مونتريال كما رأيتها و بين ما يقال

[Hany Lewis]

اللة الللللللللللللللللللللللللللللللللللللللللللللللللة عليك يا معلم اية الجمال دة ,,اعد اععععععععععععد :blink:

بجد انت اديتني دفعة للامام و امل كبير ,عشان احيانا الواحد بيجيلوة احباط شديد

المشاريب عليا المرة دي

شكرااا ليك

الأخ العزيز rock الله يخليك صدقني انا بحاول أنقل انطباعاتي و اللي شفته بعيني .... ربنا يقويك و يديك دايما الدفعه للأمام و يحقق أحلامك

ايييييييييه ايه الحلاوة دي.......

عظمه علي عظمه ياعم هاني .....

الله يفتح عليك و يباركللك اهو هو ده الكلام....

خلاص ياعم rock

الحساب عندي انا المرة دي

و ياريت واحد سحلب بحليب

ايووووة جججاييييييييييي

الأخ الفاضل omaraziz ربنا يكرمك و يوفقك و علي فكره انا بحب السحلب جدا:lol:

الف شكر باشمهندس هانى على السرد الممتع والمعلومات الدقيقة المفيدة...........

ربنا يوفقك فى كل خطواتك...........

تسجيل متابعة واعجاب

دوكتوره طبيبة مصرية متشكر جدا علي اطراء حضرتك .. ربنا قادر انه يسدد كل خطاكي و يوفقك في كل اللي بتعمليه .. يا رب نسمع عنك سمع خير

سردك ممتع يا باشمهندس .. هو حضرتك تخصصك ايه بالظبط فى ال Information Security وعندى سؤال بالنسبة لشهادات ال IT العالمية بالأخص فى مجال النتروك وبالتحديد فى شهادات سيسكو .. هل دى تغنيك عن حوارات المعادلة والحاجات اللى بيعملها اخوانا الدكاترة ولا كلامى غلط ؟

الأخ Ambitious شاكر جدا تعليق حضرتك .. انا معايا CCNP و تخصصي شويه معقد في مجال ال information security اما بالنسبه للمعادله كلامك صح انت مش محتاج المعادله عشان تشتغل .. بس فيه في جامعه كونكورديا ماجيستير في مجال information security أنا شخصيا بفكر أخده في رحله الأستقرار ..

من افضل الموضوعات التي قرأتها عن كيبك..

منتهي الشكر والتحية للفاضل مهندس هاني لويس ...

متابع بشغف ...

:blink:

الأخ العزيز biopasha ألف شكر علي مشاعر المحبه ده .. ربنا يبارك في عمرك و ينجح كل عمل ايديك

[Hany Lewis]

استاذ هاني ال حمد لله على السلامة

والف شكر على شرح حضرتك المختصر المفيد لرحلة اللاندنج

وبالتوفيق في رحلة العودة ان شاء الله ومستنين باقي الاحداث

الأخت الفاضله مدام 'ناوية ع الهجرة الله يسلمك و لاشكر علي واجب .. يا رب المعلومات تكون سبب فايده للناس و كل تمنياتي بالتوفيق

ولا أحلي ولا أجمل ولا أروع من كده

الأخ الفاضل drahmedhamouda متشكر جدا علي الكلام المشجع ده من حضرتك و من كل الناس .. ربنا معاك

حمدالله على السلامة و الف شكر على المعلومات القيمة

الله يسلمك ... ربنا يوفقك

احم احم..... اية يا معلم هاني,, فينك بقي اليومين دول :blink: انا مش هاقولك انة تلفزيون القهوة ارسالة مش مظبوط و انة الصبي بتاعك كل نص ساعة بيجي يسألنا عايزين نشرب حاجة تاني و طبعا دة سؤال مش اختياري و الا و انا بصراحة شارب ستاشر شاي و تلتاشر قهوة و حجزت كرسي في الحمام :lol:

الرفقاء مستنينك كلهم بما فيهم الرفيقة الدادة ام عطيات ( من فيلم السفارة في العمارة )

تحياتي

صدقني يا أخويا يا rock انا مش فاضي نهائي .. مش شايف قدامي أصلا .. أعتذاري للرفيقه ام عطيات :blink:

موضوع شيق يابشمهندس هانى كمل كلنا شغف وشوق لسرد الجميل

الأخ الفاضل astrophy صدقني بحاول بقدر الأمكان لكن مشغول جدا .. ربنا يدي الوقت و القدره

ألف حمد لله على سلامتك يا باشمهندس هانى على فكرة أنا مقدم فيدرال بس كل ما أدخل المنتدى ألاقى التوبيك ده شغال و زحمة و كعادة المصريين قلت لما أدخل و أزاحم بس ما ندمتش والله لأنى ما هدالى بال الا لما قرأت كل المداخلات الجميلة دى

أسلوبك روعة و ساحر فى الكتابة بجد تحفة أنا أتشديت لقراءة الموضوع بشكل غريب و نفسى تكمل بالتفصيل و حاتابع ان شاء الله ربنا يوفقك من كل قلبى أخوك رامى.

الأخ الفاضل رامي حقيقي مش عارف اقولك ايه علي تعليقك .. حضرتك مهذب جدا زي كل الناس الجميله اللي قابلتهم في المنتدي ده ... يا رب أقدر أكون مفيد للناس .. شاكر ليك أخويا مره تانيه ربنا يوفقك يا رب و سمعنا عنك كل خير ...

السلام عليكم ورحمه الله وبركاته

حبيبى باشمهندس هانى الف حمدالله على سلامتك من ارض الاحلام

كان نفسى اكون اول المهنئين بس صدقنى والله كنت مطحون فى دوامه دوامات الصيادله

ماعلينا

تسجيل متابعه

حبيبي و واحد من رفقاء الدرب دوكتور خالد .. يا دوكتور مشاعرك واصله .. ربنا يطمنا عليك دايما

[Hany Lewis]

الحلقه الرابعه ... الأنترفيو اللي بتحدد لك من كيبيك عشان تتكامل في المجتمع الكيبيكاوي

زي ما قولت قبل كده انه ساعه وصولك مصار مونتريال بتخلص مع المكتب الفيدرالي و بعدين بتدخل علي مكتب كيبيك و طبعا انت مش مجبر انك تعمل كده .. لكن يعني المهم .. دخلت و كلمت الست بالفرنساوي سألتني اذا كنت خلصت اجراءاتي في المكتب الفيدرالي قولت لها أيوه .. قالت لي عايز الأنترفيو بتاعك يبقي امتي قولت لها اي وقت مش مشكله و سألتني انا ساكن فين قلت في وسط البلد حددت لي ميعاد الأنترفيو بعد وصولي ب 3 أيام في شارع اسمه bleury و اديتني خريطه لكيبيك و الكتاب بتاع apprendre le quebec و ورقه فيها عنوانين المكاتب اللي اقدر فيها ال SIN card و الـتأمين الصحي و زي ما ذكرت قبل كده انك اول ما بتروح و تقدم علي كارت التأمين الصحي مش بتبقي متغطي لمده 3 شهور و علي حد ما أعرف بيبقي 6 شهور في المقاطاعات الفيدرال و برضه الورقه ده كان فيها عنواين شركات خاصه عشان أأمن في أول 3 شهور لغايه لما الكارت يجي لي .. انا بصراحه ما قدمتش علي كارت التأمين الصحي عشان هو بينتهي لو قعدت بره كندا أكتر من 6 شهور فماكانش له لازمه.... بالمناسبه ال guide بتاع apprendre le quebec اللي اديتهولي كان عليه ticket كده عليه اسمي و عليه رقم السي اس كيو و رقك تليفون أكلمه لو حبيت أغير الميعاد.. المهم رحت كان انترفيو مجمع يعني مش فردي و الست كانت بتتكلم فرنساوي ففهمت حوالي 60% من اللي اتقال... و الست اديتنا ورق كتير أوي بقه .. يعني فين نتعلم فرنساوي , ازاي نعرف ندور علي شقه, ايه حقوقنا لما نيجي نأجر, و اديتنا ورقه نختار منها 2 انترفيو تانيين و الأختيار كان بين كيف تجد عمل في كيبيك و كيف تتكامل في مجتمع العمل الكندي و كيف تؤجر سكن .. طبعا انا اختارت أي شيء له علاقه بالشغل ...

طبعا يا جماعه زي ما قلت الأنترفيو ده مهم جدا و انت لو ما فهمتش ليك الحق انك تطلب انترفيو فردي و بالأنجليزي ..شوفتو أد ايه ناس محترمه .. المهم انا عملت كده بصراحه اتصلت بالرقم اللي قولت لكم انهم كتبوه علي ال ticket و قررت اني أحضر الأنترفيو ده بس لوحدي و بالأنجليزي .. حددو لي ميعاد و رحت .. هنا لازم نعمل وقفه الأنترفيو اللي انت يتختارها عشان الشغل و التكامل و الكلام ده بتبقي برضه مجمعه و لو انت عايز انترفيو لوحدك لازم تتطلب سواء في الأنترفيو الأول بتاع أول مره أو الأنترفيو الفردي اللي انت ممكن تتطلبه .. بس الأنترفيو بتاع ازاي تلاقي شغل و الكلام ده المفروض بيبقي بالفرنساوي بس بصراحه يا جماعه انا طلبت انه يكون بالأنجليزي لكن الراجل اللي رد علي في التليفون كان aggressive جدا لما قلت اني عايزه بالأنجليزي .. عشان كده لما تطلبو الأنترفيو بتاع البحث عن عمل و مش عارف ايه ما تقولش انك عايزه بالأنجليزي قول انك عايزه لوحدك و لما تبقي تروح ابقي اتكلم انجليزي مع الشخص اللي هيعمل لك الأنترفيو ..... رحت الأنترفيو الفردي اللي كان مجمع بتاع التكامل في المجتمع الكندي .. كانت نفس الست اللي في الأنترفيو المجمع الأنجليزي بتاعها مش قوي بس ست عسل جدا و خدومه جدا كلمتني في عجاله عن نفس الحاجات و كلمتني عن كورسات الفرنساوي فيه منها الحكومه بتديك فلوس 115 دولار في الأسبوع و كل مستوي بيبقي 6 أسابيع و هم 3 مستويات لكن عشان تحجز في ده ممكن تقعد مده لغايه لما تلاقي مكان فاضي و بيبقي full time لكن لو لاقيت شغل part time بعد الكورس ممكن تشتغل طبعا ... و لأني لغيت الأنترفيو بتاع البحث عن عمل عشان هو بالفرنساوي و لما قررت اني أحجز تاني كانت الأنترفيو التاني بعدي جدا في الوقت .. لذلك قلت للست اللي عملت معايا الأترفيو الفردي اذا فيه مكان قريب .. صدقوني يا جماعه قامت و كلمت واحده و قالت لها هو عايز ينجز فحددت لي انترفيو في لحظتها لأن حظي كان كويس و يبدو ان حد اعتذر و دخلت انا بداله .. لازم و انت رايح الأنترفيو بتاع البحث عن عمل يبقي معاك السي في مطبوعه أو علي flash memory و يبقي معاك السي اس كيو و الباسبورت طبعا ...

انا ماكانش معايا السي في أضطريت اني اجري لغايه البيت أروح أجيبها و أجي و ده أخرني لكن المهم عملت مع التس التانيه الأنترفيو .. و كانت متعاونه جدا .. قالت لي ازاي أكتب السي في بشكل أفضل و بالشكل اللي بيحبه ال employer الكندي و اديتني نماذج أعمل زيها ... يا جماعه معلومه جدا , 20% بس من الوظايف في كندا بتبقي معلنه و الباقي علي مواقع يمكن ماحدش يعرفها أو شركات توظيف .. هي بقه اديتني كل المواقع أو أغلبها اللي عليها ال 80% الباقي فخلو بالكم من القصه ده .....

الي هنا خلصت الحلقه ده

الحلقه هتبقي عن أرخص أمكان عشان تشترو الخضار و الأكل و ايه أماكن التجمع العربي هناك

[حسام يوسف]

تسجيل متابعة لتوبيك رائع ياباشمهندس هاني

وربنا يوفقك دائما

[Nassarlink]

ايه الجمال ده كله

بصراحه حاجه تفتح النفس

والاجمل من كده الروح الجميله لاخونا المهندس هاني لويس

يارب يوقفلك ولاد الحلال دائما

نصّار

[بيبو كندا]

تسجيل متابعة و استمتاع

من اسلوبك الشيق

[ELSHAMY]

الأخ هانى

شكرا على روحك الطيبة فى منفعة الناس

أخوك الشامى

[astrophy]

بصراحه ياباشمهندس سردك للاحداث وعن انطباعك عن الناس هناك بيخلينى احب كيبيك جدا وكندا عموما

منتظرين بقالى الحلقات بشغف كبير

[magedghonim]

طبعا تسجيل متباعة

واعجاااب بالنصايح الهامة والمفيدة

وبالتوفيق.

[the world]

سيدى الفاضل

أشكرك على هذا المجهود المبذول مع تمنياتى بالتوفيق للجميع

[Phizer]

سرد راااااائع يا بشمهندس

ربنا يكرمك

[agmaa]

أشكر حضرتك على المعلومات المفيدة ..

"هي بقه اديتني كل المواقع أو أغلبها اللي عليها ال 80% الباقي فخلو بالكم من القصه ده ....." ... هل ممكن تكتب لنا هذه المواقع ... شكرا

[ehabtaher]

الباشمهندس هانى احييك على الاحساس الصادق اللى حسيته فى كلامك برغبتك مساعده الجميع واحييك على موضوعك المركز والمشروح تفصيليا وربنا يجعله انشاء الله سبب لكى تكون خطواتك فى مشروع الهجره كلها سهله ومن نجاح لنجاح وانشاء الله نتقابل على خير

د ايهاب

[montrealAlex]

كنت اليوم مع واحد كندى عاش فى كندا حوالى 15 سنة على الرغم من ان سنة كله حوالى 22

هو عاش فى كذا مدينة -- كلهم ناطقين بالانجليزية

واخيرا ذهب للاقامة فى مونتريال -- وعند سؤاله عن راية فى المدينة ؟ كانت الاجابة بكلمة واحدة

انها سحر

لا تعليق

[magedghonim]

كنت اليوم مع واحد كندى عاش فى كندا حوالى 15 سنة على الرغم من ان سنة كله حوالى 22

هو عاش فى كذا مدينة -- كلهم ناطقين بالانجليزية

واخيرا ذهب للاقامة فى مونتريال -- وعند سؤاله عن راية فى المدينة ؟ كانت الاجابة بكلمة واحدة

انها سحر

لا تعليق

-------------------------------------

ممكن كسياحة انما كعمل واستقرار

اعتقد انها عايزة مجهود وصبر

وخصوصا جزئية ايجاد فرصة عمل بسرعة

عموما موغيااال (في رأيي) تستهال المجهود والصبر

[مازن أطرش]

ايه يا استاذ هاني ..هو انت تغيب تغيب ..بيحكو عنك كلام غريب ..اسمع استغرب ..اقول يجرب ..(غنية لميادة الحناوي ) المهم ..كمل الحدوتة ..دا احنا متشوقين

[Rock]

سؤال مهم يا اخ هاني بما انك احتكيت بالدنيا في كيبيك موريال

الواحد مفروض يبقي مستف معاة كام قبل ما يروح هناك

طبعا دة لسة بدري عليا بس عشان اشوف هارتب نفسي علي كام

يعني هاسرق ولا هامشي بضمير اليومين دول هنا wst::

شكراا

[Anesthesia]

استاذ هانى لماذا لم تكمل؟عل المانع خير؟

[Princesse]

بشمهندس هاني

الف حمدلله على السلامة ( مع انها متأخرة كتير )

موضوع حضرتك جميل جدا خصوصا انك بتتناول ادق التفاصيل عن كيبيك.

ربنا يوفقك

و بسجل متابعة لموضوعك

[Fady Fouad]

هانى باشا

حمدالله على سلامتك وشكرا على المعلومات القيمة