة

فبالرغم من الحصيلة الكبيرة الكلامية " الوفكابرالي " اللي عندي الا إني كنت عامل زي اللي لسانه مشلول ... وحاسس إني لو إتكلمت هاغلط وهايضحكوا عليه

روحت زي أبو العريف باعت جايب شوية كتب من مصر عن كيف تتحدث اللغة الانجليزية ..

قريت فيها شويه حسيت إني عبيط

حاجه كده من عينه

سأقتلك أيها الوغد

إن الأسوء لم ياتي بعد

حسيت إني زي بالظبط دلوقت " عوكل " ... لما كان بيوقل نأخذ من كل رجل قبيلة

الناس الحلوه بتوع معشر قريش اللي بيتكلموا كلام مجعلص

لدرجة لسه فاكر والله الموقف ده

واحد موظف باكستاني دخل مكتبي في مره لقاني ماسك الكتاب وعمال أسمع لنفسي الكلام بتاع معشر قريش ده

فسألني : بتعمل ايه ؟

فقلت له : باقوي نفسي في الانجليزي

فقال لي واللي انت بتذاكره او بتقوله ده انجليزي ؟

من ساعتها بقى

بقى عندي شجاعه في التحدث

خصوصاً لما شوفت وسمعت ناس والله تقفيل أمريكي بيتكلموا ويقول لك

he have

يا نهار مش فايت !!!!

إذاً عُك يا معلم بس اهم حاجه توصل المعنى

وأصبح عندي استعداد ان الكلمة الجديدة اللي تتقال قدامي أحفظها

وعلى قدر الامكان بأبعد عن المصطلحات المستهجنه أو الغير مستخدمه

أصل الأنجليزي برضوا زي العربي

يعني ما بأشوفش حد عربي بيقول " تباً لك أيها الوغد الرعديد " مثلاً يعني

ولو قال كده كلنا هانضحك عليه

بإختصار

الممارسة

الممارسة الممارسة

والممارسة الصحيحة

يعني العيال الهنود بيبهلدوني ويعوجوا لساني وباحس إني بأتكلم أوردو مش انجليزي

اما لما أتعامل مع أمريكان أو انجليز أو الانجليزي بتاع بلده ... بأشعر تلقائياً إني مختلف مختلف مختلف

وفقكم الله جميعاً إلى ما يحبه ويرضى

أخوكم سي السيد الشهير بسيد الأسترليني