مطلوب مدرسات حاسب آلي

[se_ Elsyed]

بما إننا بصدد إفتتاح معهد تعليم حاسب آلي نسائي ( يعني كله ستات في ستات الطبة والمدرسات ) على فكرة منتشرة هنا مؤسسات كتير كده مثل البنوك والمؤسسات الخدمية تلاقيهم كلهم ستات عملاء وموظفات وكله ....

فطالبين مدرسات حاسب آلي بشرط ان يكونً حاصلات على بكالوريوس حاسب ألي أو ما يعادلها او لديهن مؤهل عالي مع دورات تدريبية في هذا المجال .

وهانبدأ بالتعيين من داخل السعودية ، وإن شاء الله عند الحصول على تأشيرات جديدة هانستورد من مصر وغالباً هأروح اعمل المقابلات الشخصية بنفسي لو كنت فاضي ( أيوه كده انا زهقت من الخناشير بقى .. أيه ده !! )

فخدمة لحبايبنا اعضاء المنتدى الكرام اللي عنده حد عزيز عايز يشغله ( او تحديداً يشغلها ) في مكان محترم وبمرتب محترم برضوا يبعتلي رسالة خاصة علشان ننسق سوى ..

وهنيالك يا فاعل الخير والثواب

[فــيــروز]

انا عاوزه اسال سؤال قد يبدو خارج الموضوع

هو مش ممنوع نساء يروحوا السعوديه من غير محرم؟

انا سمعت كده وسمعت انى لو حبيت مثلا اروح اعمل عمره او احج ومش معايا محرم مش هيدونى تاشيره اصلا

فكيف سيكون الحال بالنسبه لمدرسات الحاسب الآلى؟

[se_ Elsyed]

انا عاوزه اسال سؤال قد يبدو خارج الموضوع

هو مش ممنوع نساء يروحوا السعوديه من غير محرم؟

انا سمعت كده وسمعت انى لو حبيت مثلا اروح اعمل عمره او احج ومش معايا محرم مش هيدونى تاشيره اصلا

فكيف سيكون الحال بالنسبه لمدرسات الحاسب الآلى؟

مانتي مش واخده بالك يا ست المشرفة ..

المفروض تيجي مع سي الأفندي وهو هايبقى سهل يشتغل هنا ... يعني اللهم لا حسد سنة واحده وتنزلوا تشتروا الشقة التمليك اللي في الباشمهندسين مع العربية الفور باي فور ...

بس فيه بعض المهن لا تشترط وجود محرم مثل الممرضات مثلاً

أيه يا فيروز أعمل حسابك ؟

يا نهار أبيض لو فيروز جت هنا ده احنا نولع في الدنيا بحالها .. يعني محمد أبو زيد يبقى في الدمام وانا وفيروز في الرياض ويبقى فاضل لنا مشرف في جده ونبقى ولا الرايخ الثالث يا جدعان

[فــيــروز]

والله يا س.س. كان بودى جدا cr((: على الاقل احج ntw:

بس المشكله ان الاخ محرم فؤاد لسه مش متوافر فى الاسواق :P

بس انا كده الحقيقه عندى فضول اسالك سؤال حيث ان العمليه فيها فور باى فور وجزم لميع وكلونيا سفن آب و عيشه الاجه.. ممكن تعرف لى ال Oracle Developer ياخد كام فى السعوديه؟ من باب العلم بالشئ ولا الجهل به :huh:

[se_ Elsyed]

Developer ولا Developaryaeh

يعني لو واحد مخربش ( يعني عنده خبره ) مش هاياخد أقل من 7500 ريال شهرياً total Package شامل السكن والمواصلات .. ده غير العلاج والتذاكر السنوية وبدل الأجازة السنوي أيضاً ....

وبعدين الفرصة لو أتوفرت لازم تستقضيلك واحد إن شاالله لو بالأيجار لمدة سنة ....

طب إنتي بتقولي فيها ده بيحصل هنا بس قليل .. وانا قرأت عن حالات كثيرة زي كده ...

مطلوب رجل للأيجار ..

المواصفات ..

مطيع

مؤدب

لا يسأل من أين لك هذا

يرضى بقليلة

4 سلندر

يجيد المسح والكنس ويفضل من يجيد الرضاعة

إجادة الطبخ الشرقي والغربي شرط مهم

..... إلخ

يعني لو واحده دكتورة وزوجها اتوفى مثلاً او زحلقها .. قصدي طلقها . لازم تجيب بديل وإلا هاتاخد إستمارة ستة هي كمان من شغلها....

[فــيــروز]

Developaryaeh :huh:

الخبره 5 سنين بس من غير خرابيش الحمد لله :P

طيب و ال 7500 ريال دول يعتبروا كتير ولا قليل؟ قصدى يعنى ما هو كتير او قليل ده بيكون حسب مستوى المعيشه هناك بيكلف اد ايه .. ده غير طبعا اجرة المحرم cr((:

[se_ Elsyed]

Developaryaeh :lol:

الخبره 5 سنين بس من غير خرابيش الحمد لله  :D

طيب و ال 7500 ريال دول يعتبروا كتير ولا قليل؟ قصدى يعنى ما هو كتير او قليل ده بيكون حسب مستوى المعيشه هناك بيكلف اد ايه .. ده غير طبعا اجرة المحرم  :D

7500 * 1.85 = 13875 جنية ، ولو مجرمون خدمنا ممكن يغيرهم على 2 جنية يبقى بنتكلم في 15 باكو في الشهر..... دول قشطة يا فيروز بس أحنا نطولهم ...

شكلك كده بتهرشي في دماغك وبتفكري في الفور باي فور ...

على فكرة الواحد ممكن يستلقط حتة فور باي فور هنا على 15 الف وحاجة بتكون محترمة كمان " باثفيندر ، جيب جيروكي ، باترول .... )

لكن العجيب هنا في السعودية إن ماينفعش يبقى عندك عربية من مثل هذه الأنواع إلا لما الواحد يكون متزوج ومعاه عائلته.....

شاب أعزب يبحث عن عائلة سلف لكي يتمكن من قيادة سيارته

[Lighthouse]

ياللا يافيروز

شدي حيلك وماتفكريش كتير

يمكن ربنا يجعل الخير على ايديكي وتاخديني معاكي

اختك غلبانة برضه

:lol:

[فــيــروز]

والله يا س.س. ياخويا مش هاخبى عليك

مره كده واحد فى جروب معرفه قال لى لو تسافرى الكويت تاخدى .. وانا قلت له استنى وحياة الغالى عندك ماتكملش

انا مش عاوزه اقهر نفسى ولا افضل اقول ده انا كان زمانى باخد وكان زمانى باسوى

لانى الحقيقه المشكله بالنسبه لى ليست فى المرتب حتى وان كنت ارى انى استحق اكثر مما آخذه هنا فى مصر

المشكله بس فى التقدير المعنوى اللى عمرك ما بتشوفه غير اما بتقرر تسيب شغلك لمكان تانى تبص تلاقى كل الناس فجاه عرفت مميزاتك و بتشكر فيك فى وشك بعد ما كانت حتى كلمة شكرا مش بتيجى على طرف لسانهم .. وانا كنت باسال عن المرتب كنوع من تعزية النفس عن التقدير المفقود ..

محدش يكره يكون معاه فلوس كتير بس المشكله انه الموضوع بالنسبه لى سيعنى التضحيه بما هو اهم من النقود بالنسبه لى وهو البقاء قرب اسرتى و اهلى ..

على العموم الف شكر على تعبك معانا ومين عارف :angry: يمكن فى يوم من الايام يبقى فيه نصيب خصوصا انى مش باحب السواقه وهاحتاج حد يسوق لى الفور باى فور B) و اتفق مع الجدع اللى بيدور على اسره عشان يسوق بيها العربيه وانا اركب معاه بلطجه :o

[فــيــروز]

ياللا يافيروز

شدي حيلك وماتفكريش كتير

يمكن ربنا يجعل الخير على ايديكي وتاخديني معاكي

اختك غلبانة برضه

B)

والله يا لايت ماهلاقى صحبه اجمل من كده :angry: ربنا يسهلها للجميع :o

[rewaa]

بسم الله الرحمن الرحيم

نصيحة مني انا اخوكم / ابو موسى

موضوع أن النساء يخرجون الى العمل بالمملكة مرفوض جداً جداًً............

لكثر حوداث الاعتداء التي تحدث بالمملكة على المواطنين والتحرش وانني أنصح كل فتاة أن يقرن فى بيتوهم ويحفظول فروجهم و رب مصر هو رب كل مكان يعني الرزاق موجود فى بلدنا الى يوم الدين بدلاله أن مصر بتسرق من ايام مينا موحد القطرني الى الحين ولسه الناس عايشة يعني مصر أحسن

تم حذف جزء من المداخلة

عصام شوقى

الإدارة

تم تعديل 13 ديسمبر 2007 بواسطة عصام شوقى
إستخدام ألفاظ خارجة وأسلوب حديث غير لائق

[rannon]

السلام عليكم انا مصرية مقيمة بالرياض نهايه السنه هيكون معايا بكالوريوس في علم الكمبيوتر وتكنولوجيا المعلومات من الجامعه البريطانيه المفتوحه وعندي استعداد للعمل في المعهد من الان :P

[ahamedgad]

والله العظيم انت طمتنى انى اتجوز وانى اسافر الرياض باذن الله على الاقل الاقى شغل لمراتى

شكرا لك جدا

ارو توضيح اذا كان الامر مازال سارى الى الان ام اكتفيتم ام لا ؟؟؟؟؟؟؟؟؟؟؟؟؟؟؟

[ahamedgad]

والله العظيم انت طمتنى انى اتجوز وانى اسافر الرياض باذن الله على الاقل الاقى شغل لمراتى

شكرا لك جدا

ارو توضيح اذا كان الامر مازال سارى الى الان ام اكتفيتم ام لا ؟؟؟؟؟؟؟؟؟؟؟؟؟؟؟

[بيداء الألفى]

أنا مدرسة حاسب آلى بالعقد ينفع أسافر ولا لأه السعودية وأنا واخدة بكالوريوس حاسب آلى وتكنولوجيا تعليم بتقدير جيد جداً مع مرتبة الشرف ، ياترى ينفع أسافر ؟؟؟

[بيداء الألفى]

[b]ها يا سى السيد ايه ردك ياترى ينفع أسافر ؟ وياترى ايه المكان اللى فيه الشغل ده مدرسة خاصة ولا حكومية؟؟؟؟؟؟؟؟؟؟؟؟؟

[se_ Elsyed]

مين اللي صحى الجُثة دي ؟ !!!!!!!!!!!!!!!!!

الموضوع ده بقى له 4 سنين

والناس اتعينت وطلعوا معاش كمان

بس بالسبة للاخوات اللي في السعودية وعايزين يشتغلوا في معاهد التدريب الناسائية فعليهم متابعة الاعلانات وخصوصاً في جريدة الوسيلة

[حفيظة]

<span style='font-size:15pt;line-height:100%'>بما إننا بصدد إفتتاح معهد تعليم حاسب آلي نسائي ( يعني كله ستات في ستات الطبة والمدرسات ) على فكرة منتشرة هنا مؤسسات كتير كده مثل البنوك والمؤسسات الخدمية تلاقيهم كلهم ستات عملاء وموظفات وكله ....

فطالبين مدرسات حاسب آلي بشرط ان يكونً حاصلات على بكالوريوس حاسب ألي أو ما يعادلها او لديهن مؤهل عالي مع دورات تدريبية في هذا المجال .

وهانبدأ بالتعيين من داخل السعودية ، وإن شاء الله عند الحصول على تأشيرات جديدة هانستورد من مصر وغالباً هأروح اعمل المقابلات الشخصية بنفسي لو كنت فاضي ( أيوه كده انا زهقت من الخناشير بقى .. أيه ده !! )

فخدمة لحبايبنا اعضاء المنتدى الكرام اللي عنده حد عزيز عايز يشغله ( او تحديداً يشغلها ) في مكان محترم وبمرتب محترم برضوا يبعتلي رسالة خاصة علشان ننسق سوى ..

وهنيالك يا فاعل الخير والثواب </span>

انا مدرسة حاسب بوزارة التربية و التعليم المصرية لمدة 10 سنوات *****

تم تعديل 19 مايو 2008 بواسطة se_ Elsyed

[somayasaleh]

مين اللي صحى الجُثة دي ؟ !!!!!!!!!!!!!!!!!

الموضوع ده بقى له 4 سنين

والناس اتعينت وطلعوا معاش كمان

بس بالسبة للاخوات اللي في السعودية وعايزين يشتغلوا في معاهد التدريب الناسائية فعليهم متابعة الاعلانات وخصوصاً في جريدة الوسيلة

ياجماعة الخير برجاء قراءة تواريخ المشاركات قبل التعقيب

وحرام عليكم تصحوا الميتيين

وشكر حاررررررررررررررررررررررررر للاخ العزيز سي السيد علي المتابعة

[صافى]

صباح الخير اخى الفاضل بس سؤال يا ترى لسة الوظيفة دى موجودة ومكانها فين ولو واحدة معاها فنون جميلة وكورسات كمبيوتر وعملت مدرسة كمبيوتر بمصر لمدة حوالى سنتين ممكن تقبل