لحم خروف .. خارج التوقعات ..

[بندق أفندى]

بصل مقطع جوانح .. يدب فى زيت زيتون .. ويضاف له كرافس مقطع صغير وجزر .. وأضفت فلفل حلو حراق .. لمدة 4 دقائق فقط

لحم خروف من الكتف ..

يسوى اللحم المتبل بشكل منفصل فى تتبيلته والتى هى خل عنب وملح وفلفل اسود وزيت زيتون .. لمدة 15 دقيقة .. ثم يضاف الخضار السابق .. ويترك على نار هادئة حوالى 30 دقيقة اخرى .. ثم ينقل الجميع لصينية فرن ويرش عليه اى نوع جبنة عندنا .. وتحت الشواية لمدة 6 دقائق فقط .. وهناكل حاجة بطعم مختلف

وهنا الطبق النهائى مع أرز بسمتى مسلوق فقط بماء وهيل ومعاد تسخينة مكان طهى اللحم

[OReX]

والله يا استاذ بندق مش عارف اقولك اية

دا انا شكلى هقضى غربة زى الفل :blink: :smart: ;)

بس كنت عايز اسئل حضرتك سؤال خل العنب دا اجيبة منين ؟ ولو ملقتوش ممكن احط خل عادى ؟

[بندق أفندى]

والله يا استاذ بندق مش عارف اقولك اية

دا انا شكلى هقضى غربة زى الفل :blink: :smart: ;)

بس كنت عايز اسئل حضرتك سؤال خل العنب دا اجيبة منين ؟ ولو ملقتوش ممكن احط خل عادى ؟

فى اى سوبر ماركت معقول هتلاقى خل العنب .. وخل التفاح وخل القصب وخلول كتير أوى وفيه خل الفراولة وخل البرقوق وخل الخوخ (بس دول بلسمك)

وكمان خل البلسمك مع الخلطة دى رهيب بس يتحط قبل ما تستوى

انما للتبيل خل عنب او خل عادى .. الخل فايدته انه بيذيب الدهون دا غير التأثر على الطعم وطراوة الللحم او الدجاج

[somayasaleh]

تسلم ايديك يا استاذ بندق

ما شاء الله كل وصفاتك سهلة وسريعة

كنت طلبت من حضرتك شوية وصفات تتعمل في الميكرووييف

ياتري لسه فاكر؟؟؟؟؟

انا في الانتظار....... :smart: ......

[بندق أفندى]

تسلم ايديك يا استاذ بندق

ما شاء الله كل وصفاتك سهلة وسريعة

كنت طلبت من حضرتك شوية وصفات تتعمل في الميكرووييف

ياتري لسه فاكر؟؟؟؟؟

انا في الانتظار....... :lol: ......

الله يسلمك يا أفندم ..

والله لسة فاكر وكل ما ادخل على الموضوع التانى انكسف وارجع تانى ..

بس الحقيقة نادرا ما ساتخدم المايكرويف .. اللهم الا فى التسخين ..

كما انى اضع ما أجهزه لنفسى كوجبة .. ولا افكر فى وجبة لأجل ان اضعها

لكن اعدك ان شاء الله هاجيبلك شوية وصفات ولو محتاجة تظبيط نظبها