تيجوا نتعلم شوية انجلش

[عبير يونس]

[color="#0000FF"]موضوع جميل يا مصرية مغتربة

انتى ديما سباقة بالافكار النيرة gra:-

بس بيني و بينك انا بكره الانجليزي موووووووت و حاسة اني عمرى ما هنجز في اللغة دي jmb-)

بس اهو للضرورة احكام، و كل شئ في بلدنا بقى ماشي بالانجليزي اكتر من العربي

انا حاليا بأخذ كورسات في الانجليزي و بقرأ كتب كمان علشان امارس اللغة

الحمدلله بفهم لما حد بيكلمنى و بفهم معظم الكلمات في مقالات الجرائد و الكتب. :

بس لساني لسة تقيل bnd5::

كان لي سوال ارجوا من اصدقاء الامنتدى الاجابة عليه

هل الصفة تتبع الموصوف في الانجليزي زي العربي كدة و الفرنساوي؟

و الضمير you ازاي اقدر افرق ان المقصود منه انت او انتم؟

و ايه نصائحكم علشان احسن التعبير ال writting?

و كمان علشان اكلم؟ بصراحة انا بكسف و لساني بيتعقد لما اجي اكلم :waf:

برينسيس يا قمر

أهلا بيكي في بيتك و مطرحك

شرفتينا يا فندم

اوعي اسمعك تقولي مش هانجز دي تاني مرة

امال احنا بنعمل ايه يا فندم

احب اطمنك ان الانجلش الحديث ( ما بعد شكسبير)

70% من مفرداته لاتنيية

يعني في حاجات كتير واخدينها من الفرنش

لأن فرنسا طبعا احتلت انجلترا يجي 200سنة كده

فمش حتتعبي يافندم

صدقيني الجرامر سهل جدا

و الاستركشر structure

سهل جدا

خليكي معانا و ان شاء الله حتشوفي الفرق

:)

بالنسبة لسؤالك عن الصفة

فهي لا تتبع الموصوف بتاتا في الانجلش

لا تتغير لا بمفرد و لا جمع

و هي أحادية الجنس تنفع مذكر و مؤنث

لكن في صفات للمذكر و صفات للمؤنث بنختارها حسب المعني

يعني مثلا

الست بنقول عليها

beautiful

أصلها

beau

ما مودموازيل

;)

لكن الرجل بنقول عليه

handsome

أما بالنسبة ل ضمير you

نعرف انه انت أو انتم من اللي بعده اذا كان مفرد والا جمع

يعني

للمفرد

you are a teacher.

و للجمع

you are teachers.

أما التعبير

writing

ما تستعجليش على رزقك يا جميل

حنقول كل أسراره ان شاء الله و حنعمل تدريبات

Just be patient my dear!

جست بي بيشنت ماي ديير

خليكي بس صبورة يا عزيزتي

[emano]

والله يامصريه متغربه الفاس وقعه فى الراس

والواحد بقى عامل زى الى غرقان بس مش فى شبر لا ده فى طشط

وصلت الى الاراضى الكنديه وعامله زى الصعيدى فى الجامعه الامريكيه

بفهم الناس الى حد كبير بتقول ايه بس ارد

عينك بقى متشوف الا النور مع ان الناس هنا عندها صبر غريب ويقعدو يشورورى استمرى حولى احنا حنفهمك

بس الكلمات مببقاش قادره اجبها

يعنى الواحد مش عايز يفقد الامل لان ده مش يوم والتانى ونرجع لا

فعلشان كده انا معاكم ويانا يالانجليزى

بس الاغنيه ده الواحد مش عارف يحدد الكلمات قوى

على العموم انا ححاول تانى لما الاولاد ينامو اكتب

اى حاجه افهمها بس بقلك من دلوقتى اناZEROماشى الكلام

مش معقوله ياريمو انت والمحشى بتاعك ده

رائحه الاكل هنا بتلزق بطريقه غريبه فى الهدوم

يعنى فعلا بتبقى عايزه تطبخى اكل خفيف حالص علشان الرائحه

معلش يامس مش حخرج تانى عن موضوع الحصه

[عبير يونس]

والله يامصريه متغربه الفاس وقعه فى الراس

والواحد بقى عامل زى الى غرقان بس مش فى شبر لا ده فى طشط

وصلت الى الاراضى الكنديه وعامله زى الصعيدى فى الجامعه الامريكيه

بفهم الناس الى حد كبير بتقول ايه بس ارد

عينك بقى متشوف الا النور مع ان الناس هنا عندها صبر غريب ويقعدو يشورورى استمرى حولى احنا حنفهمك

بس الكلمات مببقاش قادره اجبها

يعنى الواحد مش عايز يفقد الامل لان ده مش يوم والتانى ونرجع لا

فعلشان كده انا معاكم ويانا يالانجليزى

بس الاغنيه ده الواحد مش عارف يحدد الكلمات قوى

على العموم انا ححاول تانى لما الاولاد ينامو اكتب

اى حاجه افهمها بس بقلك من دلوقتى اناZEROماشى الكلام

مش معقوله ياريمو انت والمحشى بتاعك ده

رائحه الاكل هنا بتلزق بطريقه غريبه فى الهدوم

يعنى فعلا بتبقى عايزه تطبخى اكل خفيف حالص علشان الرائحه

معلش يامس مش حخرج تانى عن موضوع الحصه

أهلا يا جميل

أولا الحمد لله على السلامة

و ان شاء الله ربنا يسعد أيامك في كندا يارب

ثانيا أهلا و سهلا بحضرتك معانا

و ان شاء الله تستفيدي و تبقي مية مية

بصي بقى حضرتك ما شاء الله عندك فرصة عظيمة بوجودك في بيئة انجليزية

يعني كل اللي حواليكي انجلش في انجلش

سواء مقروء أو مسموع أو مرئي

و كون حضرتك بتفهمي اللي بيتقال يبقى مانتيش zero

يافندم

بيتهيألك

حضرتك كده معاكي مهارة الفهم عن طريق الاستماع الا شوية

يعني ايه؟

يعني كونك بتشوفي اللي بيكلمك ده بيساعدك على الفهم من تعبيرات وشه و من حركات جسمه اللي بيسموها

Gestures

تمام؟

مهارة الاستماع

Listening

عشان تبقى كاملة لازم تفهمي من الراديو

أو من التيلفون

يعني صوت بس

و ممكن تسمعي الاذاعة باستمرار طول ما انتي في المطبخ مثلا

أو حتى وانتي نايمة

تعرفي انه أحسن حاجة ان الراديو يكون شغال و انتي نايمة؟؟

لأنه بيخش ع العقل الباطن على طول من غير تدخل العقل الواعي

جربي و حتدعيلي

:blush2:

بعدين نيجي للقراءة يا فندم

و حأنصحك تبدأي بالجرائد اليومية و المجلات

و ياريت تحاولي تقرأي حاجة تهمك عشان تبقى حافز ليكي تكملي قراءة

يعني لو غاوية مطبخ اقرأي طبق اليوم مثلا

لو غاوية موضة أو رياضة أو سياسة... وهكذا

لأنه أكيد عندك خلفية عن الحاجات اللي بتحبيها و ده حيساعدك تخمني معناها و انتي بتقرأيها بالانجلش

لأن أساس المعلومات موجود عندك بالفعل

لو قويتي المهارتين دول الاستماع والقراءة

Lestining & Reading

و عملت أساس قوي للغة

و المهارتين دول بيسموهم المهارات السلبية

Negative Skills

لأنهم بيفيدوكي انتي بس للفهم

لكن متقدريش تتواصلي مع حد

و عشان التواصل

لازم من مهارات الاتصال أو بيسموها المهارات الايجابية

Positive Skills

Speaking & Writing

التحدث و الكتابة

و على فكرة همة زي بعض

يعني اللي حتقوليه حتكتبيه

بس الفرق ان التحدث يلزمه نطق سليم و ده بيجي من كثرة الاستماع

و الكتابة يلزمها املاء سليم و ده بيجي من كثرة القراءة

خلينا بس في الفهم الأول

و مع الوقت والتشجيع حتقدري بإذن الله تتواصلي بالانجلش

و على فكرة و جودك مع أصحاب اللغة حيسرع كتير من العملية ان شاء الله

و للحديث بقية....

تم تعديل 1 نوفمبر 2009 بواسطة مصرية متغربة

[عنبو]

انزلوا بقى ياجماعه بالروابط واللى عنده سؤال يقوله خلينا نستفيد

الاخت مصريه مغتربه فين الشرح المفروض تعملى كل يوم حصه بس عاوزين حاجه للمحترفين

الاخ اوريكس فين ياعم بقيت الروابط انا نزلت الدرس الاول ممتاز بجد يااااااريت تكمل علشان خلاص الناس خلصوا اول صفه فى المحشى اوهوت

على فكره فيه محلات بتبيع محشى فى السعوديه بس انا المحشى ده بالزات استحاله اكله الا عند ناس انا عارفهم تمام لكن غير كده نووووووووووووووووووووووووووووووو بس لو انت مدمن محشى ممكن تيجى على نفسك وتروح المحالات دى ولو فى جده اكيد تعرف المطعم المصرى هتحس انك فى البيت وهتختار الاكل الى انت عاوزه

[عبير يونس]

أحلى محشي لأحلى طلبة انجلش

بس مش حياكلها الا يقول يعني ايه محشي بالانجلش

:blush2:

[عنبو]

أحلى محشي لأحلى طلبة انجلش

بس مش حياكلها الا يقول يعني ايه محشي بالانجلش

يبقى انا داخل على الرابط قولت اكيد ده درس ولا حاجه الاقى محشى

محشى يعنى stuffed

طبعاً انتوا دلوقتى عندكم محشى وخصوصاً علشان السيول الى كانت عندكم يوم الجمعه انا رحت مكه مخصوص علشان موضوع السيول ده

[عبير يونس]

أحلى محشي لأحلى طلبة انجلش

بس مش حياكلها الا يقول يعني ايه محشي بالانجلش

يبقى انا داخل على الرابط قولت اكيد ده درس ولا حاجه الاقى محشى

محشى يعنى stuffed

طبعاً انتوا دلوقتى عندكم محشى وخصوصاً علشان السيول الى كانت عندكم يوم الجمعه انا رحت مكه مخصوص علشان موضوع السيول ده

السيول كانت الخميس يافندم

و أنا أقول هي مكة منورة كده ليه؟

خلاص المرة الجاية نجهز لك حلة المحشي يافندم

بس ابقى ادينا خبر

عشان نجهزها

وبرافوا عليك فعلا محشي يعني stuffed

و محشي كرنب بالتحديد

Stuffed Cabbage

أنا ان شاء الله حأكتب شرح

بس استنوا عليا اليومين دول

حأجهز الدروس ع الوورد

و أحطها على طول

أول بأول

متقلقوش

بس انتوا بس لاحقوا على ال Homework

[عنبو]

ايوه كانت الخميس اصل انا نزلت مكه يوم الخميس بالليل

مستنين يافندم

[بنت الشاطئ1]

مفيش تيجو نتعلم شوية المانى

[banaga]

ياجماعة بجد الموضوع جميل

انا بقى بعرف اقرا و اعرف اكتب و اعرف افهم الى ادامى و ممكن اوصله المعلومة بس عايز احسن اللغة عندى شوية مش شوية هما شويتين تلاتة

مصرية مغتربة بجد مش عارف اقولك اية انا كنت فاكر زى المعلم عنبووووووووو كدا انه اللينك ده بتاع درس و لا حاجة اقولك اية بس انا اغمن عليا لما شوفت الصورة انتى جايباها منين دى و لا دة المحشى بتاعك انتى ؟؟؟!!!

بس بجد حراااااااااااااام الى بتعمليه ده و على العموم انا فى جده يعنى انا ممكن انزل مكه فى اى وقت ياريت تبلغينا هتعملى محشى امتى تانى و هتلاقى المنتدى كله فى مكه ياريت يكون weekend

ماشاء الله الانجليزى بتاعى بقى تحفه من ساعة ما دخلت التوبيك ده :closedeyes:

see you

[عبير يونس]

مفيش تيجو نتعلم شوية المانى

و الله حضرتك ممكن تعملي التوبيك ده بصفتك في ألمانيا

:)

[عبير يونس]

ياجماعة بجد الموضوع جميل

انا بقى بعرف اقرا و اعرف اكتب و اعرف افهم الى ادامى و ممكن اوصله المعلومة بس عايز احسن اللغة عندى شوية مش شوية هما شويتين تلاتة

مصرية مغتربة بجد مش عارف اقولك اية انا كنت فاكر زى المعلم عنبووووووووو كدا انه اللينك ده بتاع درس و لا حاجة اقولك اية بس انا اغمن عليا لما شوفت الصورة انتى جايباها منين دى و لا دة المحشى بتاعك انتى ؟؟؟!!!

بس بجد حراااااااااااااام الى بتعمليه ده و على العموم انا فى جده يعنى انا ممكن انزل مكه فى اى وقت ياريت تبلغينا هتعملى محشى امتى تانى و هتلاقى المنتدى كله فى مكه ياريت يكون weekend

ماشاء الله الانجليزى بتاعى بقى تحفه من ساعة ما دخلت التوبيك ده :)

see you

بجد مكانش قصدي أقلب عليكوا المواجع

و أهلا بأهل المنتدى كلهم في مكة

تشرفوا و تآنسوا

ماشاء الله الانجليزى بتاعى بقى تحفه من ساعة ما دخلت التوبيك ده :closedeyes:

see you

و لسه هو حضرتك لسه شفت حاجة

wst::

[banaga]

يا استاذة / مصرية مغتربة بجد اسلوبك جميل هو انتى كنتى واخدة كورس و بتشرحهولنا و لا انتى اصلا مدرسة ؟؟

كمان يا جماعه حد يعرف مواقع فيها قواميس متخصصه زى مثلا القانونية و الطبية و الهندسية و لو انا مثلا بشتغل فى السياحه و عايز اتكلم انجليزى كويس اعمل ايه و لا اخلينى فى كلام السياحه و بس و الى يمشينى بس اكون بعرف اكتبه و اقراه و اتكلمه كويس

هو الفخرانى ؟؟؟؟؟؟؟؟!!!!!!! فين بقاله كتير مش باين

محدش شاف الفخرانى ؟

[OReX]

الاخ اوريكس فين ياعم بقيت الروابط انا نزلت الدرس الاول ممتاز بجد يااااااريت تكمل علشان خلاص الناس خلصوا اول صفه فى المحشى اوهوت

على فكره فيه محلات بتبيع محشى فى السعوديه بس انا المحشى ده بالزات استحاله اكله الا عند ناس انا عارفهم تمام لكن غير كده نووووووووووووووووووووووووووووووو بس لو انت مدمن محشى ممكن تيجى على نفسك وتروح المحالات دى ولو فى جده اكيد تعرف المطعم المصرى هتحس انك فى البيت وهتختار الاكل الى انت عاوزه

معلش اتأخرت عليك

المهم حضرتك محددتش سرفر اية الى داونت منه عشان اجيب الباقى للاسف كل ملفات الميديافير وقعت 17 جيجا وقعوا :(

بمناسبة المحشى بقى اللى بيتباع دا بشع بجد اوعى تجيبة سيئ جدا اسوء من الفول المعلم اللى ملوش طعم دا

بس بسم الله ما شاء الله ناس كتير زيي اهه دنا قولت انا الوحيد اللى محروم طلعنا فى بئر الحرمان

[OReX]

يا استاذة / مصرية مغتربة بجد اسلوبك جميل هو انتى كنتى واخدة كورس و بتشرحهولنا و لا انتى اصلا مدرسة ؟؟

كمان يا جماعه حد يعرف مواقع فيها قواميس متخصصه زى مثلا القانونية و الطبية و الهندسية و لو انا مثلا بشتغل فى السياحه و عايز اتكلم انجليزى كويس اعمل ايه و لا اخلينى فى كلام السياحه و بس و الى يمشينى بس اكون بعرف اكتبه و اقراه و اتكلمه كويس

مواقع قواميس بصراحة مش عارف بس ممكن الاستعانة بشكل مؤقت بجولدن وافى

فية ايكون على شكل كتاب وعلية نضارة لو وقفت عليها هتلاقي "Lookup Dictionary" بس حضرتك تضغط عليها هتلاقى قوامين كتير اكتب الكلمة فوق واختار اللى انت عايزة

تكلم ازاى متهيألى الاصح ان حضترك تتعلم الانجليزى العادى بتعنا وبعد كدا هيبقى الموضوع مجرد مصطلحات تحفظها وخلاص

دا اللى بعمله ومجالى علوم حاسب شوف لو مشى مع حضرتك النظام دا يبقى كويس لو لا يبقى فية كورسات متخصصة بس مشفتش غير للتجارة يمكن فية فروع كمان بس بصراحة مشفتهاش خالص

[عنبو]

معلش اتأخرت عليك

المهم حضرتك محددتش سرفر اية الى داونت منه عشان اجيب الباقى للاسف كل ملفات الميديافير وقعت 17 جيجا وقعوا :(

بمناسبة المحشى بقى اللى بيتباع دا بشع بجد اوعى تجيبة سيئ جدا اسوء من الفول المعلم اللى ملوش طعم دا

بس بسم الله ما شاء الله ناس كتير زيي اهه دنا قولت انا الوحيد اللى محروم طلعنا فى بئر الحرمان

عليك وعلى HotFile او BigAndFree

اما بالنسبه للمحشى فانا زى لما قولتلك المحشى لازم يكون بيتى ويكون ناااااااااس انا اعرفهم

انا اول يوم فى رمضان الدمعه فرت من عينى علشان مكنش فيه محشى مع انى كنت معزوم فى مكه بس كسلت اروح

هههههههههههههههههه

لست ولحدك ياصديقى فى بئر الحرمان

[OReX]

كورس English For You مرحلة المبتدئين كاملة

http://www.egyptiantalks.org/invb/?showtopic=88933

[pink rose]

مش عاوزين تريقة يا اخوانا الله يرضى عليكم

ميس مصرية معلش على التأخير بس المسقعة عملت شغل جامد اول يوم و امبارح كنت في الدمام

كلمات الاغنية اهي و شوفي هاتديني كام من 10

Because you loved me

for all those times you stood by me

for all those true that you made me see

for all the joy you brought to my life

for all the wrong that you made right

for every dream you made come true

for all the love i found in you

i'll be forever thankfull baby

you're the one who held me up

never let me fall

you're the one who saw me through through it all

you were my srtength when i was week

you were my voice when i could'nt speak

you were my eyes when i could'nt see

you saw the best there was in me

lifted me up when i could'nt reach

you give me faith cause you belived

im every thing i am because you loved me

you give me wings and made me fly

you touched my hand i could touch the sky

i lost my faith you gaved back to me

you said no star was out of reach

you stood by me and i stood tall

i had your love i had it all

i'm greatful for each day you gave me

maybe i dont know that much but i know thit much is true

i was blessed because i was loved by you

you were my srtength when i was week

you were my voice when i could'nt speak

you were my eyes when i could'nt see

you saw the best there was in me

lifted me up when i could'nt reach

you give me faith cause you belived

im every thing i am because you loved me

you were always there for me

tender wind that carried me

a light in the dark shining your love into my life

you've been my inspreation

throurh the lies you were the truth

my life is a better place because of you

you were my srtength when i was week

you were my voice when i could'nt speak

you were my eyes when i could'nt see

you saw the best there was in me

lifted me up when i could'nt reach

you give me faith cause you belived

im every thing i am because you loved me

خلاااااااااااااااااااااااااااص ايدي وجعتني

ها يا ميس ايه الاخبار

عاوزين اغنية صعبة شوية

انا اصلي بحب سيلين و حافظة الاغنية دي عشان كده سهلة بس مش عارفه بقى الكلمات مكتوبة صح و لا في غلطات

اخد كام يا ميس؟

[banaga]

ميرسى يا مستر /OReX

انا الانجليش بتاعى كويس الى حد ما برضة و عموما انا نازل مصر :rolleyes: قيب ان شاء الله و ناس قالولى على كورس تقريبا منحه او حاجة كدا من الجامعه الامريكية و بيكون فى مكتبة المعادى و فى cdو كمان كتب و امتحانات و كل حاجة و المستوى تقريبا شهر و حوالى 150 جنيه

حد يعرف عنه اى معلومات ؟؟؟!!!

و متخافش ياريس فى ناس كتير محرومين من اكل البيت و الاكل المصرى و المحشى المصرى و الكشرى المصرى بمناسبة الكشرى انا مره اكلته :blink: عند (الباشا) الى فى الطايف بس بجد كان جميل جدا

هو مصرية مغتربة فين ؟؟؟ شكلها فى المطبخ بتعمل المحشى

ياجماعه المنتدى كله فى مكه يوم الخميس كله يستعد :)

[hOuSsAm]

Dear sister Egyptian Expatriate

how are you and good days for you

it's important topic for all and alot of people interest for learning english, i want to tell you that i came from cairo can't say one word in english, but because i work as accountant in company for import and export from all over the world and my work colleagues from india, bakistan, jordain, egypt, yemen, and saudi i traied to practice language and they encourage me (one freind told me hosam just try), also i want to tell you the best way helpme to learn outlook and trying to speak so i will tell you in points the best things to learn english:

1- try to listen half houre to CNN or BBC and you can not care about they do just do as you like (eat, sport, sleep, chat,.......) and leave unconscicous mind to dowload words and he will bring it when you need it.

2- don't be afraid about conversation try to talk and others will understand and correct what's you want.

3- Be patient

4- try to make all your emails in english language, also reports

5- Always open translation programs on desk top even if you didn't use (example program name easy lengo and good web site for translation http://translate.google.com.sa/translate_t...%87%D8%A7%0D%0A (it's from google wep site)

6- make schedule for learning english and prepare excell sheet for manageing your time.

7- but english book or magazine beside your bed and daily read just five minutes even if you didn't under stand in word but please read in high voice.

8- try to make studies in english certification.

9- you can put some MP3 for cnversation or songs any thing and listen it in your moblile by handfree when you shopping, or walk, or when you drive your car. ( i think many people waste at least one houre on daily driving )

10- involve with monthly magazine (written in english) and it will reach monthly in you post.

11- try to rejestire in web site send to your email daily countries information in english same web site i use http://www.ameinfo.com/ as it's send to me daily 20 emails in english and i try to read and some times use dictionary

i don't like to be silly and take along time from your time but also i want to attach youtube channel for videos http://www.youtube.com/user/JenniferESL#p/...9/0/2VZxZZVn2iE

also if any freind like to add me in yahoo messenger i will happy and we can practice language(acc_houssam@yahoo.com), also if friends like to practise by phone iam here in jeddah and can call any brother at least two times in week

finally i want to ask 3enabbbbbbbbbbbby (عنبى) how can you entered Mekkah and i traied the last friday and police orrderd drivers to return to Jeddah

انا اسف جدا يا جماعة لو كنت ازعجتكم بمداخلتى باللغة الانجليزية بس بجد الموضوع عجبنى اوى وقلت اما اجرب اعمل مداخلة بالحاجة اللى عايزين نتعلمها كلنا لعلمكوا وانا بكتب بعض الكلمات وقفت قدامى بس كنت بدور عالمعنى البديل ولو مقلتش ادخل عالمترجم يجبهالى

بشكر الاخت مغتربة مصرية عالموضوع الجامد ده وبقترح اننا كل مرة نقترح موضوع منتشر عالساحة اى حاجة تكون اتكتبت باللغة العربية فى المحاورات ونحاول ننقاشها بالانجلش

وتحياتى للجميع