مونتريال كما رأيتها و بين ما يقال

[Hany Lewis]

تسجيل متابعة لتوبيك رائع ياباشمهندس هاني

وربنا يوفقك دائما

ايزيك دوكتور حسام ... سعيد جدا جدا بوجود حضرتك و تعليقك .. أعتقد ان الميديكال وصل .. صح و لا أنا غلطان .. لو وصل يبقي ألف مليون مبروك و و لسه ربنا يهون الأيام و تخلص حالك بسرعه ان شاء الله و تبتدي مرحله جديده في حياتك مليانه نجاح و سعاده و أهم من كل شيء الرضا ....

ايه الجمال ده كله

بصراحه حاجه تفتح النفس

والاجمل من كده الروح الجميله لاخونا المهندس هاني لويس

يارب يوقفلك ولاد الحلال دائما

نصّار

أخويا و حبيبي أستاذ محمد باش نصار .. ألف مليون مبروك علي الميديكال .. يا رب بألف خير و توفيق يا ريت يا أستاذ محمد تطمنا علي طول ... مونتريال منتظره ناس راقيين و محترمين من أمثال حضرتك و كتير جدا من اعضاء المنتدي الجميل ..

تسجيل متابعة و استمتاع

من اسلوبك الشيق

أخويا الفاضل أستاذ صمويل. شرف لي وجودك هنا ...ربنا يوفقك

الأخ هانى

شكرا على روحك الطيبة فى منفعة الناس

أخوك الشامى

الدوكتور الكبير جدا مقاما .. دوكتور الشامي .. أنتهز الفرضه و أشكر الظروف اللي جمعتنا ببعض علي المنتدي ده .. حقيقي حضرتك من افاضل الناس .. ربنا يوفق كل خطواتك و يكرمك دايما .. حقيقي سعيد بوجود حضرتك يا دوكتور... يا رب دايما وجودنا يكون في الخير ....

بصراحه ياباشمهندس سردك للاحداث وعن انطباعك عن الناس هناك بيخلينى احب كيبيك جدا وكندا عموما

منتظرين بقالى الحلقات بشغف كبير

أخويا الفاضل astrophy شاكر ليك جدا اطرائك .. بس صدقني انا بحكي من واقع اللي شفته في المده ده .. فيه اعتبارات تانيه لازم تبقي في اعتبارك لما تروح هناك ان شاء الله و هو ان كتير من الوظايف في كيبيك بتبقي طالبه فرنساوي .. خللي بالك من القصه ده

طبعا تسجيل متباعة

واعجاااب بالنصايح الهامة والمفيدة

وبالتوفيق.

أستاذ magedghonim شاكر مرور حضرتك .. ربنا معاك

[Hany Lewis]

سيدى الفاضل

أشكرك على هذا المجهود المبذول مع تمنياتى بالتوفيق للجميع

أستاذ the world أشكرك علي مداخلتك الجميله .. يا رب تكون المعلومات البسيطه ده مصدر أفاده للناس....

سرد راااااائع يا بشمهندس

ربنا يكرمك

أخويا Phizer ربنا يخليك .. ربنا يكرمك و يوفق كل خطوات حياتك

أشكر حضرتك على المعلومات المفيدة ..

"هي بقه اديتني كل المواقع أو أغلبها اللي عليها ال 80% الباقي فخلو بالكم من القصه ده ....." ... هل ممكن تكتب لنا هذه المواقع ... شكرا

أستاذ .. مع الأسف مش هقدر أكتب كل المواقع .. عشان هي حقيقي كتير .. لكن انا ذكرت قبل كده ف يمداخلات سابقه أهمها..

الباشمهندس هانى احييك على الاحساس الصادق اللى حسيته فى كلامك برغبتك مساعده الجميع واحييك على موضوعك المركز والمشروح تفصيليا وربنا يجعله انشاء الله سبب لكى تكون خطواتك فى مشروع الهجره كلها سهله ومن نجاح لنجاح وانشاء الله نتقابل على خير

د ايهاب

دوكتور أيهاب .... أهلا بحضرتك و منور المنتدي .. أهم شيء في الدنيا ان الناس تقدم حب .. و تقدم مساعده .. حقيقي هو ده مفهوم التكامل بين الناس .. ربنا يكرم الكل .. و الله القدير يبارك كل شيء تعمله..

ايه يا استاذ هاني ..هو انت تغيب تغيب ..بيحكو عنك كلام غريب ..اسمع استغرب ..اقول يجرب ..(غنية لميادة الحناوي ) المهم ..كمل الحدوتة ..دا احنا متشوقين

أخويا الأستاذ مازن ... أعتذر .. لأني مش فاضي خالص و مطحون في شغلي...

سؤال مهم يا اخ هاني بما انك احتكيت بالدنيا في كيبيك موريال

الواحد مفروض يبقي مستف معاة كام قبل ما يروح هناك

طبعا دة لسة بدري عليا بس عشان اشوف هارتب نفسي علي كام

يعني هاسرق ولا هامشي بضمير اليومين دول هنا :blink:

شكراا

الأخ الفاضل rock طبعا ده شي ماقدرش أحدده لكن خلينا نفكر مع بعض

السكن = 600 دولار لو هتقعد في مكان معقول و لطيف 3.5 و هبقي أقول معني الأرقام ده ايه.. علي فكره فيه ارخض من كده و بيبقي الحمام و المطبخ مشترك يعني ممكن يبقي في حدود 450 دولار في الشهر

الأكل = تتوقف علي اذا كنت هتطبخ و لا لأ .. لكن ممكن تبقي في حدود 400 ل 500 دولار للفرد

المواصلات = 70 دولار في الشهر هتركب كل شيء

الترفيه = القهوه و ده يتوقف بقه هتشرب ايه هناك و ده غالي بشكل عام

استاذ هانى لماذا لم تكمل؟عل المانع خير؟

أعتذر جدا .. بس حقيقي مشغول بشكل غير عادي

بشمهندس هاني

الف حمدلله على السلامة ( مع انها متأخرة كتير :sad: )

موضوع حضرتك جميل جدا خصوصا انك بتتناول ادق التفاصيل عن كيبيك.

ربنا يوفقك

و بسجل متابعة لموضوعك

الأخت Princesse الله يسلم حضرتك .. حضرتك منوره .. ربنا يخليكي .. ربنا معاكي

هانى باشا

حمدالله على سلامتك وشكرا على المعلومات القيمة

فادي صديق كفاح قديم .. ايزيك يا صاحبي هه طمننا عليك

[أختكم المصرية]

استاذ هانى نورت التوبيك بتاعك

وربنا يوفقك فى شغلك وحياتك بكندا

بس انت ليه مشيت بسرعة كدة احنا كنا مستنيين تكمل انا عارفة ان حضرتك مزنوق فى الشغل

ياريت ترجع بسرعة وتكمل احسن كل الى بيروح بيختفى فى ظروف غامضة والموضوع ابتدى يقلق بصراحة :sad:

[Hany Lewis]

أحبائي أعضاء المنتدي الجميل .. أعتذر بشده علي تأخيري لكن حقيقي انا بمر في ظروف صعبه جدا و مطحون جدا في شغلي ..

الحلقه الخامسه .. أرخص الأماكن في مونتريال لشراء الأكل

1- فيه مكان اسمه costco ده لازم تدفع فيه اشتراك سنوي قيمته 50 دولار سنوي عشان تقدر تشتري منه و لو دفعت 100 سنويا تاخد 2 % خصم علي مشترياتك .. الحقيقه المكان ده بيبيع بسعر الجمله .. بس برضه بيبيع الحاجات لكشه واحده .. يعني ما ينفعش تشتري قطاعي .. اللحمه هناك رخيصه أوي أوي . و الله لاقيت سعر كيلو اللحمه المفرومه 4 دولار بقيت مش مصدق نفسي .. بس ما اشترتش لأني كنت مسافر خلاص. المهم ده تقدرو تلاقوه علي google map

2- jean talon market السوق ده يا جماعه مش مجرد سوبر ماركت و لكن ده عباره عن سوق كبير في الشارع أغلبه عرب .. سعر الخضار رخيص هناك .. زي ما قلت ده مليان عرب .. بالرغم اني قعدت شهر و نص في مونتريال لكن عمري ما رحته ,, انا بنقل لكم كلام الناس اللي عاشت هناك .. ده هتلقوه في محطه مترو اسمها برضه jean talon ...

3- سوبر ماركت اسمه MAXI و ده برضه تقدرو تلاقوه من علي google map..

فيه بقه سوبر ماركت تانيين بس دول سعرهم عادي و حتي ماكسي مش رخيص أوي يعني...

provigo super market

من أغلي السوبر ماركت هناك واحد اسمه IGA و لكن برضه هتلاقو فيه حاجات أرخص من بروفيجو و ماكسي و لكن بشكل عام هو غالي ..

علي فكره الشنط البلاستيك في مونتريال بفلوس  ب 5 سنت .. و فيه شنط بتبقي جامده جدا بصراحه و بتبقي بحوالي من 87 سنت ل 1.25 دولار ..

شارع سانت كاترين هو وسط البلد و و فيه محلات هدوم كتير أوي بس ممكن تلاقوها غاليه شويه .. لكن علي العموم سانت كاترين زي شارع 26 يوليو عندنا في مصر

المواصلات ...................

بتجيبو كارت من أي محطه مترو ب 20 دولار .. و بعدين بتشحنوه زي ما انتم عايزين بالأسبوع أو الشهر .. طبعا الشهر ارخص عشان بيبقي حوالي 76 دولار في الشهر كله .. و ده تقدر تركب بيه أي مواصله.... يعني مترو أو أتوبيس

الشقق ........................ هتلاقوهم كاتبين 3.5 و أو مثلا 4.5 و هكذا ده معناه كالتالي

1- الحمام بيتعتبروه نص يعني 0.5

2- الريسبشن 1

3- المطبخ 1

4- اوضه النوم 1

يعني مثلا شقه 3.5 هيبقي فيها اوضه نوم و مطبخ و ريسبنش و حمام .. لو فيه اوضه نوم تانيه تبقي 4.5 و هكذا

المحطه المركزيه تقريبا هناك اسمها Berri و ده عشان فيه جامعه اسمها uqam.....

أن شاء الله المره اللي جايه هحاول اجيب لكم عناوين القهاوي المصريه و القهاوي العربيه عشان ما تحسوش بغربه و تقدرو يبقي ليكم أصحاب هناك ......

انا علي وشك أخلص خبرتي هناك و هعمل حلقه عامه أخيره ان شاء الله أحط فيها باقي اللي أعرفه .. يا رب يبقي مفيد ليكم .. و نشوفكم هناك علي كل خير

تم تعديل 19 ديسمبر 2009 بواسطة Hany Lewis

[Hany Lewis]

استاذ هانى نورت التوبيك بتاعك

وربنا يوفقك فى شغلك وحياتك بكندا

بس انت ليه مشيت بسرعة كدة احنا كنا مستنيين تكمل انا عارفة ان حضرتك مزنوق فى الشغل

ياريت ترجع بسرعة وتكمل احسن كل الى بيروح بيختفى فى ظروف غامضة والموضوع ابتدى يقلق بصراحة :sad:

الأخت الفاضله أختكم المصرية .. ربنا يخليكي, الحقيقه التوبيك منور بحضرتك و بكل الناس الجميله المحترمه ... مش عارف انا حاسس ان حضرتك فاهمه اني لسه هناك .... أنا رحت عملت لاندينج بس و رجعت ... لكن اذا حضرتك بتتكلمي عن الناس اللي راحت و أستقرت و مش بتقدر تتكلم ده طبعا بيبقي راجع لأسباب كتيره

أولها ان الناس بتبقي مشغوله جدا في تأسيس حياتها الجديده و بتحاول تتعرف علي اللعالم ده من حواليها .. طبعا بتبقي فيه تحديات عنيفه جدا .. زي الشغل و البحث عن عمل .. زي الدراسه و المعادله ز ده شيء حقيقي مرهق بشكل بشع ... الألم و الحزن عشان أحبابك اللي سبتيهم في بلدك . مدارس الأطفال .. السكن .. الورق .. الفرنساوي ..... يعني هيصه و عالم تاني .. و برضه اللي مش بيلاقي شغل فممكن يشعر بالأحباط و الصيقه فبيبقي مش حابب ان يسود الصوره في وش الناس و هو نفسه مش بيبقي قادر حتي يواجه نفسه و يسأل روحه مليون مره ليه سافر و ليه مشي .. يعني اسباب كتير جدا جدا .... حتي اللي اشتغل و ارتاح, الحياه هناك بمشغوليتها بتخطفه ... و علي لما يبتدي يفوق ياخد له ييجي سنه و لا حاجه ... علي العموم انتي ما تقلقيش

ألقي علي الرب فهو يعولك..... ربنا يفرح قلبك علي طول

تم تعديل 19 ديسمبر 2009 بواسطة Hany Lewis

[ehabtaher]

هانى رجع تانى يا رجاله

حمد الله على السلامه

بقولك ايه

ال 70 دولار بتوع ابونيه المواصلات ده فى مونتريال فقط والا ده شىء موحد فى كل انحاء كندا

والمحل اللى فيه اللحم المفروم اللى انت ذكرته ده مذبوح حلال من وجه نظر (العرب والمسلمين يعنى ) والا مفروم فى المحل نفسه

ايهاب

[Hany Lewis]

هانى رجع تانى يا رجاله

حمد الله على السلامه

بقولك ايه

ال 70 دولار بتوع ابونيه المواصلات ده فى مونتريال فقط والا ده شىء موحد فى كل انحاء كندا

والمحل اللى فيه اللحم المفروم اللى انت ذكرته ده مذبوح حلال من وجه نظر (العرب والمسلمين يعنى ) والا مفروم فى المحل نفسه

ايهاب

الله يسلمك يا دوكتور .. لأ اللحمه ده مش مدبوحه حلال .... انا بصراحه كنت بدور علي اللحم الحلال و الفراخ الحلال .. الفراخ الحلال غاليه شويه .. بس حقيقي الطعم فعلا مش فارق .. طعم اللحمه و الفراخ عندهم مش حلو سواء بقه مدبوح حلال أو لأ ... هحاول اجيب عنوان أي محل هناك و هبقي أقولكم .. أما بخصوص الأبونيه فأنا ما أعرفش لأني ما رحتش حته تانيه غير مونتريال....

[jessika]

هانى ازيك .......حمدللة على سلامة رجوعك للمنتدى

منور كالعادة .يارب الظروف فى الشغل تكون اتحسنت شوية

ربنا معاك

[goodfaith]

بقولك ايه

ال 70 دولار بتوع ابونيه المواصلات ده فى مونتريال فقط والا ده شىء موحد فى كل انحاء كندا

ايهاب

بالنسبة لابونيه المواصلات اسمه metropass فيه منه يومي واسبوعي وشهري الشهري في تورنتو سعره 110 دولار وبينزل آخر اسبوع من كل شهر للشهر اللي داخل وبيكون السعر مختلف للسينيور وللطلبة بيكون مخفض شوية

في أوتاوا و واترلو اوكيتشنر نفس الشي بس السعر اقل شوية من تورنتو

[myusername]

بالنسبة لابونيه المواصلات اسمه metropass فيه منه يومي واسبوعي وشهري الشهري في تورنتو سعره 110 دولار وبينزل آخر اسبوع من كل شهر للشهر اللي داخل وبيكون السعر مختلف للسينيور وللطلبة بيكون مخفض شوية

في أوتاوا و واترلو اوكيتشنر نفس الشي بس السعر اقل شوية من تورنتو

السلام عليكم,

أولا... اشكر حضرتك جدا على اهتمامك بالرد على تساؤلات الاعضاء.

بالنسبة لموضوع الطلبة ده و التخفيضات اللى بياخدوها فى الاشتراكات و الكلام ده..

و انا فى اوروبا كان فيه اماكن بتعمل تخفيضات للطلبة.. يعنى زى المتاحف و ما الى ذلك, و انا كنت بستعبط و اطلع لهم الباسبور..:blush2: عشان مكتوب فيه انى طالب, و كنت باخد التخفيضات دى على طول.

هل ممكن اعمل نفس الحوار ده فى كندا و اشتغلهم؟ و اخد تخفيض على اشتراكات الاتوبيس و الكلام ده؟ ولا هما فاهمين؟

متشكر جدا على رد حضرتك.

تم تعديل 25 ديسمبر 2009 بواسطة myusername

[SoSo R]

بالنسبة لابونيه المواصلات اسمه metropass فيه منه يومي واسبوعي وشهري الشهري في تورنتو سعره 110 دولار وبينزل آخر اسبوع من كل شهر للشهر اللي داخل وبيكون السعر مختلف للسينيور وللطلبة بيكون مخفض شوية

في أوتاوا و واترلو اوكيتشنر نفس الشي بس السعر اقل شوية من تورنتو

السلام عليكم,

أولا... اشكر حضرتك جدا على اهتمامك بالرد على تساؤلات الاعضاء.

بالنسبة لموضوع الطلبة ده و التخفيضات اللى بياخدوها فى الاشتراكات و الكلام ده..

و انا فى اوروبا كان فيه اماكن بتعمل تخفيضات للطلبة.. يعنى زى المتاحف و ما الى ذلك, و انا كنت بستعبط و اطلع لهم الباسبور.. :blush2: عشان مكتوب فيه انى طالب, و كنت باخد التخفيضات دى على طول.

هل ممكن اعمل نفس الحوار ده فى كندا و اشتغلهم؟ و اخد تخفيض على اشتراكات الاتوبيس و الكلام ده؟ ولا هما فاهمين؟

متشكر جدا على رد حضرتك.

على حد علمى المتواضع وموقف حصل قدامى..

لازم تكون طالب فى كندا..

يعنى تطلع كارنيه دراسى لأى مكان فى كندا...

ولو حد يعرف حاجة مختلفة يصححلى

تحياتى

سوسورانى

[myusername]

السلام عليكم,

أولا... اشكر حضرتك جدا على اهتمامك بالرد على تساؤلات الاعضاء.

بالنسبة لموضوع الطلبة ده و التخفيضات اللى بياخدوها فى الاشتراكات و الكلام ده..

و انا فى اوروبا كان فيه اماكن بتعمل تخفيضات للطلبة.. يعنى زى المتاحف و ما الى ذلك, و انا كنت بستعبط و اطلع لهم الباسبور.. :blush2: عشان مكتوب فيه انى طالب, و كنت باخد التخفيضات دى على طول.

هل ممكن اعمل نفس الحوار ده فى كندا و اشتغلهم؟ و اخد تخفيض على اشتراكات الاتوبيس و الكلام ده؟ ولا هما فاهمين؟

متشكر جدا على رد حضرتك.

على حد علمى المتواضع وموقف حصل قدامى..

لازم تكون طالب فى كندا..

يعنى تطلع كارنيه دراسى لأى مكان فى كندا...

ولو حد يعرف حاجة مختلفة يصححلى

تحياتى

سوسورانى

السلام عليكم,

اولا.. متشكر على رد حضرتك السريع.

كلام حضرتك منطقى الى حد كبير.. بس مثلا لما حبيت آخد اتوبيس من برشلونة لمدريد, أخدت تخفيض عشان انا طالب..

يمكن الناس الاسبان دول متسامحين زيادة عن اللزوم.

عموما الكارنية مش معضلة.. ما اسهل ان الواحد يطلع كارنيه :blink:

و بعدين انا اصلا هروح على تأشيرة سياحة, و فيه حركة كده شفتها فى المطار.. ان الناس بتاخد الضريبة اللى دفعوها, يعنى انا اصلا المفروض مدفعش ضريبة فى كندا لانى هبقى سايح.. بس سايح زيادة شوية :blink:

تم تعديل 25 ديسمبر 2009 بواسطة myusername

[صعيدي من مونتريال]

و بعدين انا اصلا هروح على تأشيرة سياحة, و فيه حركة كده شفتها فى المطار.. ان الناس بتاخد الضريبة اللى دفعوها, يعنى انا اصلا المفروض مدفعش ضريبة فى كندا لانى هبقى سايح.. بس سايح زيادة شوية :blush2:

DUTY FREE

موجود في اروبا وتركيا بس

ما اظنش موجود في كندا

مش عايزين الناس تجي تسيح عندهم

[myusername]

و بعدين انا اصلا هروح على تأشيرة سياحة, و فيه حركة كده شفتها فى المطار.. ان الناس بتاخد الضريبة اللى دفعوها, يعنى انا اصلا المفروض مدفعش ضريبة فى كندا لانى هبقى سايح.. بس سايح زيادة شوية :blush2:

DUTY FREE

موجود في اروبا وتركيا بس

ما اظنش موجود في كندا

مش عايزين الناس تجي تسيح عندهم

همممممممممم

تمام يا باشا...

[goodfaith]

و بعدين انا اصلا هروح على تأشيرة سياحة, و فيه حركة كده شفتها فى المطار.. ان الناس بتاخد الضريبة اللى دفعوها, يعنى انا اصلا المفروض مدفعش ضريبة فى كندا لانى هبقى سايح.. بس سايح زيادة شوية :blush2:

DUTY FREE

موجود في اروبا وتركيا بس

ما اظنش موجود في كندا

مش عايزين الناس تجي تسيح عندهم

همممممممممم

تمام يا باشا...

الموضوع ده كان فعلا في كندا زمان بس اتلغى من كام سنة كده

امي جت من سنتين زارتني وانا كان عندي فكرة عن موضوع انهم بيرجعوا التاكس للناس في المطار كان ناس كتير حكوا لي عن الموضوع ده فكنا بنشيل ايصال اي شيء تشتريه عشان نملا الفورم في المطار ونقدم الايصالات معاه وحسب الحكايات انهم كان المفروض يبعتوا شيك بالمبلغ المستحق على عنوان السائح في بلده الام

المهم يوم سفرها لما رحنا المطار وسالنا على الموضوع فقالوا انه اتلغى من مش فاكرة كام سنة كده

بالنسبة لل metropass كلام سوسو صحيح لازم يكون معاك كارنيه لجهة دراسية نظامية في كندا ومش بس كورسات متفرقة او منفصلة لاني اخدت بعض الكورسات ومكنتش باقدر اخد التخفيض ده

تم تعديل 25 ديسمبر 2009 بواسطة goodfaith

[myusername]

الموضوع ده كان فعلا في كندا زمان بس اتلغى من كام سنة كده

امي جت من سنتين زارتني وانا كان عندي فكرة عن موضوع انهم بيرجعوا التاكس للناس في المطار كان ناس كتير حكوا لي عن الموضوع ده فكنا بنشيل ايصال اي شيء تشتريه عشان نملا الفورم في المطار ونقدم الايصالات معاه وحسب الحكايات انهم كان المفروض يبعتوا شيك بالمبلغ المستحق على عنوان السائح في بلده الام

المهم يوم سفرها لما رحنا المطار وسالنا على الموضوع فقالوا انه اتلغى من مش فاكرة كام سنة كده

بالنسبة لل metropass كلام سوسو صحيح لازم يكون معاك كارنيه لجهة دراسية نظامية في كندا ومش بس كورسات متفرقة او منفصلة لاني اخدت بعض الكورسات ومكنتش باقدر اخد التخفيض ده

تمام قوى كده...

بس حضرتك تقصدى ايه بكلمة دراسة نظامية؟ هل قصدك recognized ؟ و لا ايه بالظبط؟

يعنى معنى كلامك انى مينفعش اضرب كارنيه من بتوع ال ESL؟؟؟ اصل الدراسة دى معترف بيها هناك يعنى

ولا ايه؟

تم تعديل 25 ديسمبر 2009 بواسطة myusername

[goodfaith]

الموضوع ده كان فعلا في كندا زمان بس اتلغى من كام سنة كده

امي جت من سنتين زارتني وانا كان عندي فكرة عن موضوع انهم بيرجعوا التاكس للناس في المطار كان ناس كتير حكوا لي عن الموضوع ده فكنا بنشيل ايصال اي شيء تشتريه عشان نملا الفورم في المطار ونقدم الايصالات معاه وحسب الحكايات انهم كان المفروض يبعتوا شيك بالمبلغ المستحق على عنوان السائح في بلده الام

المهم يوم سفرها لما رحنا المطار وسالنا على الموضوع فقالوا انه اتلغى من مش فاكرة كام سنة كده

بالنسبة لل metropass كلام سوسو صحيح لازم يكون معاك كارنيه لجهة دراسية نظامية في كندا ومش بس كورسات متفرقة او منفصلة لاني اخدت بعض الكورسات ومكنتش باقدر اخد التخفيض ده

تمام قوى كده...

بس حضرتك تقصدى ايه بكلمة دراسة نظامية؟ هل قصدك recognized ؟ و لا ايه بالظبط؟

يعنى معنى كلامك انى مينفعش اضرب كارنيه من بتوع ال ESL؟؟؟ اصل الدراسة دى معترف بيها هناك يعنى

ولا ايه؟

دراسة نظامية يعني في اي كلية او جامعة في كندا

واذا هتدرس esl ممكن تاخد عدد تذاكر معين من المدرسة كل اسبوع حسب حضورك للكورسات

تم تعديل 25 ديسمبر 2009 بواسطة goodfaith

[محمد كيبيك]

:happy:كل سنة وانت طيب اخ هانى ان لسة داخل جديد على التوبيك فرحت لما عرفت انة فى محلات بتقدم الاكلات العربية كنت عايز عارف هى مونتريال فيها بنات فى سن زواج مصريات او عربيات للمهاجرين العزاب ولا ادور على عروسة فى مصر مع ان انا شايف ان النوع دة من الزواج لية مشاكلة ولا انتة رايك اية

[hamedebrahim]

معلومات مهمة استفاد منه الجميع استاذ هانى،ونحن فى انتظار المزيد عن مونتريال

اتمنى لك التوفيق

تحياتى

[raafatfarag]

أحبائي أعضاء المنتدي الجميل .. أعتذر بشده علي تأخيري لكن حقيقي انا بمر في ظروف صعبه جدا و مطحون جدا في شغلي ..

الحلقه الخامسه .. أرخص الأماكن في مونتريال لشراء الأكل

1- فيه مكان اسمه costco ده لازم تدفع فيه اشتراك سنوي قيمته 50 دولار سنوي عشان تقدر تشتري منه و لو دفعت 100 سنويا تاخد 2 % خصم علي مشترياتك .. الحقيقه المكان ده بيبيع بسعر الجمله .. بس برضه بيبيع الحاجات لكشه واحده .. يعني ما ينفعش تشتري قطاعي .. اللحمه هناك رخيصه أوي أوي . و الله لاقيت سعر كيلو اللحمه المفرومه 4 دولار بقيت مش مصدق نفسي .. بس ما اشترتش لأني كنت مسافر خلاص. المهم ده تقدرو تلاقوه علي google map

2- jean talon market السوق ده يا جماعه مش مجرد سوبر ماركت و لكن ده عباره عن سوق كبير في الشارع أغلبه عرب .. سعر الخضار رخيص هناك .. زي ما قلت ده مليان عرب .. بالرغم اني قعدت شهر و نص في مونتريال لكن عمري ما رحته ,, انا بنقل لكم كلام الناس اللي عاشت هناك .. ده هتلقوه في محطه مترو اسمها برضه jean talon ...

3- سوبر ماركت اسمه MAXI و ده برضه تقدرو تلاقوه من علي google map..

فيه بقه سوبر ماركت تانيين بس دول سعرهم عادي و حتي ماكسي مش رخيص أوي يعني...

provigo super market

من أغلي السوبر ماركت هناك واحد اسمه IGA و لكن برضه هتلاقو فيه حاجات أرخص من بروفيجو و ماكسي و لكن بشكل عام هو غالي ..

علي فكره الشنط البلاستيك في مونتريال بفلوس  ب 5 سنت .. و فيه شنط بتبقي جامده جدا بصراحه و بتبقي بحوالي من 87 سنت ل 1.25 دولار ..

شارع سانت كاترين هو وسط البلد و و فيه محلات هدوم كتير أوي بس ممكن تلاقوها غاليه شويه .. لكن علي العموم سانت كاترين زي شارع 26 يوليو عندنا في مصر

المواصلات ...................

بتجيبو كارت من أي محطه مترو ب 20 دولار .. و بعدين بتشحنوه زي ما انتم عايزين بالأسبوع أو الشهر .. طبعا الشهر ارخص عشان بيبقي حوالي 76 دولار في الشهر كله .. و ده تقدر تركب بيه أي مواصله.... يعني مترو أو أتوبيس

الشقق ........................ هتلاقوهم كاتبين 3.5 و أو مثلا 4.5 و هكذا ده معناه كالتالي

1- الحمام بيتعتبروه نص يعني 0.5

2- الريسبشن 1

3- المطبخ 1

4- اوضه النوم 1

يعني مثلا شقه 3.5 هيبقي فيها اوضه نوم و مطبخ و ريسبنش و حمام .. لو فيه اوضه نوم تانيه تبقي 4.5 و هكذا

المحطه المركزيه تقريبا هناك اسمها Berri و ده عشان فيه جامعه اسمها uqam.....

أن شاء الله المره اللي جايه هحاول اجيب لكم عناوين القهاوي المصريه و القهاوي العربيه عشان ما تحسوش بغربه و تقدرو يبقي ليكم أصحاب هناك ......

انا علي وشك أخلص خبرتي هناك و هعمل حلقه عامه أخيره ان شاء الله أحط فيها باقي اللي أعرفه .. يا رب يبقي مفيد ليكم .. و نشوفكم هناك علي كل خير