مونتريال كما رأيتها و بين ما يقال

[hamedebrahim]

الف حمدلله على سلامة الوصول الى كندا

موضوع جيد

تسجيل متابعة

[abdelhalim]

حمد الله علي السلامة باش مهندس هاني علي سلامة الوصول والف مليون مبروك علي افتتاح القهوة االجامدة دي ويالا شد حيلك نزلنا المشروب الرابع بسرعة ومتخافش ممعناش فلوس يعني حضرتك اللي هتحاسب

[surgeon]

حمدلله على السلامة يا باشمهندس

سرد ولا اروع, على فكرة انا لسة راجع من مونتريال من حوالى اسبوعين. جلست حوالى 3 اسابيع هناك. سردك للاحداث سلس وواقعى.

انا متابع معاك لانطباعاتك لان عندى نفس الانطباع الحلو عن مونتريال مع انى فيدرال.

على قد ما اقدر حاحاول اواصل معاك الانطباعات لانى مشغول جدا فى الشغل وكذلك فى المذاكرة لبداية مشوار جديد وتحدى حلو يستاهل ان الواحد يتعب علشانه.

بالمناسبة البى ار اخذته فى قد ايه , علشان انا عرفت انه بياخد شهرين واكثر.

شد حيلك يا هندسة

[مازن أطرش]

آخر حلاوة على بقلاوة ...يالله يا سي هاني ما تتاخرش علينا بالحكاوي ...ده احنا بنستنى حكاوي مونتريال...

[khaleds]

بالتوفيق يا اخى

وشكرا على سردك لخبرتك فى المهجر

[memma]

سرد ولا اروع ....كمل وامتعنا... ;) :FN: et:(

[Hany Lewis]

حمد لله علي سلامة الوصول لكندا استاذ هاني

وكل سنة وحضرتك طيب....وعقبال ميت سنة. :lol:

وشكرا علي المعلومات المفيدة

وفي انتظار باقي التفاصيل

باشمهندسه سميه .. الله يسلمك و حضرتك بالف صحه و خير و ربنا يحقق كل أحلامك .. الشكر كل الشكر ليكم هنا في المنتدي علي المجهود اللي بتبذلوه للناس و مع الناس .. ربنا يكرمكم جميعا

الف حمدالله على سلامتك يا بشمهندس والله اتبسطت اوي لما شفت موضوعك

بالتوفييييييييييق

الله يسلمك يا دوكتور صدقني سعيد جدا بمداخلتك و شاكر جدا علي محبتك و دعواتك .. ربنا يديك الخير كله

حمدالله ع السلامة ياباشمهندس هانى

وتسجيل متابعة لتوبيك شيق

وقهوة هتبقى البريمو

دوكتور حسام الليه يسلمك و الف مليون مبروك علي نجاحك في الأنترفيو ربنا يكملك علي كل خير يا رب .. الحقيقه كندا محتاجه ناس أفاضل زيك اي مكان تكون موجود فيه تنجح..

الف حمدلله على سلامة الوصول الى كندا

موضوع جيد

تسجيل متابعة

الله يسلمك استاذ حامد .. متشكر جدا علي مداخلتك الرقيقه

حمد الله علي السلامة باش مهندس هاني علي سلامة الوصول والف مليون مبروك علي افتتاح القهوة االجامدة دي ويالا شد حيلك نزلنا المشروب الرابع بسرعة ومتخافش ممعناش فلوس يعني حضرتك اللي هتحاسب

الله يسلمك استاذ عبد الحليم .. الله يبارك في حضرتك ... ألف شكر علي تشجيعك .. انت تأمر .و علي المشاريب. تشرب ايه ؟ :) ...

حمدلله على السلامة يا باشمهندس

سرد ولا اروع, على فكرة انا لسة راجع من مونتريال من حوالى اسبوعين. جلست حوالى 3 اسابيع هناك. سردك للاحداث سلس وواقعى.

انا متابع معاك لانطباعاتك لان عندى نفس الانطباع الحلو عن مونتريال مع انى فيدرال.

على قد ما اقدر حاحاول اواصل معاك الانطباعات لانى مشغول جدا فى الشغل وكذلك فى المذاكرة لبداية مشوار جديد وتحدى حلو يستاهل ان الواحد يتعب علشانه.

بالمناسبة البى ار اخذته فى قد ايه , علشان انا عرفت انه بياخد شهرين واكثر.

شد حيلك يا هندسة

ألف حمد الله علي سلامتك .. ربنا يوفقك يا رب في شغلك أنا عارف الساقيه اللي الواحد بيبقي مربوط فيها ده . ربنا يعينك و يبارك كل خطواتك و شاكر جدا كلماتك الرقيقه ... انا جالي البي ار في الأسبوع السادس بمعني انا كنت مسافر 29-10 جالي يوم 28-10 شفت بقه يعني جيبت جون في الدقيقه 92 .هاهاهاها

آخر حلاوة على بقلاوة ...يالله يا سي هاني ما تتاخرش علينا بالحكاوي ...ده احنا بنستنى حكاوي مونتريال...

يا مرحب بيك يا مرحب .. انا بحب سوريا بالزاف علي فكره :) .. بالزاف يعني كتير بالمغربي :lol:

بالتوفيق يا اخى

وشكرا على سردك لخبرتك فى المهجر

متشكر جدا ليك استاذ khaleds يا رب يبقي مفيد و الناس تقر تستفيد منه بقدر الأمكان

سرد ولا اروع ....كمل وامتعنا... wst:: wst:: wst::

أستاذ memma كلمات مشجعه جدا و محفزه .. ده من ذوقك و روحك العاليه .. ربنا يوفقك

[Hany Lewis]

قبل ما أبتدي حلقه البحث عن عمل , حابب أكلمكم عن أول ساعه لي في مونتريال...

بعد ما وصلت مطار مونتريال و خرجت للشارع قررت اني أتصرف كأني من أهل البلد يعني مثلا ماخدش تاكسي للمكان اللي انا هسكن فيه بالأخص انه كان هياخد ييجي 50 دولار .. سالت الناس بره ايه المواصلات اللي أقدر أخدها لغايه أما أوصل وسط البلد قالو لي ده بعيد من هنا انت هتاخد 3 أتوبيسات .. لكن واحد قالي اني أروح أسأل كشك كده .. المهم رحت سألت قالت لي الست ان فيه shuttle bus بيروح وسط البلد و ده تمنه 16 دولار .. فعلا أخدته و نزلت أخر الخط .. الشيء اللي استوقفني هنا اني مالاقيتش أي حاجز بالنسبه للغه لأني كنت بتكلم انجليزي و مفيش اي مشاكل مش زي ما كنت بسمع أو زي ما تقالي انهم متعصبين جدا للغتهم لكن انا بكرر ده انطباعي الشخصي و اللي حصل معايا ..

نزلت أخر الخط طبعا بعد ما سألت السواق .. الشيء برضه اللي لفت نظري ان الشوارع مكسره .. و ده استغربت له جدا .. لكن مش معطل أي شيء كله تمام .. نزلت من الأتوبيس خرجت لاقيت واحد من أطفال الشوارع اقصد رجال الشوارع هاهاهاهاها ... المهم سألته فين يا عم شارع بيري قالي انت في شارع بيري ..

مشيت و طبعا نظام الترقيم كان غريب شويه بالنسبه لي .. كانت الساعه حوالي 10 بالليل . لاقيت واحد ماشي في الشارع سألته فين يا عم رقم 1085 قالي مش عارف بس تخيلو يا جماعه قرر انه يمشي معايا لغايه أما ألاقي الرقم .. واضح ان دعوات أمي كانت ملاحقاني و كرم ربنا الكبير اللي مالهوش حدود انه موقف لي ولاد الحلال .لاقيت الرقم راح الولد قالي عايز حاجه تاني قلت كتر خيرك و مشي ..

لاقيت باب الفندق مقفول .. قلت يادي الليله الكوبيه و طبعا لأني ماكنتش شايف قدامي ما شفتش ورقه متكوب عليها اني أدوس علي زرار 5 أو 6 عشان حد يفتح لي .. و انا ماشي في الشارع لاحظت ان فيه تليفونات بتشتغل بالعمله أو بكارت مدفوع مقدما .. بس بتعوز 50 سنت يعني عملتين كل واحد ب 25 سنت أنا كان معايا باقي 4 دولار كل عمله ب 2 دولار من باقي التذكره .. وقفت واحد سألته اذا كان معاه فكه هو كان بيتكلم فرنساوي و مش قوي في الأنجليزي راح الراجل اداني ال 50 سنت من غير أي مقابل .. قلت يا عم انا عايز فكه يعني خد ال 2 دولار فكهم قالي لا لا لا و الله بالحرف قالي it's my pleasure و اصر انه ما ياخدش ال 2 دولار عشان هو مش معاه يكمل فكه و قالي ده لو خدت منك ال 2 دولار ده هيبقي 4 اضعاف اللي اديتهولك و كان سعيد جدا انه ساعدني هنا يا جماعه استوقفني شيء مهم هو ان الكنديين شعب طيب و خدوم .. قلت يا بركه دعواتك يا أما .. رحت كلمت البنت و فتحت لي الباب و بعدين جالي واحد صاحبي مصري و خرجت معاه .. هقف بيكم عند النقطه ده و أرجع بعدين اقولكم انا عملت ايه

الحلقه التالته

البحث عن عمل قبل السفر مباشره و انت في مصر

صاحبي اللي في كندا شغال في نفس مجالي information security engineer قدم علي شغل كتير و لقي شغل في شركه محترمه بمرتب مش قليل و مركز محترم هو صحيح مشي منها بس جاله الشغل ده بعد مرور 4 شهور من وصوله .. يعني يا جماعه موضوع الخبره الكندي و الهوس ده ما حصلش معاه .. طبعا مش كتير بيحصل معاهم كده لكن هو كان محظوظ و ربنا كارمه ... المهم صاحبي ده قالي انه من ضمن الأنترفيو اللي اتعمل معاه مان منهم مرتين مره فيها كان بيعمل معاه 7 اشخاص انترفيو في نفس الوقت و مره تانيه كان 9 رقم خرافي و خزعبلي .. لذلك قررت اني أدورعلي شغل عشان أعمل انترفيو هناك حتي لو مش هتسقر هناك بس عشان أخد خبره الأنترفيو ..

فيه نقطه حطوها في اعتباركم انه بيبص في السي في بتاعتك لو مالاقاش رقم كندي مش بيتكلم أصلا .. طيب ايه الحال انا في مصر و مش لي رقم يكلموني عليه ..يبقي لازم يبقي لي رقم كندي .. طيب أجيبه منين ده .. فيه يا جماعه برنامج اسمه gizmo و ده هتلاقوه علي الموقع ده http://gizmo5.com/pc البرنامج ده بيدلكم الفرصه انكم تشترو رقم في أي دوله في الليسته بتاعته منها طبعا كندا و أمريكا .. الرقم ده ممكن فعلا يكلموك عليه و تعمل منه مكالمات و حاجه زي الفل طبعا ده بيبقي سوفتوير نازل علي الكمبيوتر و لازم يبقي فيه انترنت عشان تقدر تستقبل و ترسل مكالمات .. المهم حطيت الرقم ده في الس في بتاعي و كتبت عنوان علي كندا كده أصبحت كأني عايش في كندا .. بالفعل حصلت علي انترفيو قبل سفري بالأسلوب ده .. انا كنت بدور علي شغل من المواقع ده

www.monster.com

http://www.workopolis.com

http://www.craigslist.org/about/sites

http://www.kijiji.com

الأنترفيو كان بعد يومين مباشره من وصولي .. طبعا رحت و الراجل كان متكيف بس كان فيه مشكله اني كان ناقص لي شويه حاجات مش معايا بس هو قالي انت المفروض تدخل علي مستوي senior لكن عشان الحاجات مش معاك مش هقدر أخدك junior و انتهي الأمر .. و انا هناك جال برضه انترفيو تاني.... لما الواحد يبقي معاه خبره بجد و مجهز نفسه بجد ,في الغالب بيفوت ... يمكن ده ما يحصلش تاني في رحله الأستقرار لكن انا واثق جدا انا الله ابتدي عمل صالح هو اللي هيكمل ...

الي هنا تنتهي الحلقه التالته و الحلقه الرابعه هتبقي عن الأنترفيو بتاع كيبيك عشان تتكامل في المجتمع الكندي

تم تعديل 3 نوفمبر 2009 بواسطة Hany Lewis

[Rock]

اللة الللللللللللللللللللللللللللللللللللللللللللللللللة عليك يا معلم اية الجمال دة ,,اعد اععععععععععععد

بجد انت اديتني دفعة للامام و امل كبير ,عشان احيانا الواحد بيجيلوة احباط شديد

المشاريب عليا المرة دي :lol:

شكرااا ليك

[omaraziz]

ايييييييييه ايه الحلاوة دي.......

عظمه علي عظمه ياعم هاني .....

الله يفتح عليك و يباركللك اهو هو ده الكلام....

خلاص ياعم rock

الحساب عندي انا المرة دي

و ياريت واحد سحلب بحليب

ايووووة جججاييييييييييي

[طبيبة مصرية]

الف شكر باشمهندس هانى على السرد الممتع والمعلومات الدقيقة المفيدة...........

ربنا يوفقك فى كل خطواتك...........

تسجيل متابعة واعجاب

[Ambitious]

سردك ممتع يا باشمهندس .. هو حضرتك تخصصك ايه بالظبط فى ال Information Security وعندى سؤال بالنسبة لشهادات ال IT العالمية بالأخص فى مجال النتروك وبالتحديد فى شهادات سيسكو .. هل دى تغنيك عن حوارات المعادلة والحاجات اللى بيعملها اخوانا الدكاترة ولا كلامى غلط ؟

[biopasha]

من افضل الموضوعات التي قرأتها عن كيبك..

منتهي الشكر والتحية للفاضل مهندس هاني لويس ...

متابع بشغف ...

:lol:

تم تعديل 3 نوفمبر 2009 بواسطة biopasha

[ناوية ع الهجرة]

استاذ هاني ال حمد لله على السلامة

والف شكر على شرح حضرتك المختصر المفيد لرحلة اللاندنج

وبالتوفيق في رحلة العودة ان شاء الله ومستنين باقي الاحداث

[Guest drahmedhamouda]

ولا أحلي ولا أجمل ولا أروع من كده :blink: :lol: bv:- bv:- bv:-

[Mido]

حمدالله على السلامة و الف شكر على المعلومات القيمة

[Rock]

احم احم..... اية يا معلم هاني,, فينك بقي اليومين دول :happy: انا مش هاقولك انة تلفزيون القهوة ارسالة مش مظبوط و انة الصبي بتاعك كل نص ساعة بيجي يسألنا عايزين نشرب حاجة تاني و طبعا دة سؤال مش اختياري و الا و انا بصراحة شارب ستاشر شاي و تلتاشر قهوة و حجزت كرسي في الحمام mfb:

الرفقاء مستنينك كلهم بما فيهم الرفيقة الدادة ام عطيات :blink: ( من فيلم السفارة في العمارة )

تحياتي

[astrophy]

موضوع شيق يابشمهندس هانى كمل كلنا شغف وشوق لسرد الجميل

[ramyfathalla]

ألف حمد لله على سلامتك يا باشمهندس هانى على فكرة أنا مقدم فيدرال بس كل ما أدخل المنتدى ألاقى التوبيك ده شغال و زحمة و كعادة المصريين قلت لما أدخل و أزاحم بس ما ندمتش والله لأنى ما هدالى بال الا لما قرأت كل المداخلات الجميلة دى

أسلوبك روعة و ساحر فى الكتابة بجد تحفة أنا أتشديت لقراءة الموضوع بشكل غريب و نفسى تكمل بالتفصيل و حاتابع ان شاء الله ربنا يوفقك من كل قلبى أخوك رامى.

[خالد المسلم]

السلام عليكم ورحمه الله وبركاته

حبيبى باشمهندس هانى الف حمدالله على سلامتك من ارض الاحلام

كان نفسى اكون اول المهنئين بس صدقنى والله كنت مطحون فى دوامه دوامات الصيادله

ماعلينا

تسجيل متابعه