انواع عقاب الاطفال

[اغابي]

اهلا وسهلا بالاخت اغابي

ما شاء الله عليكي كله تغذيب في قتل في حرق في سم...الرحمة حبة

بمناسبة الحرق والترهيب والتعذيب...انا بشوف امهات لما يحبوا يعاقبوا عيالهم..بيزنوقهم عند الحيطة وهما ماسكين عود الكبريت وتقوله لم ومسكتش أنا ((هحرقك))!!!....أو هحط الشطة في ((بقك))!!...ولا هلسعك ((بالمكوى))!!!... هو في ايه!!؟

انا ضد العقاب المعنوي بكل وسائله، ومع التأديب في حدود الضرب على الايدي مع ذكر أسباب العقاب والتنبيه على عدم حدوثه ،، إلخ...ومع هذا ترك ((الولد)) بحريته وممارسة لعبه بشكل طبيعي بدون الأخذ باي اثر رجعي.

اخى الفاضل قوس

لو كنت غيرت مسار موضوعك انا اسفة لكن كان لازم نلفت الانتباه للـــــــــ ......( الاثار السلبية المترتبة على العقاب بالضرب )

وما كنش فيه موضوع انسب من داه نناقش فيه الاثار دي - العقاب البدنى اصبح بطريقة عشوائية...

بالطبع كلنا بنمر بظروف ضغط الشغل والحياه اليومية ولما بنرجع البيت من الارهاق ما بنبقاش منتظرين من اولادنا يمارسو حقهم الطبيعى فى اللعب والتنطيط هنا وهنا ونروح بشكل روتينى ومعتاد وبدون ما نشعر نطلع ارهاقنا ومشاكلنا عليهم وهما مش عارفين ومش فاهمين ليه رد فعل الاب او الام غريب كدا - وفى مفهوم الطفل ان داه حاجة عادى فابسط رد يقوله - ايه طب بلعب - وهو مستعجب عاوز يقول انا مش بسرق انا مش بقتل انا بس بلعب عملت ايه يعنى

التلقائية فى الرد بتعصب الاب اكتر والام وهكذا تبدأ المشاكل

( اخرس - ما اسمعش صوتك - ما تعندنيش - اسمع الكلام - ولا نفس ولا صوت - حتضرب ) الى اخر قاموس التهديد

كانت فيه ست خياطة جارت حماتى فى مصر والست دي عندها بيبقي زباين كتير اوى ودايما شقتها زحمة من الستات المهم كان عندها طفلة عمرها 4 سنين البنت بتلعب فى ادوات الخياطة جنب المكنة مع مامتها - مامتها من ضغط الشغل وزحمة الزباين تروح تفضل تتعصب على البنت الصغيرة - وتقولها سيبي الحاجات انا حاقطعك - المهم البنت صغيرة ومفيش حد بيلعب معاها وكل الناس اللى حواليها ستات كبيرة من سن مامتها طب هى مسكينة عاوزة تلعب تعمل ايه تلم بكر الخيط تلعب بيه اهو اى حاجة تتسلى فيها بس دا حقها زى الاطفال وكمان اللى تستغربله فى القصة ان ما كنتش جايبة للبنت لعب لا عروسة او حصان او اى حاجة كان كل يوم الست دى خياطة × خياطة ومهملة فى البنت

بدأت الام عقابها الشرس للبنت المسكية كل ما تقرب لحاجة تشكشكها فى ايدها بالابرة - البنت عاوزة تلعب تمد ايدها مامتها تكتفها وهات شكشكة شكشكة فى ايدها بالابره وداه كان بيتكرر قدام الزباين كمان - حتى حماتى مرة قالتلها حرام عليكي دي طفلة

النتيجة

البنت ايدها بقى لونها ازرق غريب راحو بيها المستشفى اتارى ايدها اتسممت من شكشكة الابرة باستمرار حصلها ( غرغرينة ) وقطعو ايد البنت داه نوع من انوع العقاب - طفلة عمرها اربع سنين تخسر ايدها لمجرد انها عاوزة تلعب زى الاطفال .......

صدقنى يا قوس يمكن لان الموضوع زاد عن حده اوى فانا ما صدقت لاقيت فرصة نتكلم فيها ولان 95% من قراء المحاورات اباء وامهات و 5% فى طريقهم ليكونوا اباء وامهات فكان لازم التوعيه

انا قولت لازم استفيد من موضوعك يا قوس واننا نعمل منه حملة توعية لكل الاباء والامهات فى ان يؤجل عقاب الطفل وخاصة وقت ما بيكونو عصبيين لان الوقت داه اخطر وقت للعقاب وممكن يضيع الطفل من بين ايديهم .. الطفل طنشه خالص او اتعامل معاه بسياسة والعقاب خليه يكون بحرمانه من الحاجة اللى بيحبها اوى لعبة خبيها بس عرفه انك خبيتها منه علشان هو وحش ومش ولد شاطر - وفى طرق للعقاب كتير غير الضرب .

ربنا يحمي اولادنا ونفرح بيهم

اغابي

[اغابي]

فيه مقالة كويسة تعالى نقراها سوا

كيف تقول «لا» لطفلك؟

باريس -

كارولين سالي

يجمع المختصون على ان فرض حدود للاطفال ضرورة قصوى لتنشئتهم تنشئة صالحة قائمة على احترام جملة من المبادئ والقيم، لكن بعض الآباء يقفون احيانا عاجزين امام اولادهم، فيسيئون التصرف معهم.

هذه لقطة من الحياة العادية على شاطئ البحر في بداية الصيف: تصر بولين ذات الاربع سنوات على السباحة على الرغم من برودة الماء، لكن والدتها ترفض، تبكي البنت وتبدأ في الصراخ، فتجيب الام «نعم انا موافقة، لكن اغطسي قدميك في الماء، ولا اريد اي قطرة فوق ركبتيك.. بولين تعالي لتجففي رجليك».

لم تقتنع البنت بأسباب منعها من السباحة، لذلك تعمدت تبليل جسدها بالكامل، وكان بامكان والدتها اقناعها لو انها قالت لها «افهم بأنك تحبين المياه، لكنها باردة جدا ولا تستطيعين السباحة فيها، لكن في المقابل اقبل ان تشمري بنطالك حتى الركبتين وتغطسي رجليك».

الامر ليس بسيطا في اللحظة، لكن القصة تكشف عن المصاعب التي يواجهها الآباء عندما يقولون «لا».

وما بين الاستبداد والتساهل، يعي أغلبية الآباء اهمية وضع حدود للاطفال، لكن البروفيسور فيليب جيامي المختص في علم النفس لدى الاطفال والمراهقين في جامعة باريس 5 يقول إن الآباء يعانون من التعامل مع الاولاد لغياب خطوات مدروسة يبتغونها، وهذا بسبب وجود اجماع حول طريقة معينة في التربية، فكل اب مجبر على الاستعانة بمجموعة القيم التي نشأ عليها حتى يضبط الحدود التي لا ينبغي ان يتجاوزها ابناؤه.

عليكم ان تخترعوا طرقا جديدة لقول «لا»

كانت التربية سهلة قديما، حيث كان الاطفال ينصاعون بسهولة لاوامر الآباء، لكن الامور تغيرت في المجتمع الحديث، حيث تجد كل اسرة نفسها مجبرة على التخمين في الطريقة المناسبة لتقول «لا» «لأولادها».

وتعرف المحللة النفسية كلود هالموس التربية بقولها: «التربية اليوم، هي ان تضع حدا، لكن ان تشرح اسباب وضعه، وهنا يقبل الطفل بسهولة بعد ان يفهم المعنى والفائدة المرجوة».

وتقول دراسة علمية اميركية نشرتها هذا الشهر المجلة العلمية تشايلد ديفلوبمنت، إن الطفل يدرك منذ عمر الرابعة التمييز بين الاوامر التي يطلب منه فيها احترام القانون والاخلاق - كعدم السرقة وعدم المساس بالاشخاص واذواقهم ــ ويستجيب بسهولة في ظرف ثوان، وتؤكد كلود هالموس ذلك في قولها «لا يمكن ان يرفض الطفل ان يرتدي معطفا في الشتاء، لان الامر طبيعي وغير جائر بالنسبة إليه، لكن غير المعقول ان تطلب منه ارتداء معطف اخضر، رغم انه يكره هذا اللون، بحجة انه جميل فقط».

لقد اصبحت وظيفة الآباء صعبة ومتعبة، مقارنة بالعقود السابقة، لذلك ينصحهم المختصون بأن يكونوا صارمين ويتعمدوا اسلوب الحوار في الوقت ذاته، وان يضعوا حدا لأطفالهم، لكن شيئاً فشيئاً، مع اللجوء الى العقاب ان لزم الامر. ووفق المختصة كلود هالموس، فان سوء المعاملة اليوم لا يعني الضرب وانما قلة التربية.

تم تعديل 24 أبريل 2010 بواسطة اغابي

[se_ Elsyed]

تم دمج الموضوعين لما فيهما من اهمية .

[pink rose]

انا ليا رأي

ممكن كل واحد يقول لما ابنه او بنته بيعمل حاجه غلط بيتعامل معاه ازاي

و كده اظن هايكون في استفادة

[HanaaOsama]

انا ليا رأي

ممكن كل واحد يقول لما ابنه او بنته بيعمل حاجه غلط بيتعامل معاه ازاي

و كده اظن هايكون في استفادة

فكره كويسه

لكن احيانا مبيكنش في اسلوب ثابت و فعلا احيانا حسب الحاله النفسيه للام و الاب نفسهم يعني لو في وقت مشحون ممكن يكون العقاب بالزعيق او ضرب خفيف و لو في وقت عادي ممكن النقاش و الاقناع و الكلام ده

لكن بالنسبه ليا مش بالجأ للضرب خالص و لكن ممكن الزعيق في وقت العند الجامد من الطفل لكن ممكن التهديد احيانا بيجيب فايده

يعني كتير اقول اعملي كذا لأ و 10 مرات و برضه لأ

اقول لها طب هعد لغايت 3 و لو معملتيش كدا انت عارفه او لو معملتيش هضربك او اي شي او بدون حتي ذكر هعمل ايه

بعد رقم 2 الحاجه بتتعمل علطول

انا طبعا بنتي لسه صغيره 3 سنين و نص لكن متوقعه مشاكل اكبر لما تكبر عن كدا و يا ريت اعرف اسلوب أفضل و تربوي

[pink rose]

طيب انا هاحكيلكم موقف و ماذا تفعل لو كنت مكاني

من شوية مريم عرفت اننا هانخرج المهم قلعت البنطلون و الدنيا برد و كنا لسا شوية على ما ننزل

المهم بهدوء كده لو سمحتي يا مريم البسي بنطلونك لسا مش هاننزل دلوقتي

طبعا حوارات مش دلوقتي ليه و و امتي المهم

البسي يا مريم بنطلونك طيب يا مامي هالبس بنطلون الخروج لا لسا بدري يا مريم على الخروج البسي بنطلون البيجاما

طب يا مامي البس هدوم بيت غيره مش هاينفع يا مريم الهدوم كلها منشورة البسي دا دلوقتي

طيب يا مامي البس بنداكور لا يا مريم الدنيا برد

طيب يا مامي البس البنداكور تحت بنطلون البيجاما

لا يا مريم ما ينفعش و طبعا نبرة الصوت بدأت تعلى لاني بقالي تلت ساعه باقول البسي البنطلون

المهم قولتلها البسي البنطلون بدل ما اقوم اضربك

تقوم تقولي لو ضربتيني هاضرب فارس (ابن اختي بيبي لسا عنده 5 شهور)

معلش طولت عليكم بس عشان تعرفوا الموقف بالتفصيل الممل

هااااااااااااااااااااا تعملوا ايه لو كنتوا مكاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[se_ Elsyed]

ليها حق مريم عند معاكي طالما بتسخدمي معاها مصطلحات علميه غريبة

إيه لا مؤخذه البنداكور ده ؟

طيب يا مامي البس بنداكور لا يا مريم الدنيا برد

طيب يا مامي البس البنداكور تحت بنطلون البيجاما

والله العظيم لو حد في مره قال لي البس البنداكور .. هاديله في وشه على طول ...

-------------------

أنا شكلي طولت في السفر بره مصر .. واحده تقول بادي بنتي التاتنيا عشان تسكت ... والتانيه تقول ليها البسي بلنا دكر تحت المنطلون ....

هو حصل إيه تاني في مصر انا مش عارفه يا ناس

[واحد تاني]

المهم قولتلها البسي البنطلون بدل ما اقوم اضربك

تقوم تقولي لو ضربتيني هاضرب فارس (ابن اختي بيبي لسا عنده 5 شهور)

معلش طولت عليكم بس عشان تعرفوا الموقف بالتفصيل الممل

هااااااااااااااااااااا تعملوا ايه لو كنتوا مكاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اقول لها لو مش هتلبسي البنطلون هديه لفارس :lol:

ولو فارس موجود بالفعل حاولي تلبسيه البنطلون wst::

الاطفال بتحب التلقيد وبتحب حاجتها وتخاف عليها لو حسيت انها ممكن تضيع منها

والله اعلم :lol:

[اغابي]

طيب انا هاحكيلكم موقف و ماذا تفعل لو كنت مكاني

من شوية مريم عرفت اننا هانخرج المهم قلعت البنطلون و الدنيا برد و كنا لسا شوية على ما ننزل

المهم بهدوء كده لو سمحتي يا مريم البسي بنطلونك لسا مش هاننزل دلوقتي

طبعا حوارات مش دلوقتي ليه و و امتي المهم

البسي يا مريم بنطلونك طيب يا مامي هالبس بنطلون الخروج لا لسا بدري يا مريم على الخروج البسي بنطلون البيجاما

طب يا مامي البس هدوم بيت غيره مش هاينفع يا مريم الهدوم كلها منشورة البسي دا دلوقتي

طيب يا مامي البس بنداكور لا يا مريم الدنيا برد

طيب يا مامي البس البنداكور تحت بنطلون البيجاما

لا يا مريم ما ينفعش و طبعا نبرة الصوت بدأت تعلى لاني بقالي تلت ساعه باقول البسي البنطلون

المهم قولتلها البسي البنطلون بدل ما اقوم اضربك

تقوم تقولي لو ضربتيني هاضرب فارس (ابن اختي بيبي لسا عنده 5 شهور)

معلش طولت عليكم بس عشان تعرفوا الموقف بالتفصيل الممل

هااااااااااااااااااااا تعملوا ايه لو كنتوا مكاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اليـــــــــــــك اقتـــــــــــــراح

1- تطنيشيها بعد اول طلب منها انها تلبس البنطلون - اطلبى منها وطنيشيها لمدة 10 دقائق -

2- تعالى جنبها واتكلمى فى الموبايل ( كدا وكدا على انك بتكلمى باباها ولو موجود باباها كلمى اى حد من العيلة تعرفه عم او تانت او اى شخص - وقوليله فى التلفون ايه دا انت بجد جبت حاجة حلوة لمريم - بس هى ما لبستش البنطلون ومش بتقول اوكيه يا مامى

3- اقفلى التليفون فورا علشان ما تاخدش التلفون تكلم هى الشخص لانها اكيد حتعرض وجهة نظرها وتشكى للى على التليفون من تصرفاتك معاها واللى هى فى اعتقادها انك انت اللى غلطانة - واطلبى منها للمرة التانية تلبس البنطلون بعد قفل المكالمة .

4- دائما احتفظى فى منزلك بحلويات وخبيها للاوقات دي - وتجيبى اى حلوى وخبيها ورا ظهرك وقوليلها كانك بتلعبى معاها وبهدوء مين الحلوة اللى حتاخد الحاجة الحلوة

بعد كل دول البنت حتكون هديت وفورا حتلبس البنطلون - وواضح انها بتغير من فارس جدا ففهميها انه وحش وبيلبس بامبرز لكن هى شاطرة وجميلة مش بوببا زى فارس هو بوببا وحش - السياسة مع الاطفال بتسرق منهم العند .

اغابي

تم تعديل 25 أبريل 2010 بواسطة اغابي

[اغابي]

ليها حق مريم عند معاكي طالما بتسخدمي معاها مصطلحات علميه غريبة

إيه لا مؤخذه البنداكور ده ؟

طيب يا مامي البس بنداكور لا يا مريم الدنيا برد

طيب يا مامي البس البنداكور تحت بنطلون البيجاما

والله العظيم لو حد في مره قال لي البس البنداكور .. هاديله في وشه على طول ...

-------------------

أنا شكلي طولت في السفر بره مصر .. واحده تقول بادي بنتي التاتنيا عشان تسكت ... والتانيه تقول ليها البسي بلنا دكر تحت المنطلون ....

هو حصل إيه تاني في مصر انا مش عارفه يا ناس

:ninja:

اما انت يا سين سين -

فيعجز لسانى عن وصف شخص يتمتع بكل هذا الكم من خفــــــــــــة الظــــــــــــل -

ربنا حيكرمك وحيفرحك لانك بتعرف ترسم ابتسامة جميلة كل صبح على وجوهنا كلنا وداه شيء صعب مش اى حد يقدر عليه .

:cry1: clp::

clp::

اغابي

[رضوي]

السلام عليكم ورحمة الله وبركاته

تختلف انواع عقاب الطفل ........ باختلاف سنه وطريقة تربيته ونوع الخطأ الذي اقترفه

بمعني

موش هقدر اعاقب طفل عمره سنة بنفس العقاب اللي هعاقب به طفل عمرة خمس سنوات لنفس الخطأ

مشكلة العند وعدم سماع الكلام دي ماجتش من فراغ ياجماعة

العند نتيجة لتصرفات الآباء ................ اما نتيجة للقسوة ............ أو نتيجة للدلع ........... أو للتذبذب في المعاملة

نتكلم عليها بعدين

لكن

فيه طفل تكفيه نظرة عين لائمة ........... ممكن يعيط بسببها ويعرف غلطة ومش هيكرره

وطفل تاني لازم نملص ودانه علشان يفهم

الضرب ممنووووووووووووووع منعاً باتاً لانه بيسبب مشاكل كبيرة جداً للاطفال

العصبية الزايدة مشكلة كبيرة جداً .......... هتسبب مشاكل كتير وهنفقد بيها السيطرة علي الطفل لانه هيتحول لشخص عصبي انفعالي

لازم يكون للطفل كبير يهابه ويحترمه ويخاف انه يزعل منه ( يعني لو قلتله لو بابا عرف انك عملت كذا هيزعل منك اوي ....... زعل بابا هنا في حد ذاته عقاب ............ لانه بيحب بابا - موش بيخاف منه - ولو بابا زعل هتبقي مشكلة بالنسبة للطفل )

ماينفعش اقول للطفل علي حاجة غلط ويجي حد تاني يقوله عليها صح

لازم الطفل يفهم هو بيتعاقب ليه

كفاية اوي اني لما ازعل منه اكشر في وشه وابين اني زعلانة

زي ما فيه اسلوب للعقاب فيه اساليب تانية للثواب .......... لما الطفل يعمل حاجة كويسة لازم يثاب عليها علشان نشجعه

لازم الطفل يكون له قدوة موجودة ادامه ( ماينفعش اقول لابني ماتكلش شيكولاتة علشان الحساسية وانا قاعدة ادامة باكل شيكولاتة واقوله انا ماعنديش حساسية )

الطفل لازم يفهم ان العقاب لمصلحته وان ماما بتحبه علشان كدة خايفة عليه

السن بقي يختلف في ايه

( لاعب ابنك لسبع ,, وادبه لسبع ,,وصاحبه لسبع ,,, ثم اترك له الحبل علي الغارب )

يعني السبع سنوان الأولي .......... العقاب باللعب ....... ازاي ؟؟؟....... يعني انت محروم من اللعب ...... مافيش شيكولاتة ......... مش هتروح عند جدو ........ ممكن اضربه علي ضهر ايدة بالراحة طبعاً ( بالسواك مثلاً اقتداءً بالنبي عليه أفضل الصلاه والسلام )

من سبع سنوات حتي الرابعة عشر ......... يبداْ يتعلم الصح من الغلط ........ وهنا اسلوب العقاب مختلف تماماً ........ الحرمان من المصروف لمدة معينة ......... مافيش خروج ولا فسح ......... مافيش ركوب عجلة ........... مش هتقعد علي الكمبيوتر ..........مش هشتري ليك اللعبة اللي انت عايزها وممنوع من اللعب بتاعتك لمدة معينة

*تكرار الخطاً يستلزم زيادة العقاب

من سن الرابعة عشر وحتي الواحد والعشرون ......... نبدأ نصاحب الطفل ونتقرب منه جداً ( مابقاش طفل اصلاً ) انسي انك كبير وعاقل وخليك صاجبه في سنة ........... بلاش دور الناصح الواعظ دايماً ......... بس فكروا مع بعض في التصرفات

وماتنسوش ............ انكم الكبار وانه هو الصغير ........... يعني لازم يكون فيه مرجعية ليكم ........ وعقاب بتطبقوه عليه ....... بس العقاب هنا هو عارف انه للاصلاح ......... منعاً للتمرد

ان شاء الله نقدر نتناول الموضوع بالتوضيح والتفصيل اكتر من كدة بعدين

ريمو

ماتوصليش بنتك لمرحلة الجدل ........... دايماً احتفظي بنظرة تفهم من خلالها انك متضايقة ....... وتعرف ان بعد النظرة دي لو مانفذتش يبقي مافيش نزول اصلاً

المشكلة بجد

ان جو العقاب دة بيبقي صعب جداً في وجود الأهل وخاصة الجد والجدة .......... لانهم بيدلعوا زيادة عن اللزوم وبيفسدوا اي محاولة للعقاب

[pink rose]

ليها حق مريم عند معاكي طالما بتسخدمي معاها مصطلحات علميه غريبة

إيه لا مؤخذه البنداكور ده ؟

طيب يا مامي البس بنداكور لا يا مريم الدنيا برد

طيب يا مامي البس البنداكور تحت بنطلون البيجاما

والله العظيم لو حد في مره قال لي البس البنداكور .. هاديله في وشه على طول ...

-------------------

أنا شكلي طولت في السفر بره مصر .. واحده تقول بادي بنتي التاتنيا عشان تسكت ... والتانيه تقول ليها البسي بلنا دكر تحت المنطلون ....

هو حصل إيه تاني في مصر انا مش عارفه يا ناس

يا اخي الله يسامحك على اللي بتعمله فيا انت و لماضة انتوا حد مسلطكم عليا؟؟؟؟؟؟؟؟؟ :blink:

وبعدين ماله البنداكور ها ماله :sad:

[pink rose]

المهم قولتلها البسي البنطلون بدل ما اقوم اضربك

تقوم تقولي لو ضربتيني هاضرب فارس (ابن اختي بيبي لسا عنده 5 شهور)

معلش طولت عليكم بس عشان تعرفوا الموقف بالتفصيل الممل

هااااااااااااااااااااا تعملوا ايه لو كنتوا مكاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اقول لها لو مش هتلبسي البنطلون هديه لفارس :blink:

ولو فارس موجود بالفعل حاولي تلبسيه البنطلون :sad:

الاطفال بتحب التلقيد وبتحب حاجتها وتخاف عليها لو حسيت انها ممكن تضيع منها

والله اعلم :)

لا لو قولتلها كده هاتكرهه مش هاتحبه

هي اصلا بتموت فيه بس اهو كلام و خلاص بيتقال لمجرد انها تضيع وقت و تعند و ما تلبسش مش اكتر

[pink rose]

اغابي و رضوى كلامكم عاوزة ارد عليه بروقان

فا ان شاء الله اتكلم معاكم بكرة

[ozoozo]

انا عن نفسي بربط ايديه بالسوليتيب العريض واربطه بعد كده في اكره الباب لمده خمس دقايق

بس ده لما يكون غلط كبير اوي زي اللعب في الكهرباء مثلا دي ماينفعش فيها كخ وماتعملش كده تاني ولا اكررها كثيرا الا في الحالات التي تمثل خطوره عليه حتي لا يفقد هيبه العقاب

[جنه]

انا في راى ان تربية الاطفال محتاجه مسايسه و صبر و نفس طويييييل قدر الامكان لان فعلا الخطأ في التربيه في سن مبكر ممكن تخلي صفات وحشه تفضل مع الطفل لحد ما يكبر... عجبتنى اوى كلمه قالتها مدام اغابى ان السياسة مع الاطفال بتسرق منهم العند .يا ريتنى عملت كده مع بنتي الكبيره اللى كانت عنيييييييده جدا وهي صغيره (و ما زالت) لانى كنت بعند معاها و اصمم انها تعمل الصح واللى في مصلحتها بس كانت النتيجه اننا نتخانق مع بعض و تعمل المطلوب منها بس وهى حاسه بالظلم! طبعا الواحد بيستفيد من اخطاؤه (كخبره تراكميه) في اولاده التانيين ... و ده اللي عملته مع بناتي التانيين ... ربنا يهدى اولادنا اجمعين.

اخر العنقود لولو عندها سنتين و تمن شهور .. جت اختها الوسطانيه متنرفزه وبتقول لى بصي لولو شخبططلى في كتاب الماث... فدار الحوار ده بيني وبين لولو:

أنا: كده يا لولو تشخبطي على كتاب اختك؟

لولو:أه.

أنا: مش انت عارفه ان مس هاردير و مس اشفرد كده ممكن يزعاولها؟

لولو: خليهم.

أنا: مش انت بتحبي اختك؟

لولو:لأ (مع انها طبعا بتموت في اخواتها...بس عند و خلاص)

أنا: طب على فكره انت بتفكريني بحماده اللى بيشخبط شخابيط و محدش بيحبه عشان بيخرطش ع الحيطان.

لولو: انا بحب حماده !!!!

أنا : بس انا اشتريتلك دفاتر تلوين و كمان Barney magic colour ... الله هو فين تعالى ندور عليه عشان نلون مع بعض.

لولو: ok

أنا :بس الاول نروح نعتذر لاختك و مش نعمل كده تاني ok ؟

لولو: ok .

[fatfouta]

ليها حق مريم عند معاكي طالما بتسخدمي معاها مصطلحات علميه غريبة

إيه لا مؤخذه البنداكور ده ؟

طيب يا مامي البس بنداكور لا يا مريم الدنيا برد

طيب يا مامي البس البنداكور تحت بنطلون البيجاما

والله العظيم لو حد في مره قال لي البس البنداكور .. هاديله في وشه على طول ...

-------------------

أنا شكلي طولت في السفر بره مصر .. واحده تقول بادي بنتي التاتنيا عشان تسكت ... والتانيه تقول ليها البسي بلنا دكر تحت المنطلون ....

هو حصل إيه تاني في مصر انا مش عارفه يا ناس

إحم إحم

حد بيجيب سيرتى هنا؟؟؟

وبعدين بقى.......قولنا تيتينا... تيتيـــــــــــنا

اتعلموها بقى

[اغابي]

انا عن نفسي بربط ايديه بالسوليتيب العريض واربطه بعد كده في اكره الباب لمده خمس دقايق

بس ده لما يكون غلط كبير اوي زي اللعب في الكهرباء مثلا دي ماينفعش فيها كخ وماتعملش كده تاني ولا اكررها كثيرا الا في الحالات التي تمثل خطوره عليه حتي لا يفقد هيبه العقاب

لا - - - لا - - حرام عليك انت بترعبه بالشكل دااه - شوية شوية وفهمه بالراحة ان داه غلط كتير ويعمل واوااا ويخليه يعيط دايما

وكمان فهمه انك مش حتجيبله حاجات جميلة - لكن تربطه فى اوكرة الباب يا قلبك القاسي يارااجل حراااام عليك ..

ودايما خلى عندك الحافز والتشجيع زى لعبة صغيرة من العاب كيندر اسبرايس - حجمها صغير والاولاد بيحبوها اوى او شيكولاه - وكل دااه حافز للطفل انه يسمع الكلام ويبقى مطيع وفى نفس الوقت مش عنيف ..

اغابي

[جنه]

الفاضل ozoozo السوليتيب بيوجع قوي لما بييجي يتشال ... ولاحظت ان الاطفال بيتالموا جدا لما نشيل البلاستر لما بيكونوا متعورين... انا مقدره رعب حضرتك من موضوع الكهربا لكن بشخطه جامده من حضرتك و تبين له مدى خوفك و قلقك (والاطفال بيفهموا كل حاجه والله ) ان شاء الله يبعد عن الغلط و ما يرجعلوش تاني .... ربنا يحفظ اولادنا من اي شر و اى سوء .امين.

[الغريب]

الأطفال في كل سن ليهم عقاب مناسب من وجهة نظري

3 سنوات زي حالتك ياريمو متهيألي بيحبوا يكونوا زي الكبار ، علشان كدة ببساطة تقوللها ألبسي ملبستش قوللها مش مشكلة أنت لسه صغيرة اللي بيلبس الكبار بس .. هتلاقيها على طوول نفذت

ملحوظة / أنا مش مع اللي رافض الضرب بشكل عام ولكل الحالات ، لأ الضرب مطلوب في حالات معينة ولازم يكون كارت إرهاب ظاهر للأطفال .. ده رأيي