المعايير الجديده لإختيار المتقدمين لكيبيك حسب لائحة 14 اكتوبر 2009

[بيبو كندا]

مساء الخير يا صموئيل

انا حسبتلك السكور بتاعك

بس طبعاً لو في تأكيد من نصار هيبقى احسن

شوف الجدول المرفق

انت جايب فوق السكور المطلوب 65 قبل المقابلة و 69 بعد المقابلة

بس علشان التأكيد حاول تشد حيلك في الفرنساوي

و ربنا يوفقك و يعملك اللي فيه الخير ليك و للعائلة

</div>

الف الف شكر استاذ جورج

الجدول ده رائع

انت عملت مجهود كبير يجازيك الله عليه

و اتمنى نبقى جيران فى المستقبل

تقريبا كده كيبك سيتى إن شاء الله

مع الاستاذ نصار

[gboutros]

</div>

الف الف شكر استاذ جورج

الجدول ده رائع

انت عملت مجهود كبير يجازيك الله عليه

و اتمنى نبقى جيران فى المستقبل

تقريبا كده كيبك سيتى إن شاء الله

مع الاستاذ نصار

العفو يا صموئيل ، انا معملتش حاجة

ياريت نشيل الالقاب علشان مبحبهاش ، في الشغل بتاعنا لغوا استخدام الالقاب خالص

لما كلنا نهاجر و نتقابل هناك هتلاقيهم بطلوا موضوع الالقاب ده.

ربنا معاك

[NavigatorEg]

السلام عليكم ..

طب يا شباب انا مهندس و اعمل في مجال تكنولوجيا المعلومات .. ازاي اقدر اقدم ؟؟

شكرا ..

[Nassarlink]

بس طبعاً لو في تأكيد من نصار هيبقى احسن

الله ينور يا جور ج

شغل علي ميه بيضا

انت كده مؤهل انك تمسك الدفه من بعدي

بعد عمر طويل طبعا wst::

اوعي تطمع في منصب العمده ابدا

والا انت عارف

كل ما مشاركاتك توصل ل 100 ارجعهالك صفر تاني :lol:

المهم واصل

نصّار

[Nassarlink]

تقريبا كده كيبك سيتى إن شاء الله

مع الاستاذ نصار

تنور وتشرف

بس متنساش تدفع اشتراك الرابطه wst::

[Nassarlink]

اولا انا اتاسف لإدارة الموقع واعضاء.....يراودني احساس باني متطفله على موقعكم بما اني لست من الجنسيه المصريه وبهلجتكم مكسوفه واريد الغي استفساري ومش عرفه كيف ؟؟؟ ويرادني احساس ثاني من كل ماقرأت ولا اعلم مدى صحته العنصريه الموجوده في كندا تسري في دم العرب الحاصلين على الجنسيه الكنديه وليس اي جنسيه ثانيه ؟؟؟فبلاد المغرب متعصبين لبني جنسيتهم وكذلك الجنسيات الاخرى ... wst::

العنصريه موجوده في عقل كل واحد لم يلقي خلفه مخلفات الدول المتخلفه

واصر علي الاحتفاظ بها

وطبعا هو الخسران رغم اعتقاده بانه كسبان

[gboutros]

بس طبعاً لو في تأكيد من نصار هيبقى احسن

اشكرك يا نصار على تشجيعي

وانا يا عم اوعدك باني عمري ما هافكر و لا امسك الدفة و لا منصب العمودية :D

انا كل همي في الدنيا انني اساعد اللي حواليَ و اني اسافر كندا

بس كده

الموضوع الثاني ، ممكن اعرف اشتراك الرابطة كام ؟ :P

الموضوع الثالث ، ممكن ترد على استفساري في التوبيك الثاني ؟ :lol: انا برضه بعتلك على الخاص بس طنشتني :sad:

اشكرك مرة ثانية

الله ينور يا جور ج

شغل علي ميه بيضا

انت كده مؤهل انك تمسك الدفه من بعدي

بعد عمر طويل طبعا :lol:

اوعي تطمع في منصب العمده ابدا

والا انت عارف

كل ما مشاركاتك توصل ل 100 ارجعهالك صفر تاني :lol:

المهم واصل

نصّار

[georgelouka]

صباح الخير ياأهل الخبرة

ممكن جد يساعدنى أحسب درجاتى علشان أن كل ما افهم قانون ألاقيه يتغير ,,,,

الملف بأسم الزوجة علشان اللغة

السن 35

المؤهل هندسة مدنى

الخبرة ( 4 سنوات فى الهندسة و سنتين خارج الهندسة)

اللغة الفرنسية المستوى التاسع

الأنجليزى متوسط

الزوج السن 40

صيدلى

اللغة الفرنسى مبتدئ

الأنجليزى متقدم

الأولاد 2 اقل من 12 سنة

أشكر لكم مجهوداتكم وفى انتظار الرد ووو

[terminator]

سؤال لو سمحتم

هو متوسط فى اللغة الفرنسية يعنى مستوى كام ؟؟

وهل لازم أكون مستوى متقدم فى الفرنسية ؟؟ وهل فى مشكلة لو الأنجليزى عندى أعلى من الفرنساوى ؟؟

وبعدين لو انا خريج بكاليريوس تجارة (4 سنوات) يبقى الأختيار الصح هو

Graduate diploma of university studies - 2 years (in Québec, the diploma is obtained after completing 18 to 19 years of full-time education)

وبالنسبة لخانة التدريب أختار بروفيشنال ولا تكنكال ؟؟

:sad: :lol: :lol:

[بيبو كندا]

تقريبا كده كيبك سيتى إن شاء الله

مع الاستاذ نصار

تنور وتشرف

بس متنساش تدفع اشتراك الرابطه :lol:

استاذ نصار العظيم

انا من المعجبين شخصيا بك

و بردودك و مساعدتك لكل من يحتاج مساعدة لوجه الله :lol:

انت من الشخصيات العظيمة اللى قابلتها فى حياتى :lol:

شكرا ليك

اما موضوع اشتراك الرابطة ده انا ما اعرفش بكام لكن :P

انا حاسس ان كل واحد بيمسك منصب قيادى (العمدة ) :D يتحول الى شخص مادى حبة حبة :sad:

خلى بالك احسن العمودية تروح اهو جورج بيطلع حبة حبة

ثم لو الله اذن و روحت كيبك سيتى هنبقى جيران

فبلاش ندخل المواضيع المادية دى بيننا و خلينا فى طبق رز بالملوخية احسن و معاه فرخة محمرة

ولا ايه رايك

[Nassarlink]

وانا يا عم اوعدك باني عمري ما هافكر و لا امسك الدفة و لا منصب العمودية

انا كل همي في الدنيا انني اساعد اللي حواليَ و اني اسافر كندا

بس كده

ربنا يبارك لك ويعوض مجهودك ده خير

الموضوع الثاني ، ممكن اعرف اشتراك الرابطة كام ؟

قيمة الاشتراك هو

هو مشاركتك معانا

الموضوع الثالث ، ممكن ترد على استفساري في التوبيك الثاني ؟ انا برضه بعتلك على الخاص بس طنشتني :rolleyes:

اشكرك مرة ثانية

مشوفتوش انا لاينكن اطنشك

تم تعديل 5 نوفمبر 2009 بواسطة Nassarlink

[Nassarlink]

السلام عليكم ..

طب يا شباب انا مهندس و اعمل في مجال تكنولوجيا المعلومات .. ازاي اقدر اقدم ؟؟

شكرا ..

حضرتك يا باشمهندس لم توضح تفاصيل موقفك

حتي يتسني لنا مساعدتك

الرجاء الصعود الي اول الموضوع

واحنا تحت امرك

نصار :rolleyes:

[georgelouka]

صباح الخير ياأهل الخبرة

ممكن جد يساعدنى أحسب درجاتى علشان أن كل ما افهم قانون ألاقيه يتغير ,,,,

الملف بأسم الزوجة علشان اللغة

السن 35

المؤهل هندسة مدنى

الخبرة ( 4 سنوات فى الهندسة و سنتين خارج الهندسة)

اللغة الفرنسية المستوى التاسع

الأنجليزى متوسط

الزوج السن 40

صيدلى

اللغة الفرنسى مبتدئ

الأنجليزى متقدم

الأولاد 2 اقل من 12 سنة

أشكر لكم مجهوداتكم وفى انتظار الرد ووو

يعنى يا جماعة ماحدش رد .....

[Nassarlink]

صباح الخير ياأهل الخبرة

ممكن جد يساعدنى أحسب درجاتى علشان أن كل ما افهم قانون ألاقيه يتغير ,,,,

الملف بأسم الزوجة علشان اللغة

السن 35

المؤهل هندسة مدنى

الخبرة ( 4 سنوات فى الهندسة و سنتين خارج الهندسة)

اللغة الفرنسية المستوى التاسع

الأنجليزى متوسط

الزوج السن 40

صيدلى

اللغة الفرنسى مبتدئ

الأنجليزى متقدم

الأولاد 2 اقل من 12 سنة

أشكر لكم مجهوداتكم وفى انتظار الرد ووو

المقدم الرئيسي

السن 16

الخبره 8

المؤهل 10

الفرنساوي 9 من 16

الانجليزي 3 من 6

التابع

السن 1

المؤهل 3

الفرنساوي 3 من 6

الاجمالي لفتح الملف

56 من 50

الابناء 8

المقدره الماليه 1

اللاندماج 4 من 6

الاجمالي 69 من 63

توكل علي الله وقدم

المهم يكون مستوي الفرنساوي زي انت ما قولت

نصّار

تم تعديل 5 نوفمبر 2009 بواسطة Nassarlink

[OReX]

استاذ نصار

السلام عليكم الاول عشان نسخن كدا :rolleyes:

انا ان شاء الله هدرس ماجستير قريب (علوم حاسب) فأية رأيي حضرتك ادرسه فى جامعة كندية (غالبا هتكون البيرتا) بس هيكون عن بعد (اونلاين) ولا ادرسة بنظام الحضور فى جامعة هندية فى المملكة

تانى سؤال : انا حاصل على بكالريوس حاسبات ومعلومات وخبرة سنتين والانجليزى الحمد لله اضمن فى المتوسط كدا سبعات ان شاء الله جايب فى التوفل من سنة ونص حوالى 600 والحمد لله المستوى زاد بعد الممارسة اليومية فى السعودية

فرأي حضرتك اية ادرس سنة فرنساوى واخد دلف بسكور كويس وااجل الماستر وهيكون ساعتها عندى خبرة تلات سنين ولا ادرس الماستر احسن واكمل عادى

والف شكر مقدما منتظر

ردك على احر من الجمر

تم تعديل 5 نوفمبر 2009 بواسطة OReX

[Nassarlink]

انا ان شاء الله هدرس ماجستير قريب (علوم حاسب) فأية رأيي حضرتك ادرسه فى جامعة كندية (غالبا هتكون البيرتا) بس هيكون عن بعد (اونلاين) ولا ادرسة بنظام الحضور فى جامعة هندية فى المملكة

انا مقدرش اختارلك

لاني مش عارف الفرق بينهم ايه

وايه المفيد لك

[Nassarlink]

تانى سؤال : انا حاصل على بكالريوس حاسبات ومعلومات وخبرة سنتين والانجليزى الحمد لله اضمن فى المتوسط كدا سبعات ان شاء الله جايب فى التوفل من سنة ونص حوالى 600 والحمد لله المستوى زاد بعد الممارسة اليومية فى السعودية

فرأي حضرتك اية ادرس سنة فرنساوى واخد دلف بسكور كويس وااجل الماستر وهيكون ساعتها عندى خبرة تلات سنين ولا ادرس الماستر احسن واكمل عادى

والف شكر مقدما منتظر ردك

لو وظيفتك من ضمن ليستة الوظائف فيدرال

والتوصيف بتاعها في شهادة الخبره يتماشي مع ال NOC

يبقي قدم فيدرال

اما لو مش في الليسته

يبقي مش قدامك اختيار اصلا

والحل انك تذاكر فرنساوي كويس

وتقدم كيبيك

نصّار

[OReX]

الف شكر يا استاذ نصار

هوا لغاية امبارح كنت عارف انها مش فى اللستة بس فى رد للاستاذ احمد (نفس المهنة) بيقول انها موجودة وانا مش مصدق عنيا فمستى رأي دكتور قناوى

جزيل شكرى على توضيحك والسؤال الاول كان قصدى انهى الاحسن الحضور فى جامعة هندية او الدراسة عن بعد فى جامعة كندية بس خلاص مش ليه لزمة حاليا

اكرر شكرى مرة ثانية

[matyos]

الى الاخ نصار

عاوز بعد اذنك استفسر على حاجتين

انا مهندس تصميم و طباعة منسوجات هل هناك معادله لى.انا دخلت لقيت اماكن للطباعه و ورش عمل لكن الظاهر ان المسميات متختلف.و مهنه الطباعه موجده من ضمن الوظائف المطلوبه .

تانى حاجه لازم اخد كورسات فرنسى فى المركز الفرنسى و لا ممكن اخد كورسات فى اى مكان تانى يكون ارخص شويه وهل لازم يكون معايا شهادات بيها

ولا ممكن حد يذاكرلى لان قرايبى كدرسين فرنساوى

ولا لازم يكون فى شهادات و شكراااااااااااااااااااااااااااا.

[Nassarlink]

الى الاخ نصار

عاوز بعد اذنك استفسر على حاجتين

انا مهندس تصميم و طباعة منسوجات هل هناك معادله لى.انا دخلت لقيت اماكن للطباعه و ورش عمل لكن الظاهر ان المسميات متختلف.و مهنه الطباعه موجده من ضمن الوظائف المطلوبه .

تانى حاجه لازم اخد كورسات فرنسى فى المركز الفرنسى و لا ممكن اخد كورسات فى اى مكان تانى يكون ارخص شويه وهل لازم يكون معايا شهادات بيها

ولا ممكن حد يذاكرلى لان قرايبى كدرسين فرنساوى

ولا لازم يكون فى شهادات و شكراااااااااااااااااااااااااااا.

اعذرني بعدم علمي للتخصصات اللي تكلمت عنها

فانت ادري بها

فارجوا منك التاكد اولا قبل ما تتصرف

اما فيما يخص موضوع اللغه

افضل السبل هي حصولك علي شهادة DELF بمستوياتها A2 and B1حسب المستوي المطلوب منك لحالة ملفك

و اذا لم تستطع يمكنك ان تصل للمستوي المطلوب في احد فروع المركز الثقافي الفرنسي

واذا لم تستطع لبعده عنك يمكنك ان تحصل علي دورات من اي مركز يدرس اللغه الفرنسيه

وإذا لم تستطع يمكنك ان تدرس علي يد مدرس وتمتحن سواء الديلف او امتحان تحديد مستوي

والحل الاخير ده اضعفهم

وان كان كل الطرق تؤدي الي نفس النتيجه مع ترتيب الافضليه

نصّار