الى الأستاذ بايت

[se_ Elsyed]

ولاد الحرام نشلوا محفظتي

قصة ملفقة الصعايدة بيقلوا قطوني يا بوي

وكمان ما بيقولشي محفظفتي بيقول السيالة وكمان ما بيقولشي ولاد الحرام بيقول ولد الفرطوس

اتعلموا لغات فضحتونا يابوي

لأ معليش بقى ، انت بقى لك كتير بره مصر والدنيا واللهجة اتغيرت يا حاج ..

يا عم السيالة دي هي المكان الغويط اللي بيتحط فيه المحفظة .... وبعدين أنا قابلت واحد صعيدي كان متعلم يعني لا يعرف فرطوس ولا فنطاس .... :lol:

[Byte]

فاكرين قلتلكم انى كل ماضحك كتير اتذكر كلمة الأمير نور الدين محمود فابكى؟ ووضعت وصلة لهذا الموضوع فى هدى الإسلام؟

الكوتش محمد معحبهوش الكلام ، وجه ورايا هناك وبوظ الموضوع تماما، خلاه مضحكة مش مبكاة! :angry:

دلوقتى بقيت كل ماضحك كتير ، افتكر كلام الامير محمود ابكى، افتكر بعدها كلام محمد ابو زيد ارجع اضحك تانى ، منك لله يا محمد، الناس تقول عليا ايه : مجنون! بيضحك ويبكى فى نفس الوقت! cbyb: ;) eey::

بدأت الموضوع هناك ووصفت شعورى لما باضحك كتير وافتكر كلمة خليفة المسلمين نورالدين محمود!

دخل محمد وقال: لأ ، مش معيط، احنا ماكنشاش بنعيط فى الجيش! gsm::

قلتله بلاش يامحمد، ماتعيطش، انا باتكلم عن شعورى انا

قاللى الرجاله مابيعيطوش cbyb:

قلتله اعظم الرجال بكوا

قاللى بس الصعايدة مابيعيطوش card))

وبعد فاصل خناقات قاللى اذكر حديث يحثنا علي البكاء

ذكرتله حديث ، قال بس ده بره التوبيك :o

طب اعملك ايه يامحمد؟ اجيبلك حديث من الرسول عن بكاء الأمير نور الدين محمود؟

وبعدين رجع تانى قال بس البكاء خشية الله دا قمة الايمان

قلت هييييييه ، الحمد لله ، محمد اقتنع jmb-) clp::

قاللى لأ ، انا قلت البكاء من خشية الله وليس خوفا من معركة أو حرب!!!

يــــــــــــــــــــــا لــــــــــــــــــــــــــهـــــــــــــــــــــــــوي

الرحمة يامحمد مش كده، كده انا ممكن يجيلى شلل رباعى فى مرة من المرات وانا قاعد قدام الكمبيوتر! mf( B)

حد قال اننا المفروض نبكى خوفا من معركة او حرب! f((:

ان كنا قلنا كده، شاورللى طيب على انهى حته فى الموضوع قلنا فيها كده ، من اول مرسي بن المعلم الزناتى اتهزم يا مينز!

ده بالعكس اللى يبكى خوفا من الحرب يبقى جبان ولا يتسم باخلاق المسلم!

ياترى انت فهمت من كلمة الأمير محمود انه كلن بيبكى خوفا من الحرب!

الرجل لم يستطيع الابتسام كمدا وحزنا على احتلال بلدا اسلاميا، خاصة انه الخليفة ويشعر بالمسئولية! فاحس انه لا ينبغى له ان يبتسم حتى يطرد المحتلين!

والله طول النقاش ، وحتى نهايته، ماعرفش ان كنت بتتكلم بجد ولا بتهرج!

(وعلى فكرة، حقيقى وبجد وبعيدا عن التهريج : MHM ماغلطش فى كلامه ، ماينفعش يا محمد نقول سيدنا محمد صلى الله عليه وسلم ترد تقول الصعايدة، انا عارف انك ماتقصدش بس ده مايمنعش انه غلط، ومش عيب لما نغلط نصلح غلطنا، انا ايضا شعرى ابيض وصلح لى حيزوم وعبد الحكم اخطاء لى وقعت فيها بدون قصد فيما سبق - رغم ان عمرهم نص عمري- ومااستحييتش انى اعتذر عن الخطأ، واشكرهم كمان على التصحيح)

جيش ايه بقى يامحمد اللى انت حاشره فى الموضوع؟ وايه علاقته؟

اولا انا مصدقك تماما بأن الشهداء كانوا يضحكون وهم يستشهدون! وأين نحن من الشهداء؟ وهل تعلم مايرونه لحظة شهادتهم؟

لقد رأيت وجه شهيد فلسطينى مبتسما؟ ابتسامة رضى غريبة والله لم أرى مثلها!

ولكن ماعلاقة هذا بالموضوع. هذا موضوع مختلف الى درجة النقيض!

الشهيد يبتسم ابتسامة رضى، رجل ادى دوره!

اما انا فلا اقوى على الابتسام لأنى غير راض عن دورى كمسلم لخدمة الاسلام والمسلمين!

ازاى تقارن هذا بذاك؟ لو كنت مثله لضحكت وضحكت وضحكت وقلت

هذا يوم فرح وسرور

اليوم القى الأحبة ، محمد وصحبه

تم تعديل 10 يناير 2004 بواسطة Byte

[Mohammad Abouzied]

يا حبيبي انت الي ورطني مع MHM

انا اقصد متقلبهاش غم علينا يا راجل وخلينا نضحك تجيب لنا الامير محمود نور الدين وتخليه ينكد علينا ثم انت الي دخلت الرسول الكريم في موضوعنا مع انك قلت انه كان يبتسم عن اللقاء اي حديث وبعد كدا تجيب سيرته انه كان بكاء طيب من ايه وايه المناسبه

وما دخل المناسبة التي بكى فيها الرسول ومناسبة الكلام معانا هنا مع سي السيد وفيروز

بصراحة انت الي توهتنا ووديتنا باب هدى الاسلام ورجعتنا غلطانين منك لله fsh::

المهم صافي يا لبن واضحك يا راجل طالما بتعمل الي تقدر عليه نحو دينك ووطنك وطالما ما قصرتشي وراضي يبقى ليه تزعل نفسك

نجول من الاول

ازيك يا عثمان

[Mohammad Abouzied]

يــــــــــــــــــــــا لــــــــــــــــــــــــــهـــــــــــــــــــــــــوي

الرحمة يامحمد مش كده، كده انا ممكن يجيلى شلل رباعى فى مرة من المرات وانا قاعد قدام الكمبيوتر! :o  :angry:

اليوم القى الأحبة ، محمد وصحبه

ايه الشلل الرباعي دا

دا اخو الدفع الرباعي

[Byte]

بصراحة انت الي توهتنا ووديتنا باب هدى الاسلام ورجعتنا غلطانين منك لله

فى دى عندك حق، ادينى دافع اجرة تاكسي من جيبى علشان ارجعك ، ماتروحش هناك تانى بقى علشان حالة الشلل ال 4*4 ماتزيدش عندى!

[Facts researcher]

الإخوة والأخوات الأفاضل ،

الكتابة باللون الأحمر : تهديد معبرا عن استخدام صلاحياتى كمشرف

تكبير حجم الفونت : زعيق

تتقيل الفونت : جز على السنان

أرى فيما كتب في الإقتباس أعلاه أن الكلام يحمل المعنى أكثر من وضعه الصحيح و دقته.

فإن التكبير و تثقيله هو أساساً مثل علامات التنصيص في اللغة و التي جعلت أصلاً كأدوات لإستراعاء الإنتباه و جذبه ليس إلا ، وأرجو ألا يحمل بعضنا الكلام أكثر مما يحتمل !!

فإذا كان أستخدام هذه الأدوات في اللغة شيء سيء ، فلم جعلت علامات التنصيص إذاً !!

و إذا كان هناك إخوة لا يرغبون أن يروا هذه الأدوات مستخدمة ، فالتقوم الإدارة شاكرة بحذف هذه الأدوات عند كتابة أي مداخلة. بصراحة أجد أن هذا الكلام يحمل المعنى أكثر مما يحتمل.

و المحاورة حتى و إن كانت بين شخصين ، فإنها محاورة إن احتوت على كلام خارج حذفت المداخلة فوراً كما نعلم سواءً كانت المداخلة خط كبير أو صغير أو ملونة أو غير ملونة !!

أليس كذلك ؟

تم تعديل 11 يناير 2004 بواسطة Facts researcher

[Byte]

ليس هذا ما أقصده ان كنت ميزت به كلمة، ولكن عندما تكون المداخلة كلها بهذا التمييز، فيمكننى ان اثبت ما قلت ببساطة بأن أنقل مداخلتك انت اعلاه كما هى ثم اعملها ستايلنج ونشوف هاتدى انهى انطباع clp::

أرى فيما كتب في الإقتباس أعلاه أن الكلام يحمل المعنى أكثر من وضعه الصحيح و دقته.

فإن التكبير و تثقيله هو أساساً مثل علامات التنصيص في اللغة و التي جعلت أصلاً كأدوات لإستراعاء الإنتباه و جذبه ليس إلا ، وأرجو ألا يحمل بعضنا الكلام أكثر مما يحتمل !!

فإذا كان أستخدام هذه الأدوات في اللغة شيء سيء ، فلم جعلت علامات التنصيص إذاً !!

و إذا كان هناك إخوة لا يرغبون أن يروا هذه الأدوات مستخدمة ، فالتقوم الإدارة شاكرة بحذف هذه الأدوات عند كتابة أي مداخلة. بصراحة أجد أن هذا الكلام يحمل المعنى أكثر مما يحتمل.

و المحاورة حتى و إن كانت بين شخصين ، فإنها محاورة إن احتوت على كلام خارج حذفت المداخلة فوراً كما نعلم سواءً كانت المداخلة خط كبير أو صغير أو ملونة أو غير ملونة !!

أليس كذلك ؟

[Facts researcher]

الأخ العزيز بايت ،

كما وضحت أنت عني ، بأني قصدت بطبيعة الحال أجزاء أو جمل من المداخلة ، وليس المداخلة كلها طبعاً ياعزيزي .

ولو أن هناك إخوة أعزاء جداً لي في هذا المنتدى مثلاً يكتبون دائماً كل مداخلتهم بالخط الثقيل ، فلاأجد أنه يعني جز على الأسنان ؟!

ولكن الأهم هو المعنى ياعزيزي ، ممكن يعطي الخط الكبير طبعاً انطباع (زعيق) فهي كما قلت أدوات لاسترعاء الإنتباه (وأضيف ، بكل أشكاله). لكن كما قلت إذا كان ((كل)) المداخلة فهذا شيء آخر ، ونحكم عليه بالردود السابقة ، وسبب موضوع النقاش في المداخلة،.....إلخ.