البحث عن أصوات الأقلية

[Scorpion]

كل سنة و في قداس عيد الميلاد المجيد ببطريركية الأقباط الأرثوذكس... جرت العادة أن يرسل الرئيس مندوبيه سواء وزراء... أو من ينوب عنه و عنهم...

هذه السنة...بخلاف جميع المندوبين الحاضرين.. كانت المفاجأة وجود شخصية جديدة تتوسط الجميع و في الصف الأول مباشرة...

مين.... مين... مين يا ربي مين ده.... أنا شفته فين.. فين...

معقول... هو.....

أيوه هو... جيمي بلحمه و شحمه... و هات يا تصقيف حتي جوا الكنيسة...

يعني فهموني يا ناس... عمره ما عملها... اشمعني دلوقتي...

أقدر أقول أنه بيدور علي رضاء جزء من شعب يرفض مبدأ توريثه للحكم.... ممممم ... الله أعلم...

[فــيــروز]

الحقيقه يا سكوب انت ظالم الددع :lol:

ده السنه اللى فاتت بردو كان مودود :P

وبهذه المناسبه يا ترى .. الحاج عبد الموجود موجود؟ :rolleyes:

الحقيقه لا استبعد ابدا وجهة نظرك .. بعض الناس تؤمن بمقولة كل شئ مباح فى الحب و الحرب

كنت عاوزه اضيف نقطه بس ارجو الا تضايق الاخوه الاقباط منى :P

بعض الناس يرون ان هناك بعض الاقباط يرون ان امريكا يمكن ان تسيطر على الاوضاع فى مصر و تخلصهم من التفرقه التى يرونها فى المعامله بينهم و بين المسلمين .. وقد تظن الحكومه انها ارسال جمال مبارك لحضور القداس تكسب ود هؤلاء الاقباط و بالتالى ود امريكا فلا تعارض فى تعيينه رئيسا لجمهورية مصر العربيه الملكيه .. الله اعلم

[Mohammad Abouzied]

حضور هذه المناسبات ليس بالضرورة ان تكون لاشخاص رسميين يعني انا لو هناك وسمح لي بالزيارة هاروح

المهم الكنيسة ترسل لي دعوه فما هي المشكلة

ثم انا لا اعتقد ان امريكا يهمها جمال مبارك ولا غير جمال مبارك ان يحضر قداس ولا حتى يهمها اقباط مصر ولا حتى مسلميها والي يهم امريكا هو بترول الشرق الاوسط وسلامة اسرائيل فقط لا غير

واعتقد من يهمهم حضور جمال مبارك هو جمال مبارك نفسه والبابا شنودة كا نوع من المحبة لحسني مبارك

[se_ Elsyed]

حضور هذه المناسبات ليس بالضرورة ان تكون لاشخاص رسميين يعني انا لو هناك وسمح لي بالزيارة هاروح

المهم الكنيسة ترسل لي دعوه فما هي المشكلة

يا سلام ... صح مافيش مشكلة

طب بالصلاة عالنبي الناس هاتعرف ان أنت محمد أبو زيد إزاي ؟

إلا إذا مسكت يافطة وكتبت عليها " محمد أبو زيد بيمسى على البابا شنودة وبيقولوا كل سنة وانت طيب "..

وبرضوا الناس هاتسأل مين البابا شنودة ؟... قصدي مين محمد أبو زيد ده ؟

يا عم محمد اي نعم إنت نار على علم .... بس في الدمام وفي المنتدى بس ..

اما جيمي دلوقت يعرفه حتى عم بشندي صاحب الفرن البلدي اللي جنبنا .. لأنه ببساطه اخو شريكه في الفرن فإزاي مايعرفوش ؟!!!

زي ماقالت لك فيروز يا سكوب ... جيمي حضر السنة اللي فاتت وانا شوفته برضوا ... والظاهر إنه بدأ اللعب بدري ...

[Mohammad Abouzied]

يا عم محمد اي نعم إنت نار على علم .... بس في الدمام وفي المنتدى بس ..

وهي دي بسيطة يا عم اس اس ما هو البركة فيك تعملي دعاية وتقولهم اني كنت بطل الساحة الشعبية وكسرت انف الواد ابوجبل في خناقة السبتية الى انت عارفها دي وصديق حميم لفريد شوقي ومحمود المليجي الله يرحمهم والي مش مصدق يروح يسئلهم ، طبعا غير المواهب التانية

[هشام عبد الوهاب]

أقدر أقول أنه بيدور علي رضاء جزء من شعب يرفض مبدأ توريثه للحكم

لا اعتقد ذلك لأنه سيخسر جزء آخر .