دليل القادمين إلى سوريا ..

[bongeorgeo]

بعض الصور فى باب توما

[bongeorgeo]

باب توما الأثرى

تم تعديل 13 مايو 2010 بواسطة bongeorgeo

[bongeorgeo]

باب شرق من الداخل و الخارج

أنا بموت فى البلد دى ! جامدة جدا :blush2:

[مازن أطرش]

شكرا اخ يونجورجيو على مجاملاتك اللطيفة ..بس زعلت منك عشان الشغل ..مفيش شغل بسوريا ؟؟؟ ايه الكلام ده ..في شغل طبعا ..بس للسوريين ههههه..بالنسبة لحبيب السواق آخر معلوماتي انه خذل الأخ فارما ..بس الأخ فارما ...ميتخافش عليه ..انا عقدت معاه اجتماع على مستوى ..القاع..بين مصر وسوريا ..جنب السفارة المعظمة ..سفارة كندا طبعا ..بس مش عاوز احكي تفاصيل مقابلته .عشان يحكيلكم هو..يارب كل اللي عندو مقابلة يبلي بلاء حسن زي الأخ فارما ..

تم تعديل 13 مايو 2010 بواسطة مازن أطرش

[محمد كيبيك]

دير مار بولس باب شرقى طريق جومانة مفرق دويلعة طبالة تليفون 00963114723377

فندق الديوان دمشق بحصة مدخل ساروجة 2318567- 2318567

فندق الخيام ش 29 ايار خلف سينما السفراء 2323301- 2323300- 2323302

فندق القصر الفرنسى دمشق شارع 29 ايار جانب مطعم الكمال 2321950- 2314015

فندق الحرمين سوق ساروجة البحصة 00963112319489

فندق ش خالد بن الوليد جانب المطبعة الرسمية 00963112226737

فندق الثورة خلف القصر العدلى 00963112228558

فندق البرج الفرنسى ش 29 ايار 009633112314000

فندق الماجد

بالتوفيق لكل اللى عندة مقابلة فى سوريا

[Pharm]

ربنا يخليك يا اخ مازن ومحدش يفكرنى بحيب السواق عشان بتحصلى تشنجات . بكرة نعملها قمة فى كندا وربنا يسهلك طريقك عشان انا بقيت فى طابور الميديكال ونفسى ازق بقا من الطابور ادينا فرصتنا هههههههههههه

بس يا جماعه انا عاوز اكتبلكم انطبعاتى عن سوريا الحبيبة بجد حسيت اد ايه انهم ناس طيبين بسطاء حبوبين وحلوووووووووووووين راح انزل الصور واحكى عن

الاماكن اللى زورتها لانى عملت جولة سياحية بارخص الاسعار اللى ممكن تتخيلوها . وكمان اكلت كذا حاجة هناك مميزة سورى على عراقى لما كنت هفرقع من الاكل هههههههههههههه

[mostafamaher]

انا عملت سيرش في موقع مصر للطيران ولقيته كاتب سعر تزكره ذهاب وعوده لدمشي من القاهره ب 2100 ج هل دا صحيح؟

[Morial]

بكرة العصر هكون في سوريا بإذن الله

وإللي أكيد سوف احتفظ بذكري لها مدي الحياة

واتعشم في الله سبحانه وتعالي انها تكون ذكري سارة

يـــــــــــــا رب

[Morial]

السلام عليكم

اذيكم جميعا

انا بكتب لكم من سوريا

انا لسه واصله من 4 ساعات

ونزلت في الدير

وللعلم اسعاره بقت اغلي

الليله بألف ليرة

واتمشيت شوية في باب شرق

واكلت في مطعم ودخلت كوفي شوب وانترنت كافيه

اللي بكتب لكم منه دلوقتي

علي فكرة سوريا تجنن والسوريين حبوبين ومتعاونين جدا

ومن جمال البلد وذوق الناس وطيبيتهم سيبت المذاكرة ونسيت قلق الانترفيو

بالذمة دي تصرفات واحدة وش csq

[mostafamaher]

ياروقانك

[مازن أطرش]

السلام عليكم

اذيكم جميعا

انا بكتب لكم من سوريا

انا لسه واصله من 4 ساعات

ونزلت في الدير

وللعلم اسعاره بقت اغلي

الليله بألف ليرة

واتمشيت شوية في باب شرق

واكلت في مطعم ودخلت كوفي شوب وانترنت كافيه

اللي بكتب لكم منه دلوقتي

علي فكرة سوريا تجنن والسوريين حبوبين ومتعاونين جدا

ومن جمال البلد وذوق الناس وطيبيتهم سيبت المذاكرة ونسيت قلق الانترفيو

بالذمة دي تصرفات واحدة وش csq :blush2:

.بالنوفيق بإذن الله ..بس ماتنسيش المذاكرة ..انتي بقلبنا وبعيوننا :wub: ..بس وحياتك خليكي بالمذاكرة ..خليها ذكرى حلوة من كل النواحي :rolleyes: ..وخصوصا من اهم ناحية csq وبعد ماتنجحي :rolleyes: ..ابقي تمتعي بجمال بلدنا . .

[الرحالة باشا]

حمد الله علي سلامتك يا أخت منال وربنا معاكي , إن شاء الله ناجحة , روقي مزاجك وجهزي نفسك للرد علي اللي شوفتيه وزورتيه في سوريا لأنه أكيد هايسألك عليه طالما إنك جيتي قبل المقابلة بكام يوم , موفقة إن شاء الله

أ. مازن أنا أتصلت بفندق الإيوان اللي أنته رشحته لينا , فعلاً هو واضح إنه فندق نظيف لأنه أربع نجوم , لكن يا باشا سعر الغرفة فيه 113 دولار في الليلة يعني أكتر من 600 جنيه في الليلة :closedeyes:

في عرضك يا باشا شوف لينا حاجة أرخص من كده بس برده نظيفة ومش بعيدة عن وسط البلد قوي , المهم ماتبقاش الكلوب الزينبي ( حاجة كده بهدلة يا باشا ) يعني الملايات ( الشراشف ) تكون ببتغير ونظيفة ومفيش صراصير

علي فكرة أنا كلمت فندق القصر الفرنسي قالي إن الليلة ب 2000 ليرة حوالي 43 دولار بس للأسف مفيش حجوزات لشهر 6 complet يا باشا ,علي فكرة الفندق 3 نجوم

برده كلمت فندق الخيام وده خلف سينما السفرا زي ما عرفنا من أخونا محمد كيبك وقالي إنه 3 نجوم وبيقول الحجز قبل ماتيجي بيومين , بالزمة ده كلام , معقولة هاقعد علي أعصابي لحد قبل السفر بيومين علشان أحجز

في عرضك يا باشا حل لينا المشكلة دي , أخوك هايجي هو ومراته ومش عاوز أتبهدل وأبهدل بنت الناس معايا

وشكراً جزيلاً مقدماً يا أ. مازن

[مازن أطرش]

عزيزي الرحالة باشا ...اتصلت اليوم باكتر من فندق ومعظهم محجوز لآخر السنة !! بس في فندق البرج الفرنسي ...اتصلت بيه وقال انو ممكن يحجز قبل اسبوع ..لذلك ممكن تحجز فيه ..ورقمه00963112320330 ..وبشكل عام انت تخش موقع وزارة السياحة السورية وتبص على فنادق النجمتين لكن فقط اللي عنوانها بالبحصة واتصل بيهم وشوف اللي يناسبك واي طلب تعوزو اطلبو من اخوك مازن ..

تم تعديل 24 مايو 2010 بواسطة مازن أطرش

[Ahmed Anwer]

ألف شكر علي الموضوع الجميل ده ،،،

أنا قريت الموضوع كويس علي قد ما قدر عشان مأسألشي سؤال مكرر

بالنسبة ليا أنا مش مسافر عشان مقابلة

أنا مسافر عشان شغل ،،، هاشتري بضاعة من هناك يعني

السؤال دلوقتي حضرتك بتقول ندور علي فنادق في البحصه أفضل من المرجه

أنا طبعا رايح شغل فمش عايز أدفع فلوس كتير و لوحدي بس برده مش عايز أتبهدل

صديق سوري ليا قالي تنزل من المطار تركب لمنطقة اسمها ساحة الحجاز

دي مليانة فنادق بس قليل منها اللي كويس بس أسعار معقولة

انا مش عارف بقه المناطق الثلاثة دي البحصة - المرجة - ساحة الحجاز

أنهوا افضل منهم و أنهوا اقرب للأسواق و المطاعم و نص البلد و كده عشان ما ازهقشي

و هل كلهم قريبين من بعض ،، غالبا الواحد هيسافر و يبتدي يحجز علي الكاونتر

فلو منطقة معجبتهوش هل هما قريبين من بعض ،، الواحد يروح يشوف منطقة تانية

و فندق دير ما بولس هل هوا في منطقة حيوية و لا منطقة متطرفة

و بعد ما خلص الشغل ،،

هل السفر إلي حلب سهل و لا مكلف و بياخد وقت طويل

و برده أنزل في أنهو منطقة في حلب

و حلب و لا اللاذقية أمتع أو اقرب

مستني ردود حضرتك ،، إن شاء الله

تم تعديل 24 مايو 2010 بواسطة Ahmed Anwer

[الرحالة باشا]

عزيزي الرحالة باشا ...اتصلت اليوم باكتر من فندق ومعظهم محجوز لآخر السنة !! بس في فندق البرج الفرنسي ...اتصلت بيه وقال انو ممكن يحجز قبل اسبوع ..لذلك ممكن تحجز فيه ..ورقمه00963112320330 ..وبشكل عام انت تخش موقع وزارة السياحة السورية وتبص على فنادق النجمتين لكن فقط اللي عنوانها بالبحصة واتصل بيهم وشوف اللي يناسبك واي طلب تعوزو اطلبو من اخوك مازن ..

الله يخليك يا أ. مازن والله أنت نعم الأخ والصديق , ربنا يكرمك و جزاك الله خيرا

[مازن أطرش]

الأخ احمد انور ..المناطق دي كلها قريبة من بعض ..يعني ساحة الحجاز والبحصة والمرجة وشارع 29 ايار ..كلن جنب بعض وهما بنص البلد وفيهم فنادق مختلفة المستوى والأسعار ..بس مابنصح تنزل بالمرجة الا للشديد القوي wst:: ..مع انك بما انك بطولك وعشان شغل ممكن تكون مناسبة wst:: ..بس مع ذلك بفضلك المناطق التانية (بحصة-شارع 29 ايار-ساروجة) وزي ماقلت كلهم بنص البلد وقريبين من المناطق الحيوية..بس الدير ابعد شوية ..بالنسبة لحلب واللاذقية تقريبا المسافة واحدة .. يعني اربع خمس ساعات مسافة السكة :sad: ومابنصحك بحلب دلوقتي (انا طبعا ساكن بحلب واحطك بعيني :wub: ) بس المشكلة ان السلطات المحلية بالوقت ده وكأنها كانت نايمة وصحيت . bv:- .يعني شغالة حفر وشوارع وجسور بحلب ..لذلك مابنصحك فيها الاإذا كنت عاوز تنزل تشتري بضائع فحلب بضائعها ارخص من دمشق (وتقدر تقول زي الصين تلاقي اللي انت عاوزو بالسعر اللي يناسبك ) وهناك بحلب فتادق شارع بارون كويسة زي فندق بارون ورمسيس وفي فندق ريغا كمان كويس ..طبعا بتكلم عن الفنادق المتوسطة ..اللاذقية طبعا مدينة ساحلية ..يعني لوغاوي بحر تنزل اللاذقية . :blink: وطبعا تروح مباشرة ريف اللاذقية ..يعني راس البسيط او ام الطيور وكمان في منطقة رائعة اسمها (كسب )بفتح الكاف والسين وهي منطقة تجمع البحر والجبل ..بس لو كان وقتك قصير وغاوي طبيعة ..تخليك بدمشق وتطلع المناطق القريبة منها .(.بلودان - الزبداني - )..واهلا بيك بسوريا بيتك ومطرحك .

تم تعديل 24 مايو 2010 بواسطة مازن أطرش

[Morial]

والله يا استاذ مازن انا مش عارفة هو حضرتك عايز تهاجر ليه اصلا

وبعدين هل يا تري لقيت اسباب تقولها في المقابلة

بلدكم نضيفة وراقية وكل حاجة موجودة والدنيا رخيصة وهادية ومفيش زاحمة والناس ذوق وشيك ومحترمين

عايز تهاجر ليه بقي د

وكله كوم والامانه كوم تاني

والله انا مش بجاملك اللي انا قلته ميجيش واحد علي عشرة من الحقيقة

واكتر حاجة عجبتني هنا بصفة شخصية هي ان كل واحد في حاله ومفيش حد بيتطفل علي حياة حد ولا لبس حد

الناس ماشية في الشارع في حالها ومحدش بيبص علي حد اصلا

ايه الامان ده والرقي ده

ده حتي الاحياء الشعبية الواحد ميلاقيش ورقة في الارض

عقبالنا لما نبقي ربعكم

[Ahmed Anwer]

جزاك الله خيرا علي الرد ،،، ما قصرت

اخر استفسار wst::

هل في الوقت ده من السنة ( الأسبوع الجايي إن شاء الله ) الأفضل إني اتصل بالفنادق من مصر و احجز من مصر و كده

عشان ابقي ضامن حجز

و لا بما إني بطولي انزل و الف علي الفنادق و اتفرج علي الغرف و انقي براحتي

و احجز من علي الكاونتر و مش هأنزل في المرجه ،، عشان محتاج أمان هيكون معايا فلوس الشغل

الصراحة انا باستريح للحل التاني دايما في أي سفرية

مادام بلد جديدة و مش مجرب فندق معين فيها كده كده

تم تعديل 24 مايو 2010 بواسطة Ahmed Anwer

[اغابي]

مــبروووك يا منـال النجاح

يظهر ان سوريا وشها حلو عليكي

الف مبروك - الف مبروك - الف مبروك - الف مبروك

وحاوزع فى كل مكان مبروك علشانك يا منال

اغابي

bv:-

تم تعديل 25 مايو 2010 بواسطة اغابي

[مازن أطرش]

أخ احمد انور حلك التاني افضل ..وبالمرة تشوف البيوت الشامية القديمة اللي بساروجا وبباب توما ..اللي عادة بيقعد فيها السواح الاجانب (اللي طبعا انتو من اهل البلد )..دور ونقي على كيقك