المعايير الجديده لإختيار المتقدمين لكيبيك حسب لائحة 14 اكتوبر 2009

[harveyhanna]

من فضلك يا استاذ نصار انا مش فاهم حاجة من التعديلات الجديدة انا كنت مجهز كل ورقى بس ملحقتش ابعن قبل 14 /10

يا ريت حضرتك تحسبلى درجاتى تانى و تقولى ينفع اعدى ولا لا بعد 14/10 و مستوى الانجليزى و الفرنساوى اللى هيعدينى

انا 28 سنة و اعزب بكالوريوس بيطرى خبرة 5 سنين بس بعيد عن المؤهل (مساعد صيدلى )معنديش عرض عمل و لا قرايب فى كندا مستوى الانجليزى جيد و الفرنساوى بدرس فى المستوى التانى

ارجوك ترد عليا عاشان انا كنت هبعت الاسبوع دة و استنيت لما قريت فى المنتدى عن التعديلات الجديدة

زي ما قولتلك

انك محتاج المستوي الثامن في الفرنساوي

علشان تحصل علي 10 نقاط فيه

وانت كويس في الانجليزي تاخدلك 5 من 6

انا ابتديت فى الكورسات من شهرين و استنيت علشان نصيحة بعض التاس من المنتدى

طيب مهنة مساعد الصيدلى موجودة فى توبيك المهن المفضلة و المهنة دى مالهاش مؤهل معين

SECTION B –

Requérant principal : 12 points

ةpoux ou conjoint de fait : 3 points

Niveau secondaire professionnel

Assistance technique en pharmacie (DEP - 1230 hres / 1,5 an)

دى هاخد عليها درجات ولا لا علشان المؤهل بتاعى مختلف عن الخبرة

تم تعديل 2 نوفمبر 2009 بواسطة harveyhanna

[دون كاملو]

أ / نصار .. بعد ال brth) .. مبروك على الموضوع الهايل دة و دائما موفق انشاء الله

جميع الاخوة .. اتمنى ان يكون جميعكم بخير

نشد سطر ---------------------------------------------------------------------------------

استفساري الاول بخصوص الدلف و هو بيدي كام درجة للمتقدم الرئيسي و المتقدم التابع

يعني مثلا لو المتقدم الرئيسي معاة دلف B1 او B2 .. بياخد كام نقطة ؟

والمتقدم التابع لو معاة A1 او A2 .. بياخد كام نقطة ؟

نشد سطر ---------------------------------------------------------------------------------

ممكن اراجع معاكم تقييم الدرجات بتاعتي بناء على تعديلات 14 / 10

اولا المتقدم الرئيسي :-

المؤهل ليسانس 10 نقط - اداب فرنسي

الخبرة 4 سنوات 8 نقط - ترجمة و تدريس

السن 29 عام 16 نقطة

مستوي الفرنسي دلف B1 او B2 هافرض 10 نقط

مستوي الانجليزي 3 نقط

طفلة سنتين 4 نقط

المجمـــــــــــــوع 51 نقطة

ثانيا المتقدم التابع :-

المؤهل بكالوريوس 3 نقط - تجارة

تخصص ادارة اعمال 2 نقطة - بناء على الليستة الجديدة ( مؤهل من خارج كيبيك - متقدم تابع )

السن 29 عام 3 نقط

مستوي الفرنسي دلف A1 هنقول 2 نقطة

المجمـــــــــــــوع 10 نقطة

ليصبح المجموع الكلي 61 نقطة بدون درجات التكيف

يعني محتاج 2 درجة تكيف علشان اعدي باذن الله

كدة تمام و اية يا معلم ؟ ؟ ؟

نشد سطر -------------------------------------------------------------------------------------------

و الشكر و السلام اجمل ختـــــــــــــــــام

[Phizer]

استاذ نصااار واستاذ جورج مجهود عظيم منكم ربنا يكرمكم جميعا

[حسام يوسف]

دي ترجمة بتصرف من اخوكم جورج

يا رب تعجبكم

الحقيقة يا عم جورج

أنت أستاذ ورئيس قسم :rolleyes:

[Nassarlink]

أكدة تمام و اية يا معلم ؟ ؟ ؟

نشد سطر -------------------------------------------------------------------------------------------

و الشكر و السلام اجمل ختـــــــــــــــــام :rolleyes:

ما شاء الله

الواحد كده اتطمن

انا خلفت رجاله

متيجي بقي تفتحلك موضوع وتسميه مراجعة الدرجات بعد تقييم Nassarlink :)

[Nassarlink]

الحقيقة يا عم جورج

أنت أستاذ ورئيس قسم :rolleyes:

كونت هقولها :)

[مازن أطرش]

شو وشو صار معك أستاذ نصار مشان المديديكال ..طبعا أكيد لسه ما وصلك وإلا كنت فرحتنا معاك ..بس حضرتك ما بعتش تسألهم ..والله بدعيلك من كل قلبي ..أصل الدور دلوقتي عليك وعلى استاذ حمودي ..والدور الدور عوعودة يالل عليك الدور ..الست ريا الكندية ايمتى حتخطفك بقا !!

[Nassarlink]

شو وشو صار معك أستاذ نصار مشان المديديكال ..طبعا أكيد لسه ما وصلك وإلا كنت فرحتنا معاك !!

وين غاطط يا مازن

والله ماردوا علي لهلا

ايدي بزنارك يردوا علي

وتكرم خيي

[montrealAlex]

شو وشو صار معك أستاذ نصار مشان المديديكال ..طبعا أكيد لسه ما وصلك وإلا كنت فرحتنا معاك !!

وين غاطط يا مازن

والله ماردوا علي لهلا

ايدي بزنارك يردوا علي

وتكرم خيي

الحمد لله ان المقابلة بالفرنساوى مش بالسورى والا الواحد كان راح فى شربة مية -- تكرملى عيونك :rolleyes: :) :blink:

[دون كاملو]

كدة تمام و لا اية يا معلم ؟ ؟ ؟

نشد سطر -------------------------------------------------------------------------------------------

و الشكر و السلام اجمل ختـــــــــــــــــام :rolleyes:

ما شاء الله

الواحد كده اتطمن

انا خلفت رجاله

متيجي بقي تفتحلك موضوع وتسميه مراجعة الدرجات بعد تقييم Nassarlink :)

يا باشا نام و حط فبطنك بطيخة صيفي .. انت وراك رجالة

بس اية رايك في التقييم .. مظبوط ؟

خصوصا النقط بتاعة ادارة الاعمال .. اية رايك فيهااااااا ؟؟

و لو عندك يا باشا معلومة بخصوص الدلف و الدرجات اللي بيديها

و مفيش مانع نفتح موضوع و نسمية ( دون كاملو يقولك درجاتك و نصارلينك يديك التأشيرة )

و متنسانيش بكرسي لما تفتح مكتب الهجرة بتاعك .. عشان استرزق انا و العيال :blink:

[Nassarlink]

يا باشا نام و حط فبطنك بطيخة صيفي .. انت وراك رجالة

بس اية رايك في التقييم .. مظبوط ؟

شوف التقييم لازم تحسبه بطرقتين

الاولي المتفائل

وده اللي انت عملته

والتاني المشائم - مش شر لا سمح الله لكن بأسوء الظروف- وده اللي عاوزك تعمل حسابك عليه

يعني هل انت هتعرف تحصل علي ال B2 طبعا مستحيل لكن ممكن تحصل علي ال B1

وال B1 تقريبا تقدر تنجح فيه لو انت في المستوي الثامن بحد ادني وتكون شاطر كمان

بتحصل علي 10 نقاط لو انت مستواك الثامن

اما درجات ادارة الاعمال موجوده زي انت ماشفتها في الجدول

لكن محدش متأكد انها هتنضاف لك

لكن لو لغينا الدرجتين دول

هتبقي محتاج من التكيف والاندماج 4 من 6

ومعتقدش انهم في المقابله ممكن ينجحوا واحد واخد في الاندماج صفر او واحد

يبقي ميستاهلش ينحج

المهم انت استعد كويس وربنا يوفقك

نصّار

[kareemabdou]

استاذ نصار بعد السلام عليكم

السن 25

المؤهل ليسانس اداب

الخبرة 4 سنوات

مجال العمل مطعم

اعزب

عايز اعرف محتاج كام فى اللغات علشان انجح علما باننى تخصصى الانجليزية

ثانيا اريد مساعدة من اى شخص فى كتابة الابليكيشن و اكون شاكر لكم

ثالثا دكتور حسام عايز رقمك الجديد علشان اباركلك ياريت تبعتهولى على الخاص

[savaryxxx]

الاستاذ نصار دوما متابع الاخبار !!

شعر اهو زى كل الكيبكواه ,, جت عليا يعنى

لا بجد مجهود هايل يا استاذ نصار وربنا يجازيك عنه كل الخير ,,, بس هل فعلا هيلغوا المقابلات خلاص ؟؟

سؤالى لو لاقدر الله حصلت اى ظروف وانا مستنى معاد مقابلتى

صيدلى عازب و 3ونص سنين خبره ,, يعنى تقريبا 42 شهر , مستوى الانجلش متقدم وكان معايا ايلتس بسكور 6 التوتال ,, والفرنش كنت اخدت فى مصر للمستوى التالت ودلوقتى ممكن اكون وصلت للخامس

لو لعبت الدنيئه معايا وقدمت بالمواصفات دى تانى , ايه الاخبار ؟

اتفضل يا سافاري التقييم بتاعك

محتاج تزود شوية في الفرنساوي و تستنى كام شهر قبل ما تقدم علشان تزيد نقطتين في الخبرة

هو الاول الف شكر يا استاذ جورج ,,, واضح ان التوبك هنا كسب استاذ كبير ميقلش عن صاحب التوبك الاستاذ نصار و الاستاذ السيد منير ومن قبلهم الدكتور جادولى ,, دول المراجع بتوع المحاورات وعمد كيبك

اهلا وسهلا بحضرتك يا عمده جورج !!

التقييم فعلا بقى 45 وبالتالى محتاج اربع درجات عشان اوصل ل 49 ,,,,, يعنى b1 من الدلف وكمان الخبره تبقى 4 سنين ودا على امل يعنى انى اخد ال 6 نقط كاملين بتوع التكيف

الزمالك ياخد الدورى اسهل على فكره !!!

بس هو فى 5 تحميلات للملف اللى حضرتك نزلته قبل ما انا انزله

غريبه دى !!

[laka]

السلام عليكم

في الحقيقة لو ممكن تقول لي يا نصار يا خويا هل

(Techniques de réadaptation physique (DEC - 3 ans) تديني 6 نقاط مع العلم اني معي ماجستير فيrehabilitation physique؟؟؟ هو معي دبلومان واحد 4 سنوات specialiste en rahabilitation physique و التاني ماستر بعد الدبلوم الاول بسنة لأني لقيت في اللستة ماجستير برده بس عليها صفر نقطة وبالتالي اتلخبطت ومش عارف هل لي الحق في 6 نقاط أم لا؟؟؟

سؤال تاني معلش لو أمكن تفيدني فيه وهو انه مراتي تديني كام نقطة وهي معاها دبلوم فني 3 سنوات بس اجمالي الدراسة 12 سنة بس 9 سنوات لحد اعدادي تقريبا لكن معاها في نفس الوقت شهادة اتمام الثانوية.والله مش عارف ازاي أوضح بس نظام الدراسة في الاتحاد السوفياتي السابق كدة،أ؟نا هديك الشهادة اللي معاها زي ممكتوبة في الترجمة وانت قولي رأيك ايه؟؟

certificat de l'ensiegnement secondaire complete general

diplome du travailleur qualifier profession platrier-carreleur et badigeonneur

شكرا

[مازن أطرش]

شو وشو صار معك أستاذ نصار مشان المديديكال ..طبعا أكيد لسه ما وصلك وإلا كنت فرحتنا معاك !!

وين غاطط يا مازن

والله ماردوا علي لهلا

ايدي بزنارك يردوا علي

وتكرم خيي

الحمد لله ان المقابلة بالفرنساوى مش بالسورى والا الواحد كان راح فى شربة مية -- تكرملى عيونك

لك ابوس روحكن كلكن ..على فكرة ابوس روحك دي عبارة سورية حلبية وليها قصة مع واحد حبيبنا من مصر واسمو أسامة وكان بطل مصر بالكاراتيه وعيلتو كلها رياضية ..بس ناسي اسمه الكامل ..اصل القصة دي عام 1992 ..واللي بدو القصة دي بخبرو عنها ...على العموم ..شلون عبتشتكوا من اللهجة السورية ..كني ماعم تشوفو لا باب الحارة ...ولا شباك الحارة ..وإذا بدكن تضلو.. تشتكو ..بفتح موضوع جديد لتعلم اللهجة السورية ..وبخليها باللهجة الحلبية كمان ..وذنبكن على جنبكن

[mrs gehad ahmed]

اشكرك يا استاذ نصار علي التوبك ده اللي بيدل ان حضرتك متابع كل صغيره وكبيره تطرأ علي قوانين الهجره

انا وزوجي مقدمين فيدرال قبل فبراير 2008

وزوجي مشترك مع حضرتك ف الرابطه

انا كان سؤالي بخصوص اختي وزوجها

هوا طبيب وهي تدرس في كليه الصيدله

خبرته تتجاوز ال5 سنوات وهيا خبرتها تدريب ف الصيدليات لا غير

سنه 30 عاما

لسه هيبتدي كورسات ف اللغه الفرنسيه

وف الانجليزي مستواه جيد

وهما عاوزين يهاجروا زينا ..بس عن طريق كيبيك لانها اسرع واسهل نسبيا ..وللهروب من الايلتس ..وبعد كده يقدموا فيدرال عادي

ياريت حضرتك تفيدني بمعلومات تفصيليه اقدر اشرحهالهم وشكرا جزيلا

?????????????????????

مقولتليش الزوجه لسه في كليه الصيدله

طالبه يعني

وعدد الاولاد كام

ايوه لسه بتدرس

يا تري نصيحه حضرتك يقدموا بعد ما تخلص

وبالنسبه للاولاد مفيش لسه

[Nassarlink]

ايوه لسه بتدرس

يا تري نصيحه حضرتك يقدموا بعد ما تخلص

وبالنسبه للاولاد مفيش لسه

نحسب الاول نقاطهم

الزوج

السن 16

المؤهل 10

الخبره 8

الفرنساوي 8

انجليزي 4

الزوجه

السن 3

المؤهل 1

الفرنساوي 3

الاجمالي لفتح الملف

53 من 50

العقد المالي 1

الاندماج 4 من6

الاجمالي 58 من 63

الواضح انه مطلوب منهم مجهود غير عادي في الفرنساوي

ولو هم انتظروا لحين الانتهاء من دراسة الزوجه

هيستفيدوا من نقطتين كمان يسهلوا عليهم مهمة اللغه الفرنسيه

وبعدين هم مضطرين ينتظروا سنه دراسة فرنساوي علشان يوصلوا للمستوي المطلوب

الاستعجال ملوش لازمه

يمكن ربنا يكرمهم بطفل كمان يعني اربع نقاط كمان

القرار ليهم

نصّار

[Nassarlink]

لك ابوس روحكن كلكن ..على فكرة ابوس روحك دي عبارة سورية حلبية وليها قصة مع واحد حبيبنا من مصر واسمو أسامة وكان بطل مصر بالكاراتيه وعيلتو كلها رياضية ..بس ناسي اسمه الكامل ..اصل القصة دي عام 1992 ..واللي بدو القصة دي بخبرو عنها ...على العموم ..شلون عبتشتكوا من اللهجة السورية ..كني ماعم تشوفو لا باب الحارة ...ولا شباك الحارة ..وإذا بدكن تضلو.. تشتكو ..بفتح موضوع جديد لتعلم اللهجة السورية ..وبخليها باللهجة الحلبية كمان ..وذنبكن على جنبكن

هو فيه احلي من اللهجه السوريه

والله لولا الملامه كنت اخذت فيها كورس واتعلمها

ده انا كنت بتفرج علي الفنانه مني واصف وانا كنت في الابتدائي

سلامنا للاهل في سوريا

نصّار

[terminator]

سؤال لو سمحتم

هو متوسط فى اللغة الفرنسية يعنى مستوى كام ؟؟

وهل لازم أكون مستوى متقدم فى الفرنسية ؟؟ وهل فى مشكلة لو الأنجليزى عندى أعلى من الفرنساوى ؟؟

وبعدين لو انا خريج بكاليريوس تجارة (4 سنوات) يبقى الأختيار الصح هو

Graduate diploma of university studies - 2 years (in Québec, the diploma is obtained after completing 18 to 19 years of full-time education)

وبالنسبة لخانة التدريب أختار بروفيشنال ولا تكنكال ؟؟

[Nassarlink]

استاذ نصار بعد السلام عليكم

وعليكم السلام ورحمة الله وبركاته

السن 25

المؤهل ليسانس اداب

الخبرة 4 سنوات

مجال العمل مطعم

اعزب

عايز اعرف محتاج كام فى اللغات علشان انجح علما باننى تخصصى الانجليزية

انت محتاج تحصل علي ال DELF B1

علشان تدخل المقابله وانت مرتاح

وتضمنش المشن بتاعك يكون عامل ازاي

كان في اقل من DELF B1 ونجحوا لكن بالصدفه الميشن كان سهل

ثانيا اريد مساعدة من اى شخص فى كتابة الابليكيشن و اكون شاكر لكم

اما توصل لمستوي الفرنساوي المطلوب نشوف موضوع الابلكيشن

ثالثا دكتور حسام عايز رقمك الجديد علشان اباركلك ياريت تبعتهولى على الخاص

ممكن تبارك للدكتور حسام هنا

مش محتاجه تليفون منتوش اصحاب يعني

شد حيلك وربنا يوفقك