هل تعرضت للاعتداء في الغربة؟وكيف تصرفت؟

[icehell]

عدم احساسك بالامان بالغربة خلاك تفكر ترجع مصر؟

ماهي الوسائل الفعالة لصد الهجوم من قبل الشباب السعودي ؟

ماتقولشي الشرطة لانها دائما في صفهم؟

تم تعديل 4 ديسمبر 2009 بواسطة Salwa

[pink rose]

معلش عندي سؤالين

هو حضرتك ذكر ام انثى؟

ايه نوع الاعتداء المقصود و يعني ايه هجوم الشباب السعودي؟

[icehell]

يعني كما هو معلوم لديكم

وانت ماشي في الشارع باليل او حتى بالنهار وكالعادة لقيت عيل سعودي مالوش لازمة راح شاتمك من غير سبب بس لانو اتعرف عليك انك اجنبي عشان موش لابس الثوب الابيض والعقال ...................

واستمر في استفزازو ليك بالرمي بالحصى!!!!!!

وعاوز يجر شكل ومجمع ...... الحي لضربك من غير اي سبب!!!!!

ماتقلو ليش ماحدش قابل الموقف دا !!!!!!!!!!!! لانو بتكرر من 20 سنة

تم تعديل 4 ديسمبر 2009 بواسطة Salwa

[doha]

في وحده اعرفها سعودية وابنها تعرض لنفس موقفك ده وهو راجل كبير مش صغير .. انسرق موبايله وامسك بالسارق ولما حاول ياخذه للشرطه تجمع عليه شلة من اصحابه واوسعوه ضربا ( المسروق ) لدرجه ان حصلت له عاهة او شيء زي كده .. عادي جدا .. الحكاية ملهاش علاقه بانك مصري او سعودي بقدر مالها علاقه بالمنطقة الي ماشي فيها او الحي الي بتتحرك فيه ..

الكثرة تغلب الشجاعة وعلى هذا فنصيحة ابتعد عن الاحياء المعروفة بان اهلها ناس مش كوسين ولو ساكن في واحد منهم حاول باي طريقة تعزل لمكان تاني ..

وبرضه متستفزش اهبل او مجنون ..

يعني اذكر مرة ايام الجامعة كان لي صديقة مش محجبة ولبسها دائما بناطيل ضيقة وخلافه .. خرجت معاها مرتين بس وقلت بعدها توبه .. مستحيل اعرفها تاني ..

في واحدة من المرتين دول مرينا امام مدرسة اعدادي والطلبة طالعين .. مشي وراها ( عيل ) بيعاكس .. صاحبتي شتمته .. الولد رد عليها بسيل من الشتائم والالفاظ الجارحة واعتقد كمان حدف بالطوب مش فاكره اوي ..

الموقف ده علمني ان لا تجادل عبيط لان هيغلبك هيغلبك ..

فلما تكون في موقف مشابه وشايف الي امامك عقله على قده متستفزوش بشتيمه او تحدي وانما بابتسامه ودبلوماسية ممكن تطلع سليم والاهم انك متحطش نفسك اصلا في موقف تضطر فيه تعمل حاجة انت مش راضي عنها ..

[السيد توفيق]

ياعمي انا ليه 20 سنه بالسعودية ومفش حد بيتقصد جنسية معينة وممكن تتحدث بعض الاشكاليات لكن تعتبر اشكاليات بشر بتحدث في كل مكان سواء بمصر او بالسعودية او حتى بامريكا

اما سالفة الامن بيكون مع معين بكل تأكيد بيكون ضد المخالف بالعكس السنه الماضية السعودية اعدمت رجلا أمن من الشرطة وصدر فيهم أمر من الملك السعودي باعدامهم

وذلك بسبب استيقافهم لسيارة يقودها شاب مصري عمره 20 سنه ومعه بنت اخته عمرها 15 سنه فعندما قام رجال الامن بمطابقة الاسماء داخل السيارة وجدوا اختلاف بين الاسماء فظنوا ان البنت دي مش بنت اخته وانها صديقته

هنا سول لهم الشيطان عملهم فقاموا ركبوا الشاب وكلبشوه واخذوا البنت واغتصبوها وبعد ماخصلوا من عملتهم اطلقوا سبيلهم

الشاب المصري وهو بالطريق صادف سيارة امن اخرى وابلغهم بالموضوع من اوله الى اخره وعلى طول نقلوهم لقسم الشرطة وتم نقل الفتاة للمستشفى وخلال ساعات تم احالة رجلا الامن للتحقيق واحلوهم للمحكمة الشرعة وصدر بحقهم صك شرعي يقضي بقتلهم وتم تصديق الامر من الملك وفعلا تم اعدامهم السنة الماضية وعلى فكرة دي مش من الخيال بل سالفه معروفة واعرف اطرافها زين

[MoHaMMeD EgYpT]

يبقي الكلام علي السعودية بقا و السعودية بسم الله ما شاء الله معروفة بالعنصرية ..... بتاعتها و يمكن 70 % من السعوديين اللي اعرفهم ....

يا راجل دي بلد بخلي الواحد يصلي غصب عنه كاننا مثلا بنصلي ليهم ( استغفر الله )

بلد عاملة القوانين تطبق علي الفقير و المغترب لكن لو امير ولا هامور ( شخص غني جدا ) هيسبوه

انا قرأت عن بلاد كتير و سمعت عن بلاد كتير لكن زي السعودية ما شوفتش

....................

ربنا يكون في عون المصريين اللي في السعودية

انا الحمد لله في الكويت و هنا الناس مسالمة بنسبة كبيرة و الشرطة في صف الحق لو مظلوم هتاخد حقك اللي بيختلف بس المعاملة بتبقي اصعب شوية مع المغتربين لكن اقسم بالله طول فترة وجودي في الكويت مافيش مرة و انا ماشي في الشارع الشرطة اعترضت طريقي او حتي طلبوا البطاقة المدنية

تم حذف بعض الكلمات بمعرفتى ..

رجاء مراعاة اختيار كلمات ملائمة .

شكرا ..

عن الادارة

سلوى .

[icehell]

سالت النهاردة عن الموضوع دا واحد سعودي زميلي بالعمل

وقالي دول بيبقو جعانين اخر الليل وموش معاعهم فلوس فايستعبطوا اي حد اجنبي ماشي ويضربوه وياخدو موبايلو وفلوسه

انا لما كشيت فيهم وزعقتلهم مافيش حاد قدر يقرب انما حاتقلوا معلشي وعاوز ايه حايسوق فيه ويضربك.

تم تعديل 31 أكتوبر 2009 بواسطة se_ Elsyed

[mromar]

الأخ الكريم تحياتي لك..

أتوجه بالنداء لأخواني المصريين المغتربين في كل مكان أن يعاملوا أصحاب البلد على أنهم أناس عاديين خالص لا تبخسوهم حقهم ولا تبالغو فيهم، أي تعامل معه بمنتهى الوضوح والحق والصراحة، أي بلد مصر الكويت السعودية الامارات فيها الزين وفيها الشين فيها المحترم وفيها قليل الأدب، ولكن للأسف الغرب تركنا بعد الأستعمار وترك فينا هذه النعرات. حتى داخل البلد الواحد فتجد في مصر يقولون هذا صعيدي وهذا فلاح وداخل الفلاحين يقولون هذا منوفي وهذا كذا وفي الصعيد يقولون هذا من أسيوط وهذا من سوهاج.

كفانا هذه النعرات ولنتعامل مع بعضنا بمزيد من الإنسانية والعملية. أي تعامل على أساس الشخص الذي أمامك وزد على هذا معاملتك له بالحسنى لأنه مسلم مثلك (أذلة على المؤمنين) الأية..

كما أتوجه بندائي لكل عربي وبالأخص خليجي يصله صوتي يأخواني عاملوا المصريين وغيرهم من جميع الجنسيات حتى ولو بنغالي على أن ما بينك وبينه فقط هو عقد خدمات أي أنه يحصل على عائد مادي مقابل خدمة معينه سيقوم بتأديتها لك. بعد هذا أنت إنسان وهو إنسان له مثل ما هو لك من الأحترام المتبادل لا تقول هذا يأتي ليعمل عندي ويأخذ من فلوس بلدي أرجوكم أفهمو هذه المعاني التي فهمها الغرب ولكننا نحن أولى منهم بها لأنا مسلموووووووووون...

تم تعديل 4 ديسمبر 2009 بواسطة Salwa

[capitshino]

السنه الماضية السعودية اعدمت رجلا أمن من الشرطة وصدر فيهم أمر من الملك السعودي باعدامهم

وذلك بسبب استيقافهم لسيارة يقودها شاب مصري عمره 20 سنه ومعه بنت اخته عمرها 15 سنه فعندما قام رجال الامن بمطابقة الاسماء داخل السيارة وجدوا اختلاف بين الاسماء فظنوا ان البنت دي مش بنت اخته وانها صديقته

هنا سول لهم الشيطان عملهم فقاموا ركبوا الشاب وكلبشوه واخذوا البنت واغتصبوها وبعد ماخصلوا من عملتهم اطلقوا سبيلهم

الشاب المصري وهو بالطريق صادف سيارة امن اخرى وابلغهم بالموضوع من اوله الى اخره وعلى طول نقلوهم لقسم الشرطة وتم نقل الفتاة للمستشفى وخلال ساعات تم احالة رجلا الامن للتحقيق واحلوهم للمحكمة الشرعة وصدر بحقهم صك شرعي يقضي بقتلهم وتم تصديق الامر من الملك وفعلا تم اعدامهم السنة الماضية وعلى فكرة دي مش من الخيال بل سالفه معروفة واعرف اطرافها زين

انا اتذكر هذا الحادث البشع جيدا .. وعلى ما اتذكر كان بالرياض

[عماد حمدي]

والله العظيم والله العظيم والله العظيم اللي هكيه دا حصل لاني متأكد ان مفيش حد هيصدق الموضوع دا

طبعا ً الكل تقريبا ً عارف مشكلتي مع كفيلي لما عرف اني بشتغل برة المهم .. بعد ما اكتشفوا واتاكدوا اني شغال برة اخد مني الفلاشة وجة تاني يوم علي مكتبي قالي ركب الفلاشة دي ونادي نائب المدير العام راجل مصري ونادي واحد تاني كمان علشان يتفرجوا المهم لقي مسير الرواتب وموجود فيه اسمي المهم لقيتة سبني ووصفني بالكلب ولما سالتة انا قالي ايو كلب وابن ستين ... ؟؟ وشتم شتايم تانية كمان محستش بنفسي الا وانا ماسكة من قفاه وهاتك ياضرب فية لقيتة خلع العقال وعايز يضربني بية شديتة منة ولسعوتة وأفتكر كان اي حد بيحوشني بمسكة اضربة بس خد مني علقة تمام ...

المهم انا توقعت اني اروح الشرطة وكدة بعدما اكدلي نائب المدير والراجل التاني فبصراحة خفت المهم استنيت اشوف اية الوضع بعد ثلاث ايام لقيتة جاي والموضوع عادي جدا وكان شيء لم يحدث بل بالعكس صالحني وبدأ بقا انهم يعرضوا عليا حاجات وزيادة وكدا مقابل اني استمر معاهم ... بصراحة انا استغربت وفي نفس الوقت خفت اوي دي مصيبة والله ضربتة ضرب هوه عندة تقريبا 30 او 31 سنة بس جسمة مية زي سوري البنت كدة بس الحمد لله مسبتش اي علامة عليه ... في وسط الشتايم بيقولي اية (( هوه انتة ابوك اسمة ستين ))) انا بقولك انتة ابن ستين ... انتة ابوك اسمة ستين المهم خدت الكلمة دي ورميتهال قدام ابوه واخوه استغربوا الموضوع ومنهم اللي شتم تاني وانا قولت هيا كدة كدا خربناة واللي فعلاً كان يهمني من القصة دي كلها نظرة المصريين اللي كانوا موجودين معانا بعد كدة والحمد لله خدت حقي وزيادة بس خسرت فلوس كتير اوي بس الحمد لله اني لما اقعد مع نفسي الاقي نفسي كسبان نفسي دي اهم حاجة

وخلص الموضوع وعلي فكرة هوه اللي جه وصلني المطار

ودمتم

تم تعديل 5 ديسمبر 2009 بواسطة EMAD HAMDY

[YaserK]

في حالة الاعتداء لازم الاتصال بالشرطة على 999, ولو الاعتداء في الشغل تبقى مصيبة للمعتدي. المهم تمسك اعصابك ومتغلطش فيه حتى لو هوه غلط فيك وفي اللي خلفوك. متخليهوش يمسك عليك غلطة. وحاول متحتكش بأي سعودي الا اذا كان في شهود. لو لوحدكم الموقف هيكون ضعيف, لكن لو في شهود يبقى هوه راح في داهية.

الشرطة طبعا هتكون في صف السعودي لكن ميقدروش يسيبوه. هيضغطو عليك تتصالح بس اوعى تتراجع واثبت على موقفك. تابع الموضوع في مركز الشرطة لحد ما يوصل هيئة التحقيق والادعاء العام, ولو حسيت انهم هيطبخو الموضوع يبقى عليك والإمارة. تظبطهم شكوى يتعلمو الأدب.

[Amr Radwan]

في حالة الاعتداء لازم الاتصال بالشرطة على 999, ولو الاعتداء في الشغل تبقى مصيبة للمعتدي. المهم تمسك اعصابك ومتغلطش فيه حتى لو هوه غلط فيك وفي اللي خلفوك. متخليهوش يمسك عليك غلطة. وحاول متحتكش بأي سعودي الا اذا كان في شهود. لو لوحدكم الموقف هيكون ضعيف, لكن لو في شهود يبقى هوه راح في داهية.

الشرطة طبعا هتكون في صف السعودي لكن ميقدروش يسيبوه. هيضغطو عليك تتصالح بس اوعى تتراجع واثبت على موقفك. تابع الموضوع في مركز الشرطة لحد ما يوصل هيئة التحقيق والادعاء العام, ولو حسيت انهم هيطبخو الموضوع يبقى عليك والإمارة. تظبطهم شكوى يتعلمو الأدب.

واحد اعرفه حصل له حادث في الطريق دخل فيه عسكري سعودي مسرع و عشان يتفادي هذه الحركات الغير مسؤولة من العسكري دخل في الرصيف و السيارة انقلبت بيه هو و مراته و صديقة المصري ... و لكن ربنا سلم و خرجو جميعا بخير ما عدا بعض الخدوش البسيطة و اول ما اطمئن علي صديقة و علي زوجته ذهب الي العسكري اللي فضل قاعد في السيارة بتاعته ينظر باستهتار الي السيارة الاخري المهشمة و قال له "ليه كده ؟؟؟!! ليه عملت كده ؟؟" رد عليه باستهزاء "لا تتحدث معي شوي تيجي المرور و تتصرف" طبعا جت المرور و الباشا مش معاه تامين و خونا المصري صاحب الحادث معاه تامين علي السيارة و طبعا لما العسكري حكي القصة قال انه اهتزت منه الطارة و هو ماشي و المصري خاف و دخل في الرصيف .. و لكن المصري اصر علي اقواله و راح المرور و التف حوله العساكر في المرور و ثبت امامهم و اثبت لهم ان روايته هي الصحيحية من خلال ضحض حجج العسكري و ايضا اكد من من معه في السيارة يشهد بما حدث و انه سيثبت علي حقة في المطالبة بثمن السيارة و الاصابات و سيرفع الموضوع الي المحكمة و الامارة ان اقتضي الامر و طبعا بدا الكل يخلع لما لقوا العسكري خاف لانهم عرفوا انه كداب و مضوه علي اقرار بانه عمل العملة السودة دي و كتبوا تقرير المرور 100% علي العسكري .. لان الموضوع كان هتحول لمحاولة قتل مش بس حادث مرور :happy: و كمان فيه شهود

من الاخر .. البلد دي فيها قانون .. ما تقلقش و اثبت علي الحق اذا كان فعلا حق ..

و برده فيه ملحوظة مهمة .. ما حدش يروح يسكن في حته شعبية و يرجع يقول انا اتسرقت او اعتدي علي او فيه مش عارف اية ... اي حته في العالم في الوطن العربي في اوربا في امريكا .. معروف ان المناطق الشعبية نسبة الجريمة فيها عالية و ما يسكنش فيها اللي يعرف يسلك معاهم ..

اما موضوع التعصب فده عادة بيكون في المناطق الشعبية او علي الاقل من الناس البيئة اللي بيبقو اساسا من مناطق شعبية سعودية و معظمهم لا تعليم و لا دين و لا اي حاجة في الدنيا غير الكورة و (...) و بس .

و كلما ارتقيت في مستوي التعامل مع مستويات ارقي في المجتمع السعودي كلما كان التعامل ارقي و افضل ..

و علي فكرة نفس الموضوع ده موجود في مصر .. انا اسمع عن منطقة في المحلة الكبري مثلا (بدون ذكر اسماء) .. لا يدخلها الا من كان اهل المنطقة او مع حد من اهل المنطقة و الا انضرب و اتسرق و الله اعلم لو معاه ستات كان حصل اية ...

اخي الكريم ..

موضوع جيد و خلاصته الايجابية (الثبات علي الحق) و لكن نخلي بالنا اننا ما نحاولش نعالج موضوع التعصب بتعصب اعمي مقابل .. و خاصة ان الكل يعرف ان المملكة بها قانون و يطبق علي الجميع الكبير و الصغير و السعودي و غير السعودي .. و لذلك هنا الكل يحترم القانون و يخافون منه جدا حتي لو كان سعودي و واصل ..

تم تعديل 6 ديسمبر 2009 بواسطة Amr Radwan

[Amr Radwan]

--

تم تعديل 6 ديسمبر 2009 بواسطة Amr Radwan