ايه الذكاء ده

[moody00x]

من كام يوم رحت اعمل بطاقة الرقم القومى لانى متزوج من

سنتين ولسه ماشى بالبطاقة الشخصية وده نظرا لسفرى خارج

مصر..المهم اخدت معايا كل ما املك من اوراق ومستندات

الناس كانو زوق قوى الحقيقة..بعد انتظار حوالى ساعة ونص

قالو عايزين ختم نقابة المهندسين...قلت لهم طيب انا مقدم

مع الاوراق كارنيه النقابة..وكمان البطاقة الشخصية الصادرة

من الحكومة مكتوب فيها مهندس حر..وجواز السفر المصرى

مكتوب فيه مهندس حر..بعد مداولات وانتظار تانى قالو كل ده

مينفعش عايزين ختم النقابة حتى لو معاك كارنيه النقابة.واحنا مقتنعين بالكارنيه لكن لازم الختم

بصراحة مزعلتش بالعكس حسيت بالفخر بالالتزام بالنظام

خرجت اجرى على النقابة وختمت الورق اختام ماشاء الله لدرجة

لون الاستمارة الابيض مبقاش باين من الاختام الزرقاء

التى تعلن بكل فخر ان السيد المهندس المذكور فلان الفلانى مقيد

فى نقابة المهندسين برقم كذا...

رجعت جرى وانا فرحان على سهولة الاجراءات وسلمت الاستمارة

المختومة كما طلب منى..

وقابلتنى الموظفة النشيطة وقالت لى كده مظبوط..ممكن بقى اشوف

كارنيه النقابة

;) ;) :blink: mfb: mfb: mfb: mfb: mfb: mfb:

تم تعديل 6 يناير 2004 بواسطة moody00x

[فــيــروز]

شكرا mfb:

وعلى راى المثل ;)

العقل ;)

زينه :blink:

[Mohammad Abouzied]

بصراحة يا مودي انت مفهمتشي المطلوب كان ايه وتعبت نفسك على الفاضي

يا راجل اسمه كلام

اذا اردتان تنجز ابرز الوينجز (الوينجز دا نوع من السجائر القديمة)

يعني انت راجل بتشتغل بره فتح مخك

وكمان بتتريق على الراجل علشان وضحلك المقصود ايه

يا صديقي انت في مصر مش في قرنسا

[ragab2]

بصراحة

نكتة حكومية

تعبر عن التيس الحكومى وعجل أبيس

[se_ Elsyed]

(الوينجز دا نوع من السجائر القديمة)

ادي ميزة الناس القديمة ..

تصدق بالله انا طول عمري كنت أستغرب وأسأل يعني أيه وينجز .... لأن كل معلوماتي متوقف عند السبيسي وينجز اللي من ك ف سي KFC .

بقى طلعت سجاير ....

سبحان الله ويخلق ما لا تعلمون ....

حد معاه وينجزايه سلف ... او حتى تخميسة

[afiona]

اذا اردت ان تنجز ابرز الوينجز (الوينجز دا نوع من السجائر القديمة)

لأ حلوة، والشرح الوافى لأصل المصطلح شرح كولاسيكى كبير قوى..