طلب مشورة من الاخوة بالاسكندرية

[عاشق]

الاخوة الاعزاء

كنت حابب اعرف بعض المعلومات

معروض شقة في قرية شهر زاد بالعجمي بالاسكندرية

الدور الرابع والاخير سعرها حوالى 70 الف وهي بالصف الثاني من البحر

انا طبعا لسه مشفتهاش ولكن كنت حابب اعرف معلومات عن هذه القرية

كنت حابب اعرف اى معلومات عنها وموقعها وخلافة

وشكرا

[عطر الجنة]

لمهم مش القرية المهم نوعية الشاطئ

لان حضرتك اكيد واخدها مصيف

فمعظم شواطئ العجمى مياها تحتوى على البلك ( عوادم السفن السوداء )

بجانب ان المياة غير نظيفة

مفيش اجمل من مياة الساحل الشمالى و مطروح و التى ترى فيها قاع البحر حتى لو المياة على ارتفاع متر و نصف

الحلو صحيح النخيل و فيه شقق غرفتين قريبة من هذا السعر

و يوجد به اسواق لاحتياجات البيت و تاجير عجل و دنيا تانية

صراحة كمان فيه شوية شقق مفروشة حكاية

و ربنا يوفق

يا ليت قبل الشراء تنزل المياة و تشوف

[عاشق]

لمهم مش القرية المهم نوعية الشاطئ

لان حضرتك اكيد واخدها مصيف

فمعظم شواطئ العجمى مياها تحتوى على البلك ( عوادم السفن السوداء )

بجانب ان المياة غير نظيفة

مفيش اجمل من مياة الساحل الشمالى و مطروح و التى ترى فيها قاع البحر حتى لو المياة على ارتفاع متر و نصف

الحلو صحيح النخيل و فيه شقق غرفتين قريبة من هذا السعر

و يوجد به اسواق لاحتياجات البيت و تاجير عجل و دنيا تانية

صراحة كمان فيه شوية شقق مفروشة حكاية

و ربنا يوفق

يا ليت قبل الشراء تنزل المياة و تشوف

شكرا جزيلا الاخت عطر الجنة

بس كنت سامع من احد اصدقائي ان النخيل زحمة ومستواه مش قد كده

المشكلة اني بأسمع من اصدقاء لاني ليس لي خبرة بالاسكندرية بتاتا

وشكرا لحسن التعاون

[aboueyad alex]

بص يا سيدى الفاضل إن شاء الله حشرح لحضرتك موقف منطقة العجمى كاملا لأنى من سكانها بس بالبيطاش بس أرجو منك انتظار ردى مساء لإنشغالى ببعض الاعمال

[aboueyad alex]

لمهم مش القرية المهم نوعية الشاطئ

لان حضرتك اكيد واخدها مصيف

فمعظم شواطئ العجمى مياها تحتوى على البلك ( عوادم السفن السوداء )

بجانب ان المياة غير نظيفة

مفيش اجمل من مياة الساحل الشمالى و مطروح و التى ترى فيها قاع البحر حتى لو المياة على ارتفاع متر و نصف

الحلو صحيح النخيل و فيه شقق غرفتين قريبة من هذا السعر

و يوجد به اسواق لاحتياجات البيت و تاجير عجل و دنيا تانية

كلام حضرتك للأسف غير صحيح لأنى من سكان العجمى

صراحة كمان فيه شوية شقق مفروشة حكاية

و ربنا يوفق

يا ليت قبل الشراء تنزل المياة و تشوف

[عاشق]

بص يا سيدى الفاضل إن شاء الله حشرح لحضرتك موقف منطقة العجمى كاملا لأنى من سكانها بس بالبيطاش بس أرجو منك انتظار ردى مساء لإنشغالى ببعض الاعمال

شكرا لتعاونك

وفي الانتظار

[aboueyad alex]

الاخ الكريم بالنسبة لشهرزاد منطقة داخلية شوية يعنى إيه يعنى المواصلات بعيدة عنها شوية يعنى تنزل وتركب حاجة تدخلك زى التوك توك أو السزوكى ( التوناية )

وبعدين المشاريع الجديدة كلها مساحات صغيرة و المنافع واخده منها كتير .

السعر ده مش موجود فى منطقة العجمى خلاص كان زمان ليه العجمى الصرف الصحى دخل و إشتغل كمان والغاز تقريبا دخل برده بنسبة 70% وأغلب الشوارع بتترصف فى البيطاش والهانوفيل .

لو لقيته حتلقيه فى حتت بيئة أو بعيدة عن الشاطىء .

[aboueyad alex]

الأخت اللى بتقول المياه مش نظيفة بالنسبة للشرب العجمى بيتغذى بنفس خط مياه الساحل الشمالى بتاع البهوات و البشوات .

البحر اللى بتقول عليه كله بلك ده كان فى التمنينات وأوائل التسعينات ودلوقتى زى الفل بيانكى والهانوفيل والضباط و بيانكى 46 كل دى شواطىء خاصة وبيكون فيها النجوم و المشاهير زى زمان .................أما النخيل بقت بيئة ليه أنا حقولك لأنها بقت مصيف شركات من كل مصر مبقيتش لصحابه زى الأول والصنايعية و العمال كانت فى الاول لصحابها فكان فيه خصوصية دلوقت خلاص

الاسواق فيه

فتح الله جملة ماركت فى البيطاش والهانوفيل

فى زهران

فى محلات جزارة محترمة

فى سوق الخضار والفاكهة والاسماك بالهانوفيل

فى فى البيطاش فى كل شارع رئيسى 3 أو 4 خضارية حاجتهم طازة بطازة

والترفيه موجود فى كل حته

المواصلات فيه كل حاجة المشاريع ( الميكروباصات ) والاتوبيسات المكيفة والشركات الخاصة والتاكسيات يعنى مش غلبه بس إختار المنطقة الاستثمار مش المنطقة اللى مجرد رخيصة فى السعر

و على فكرة أرقى مكان فى العجمى البيطاش يمين والهانوفيل يمين و شارع الحديد والصلب بالترتيب

[aboueyad alex]

أنا على فكرة مولود ومتربى فى الاسكندرية فى منطقة بحرى وبعدين اتنقلنا العجمى من سنة 1986يعنى عايشت العجمى لما كان أرض تين و مينا الدخيلة كانت مطار وفيلا فاتن حمامة وفيلا عادل امام وغيره وغيره

أفتكر شقة أبويا كانت ب 8 ألاف جنيه دلوقتى لا تقل عن 80 ل 90 ألف جنيه بسب الصرف والغاز والسفلتة

يلا خلتونا نفتكر ايام زمان

[Abu Reem]

أنا على فكرة مولود ومتربى فى الاسكندرية فى منطقة بحرى وبعدين اتنقلنا العجمى من سنة 1986يعنى عايشت العجمى لما كان أرض تين و مينا الدخيلة كانت مطار وفيلا فاتن حمامة وفيلا عادل امام وغيره وغيره

أفتكر شقة أبويا كانت ب 8 ألاف جنيه دلوقتى لا تقل عن 80 ل 90 ألف جنيه بسب الصرف والغاز والسفلتة

يلا خلتونا نفتكر ايام زمان

ماشاءالله عليك ، معلومات ممتازة ومفيدة ، بارك الله فيك

وياريت طيب تقولنا هل هناك شقق تمليك في المناطق التي ذكرتها في الهانوفيل والبطاش وغيرها وأسعارها كام ( لو شقة 120/ 150 م ) وطبعا المهم تكون شقق ترى البحر ،،،

ياريت لو عندك فكرة عن متوسط الأسعار ، وهل الأفضل الشراء من شركات أو من أفراد أو عن طريق سمسار ، وهل عادة الشقق هناك تسلم بالتشطيب أو بدون ..

مع وافر تحياتي ،،،

[aboueyad alex]

أخى الكريم أبو ريم

حياك الله

إنتظر منى الرد مساءا بأمر الله

أخوك أبوإياد

[ذهبية]

ياترى الرد مجاش لية ياترى المانع خير

نحن متابعين و فى انتظار الرد

[طبيبة بالخارج]

سلامي لكل الأخوة و الأخوات من الاسكندرية و عندي استفسار لو تكرمتم و خصوصا الأخت عطر الجنة (على فكرة الاسم حلو قوي).

انا سمعت عن أراضي بتتباع حاليا بجوار كارفور

الاسكندرية باسعار من 500 - 1500 جنيه للمتر و بالتقسيط كمان. و انا مش من الاسكندرية بس نفسي يكون لي بيت فيها. سؤالي هو

هل الاراضي دي مفيش عليها مشاكل يعني في السليم و لا انخفاض السعر ده وراه حاجة. أرجو سرعة الرد علشان قربت انزل مصر و

لو فيه نصيب يكون بإذن الله

[aboueyad alex]

الأخوة الكرام

بالنسبة للأسعار فى البيطاش والهانوفيل متفاوتة بس خلال ايام حجيبلكم الاسعار ولكن ملاحظة احنا داخلين على موسم صيف والاسعار بترفع شويه

بالنسبة للأرض اللى بجوار كارفور أختى الكريمة دى كانت لفترة 5 أو 6 سنوات سابقة مقلب قمامة الاسكندرية وكانوا بيردموا بيها الملاحة تمام ولكن بعد وجود سيتى سنتر ( كارفور ) اتعمل شوية قاعات كحق استغلال من ارض الحديقة الدولية اللى فى وش كارفور ودى نهايتها من البر التانى ترعة وحجمها صغير

بالنسبة لأرض اللى بعد كوبرى محرم بك الجديد وانتى رايحة على كارفور دى ارض رديم كانت ملاحة وفى حتة بدون خدمات فبلاش تجازفوا وكمان دى حدودها

الموقف ومدينة الحرفين والطريق الصحراوى يعنى مش مكان أدامى حاليا

[طبيبة بالخارج]

شكرا جزيلا على النصيحة