مونتريال كما رأيتها و بين ما يقال

[Hany Lewis]

أحبائي و أخواني أعضاء المنتدي الجميل ... أحب أقولكم انكم وحشتوني أولا ... و ألف شكر لكل اللي كان بيسأل علي و دائم الأتصال بي ..

الحقيقيه انا كنت متردد اني أفتح موضوع جديد لسببين .. الأول انها مسئوليه كبيره و زي ما قلت قبل كده أنا بفضل اني أضيف شيء جديد لعل الأخرين ينتفعو بيه ... الثاني اني هبقي مشغول جدا الفتره اللي جايه اللي هتبقي فتره طويله حقيقي.. لكن علي أي حال أنا هحاول بقدر الأمكان اني ابقي متواجد و احط انطباعاتي و اللي شفته في مونتريال ..

بدايه , انا اسمي هاني , مهندس اتصالات و اليكترونيات .. يعني و معايا شويه شهادات في مجال تأمين شبكات الكمبيوتر و شبكات الكمبيوتر نفسها ... ابتديت مشوار الهجره من 2005 و كنت مقدم كيبيك و عملت رحله اللاندينج يوم 19-9 اللي فات ... و قعدت 40 يوم في مونتريال...

أسمحولي اني أكتب لكم عن اللي شفته في مونتريال و عشته فيها في الفتره اللي قعدتها هناك و ده طبعا يا جماعه انطباعاتي الشخصيه .. يعني مونتريال زي شفتها 

يعني انا هعمل حلقات ... بمعني اني هبتدي قبل تاريخ رحله اللاندينج بشويه و اقولكم انا عملت ايه عشان السكن و برضه شويه بحث عن شغل مش بغرض الأستقرار لكن بغرض اني أخد فكره عن أسلوبهم في عمل الأنترفيو عشان انا شايف ان ده شيء مهم جدا..

المهم اي مهاجر جديد بيبقي أول شيء يفكر فيه هو انه يلاقي سكن بسعر كويس ... و علي طول يبتدي يدور علي شغل .. و طبعا في البدايه يخلص أوراقه يعني بي أر, كارت الميديكال , SIN , كورسات فرنساوي للي عايز يروح لكيبيك و يستقر هناك... كده يعني

الحلقه الأولي ......

أول حلقه هتبقي عن حجز الطيران ... و ده شيء مهم

طبعا انا كنت حاجز رايح جاي .. من خبرتي في القصه ده مش فارقه أبدا انك تروح تلف علي مكاتب الطيران فيه موقعين مهمين جدا جدا و الأسعار عليهم في منتهي الجمال و تقدر تلاقي كل اللي انت عايزه

http://www.thomascookegypt.com

http://www.easytrav.net

ميزه الموقعين دول انك بتقدر تختار التاريخ لغايه أما تلاقي أرخص سعر .. و أصلا فيه خصم بيبقي علي e-ticket يعني التذكره المحجوزه علي الأنترنت.. انا كنت بدخل في اليوم بتاع ييجي 15 مره عشان بتبقي فيه اسعار لقطه بكل المقاييس يعني يبقي فيه عرض يظهر و بعدين يختفي ف 3 دقايق ..

عرفت ان مصر للطيران بتعمل عرض في الصيف بتبقي رحله مباشره من غير توقف و ده بيبتدي من شهر 5 أعتقد لشهر 9 بس ... و طبعا ده أفضل كتير جدا للأسباب اللي هقولها لكم بعد كده .. و برضه علي فكره بتلاقي العروض ده موجوده علي الموقعين دول و ميزتهم انهم مصريين....

الحلقه الثانيه ......................

تاني حلقه هتبقي عن البحث عن سكن في مونتريال ..

تبدأ وقائع القصه .. ايه رأيكم في اللغه العربيه الفصحي ده ... هاهاها ... بعد حصولي علي الفيزا في شهر 4 اللي فات

فيه أكتر من موقع الحقيقه انا كنت بدور فيهم علي شقق ..

http://www.craigslist.org/about/sites

http://montreal.kijiji.ca

الموقع الأول هو اللي حجزت من عليه ستوديو و بشوف انه افضل من kijiji .. كانت مواصافات المكان اللي عايزه كالتالي

- فيه انترنت

- فيه مطبخ كامل يعني تلاجه و بوتاجاز و أدوات مطبخ

- لو فيه cable TV بس ماكانش مهم أوي

- Hot water

- Electricity (Hydro), water, internet, cable TV.. all inclusive

- انه يبقي في مكان امان و قريب من وسط البلد عشان اعرف اتحرك بسهوله

- انه مايبقاش معاي حد بيعيش في الأستوديو يعني مش مشترك

- انه يبقي فيه دفايه كويسه و شغاله زي الناس أو نظام تدفئه مركزي.. عشان الزمهارير...

- أهم شيء انه يكون بحمام خاص

كنت بدور تقريبا كل يوم و في اليوم بدخل 5 أو 6 مرات عشان ألاقي احسن سعر و أحسن مكان..

أغلب الناس كانت عايزاني أدفع مقدما و ده بالنسبه لي كان شيء فيه مخاطره لأنه ممكن يطلع نصاب لو هي مجرد شقه أو ستوديو بتاع جد يعني مش فندق أو موتيل .. هنا لابد من وقفه كندا مش سهل انك تلاقي فيها شقه أو ستوديو بمده صغيره بسعر كويس short term لأنه لازم يبقي فيه lease و ده بيبقي لمد كويله مش اقل من 6 شهور عشان سبقي السعر لقطه يعني و ده للي رايح يستقر .. أغلب اللي بيأجرو بياخدو ايجار أول و اخر شهر و لازم يبقي فيه ضامن في كندا و يكون شغال عشان او انت خسعت في الأيجار هو يدفع .. طبعا الحياه مش ضلمه كده .. لأنه برضه فيه أماكن زي المكان اللي كنت أنا عايش فيه مفيش مشكله خالص في المواضيع ده

بس برضه كان غالي مش رخيص أنا كنت ساكن ب 900 دولار في الشهر في قلب وسط البلد , المكان نضيف و محترم جدا مفيهوش أي مشاكل من أي نوع

http://www.berrisuites.ca

اللينك اللي فوق هي المكان اللي كنت ساكن فيه ... البنت المسئوله عن المكان اسمها ENA روسيه هي..

علي فكره فيه ستديوهات في المكان ده ب 850 بس أصغر و فيه برضه 750 بس ده basement انا بصراحه كنت رافض قصه ال basement ده لا لشيء الا اني كنت رايح اقعد فتره قصيره فماكنتش يعني طالبه اني اقعد فيه .. و لو انه نضيف و كويس مش الفكره اللي احنا واخدنها عن البدروم في مصر يعني ..

المهم .. اتصلت بالمكان و بعت أكتر من ايميل عشان اظبط الدنيا .. هنا فيه شيء مهم لازم يا جماعه تاخدو بالكم منه انكم لما تاخدو سعر تعرف ان كان شامل الضرايب و لا لأ عشان ما تلاقوش نفسكم بتدفعو ييجي 70 دولار تاني ضرايب .. قلت للبنت ده انا مش هقدر أدفع قبل ما أجي أنا هدفع بعد ما أجي قالت لي مش مكشله بس أكد وصولك قبلها ب 48 ساعه .. ربنا كريم معايا جدا و أحمده و اشكر فضله اني قدرت أحجز المكان من غير ما أدفع مقدما ازاي بس مش عارف بس هي تعاملات الله مفيش شيء مستحيل و لو ان ده مستحيل  انك تحجز من غير ما تدفع شيء مقدما ..

كده انا سكنت .. الحلقه اللي جايه هتبقي عن البحث عن عمل قبل الوصول و ازاي تقدر يجي لك انترفيو و تكمل ان شاء الله . هسيبكم دلوقتي أحسن مش عارف أظبط نومي لسه 

[Ambitious]

متابع يا هندسة بشغف لأن ظروفك قريبة من ظروفى .. الاختلاف الوحيد لسه مش مخدتش قرار اهاجر ولا لأ

[Nassarlink]

الف حمد الله علي السلامه باش مهندس هاني

كنا منتظرينك من زمان

يارب كل ايامك تكون توفيق ونجاح

واحنا عاذرينك لانشغالك سواء الفتره السابقه او اللي جايه

ربنا معاك

نصّار

[safaalabana]

أحبائي و أخواني أعضاء المنتدي الجميل ... أحب أقولكم انكم وحشتوني أولا ... و ألف شكر لكل اللي كان بيسأل علي و دائم الأتصال بي ..

الحقيقيه انا كنت متردد اني أفتح موضوع جديد لسببين .. الأول انها مسئوليه كبيره و زي ما قلت قبل كده أنا بفضل اني أضيف شيء جديد لعل الأخرين ينتفعو بيه ... الثاني اني هبقي مشغول جدا الفتره اللي جايه اللي هتبقي فتره طويله حقيقي.. لكن علي أي حال أنا هحاول بقدر الأمكان اني ابقي متواجد و احط انطباعاتي و اللي شفته في مونتريال ..

بدايه , انا اسمي هاني , مهندس اتصالات و اليكترونيات .. يعني و معايا شويه شهادات في مجال تأمين شبكات الكمبيوتر و شبكات الكمبيوتر نفسها ... ابتديت مشوار الهجره من 2005 و كنت مقدم كيبيك و عملت رحله اللاندينج يوم 19-9 اللي فات ... و قعدت 40 يوم في مونتريال...

أسمحولي اني أكتب لكم عن اللي شفته في مونتريال و عشته فيها في الفتره اللي قعدتها هناك و ده طبعا يا جماعه انطباعاتي الشخصيه .. يعني مونتريال زي شفتها 

يعني انا هعمل حلقات ... بمعني اني هبتدي قبل تاريخ رحله اللاندينج بشويه و اقولكم انا عملت ايه عشان السكن و برضه شويه بحث عن شغل مش بغرض الأستقرار لكن بغرض اني أخد فكره عن أسلوبهم في عمل الأنترفيو عشان انا شايف ان ده شيء مهم جدا..

المهم اي مهاجر جديد بيبقي أول شيء يفكر فيه هو انه يلاقي سكن بسعر كويس ... و علي طول يبتدي يدور علي شغل .. و طبعا في البدايه يخلص أوراقه يعني بي أر, كارت الميديكال , SIN , كورسات فرنساوي للي عايز يروح لكيبيك و يستقر هناك... كده يعني

الحلقه الأولي ......

أول حلقه هتبقي عن حجز الطيران ... و ده شيء مهم

طبعا انا كنت حاجز رايح جاي .. من خبرتي في القصه ده مش فارقه أبدا انك تروح تلف علي مكاتب الطيران فيه موقعين مهمين جدا جدا و الأسعار عليهم في منتهي الجمال و تقدر تلاقي كل اللي انت عايزه

http://www.thomascookegypt.com

http://www.easytrav.net

ميزه الموقعين دول انك بتقدر تختار التاريخ لغايه أما تلاقي أرخص سعر .. و أصلا فيه خصم بيبقي علي e-ticket يعني التذكره المحجوزه علي الأنترنت.. انا كنت بدخل في اليوم بتاع ييجي 15 مره عشان بتبقي فيه اسعار لقطه بكل المقاييس يعني يبقي فيه عرض يظهر و بعدين يختفي ف 3 دقايق ..

عرفت ان مصر للطيران بتعمل عرض في الصيف بتبقي رحله مباشره من غير توقف و ده بيبتدي من شهر 5 أعتقد لشهر 9 بس ... و طبعا ده أفضل كتير جدا للأسباب اللي هقولها لكم بعد كده .. و برضه علي فكره بتلاقي العروض ده موجوده علي الموقعين دول و ميزتهم انهم مصريين....

الحلقه الثانيه ......................

تاني حلقه هتبقي عن البحث عن سكن في مونتريال ..

تبدأ وقائع القصه .. ايه رأيكم في اللغه العربيه الفصحي ده ... هاهاها ... بعد حصولي علي الفيزا في شهر 4 اللي فات

فيه أكتر من موقع الحقيقه انا كنت بدور فيهم علي شقق ..

http://www.craigslist.org/about/sites

http://montreal.kijiji.ca

الموقع الأول هو اللي حجزت من عليه ستوديو و بشوف انه افضل من kijiji .. كانت مواصافات المكان اللي عايزه كالتالي

- فيه انترنت

- فيه مطبخ كامل يعني تلاجه و بوتاجاز و أدوات مطبخ

- لو فيه cable TV بس ماكانش مهم أوي

- Hot water

- Electricity (Hydro), water, internet, cable TV.. all inclusive

- انه يبقي في مكان امان و قريب من وسط البلد عشان اعرف اتحرك بسهوله

- انه مايبقاش معاي حد بيعيش في الأستوديو يعني مش مشترك

- انه يبقي فيه دفايه كويسه و شغاله زي الناس أو نظام تدفئه مركزي.. عشان الزمهارير...

- أهم شيء انه يكون بحمام خاص

كنت بدور تقريبا كل يوم و في اليوم بدخل 5 أو 6 مرات عشان ألاقي احسن سعر و أحسن مكان..

أغلب الناس كانت عايزاني أدفع مقدما و ده بالنسبه لي كان شيء فيه مخاطره لأنه ممكن يطلع نصاب لو هي مجرد شقه أو ستوديو بتاع جد يعني مش فندق أو موتيل .. هنا لابد من وقفه كندا مش سهل انك تلاقي فيها شقه أو ستوديو بمده صغيره بسعر كويس short term لأنه لازم يبقي فيه lease و ده بيبقي لمد كويله مش اقل من 6 شهور عشان سبقي السعر لقطه يعني و ده للي رايح يستقر .. أغلب اللي بيأجرو بياخدو ايجار أول و اخر شهر و لازم يبقي فيه ضامن في كندا و يكون شغال عشان او انت خسعت في الأيجار هو يدفع .. طبعا الحياه مش ضلمه كده .. لأنه برضه فيه أماكن زي المكان اللي كنت أنا عايش فيه مفيش مشكله خالص في المواضيع ده

بس برضه كان غالي مش رخيص أنا كنت ساكن ب 900 دولار في الشهر في قلب وسط البلد , المكان نضيف و محترم جدا مفيهوش أي مشاكل من أي نوع

http://www.berrisuites.ca

اللينك اللي فوق هي المكان اللي كنت ساكن فيه ... البنت المسئوله عن المكان اسمها ENA روسيه هي..

علي فكره فيه ستديوهات في المكان ده ب 850 بس أصغر و فيه برضه 750 بس ده basement انا بصراحه كنت رافض قصه ال basement ده لا لشيء الا اني كنت رايح اقعد فتره قصيره فماكنتش يعني طالبه اني اقعد فيه .. و لو انه نضيف و كويس مش الفكره اللي احنا واخدنها عن البدروم في مصر يعني ..

المهم .. اتصلت بالمكان و بعت أكتر من ايميل عشان اظبط الدنيا .. هنا فيه شيء مهم لازم يا جماعه تاخدو بالكم منه انكم لما تاخدو سعر تعرف ان كان شامل الضرايب و لا لأ عشان ما تلاقوش نفسكم بتدفعو ييجي 70 دولار تاني ضرايب .. قلت للبنت ده انا مش هقدر أدفع قبل ما أجي أنا هدفع بعد ما أجي قالت لي مش مكشله بس أكد وصولك قبلها ب 48 ساعه .. ربنا كريم معايا جدا و أحمده و اشكر فضله اني قدرت أحجز المكان من غير ما أدفع مقدما ازاي بس مش عارف بس هي تعاملات الله مفيش شيء مستحيل و لو ان ده مستحيل  انك تحجز من غير ما تدفع شيء مقدما ..

كده انا سكنت .. الحلقه اللي جايه هتبقي عن البحث عن عمل قبل الوصول و ازاي تقدر يجي لك انترفيو و تكمل ان شاء الله . هسيبكم دلوقتي أحسن مش عارف أظبط نومي لسه 

الف حمد الله على سلامة وصولكم....اشكر لك محاولتك لافادة الناس ومع انى مش رايحه مونتريال لكن متابعه ...ده كلام مهم ...دعواتى لكم بالتوفيق :closedeyes:

[jessika]

حمدللة على سلامة اخويا هانى .......نورت المنتدى من تانى ومنتظرين المفاجأت

[magedghonim]

تسجيل متابعة بشغف شديد

للي فات وللي جاي

وشكرا للمعلومات القيمة دي

الي بتوفر علينا كتير من الوقت والمجهود

الف شكر اخ هاني وحمدالله على سلامتك

[poulaemad]

الف حمد الله على السلامه يا باشمهندس هانى

تسجيل متابعه ومنتظرين التفاصيل

ربنا معاك

[مازن أطرش]

شكرا على جهودك يا باشمهندس هاني ..وباين الموضوع من اولو انو مفيد ومركز ..أنا متزوج وعندي طفلين 3 و5 سنين .بقا عايز تنورنا كمان مشان السكن العائلي ..لو عندك فكرة ..يعني وين السكن الأفضل للعائلات ..وشكرا

[poulaemad]

happy birth day to you

انا قلت اعيد عليك فى التوبيك بتاعك

كل سنه وانت طيب والسنه الى جايه تكون استقريت فى كندا وحققت كل احلامك

[jessika]

برافو عليكى يا بولا انك خلتينا ناخد بالنا .........كل سنة وانت طيب يا هانى عقبال مليووووووون سنة

[znaty]

اولا الف حمد الله على السلامة

ثانيا كل سنة وانت بالصحة والسلامة

ثالثا نشكرك على الشرح وربنا يوفقك يارب ومتابعينك يا هاني بشدة :lol:

[Anesthesia]

حمد الله على السلامة يا باشمهندس...

يا ترى أخدت البى أر بعد كام يوم من وصولك هناك علشان أنا سمعت انه بيتأخر اليومين دول؟

[Rock]

حمدللة عل السلامة يا باشمهندس هاني و كل سنة و انت الف طيب

بسجل اعجابي بموضوعك و متابعتي

هي مش المشاريب في الافتتاح ببلاش ؟؟؟

علي العموم انا حاجز اول صف مع الاخوة الافاضل و بعد الرجل ما تاخد علي قهوتك الجديدة و تتصيت وسط القهاوي اللي ملت شوارع كندا :closedeyes: , يمكن الواحد يقدر يلاقي سبوبة حلوة و يبيع كرسية بسعر حلو :)

ربنا معاك

[Hany Lewis]

متابع يا هندسة بشغف لأن ظروفك قريبة من ظروفى .. الاختلاف الوحيد لسه مش مخدتش قرار اهاجر ولا لأ

باشمهندس Ambitious وجودك يشرفني و يسعدني .. ربنا يوفقك للي فيه الخير ليك و لمستقبلك ان شاء الله ..

الف حمد الله علي السلامه باش مهندس هاني

كنا منتظرينك من زمان

يارب كل ايامك تكون توفيق ونجاح

واحنا عاذرينك لانشغالك سواء الفتره السابقه او اللي جايه

ربنا معاك

نصّار

أخويا الكبير أستاذ نصار ... ربنا يخليك و ينجح كل شيء في حياتك ألف شكر علي دعواتك الجميله و يا رب ربنا يديك أكتر منها ألاف المرات

الف حمد الله على سلامة وصولكم....اشكر لك محاولتك لافادة الناس ومع انى مش رايحه مونتريال لكن متابعه ...ده كلام مهم ...دعواتى لكم بالتوفيق :)

مدام صفاء الله يسلمك و ربنا يقدرني و أكون مفيد للناس .. لأنه احنا محتاجين انه يكون فيه حب بين الناس و بعضها في زمن صعب محتاج ان الناس تبقي واقفه مع بعضها بقدر الأمكان.. اما بخصوص مونتريال , حضرتك تنوري اي مكان تروحيه .. بالتوفيق يا رب

حمدللة على سلامة اخويا هانى .......نورت المنتدى من تانى ومنتظرين المفاجأت

أختي جيسيكا .. المنتدي منور بوجودك و بوجود كل الناس الخدومه اللي بتبتذل كل ما في استاطعتها لأعطاء الدعم سواء نفسي أو بالمعلومات .. ربنا يوفق كل خطواتك و بكل خير و سعاده ان شاء الله

تسجيل متابعة بشغف شديد

للي فات وللي جاي

وشكرا للمعلومات القيمة دي

الي بتوفر علينا كتير من الوقت والمجهود

الف شكر اخ هاني وحمدالله على سلامتك

أستاذ magedghonim حضرتك منور و لا شكر علي واجب . الله يسلمك و يوفقك

الف حمد الله على السلامه يا باشمهندس هانى

تسجيل متابعه ومنتظرين التفاصيل

ربنا معاك

مدام بولا متشكر جدا ليكي , الله يسلمك و ألف مبروك علي الميديكال و لو أنها متأخره أنا اسف . بس بجد كنت مشغول .. يالله بقه كندا مستنياكي بألف سلامه ..

شكرا على جهودك يا باشمهندس هاني ..وباين الموضوع من اولو انو مفيد ومركز ..أنا متزوج وعندي طفلين 3 و5 سنين .بقا عايز تنورنا كمان مشان السكن العائلي ..لو عندك فكرة ..يعني وين السكن الأفضل للعائلات ..وشكرا

أستاذ مازن, الف مرحب بيك و بكل الأخوه السوريين.. حاضر هاجي لموضوع الأماكن ده من عيني

[Hany Lewis]

happy birth day to you

انا قلت اعيد عليك فى التوبيك بتاعك

كل سنه وانت طيب والسنه الى جايه تكون استقريت فى كندا وحققت كل احلامك

و انتي بكل صحه و خير و سعاده يا مدام بولا بجد ده من ذوقك .. ربنا يبارك كل خطوه في حياتك

برافو عليكى يا بولا انك خلتينا ناخد بالنا .........كل سنة وانت طيب يا هانى عقبال مليووووووون سنة

أختي جيسيكا صدقيني وصلت مشاعر الود .. ربنا يديم الود و المحبه ..و انتي بالصحه و السلامه

اولا الف حمد الله على السلامة

ثانيا كل سنة وانت بالصحة والسلامة

ثالثا نشكرك على الشرح وربنا يوفقك يارب ومتابعينك يا هاني بشدة :) :closedeyes:

اخويا الفاضل زناتي ... الله يسلمك و حضرتك بكل خير و سعاده .. بجد نورت الموضوع .. فيه ناس كده في المنتدي, المنتدي من غيرهم مالهوش طعم ..

حمد الله على السلامة يا باشمهندس...

يا ترى أخدت البى أر بعد كام يوم من وصولك هناك علشان أنا سمعت انه بيتأخر اليومين دول؟

الله يسلم حضرتك .. استلمته في الدقيقه 95 من زمن المباراه .. ده له قصه .. بس ربنا رحمته كانت واسعه و الحمد لله جيبته معايا , هبقي أقولكم علي قصته wst::

حمدللة عل السلامة يا باشمهندس هاني و كل سنة و انت الف طيب

بسجل اعجابي بموضوعك و متابعتي

هي مش المشاريب في الافتتاح ببلاش ؟؟؟

علي العموم انا حاجز اول صف مع الاخوة الافاضل و بعد الرجل ما تاخد علي قهوتك الجديدة و تتصيت وسط القهاوي اللي ملت شوارع كندا :P , يمكن الواحد يقدر يلاقي سبوبة حلوة و يبيع كرسية بسعر حلو :o

ربنا معاك

أخويا rock انت منور و المشاريب طبعا ببلاش .. يعني في الأول بس عشان أعمل زباين wst:: mfb: يعني بس بعد كده هتبقي ببلاش برضه عشان أحافظ علي الزباين

[Hany Lewis]

أنا بس حابب أقول شويه حاجات قبل ما ادخل علي تفاصيل أيامي في مونتريال..

بالنسبه للشنط أغلب شركات الطيران بتسمح بشطنتين لكل مواطن (ايه رأيكم في كل مواطن ده) كل شنطه بتبقي 23 كيلو دول بينزلو الطياره و بتسمح بشنطه تاني وزنها 8 كيلو تتطلع الطياره و شنطه اللابتوب مش بتتحسب و ده بقه ليها قصه تانيه معايا عشان استغليتها أسوأ أستغلال .. مصري بقه هاهاهاهاهاها...

الورق اللي لازم يبقي معاكم

-CPR و ده تحطها في عينيك

- CSQ يعني هتستخدموها في كيبيك بس لما تيجو تقدمو علي كورسات الفرنساوي و ....كل ما يتعلق بكيبيك

- اطبعو شهاده السيره الذاتيه

-شهادات الميلاد و شهادات الخبره للي ناوي يستقر

- شهاده تطعيم الأولاد و العهده علي اللي قال كده في المنتدي

يا ريت يا جماعه الورق كله يبقي في الشنطه اللي هتطلعو بيها الطياره عشان لو شنطكم اللي في الطياره ما وصلتش و لا حاجه لأنه شنطي ضاعت في مطار لندن .. دلوقتي بقه تفاصيل اللي حصل

ركبت طياره مصر للطيران اللي متجهه للندن و كان الترازيت هيبقي ساعتين في مطار هيثرو .. طبعا و لأنها شركه مصر للطيران اللي يا ريت ماحدش يسافر عليها نهائي , الطياره اتأخرت ساعه و عشرين دقيقه في الأقلاع .. ركزو اني بس عندي ساعتين بس في مطار لندن و ده معناه اني ممكن أوصل و ال gate هناك في لندن بيقفل و ما ألحقش الطياره .. أخير طلعت الطياره و الراجل قرص بنزين و وفر 20 دقيقه .. نزت طبعا جري من طياره مصر للطيران بدور علي ال gate اللي هركب من عليه طياره مونتريال .. و طيعا نتيجه لوصولنا متأخرين مالحقوش ينقلو الشنط و الحمد لله انا وصلت مونتريال و شنطي لسه في لندن ... علي ال gate في لندن الراجل قاللي انت مسافر مونتريال ليه و فضل يتكلم معايا كأننا اصحاب و انا عايز أجري ألحق الطياره لأنه كان مكتوب gate closing و عمال أقول في سري يا عم أخلص الليه يخرب بيتك .. شاف ال CPR و الباسبورت طبعا و قعد يقولي انت شغال ايه و زفت ايه و عمال بقي يحكي معايا و مبسوط بروحه قوي و اخيرا قال لي good luck دخلت اخيرا و بسأل علي الشنط قالي لي الراجل سوري سير  الشنط هتفضل في لندن و هنبعتها علي موتريال .. المهم دخلت مونتريال و كنت أخر واحد أدخل طبعا ... هوب و الباب اتقفل

طبعا فرق السما من الأرض بين الخدمه علي egyptair and aircanada طبعا مصرر للطيران تحس انك شغال مع موظفين حكومه ده حتي الراجل الطيار كان واقف علي الباب بتاع مصر للطيران بيبتسم و يضحك لأي جنسيه تاني غير مصريه و يقلب سحنته لما يلاقي مصري مع انه مصري .. بتوع ايركندا محترمين جدا و ودودين .. وصلت مطار مونتريال الحمد لله

مطار مونتريال ..

طبعا طابور طويل عريض ناس مهاجره و ناس عاديه .. دخلت علي الشباك بنت عسوله قالت لي أول مره في مونتريال قلت لها أه انا مهاجر قالت طيب ممكن ال CPR اديتهولها و قالت لي روح بقه علي المكتب ده و المكتب ده يا جماعه المكتب الفيدرال اللي أي بيدخل عليه أي حد مهاجر جديد لما يدخل كندا و ده موجود في كل مقاطعه .. فيه ورقه بنملاها كده و احنا داخلين علي الشباك و ممكن تملاها و انت في الطياره .. دخلت مكتب ازازا كده و برضه فيه طابور .. يبدو ان الطوابير ده هتفضل معانا طول عمرنا .. طابور العيش و طابور الجمعيه و طابور موظف الحكومه و طابورال ..... المهم وصلت لدوري الراجل ادان ورقها أملاها .. الورقه ده بتكتب فيها عنوانك اللي عايز البي أر يتبعت عليه و ممكن تسيبه فاضي و هم بيدولك رقم تكلمه من كندا تضيف عنوانك بعد كده .... و برضه في الورقه بتكتب انت داخل كندا بأيه يعني هدوم كمبيوتر و كده و تكتب قيمه تقديريه للحاجات ده .. و بتدي للراجل ده أعتقد ال CPR عشان تاخد دور و يندهو عليك .. المهم بتقعد لغايه أما يندهو علي أسمك .... المهم ندهو علي, دخلت علي الست اللي قاعده كانت ودوده جدا زي البنت الأولانيه و قالت لي انت ايه عنوانك اديهولها تاني و رقم تليفون الأوتيل و قالت لي معاك فلوس كام قلت لها و طبعا و لا بصت و لا حاجه و علي فكره انا خدت معايا أقل من اللي مضيت عليه ... عادي جدا يعني .. خلصت شغلها و قالت أدخل بقه مكتب كيبيك .. علي فكره انا طول الوقت ده بتكلم انجليزي عادي جدا .. دخلت مكتب كيبيك عشان يتحدد لي ميعاد انترفيو عشان يعرفوني علي كيبيك و يقولو لي ادرس فرنساوي ازاي و الاقي شغل ازاي و كل الكلام ده .. المهم الست اديتني كتيب apprendre le qeuebc زي الموجود علي الموقع ... و حددت لي ميعاد الأنترفيو اللي هروحه و سألتني علي الس اس كيو طبعا و اديتني عنواين المكاتب اللي ممكن أعمل فيها ال SIN و برضه العناوين اللي ممكن اروحها و اعمل الميدكال كارد .. الميديكال في كيبيك مش بيطلع قبل 3 شهور عشان كده اديتني عنوان شركات تأمين خاصه عشان أستخدمها في الوقت اللي لسه فيه انا مش متغطي طبيا .... و اديتني خريطه ليكيبك و خريطه لشبكه مترو الأنفاق و ده كانت مفيده جدا جدا جدا ..

نزلت تحت عشان ابلغ عن فقدان شنطي مع aircanada و الي هنا تنتهي القصه من مطار القاهره لمطار مونتريال

تم تعديل 2 نوفمبر 2009 بواسطة Hany Lewis

[Hany Lewis]

علي فكره يا جماعه مفيش أي أجبار من أي نوع للي مش عايز يروح علي كيبيك حتي لو كان مقدم كيبيك ... زي ما ذكرت قبل كده في مداخلات لي و اللي هحطها هنا عشان يبقي الموضوع مركز بس ..

في كيبيك هم بيصنفو المواطن هناك 3 أنواع

1- مواطن كيبيكواه

2- مواطن كندي

3- انترناشيونال يعني مش كندي خالص

طبعا التفريق ده مش معناه تفريق عنصري و لا كلام من ده ..بس هو فرق في الأمتيازات

يعني المواطن الكيبيكواه مثلا بيدفع أقل في الجامعه عن المواطن الكندي ... و حاجات من هذا القبيل..

طيب ايه اللي يخللي الواحد يحافظ علي الأمتياز بتاع انه مواطن كيبيكواه ؟

1- CSQ

2- اللاندينج لازم يبقي في كيبيك .. بس عشان خاطر proof of landing يبقي طالع من كيبيك .. مش أكتر

3- انك تقيم و تعيش في كيبيك

طيب بالنسبه لأول و تالت نقطه دول سهلين عشان كلنا معانا ال CSQ و أي حد ممكن يقيم في كيبيك .. لكن الفكره بقه في رقم 2 , يعني حتي لو عايز تعيش بره كيبيك حاول تعمل لاندينيج في كيبيك عشان تحتفظ بميزه كونك مواطن كيبكواه .. طبعا يا جماعه الكلام ده اللي مقدمين كيبيك مش بتوع الفيدرال

يا رب أكون وضحت النقطه ده .. عشان كل الناس بتسأل هل لازم نعيش و نعمل لاندينج في كيبيك و لا لأ ... زي ما وضحت ممكن تعمل لاندينج في أي حته بره كيبيك .. بس هتفقد ميزه انك مواطن كيبيكواه يعني لو احتاجتها في المستقبل

[somayasaleh]

حمد لله علي سلامة الوصول لكندا استاذ هاني

وكل سنة وحضرتك طيب....وعقبال ميت سنة. brth)

وشكرا علي المعلومات المفيدة

وفي انتظار باقي التفاصيل

[Phizer]

الف حمدالله على سلامتك يا بشمهندس والله اتبسطت اوي لما شفت موضوعك

بالتوفييييييييييق

[حسام يوسف]

حمدالله ع السلامة ياباشمهندس هانى

وتسجيل متابعة لتوبيك شيق

وقهوة هتبقى البريمو