هل أنت راضى عن وظيفتك

[Alrefaey]

هل أنت | أنتي راضى عن وظيفتك , وضعك الحالى ؟

بعضنا لم يكن له يد فى إختيار أو تحديد مستقبله الوظيفى إما فرضه عليه تنسيق الجامعات او امتهن بمهنة العائلة والبعض الاخر عارف هو عايز ايه من الاول وأجتهد ووصل الى مايعتقد انه يصبو إليه ,

لكن على مختلف الشرائح وايهما كنت أنت ,هل أنت الان راضى عن وضعك عن وظيفتك هل لو عاد بك الماضى ماذا ستقرر هل هتحاول تغير الكارير ام تختار نفس المنهج لكن بأسلوب مختلف .

الهدف اخوانى وأخواتى الاعزاء من هذا الموضوع هو التوعية وسرد مختلف الخبرات للشباب الجدد , عايزين نرشدهم الى الطريق الصحيح ,كيف يختار وعلى اى اساس يبنى مستقبله ويقرر .

[سهيلة]

الحقيقه انا طبيبه

لو عاد بيه الزمن من تانىىىىىىىىىىىى

استحاله ادخل طب

طريقه طويل جدا وعاوز صبر وعاوز مذاكرة واجتهاد طول العمر عشان تبقى ابديتت مع كل جديد

تعب فى تعب

وف الاخر ما فيش تقدير ف بلدنا للطبيب وبيضطر يسافر

[iloveegypt]

الحمد لله راضى عن وظيفتى كمهندس بس كان نفسى اشتغل فى تخصصى الدقيق بس اشتغلت فى تخصص تانى بس الحمد لله على كل حال :lol:

[جيمي]

المشكله يا د/رفاعي ان النظام ماشي عندنا ازاي فى مصر ...فى الغالب يعني... ابتدائي /اعدادي/ثانوي....... بعد كده يختار الكليه اللي هتحدد وظيفته بعد كده .... يعني فى المراحل اللى فاتت دي كلها ...مفيش شغل ... مفيش حياه عمليه .... بسبب قلة الوعي .... وده طبيعي الواحد بيختار كليته وهوه طالع من ثانوي ..... بيختارها بطريقه خياليه عاطفيه .... من الاخر بدون خبره واقعيه ....... من غير مايكون مدرك ان الوظيفه دي هيفضل متحمل اعباءها العمر كله ........ وللاسف العمر مابيرجعش تاني

من ناحية الندم .... اسمحلي ..... اهدي لكل واحد ندمان على وظيفته ...رائعة الست ام كلثوم .... وتفيد باييييييييييييييييييييييييييييييييييييييييييييييييييييييييييييييييييييييه يا ندم يا ندم ...... الست كان نفسها طويل فعلا :lol:

[pink rose]

كنت قولت قبل كده اني كان نفسي ادخل كلية آثار لاني من عشاق الآثار و حضارة الفراعنة خصوصا مازلت تمثل عشق بالنسبة لي :) cld:

لكن بابا من و انا في ثانوي قالي انسى حوار آثار و شيليه من دماغك خالص :)

فا خلاص بقى كله عندي محصل بعضه و دخلت كلية آداب قسم مكتبات

الكاريير لذيذ بس انا اتعينت في التربية و التعليم و دا بقى حاجه تانية خالص غير اللي درسته في الكلية

و الشغل روتيني جدااااااااااااااااااااااااااااااااااااااااا

فا ما كنتش مبسوطة بصراحة لاني لقيتي بقيت أالف حاجات ما حصلتش يعني اكتب محاضرات و مناظرات بايدي انا من خيالي ما تمتش على ارض الواقع لان المدرسة ما فيش فيها الاهتمامات دي خالص و كان المطلوب فقط ان الدفاتر تكون متظبطة يعني من الاخر كنت عاملة زي عبد القوي اللي بيقنطر الدفاتر

المهم المشرفين يجوا يلاقوا الورق في السليم و دا كان بيخنقني جدا حاولت اغير الواقع لكن للاسف لا حياة لمن تنادي

و غير كده و كده كان في نظام بعيد عنكم اسمه حصة المكتبة اغبى قرار شوفته في حياتي انك تجبر المدرسين و الطلبة على انهم يقعدوا في المكتبة غصب عنهم لا بيقروا و لا بيتنيلوا طالعين يشرحوا المناهج عادي في المكتبة و اقول يا اخوانا مش دا الهدف من حصة المكتبة

الهدف ان حضرتك عندك درس معين تقولي ايه الدرس و انا اجهزلك الكتب او المراجع اللي تفيدك و الولاد يقروا و لو تحب يعملوا بحث او تلخيص للجزء دا هو دا المقصود من الحصة

الرد المعتاد يا ميس ريم الوقت قصير و مش لاحقين نخلص المنهج و الحصة دي تضييع وقت اكتبي انتي اي حاجه عندك و ظبطي الدنيا و خلاص و سيبنا نخلص المهم العيال مش هايمتحنوا في كتب المكتبة

اشتغلت 3 سنين طلع فيهم عيني مع المدرسين قبل الطلبة :lol:

بس و ربنا رحمني و تاب عليا و اتجوزت بقى و قعدت في البيت :lol:

[mama nona]

مكنش لى فالثانوى اى ميول

دخلت علمى

وبعدين كليه علوم - بيولوجى

وقلت ماشى الحال

الواحد يجتهد ويذاكر ويكون من هيئة التدريس فيما بعد

وبعدين الحمد لله طلعت من الاوائل فأول سنتين

وكان من نظام كليتنا انه اختيارى انه تكمل بكليه طب

وطبعا غصب عنى كان لازم ارضى بالنعمة ال ربنا اكرمنى بيها بعد ما ضاعت منى فالثانوية العامة

وطبعا كان فالدرجة الاولى علشان والدى

دخلت طب

والحمد لله اتخرجت ومعى 2 بكالريوس واحد علوم قسم تشريح وفسيولوجى والتانى الطب والجراحة

واتجوزت وخلفت ودى كانت الوظيفة الاساسية لى

وبعد التخصص حسيت انه كفاية اكون ربة منزل

واشتغلت بتخصصى والحمد لله بحاول اكون متميزة دايما وادينى بذاكر كل يوم علشان اكون افضل كل يوم من ال قبله

وادعولى ان شاء الله ربنا يكرمنى واوصل للى فى بالى

هو ايه بقى ؟؟؟؟

انى اكون استشارية كبيرة ومشهورة اوى

ولو كنت اتمنى حاجة فهى من وقت ما خلصت الكلية بس

انى كنت بدأت ادرس التخصص من اول ثانية بعد التخرج

اكيد كانت فرقت معايا كتير

لكن الحمد لله على كل حال

لا يدرك المرء كل ما يتمناه

[pocy]

انا مهندسه والحقيقه لو رجع بي الزمن وقالولى كنت ذاكرت اكتر ودخلت هندسه برضه ههههههههههههههههه لانى حبيتها بس اللى مش حبتها الجامعه كان نفسي ادخل عين شمس ولا القاهره بس الخيره فيما اختاره الله والحمد لله

بس ممكن اغير التخصص بتاعى لو رجعت

[herohero]

انا مهندسه والحقيقه لو رجع بي الزمن وقالولى كنت ذاكرت اكتر ودخلت هندسه برضه ههههههههههههههههه لانى حبيتها بس اللى مش حبتها الجامعه كان نفسي ادخل عين شمس ولا القاهره بس الخيره فيما اختاره الله والحمد لله

بس ممكن اغير التخصص بتاعى لو رجعت

كانت هتفرق يابشمهندسة ، اظن الي بره ف الخليج شاف انها مش فارقة خالص فكرة جامعة اقليمية وجامعة مش اقليمية اظن انها انتهت خالص حاليا وبلا رجعة لان دلوقتي فيه جامعات من ابو بلاش وجامعات من ابو فلوس

واظن عين شمس او غيرها بقت من ابو بلاش

وانت عارفه ان متطلبات سوق العمل غير اللي بيدرس ف كليات هندسة ع الاقل ف تخصصات الاتصالات والكومبيوتر والدليل الاجتياح الهندي والاسيوي لهذه المجالات

[Alrefaey]

الحقيقه انا طبيبه

لو عاد بيه الزمن من تانىىىىىىىىىىىى

استحاله ادخل طب

فى الحقيقة مهنة الطب من أرقى وأنبل المهن لكن

لمن يرغب ان يمتهن هذه المهنه لابد أن يكون قادر على دفع المهر ومهر الطب غالى

لابد من وجود رغبه نابعه من داخل الشخص فى حب المجال وليس دخوله لمجرد إرضاء رغبة الاهل

لابد ان يتمتع الشخص بطول البال والصبر وملكة العطاء

لابد أن يكون لدى الشاب الامكانيات المادية الملائمة , الطبيب طول عمره بيكون طالب ولكى يبدع ويركز لازم يكون الجانب المادى مؤمن

من مصاريف +شقة +سيارة +عيادة +تكاليف زواج وخلافه

اعلم نماذج كثيره نجحت بالرغم من قلت الامكانيات لكنها تعبت جدا جدا لذا لابد من توافر جميع ماسبق اعلى حتى يرضى الطبيب عن نفسه

اما يتخرج ويقبض من الحكومه 270 جنيه فى الشهر ويطلع السلم حبه حبه فأقول له انسى ده كان ايام زمان

[Alrefaey]

الحمد لله راضى عن وظيفتى كمهندس بس كان نفسى اشتغل فى تخصصى الدقيق بس اشتغلت فى تخصص تانى بس الحمد لله على كل حال :lol:

حمدا لله على السلامه اخى الفاضل منذ فترة وانت غائب عن المحاورات

[Alrefaey]

المشكله يا د/رفاعي ان النظام ماشي عندنا ازاي فى مصر ...فى الغالب يعني... ابتدائي /اعدادي/ثانوي....... بعد كده يختار الكليه اللي هتحدد وظيفته بعد كده .... يعني فى المراحل اللى فاتت دي كلها ...مفيش شغل ... مفيش حياه عمليه .... بسبب قلة الوعي .... وده طبيعي الواحد بيختار كليته وهوه طالع من ثانوي ..... بيختارها بطريقه خياليه عاطفيه .... من الاخر بدون خبره واقعيه ....... من غير مايكون مدرك ان الوظيفه دي هيفضل متحمل اعباءها العمر كله ........ وللاسف العمر مابيرجعش تاني

من ناحية الندم .... اسمحلي ..... اهدي لكل واحد ندمان على وظيفته ...رائعة الست ام كلثوم .... وتفيد باييييييييييييييييييييييييييييييييييييييييييييييييييييييييييييييييييييييه يا ندم يا ندم ...... الست كان نفسها طويل فعلا :lol:

هسألك يا د جيمى وأنت صيدلى والسؤال للصيادله المصريين

نسبة الصيادله المصريين فى الصيدليات فى المملكة تتعدى 90 % ومتوسط رواتب صيادلة الصيدليات معروفه انها اقل رواتب لنفس المجال

لماذا لاترى صيادلة سوريين او اردنيين او حتى سودانيين ينافسون المصريين على هذا الراتب المتدنى

هل لأن اصحاب العمل شايفين ان الصيادلة المصريين هم الافضل عمليا وعلميا ام الارخص رواتب ام الامر متعلق بالصيادله العرب الغير مصريين انفسهم وهم يأبو العمل بمثل هذه الرواتب ونفس المجال .

انا هجاوبك من وجهة نظرى

عارف الغير مصريين بيرفضوا ليه لأنهم بيفكرو وبيعرفو من اين تأكل الكتف ,

الصيدلى المصرى بعد التخرج تكليف وجيش وهبا البحث عن السفر بأقل الرواتب المهم انى اسافر واهرب من الواقع الاليم فى مصر

بينما الصيدلى الغير مصرى بعد البكالوريوس بيروح ياخد دبلومة تسويق ولغه وحاسب الى ويشتغل شهر ولا انتين فى بلده فى مجال الماركتينج او البروموشن وفيزة وعلى الخليج يقدم فى تلك المجالات , ناس فاهمة السوق عايز ايه ومنين يعرفو يظبطو اوضاعهم .

اتمنى ان شباب الصيادله يعو لهذا ولا يتعجلو بالسفر بدل ماتسافر على 2500 ريال بعد تخرجك اتعب شوية فى الكورسات وخد خبرة وانت بعدها مش هتلاحق على اللى طالبينك .

[Alrefaey]

كنت قولت قبل كده اني كان نفسي ادخل كلية آثار لاني من عشاق الآثار و حضارة الفراعنة خصوصا مازلت تمثل عشق بالنسبة لي :lol: <_<

همتك بأه مع مريم لا ترسمى لها مستقبلها ولكن حاولى ان توضحى لها وبدقه مميزات وعيوب كل مجال ودعى لها حرية الاختيار

بس سؤال هل لوكنت دخلتى اثار ماذا كنتى تتوقعى وضعك الان , عالمة اثار ,مرشده سياحية ,موظفه فى هيئة الاثار, ولا برده ربة منزل

[Alrefaey]

وبعدين كليه علوم - بيولوجى

وقلت ماشى الحال

الواحد يجتهد ويذاكر ويكون من هيئة التدريس فيما بعد

وبعدين الحمد لله طلعت من الاوائل فأول سنتين

وكان من نظام كليتنا انه اختيارى انه تكمل بكليه طب

دخلت طب

هذا نموذج صارخ يوضح القدرة على التحدى والصبر والنجاح

بمعنى لما كانت مامانونا فى علوم رسمت مستقبلها وحددته كادر جامعى وتفوق

لما شاء القدر ودخلت طب اسرت ان لا تفوت هذه المنحه الربانية التى لعبت الدور المحورى فيها وهو الاجتهاد والتوكل على الله

من طالبة فى كلية العلوم بمعنى لا مستقبل محدد بعد التخرج الى طبيبة شاطرة وام ناجحه

تحياتى مامانونا

تم تعديل 3 نوفمبر 2009 بواسطة Alrefaey

[Alrefaey]

انا مهندسه والحقيقه لو رجع بي الزمن وقالولى كنت ذاكرت اكتر ودخلت هندسه برضه ههههههههههههههههه لانى حبيتها بس اللى مش حبتها الجامعه كان نفسي ادخل عين شمس ولا القاهره بس الخيره فيما اختاره الله والحمد لله

بس ممكن اغير التخصص بتاعى لو رجعت

كانت هتفرق يابشمهندسة ، اظن الي بره ف الخليج شاف انها مش فارقة خالص فكرة جامعة اقليمية وجامعة مش اقليمية اظن انها انتهت خالص حاليا وبلا رجعة لان دلوقتي فيه جامعات من ابو بلاش وجامعات من ابو فلوس

واظن عين شمس او غيرها بقت من ابو بلاش

وانت عارفه ان متطلبات سوق العمل غير اللي بيدرس ف كليات هندسة ع الاقل ف تخصصات الاتصالات والكومبيوتر والدليل الاجتياح الهندي والاسيوي لهذه المجالات

مهنة الهندسه من أروع المهن وعايزة دماغ عاليه اوى وبال رايق

لى صديقين الاول لسه راجع من التشيك بدكتوراة فى المعمارى والثانى راجع من روسيا بدكتوراة فى التخطيط المعمارى

وسنهم لاتجاوز 33 سنه

اذكر انهم لما كانو فى الثانوية حسنو مرتين عشان عايزين صيدله وكانو زعلانين انهم دخلو هندسه عشان اهلهم كانو يتمنو يشوفوهم دكاترة

والان وهما اساتذة جامعة ومكاتب الاستشاريين المعماريين فى القاهرة والخليج تتهافت عليهم نفسى اسألهم نفس السؤال ماذا لو كان الله استجاب لدعائهم ودخلو صيدله هل كانو سيكونون فى مثل هذا النجاح والرضا.

[Rock]

امممم انا عن نفسي مابحاولش اسأل السؤال دة لنفسي لانة مفيش حل ممكن دلوقتي للتغيير

انا طبيب تكليف و اعتقد انة لسة من شوية كان في زميلة ادت فكرة سريعة عن الحال معانا

بس المضوع بقي عامل زي كلمة بترن في وداني من فيلم شهير اسمة the ronin و فية بيقول جان رينو انك لو قبلت يبقي لازم تكمل و اهه اهيني بكمل و بقول لنفسي هتتعدل هتتعدل لازم عتتعدل و الناس برضة بتقولي كدة برضة بس عارفين يا اخواني اكتشفت امتي هتتعدل ؟؟؟؟؟ المفاجأة انة مش لما تتحسن ( لانة صعب ) و لكن لما بنتعود علي الوضع و حطوا تحت دي ميييت خط

شكراااااااا

و في الختام ...........سلام

[Alrefaey]

امممم انا عن نفسي مابحاولش اسأل السؤال دة لنفسي لانة مفيش حل ممكن دلوقتي للتغيير

انا طبيب تكليف و اعتقد انة لسة من شوية كان في زميلة ادت فكرة سريعة عن الحال معانا

بس المضوع بقي عامل زي كلمة بترن في وداني من فيلم شهير اسمة the ronin و فية بيقول جان رينو انك لو قبلت يبقي لازم تكمل و اهه اهيني بكمل و بقول لنفسي هتتعدل هتتعدل لازم عتتعدل و الناس برضة بتقولي كدة برضة بس عارفين يا اخواني اكتشفت امتي هتتعدل ؟؟؟؟؟ المفاجأة انة مش لما تتحسن ( لانة صعب ) و لكن لما بنتعود علي الوضع و حطوا تحت دي ميييت خط

شكراااااااا

و في الختام ...........سلام

اهلا دكتور

هعقب بنفس كلامى فوق واقول :

فى الحقيقة مهنة الطب من أرقى وأنبل المهن لكن

لمن يرغب ان يمتهن هذه المهنه لابد أن يكون قادر على دفع المهر ومهر الطب غالى

لابد من وجود رغبه نابعه من داخل الشخص فى حب المجال وليس دخوله لمجرد إرضاء رغبة الاهل

لابد ان يتمتع الشخص بطول البال والصبر وملكة العطاء

لابد أن يكون لدى الشاب الامكانيات المادية الملائمة , الطبيب طول عمره بيكون طالب ولكى يبدع ويركز لازم يكون الجانب المادى مؤمن

من مصاريف +شقة +سيارة +عيادة +تكاليف زواج وخلافه

اعلم نماذج كثيره نجحت بالرغم من قلت الامكانيات لكنها تعبت جدا جدا لذا لابد من توافر جميع ماسبق اعلى حتى يرضى الطبيب عن نفسه

اما يتخرج ويقبض من الحكومه 270 جنيه فى الشهر ويطلع السلم حبه حبه فأقول له انسى ده كان ايام زمان

[Alrefaey]

نيجى لخريجين علوم من مصر

اما عاطل عن العمل او بيفكر ياخد دبلومة بايوكميسترى ويفتح معمل تحاليل او له واسطة ويتعين فى البحوث او فى التدريس بعقد !

طيب نشوف خريجى علوم فى بقية الدول بيفكر إذاى ومش هنجيب من بعيد بل من جيراننا الشوام

اعرف اكثر من نموذج

احدهم تخرج من علوم جيولوجى بعد التخرج درس تويفل وقدم على دراسة ماستر على ما اذكر فى منابع وتحلية المياه بعد الماستر (سنتين من جامعة العقبة )

بعد الماستر عمل ببلدة لمدة شهرين وقدم فى شركة امريكيه فى الرياض تعمل فى مثل هذا المجال وطبعا لك ان تتخيل كم راتبه

نموذج اخر علوم بيولوجى درس فى مصر ماركتينج وعمل فترة ميديكال ريب وعلى الخليج قدم على وظيفة ماركتينج مانجر فى احد المستشفيات المعروفه وماشاء الله عليه الان

ومثال اخر معهد مصدر فى ابوظبى والذى يفتح ابوابه فى مثل هذه المجالات للجادين طبعا والفاضل احمد سيف يحكلى لكم عنه

الامثله كثيرة واراها امام عينى بينما نحن معظمنا كشباب مصرى نظرتنا قصيرة جدا ولا نرى سوى الذى امامنا مباشرة

فى السعودية والاردن على سبيل المثال توجد كلية اسمها كلية العلوم الصحية او الطبية بتخرج تمريض وفنى اشعة وفنى علوم تأهيل ومطلوبين جدا لدى جميع القطاعات الطبية ألم نفكر فى مصر فى تأسيس مثل هذا التخصص اعرف ان فى مصر كلية تمريض وعلاج طبيعى لكن الدرجة تختلف والفنيين مطلوبين بشكل كبير

اتمنى ان ينضج شبابنا وحكومتنا ويكونوا اكثر وعيا لتخريج شباب يواكب متطلبات السوق

[عنبو]

نيجى لخريجين علوم من مصر

اما عاطل عن العمل او بيفكر ياخد دبلومة بايوكميسترى ويفتح معمل تحاليل او له واسطة ويتعين فى البحوث او فى التدريس بعقد !

طيب نشوف خريجى علوم فى بقية الدول بيفكر إذاى ومش هنجيب من بعيد بل من جيراننا الشوام

اعرف اكثر من نموذج

احدهم تخرج من علوم جيولوجى بعد التخرج درس تويفل وقدم على دراسة ماستر على ما اذكر فى منابع وتحلية المياه بعد الماستر (سنتين من جامعة العقبة )

بعد الماستر عمل ببلدة لمدة شهرين وقدم فى شركة امريكيه فى الرياض تعمل فى مثل هذا المجال وطبعا لك ان تتخيل كم راتبه

نموذج اخر علوم بيولوجى درس فى مصر ماركتينج وعمل فترة ميديكال ريب وعلى الخليج قدم على وظيفة ماركتينج مانجر فى احد المستشفيات المعروفه وماشاء الله عليه الان

ومثال اخر معهد مصدر فى ابوظبى والذى يفتح ابوابه فى مثل هذه المجالات للجادين طبعا والفاضل احمد سيف يحكلى لكم عنه

الامثله كثيرة واراها امام عينى بينما نحن معظمنا كشباب مصرى نظرتنا قصيرة جدا ولا نرى سوى الذى امامنا مباشرة

فى السعودية والاردن على سبيل المثال توجد كلية اسمها كلية العلوم الصحية او الطبية بتخرج تمريض وفنى اشعة وفنى علوم تأهيل ومطلوبين جدا لدى جميع القطاعات الطبية ألم نفكر فى مصر فى تأسيس مثل هذا التخصص اعرف ان فى مصر كلية تمريض وعلاج طبيعى لكن الدرجة تختلف والفنيين مطلوبين بشكل كبير

اتمنى ان ينضج شبابنا وحكومتنا ويكونوا اكثر وعيا لتخريج شباب يواكب متطلبات السوق

الدكتور الرفاعى

تحيه طيبه وبعد طالما بتكلم عاوز تتكلم عن كلية علوم يبقى انا هقولك

بما انى خريج كلية علوم

اولاً الغالبيه العظمى من الناس متعرفش مجالات كلية العلوم وميعرفوش ان كلية العلوم فيها لا يقل عن 40 تخصص كل تخصص له شغل ومجالاته الخاصه به ؟؟

وده بسبب اساساً ان عدد الطلبه الى فى كلية علوم مش كتير اساساً يمكن على ما اعتقد اقل عدد طلاب فى الكليات عموماً

اما لما دخلت كلية العلوم وكان مجموعى جايب بيطرى مكنتش اعرف مجالات ليها اساساً وكان كل الى بيكلمنى يقولى ياعم هتطلع تشتغل فين وانا اساساً مكنتش اعرف حاجه عن مجال الكليه بنى وبينك وفى نفس الوقت مكنتش عاوز بيطرى لظروف خاصه ؟؟

فى الاخر وبعد لما ربنا بعتلى ناس ثابتنى فى طريقى وكان من ضمنهم خالى وهو كان عميد كلية تجاره وقتها وكان فيه واحد معيد فى كلية علوم عرفنى يعنى ايه كلية علوم

وطبعاً كنت اول مره اعرف ان كلية علوم فيها 4 تخصصات

البيولوجى -- الجيولوجى -- الكيمياء والطبيعه -- الرياضيات

عندك مثلاً قسم البيولوجى فيها 12 تخصص ما بين تخصص منفرد ومزودج وهكذا باقى الاقسام وكل تخصص من دول ليه شغله الخاص بيه

على العموم مجالات كلية العلوم

اولاً بالنسبه للكيميائين سواء تخصص منفرد او مزدوج

1- ممكن تاخد دبلومه تحاليل طيبه وتفتح معمل تحاليل طبيه

2- ممكن تشتغل فى مجال الدعايه للادويه

3- ممكن تشتغل فى المصانع ك كيميائى

4- ممكن تشتغل فى قطاع البترول

5- ممكن تشتغل فى مجال تحلية المياه والمعالجه

وطبعاً كل مجال من دول فيه داخله كذا مجال يعنى مثلاً لو هشتغل كيميائى فى مصنع

ممكن تشتغل كيميائى انتاج وممكن تشتغل كيميائى جوده وممكن تشتغل كيميائى ابحاث وكل واحد من دول تخصص عن الى قابله

بالنسبه للناس بتوع جولوجيا سواء تخصص منفرد او مزدوج

1- دول شغلهم فى شركات البترول وطبعاً الناس الى شغالبين فى البترول عارفين ان الشغل داخل البترول فيه يمكن 100 كارير وكل واحد عاوز دورات وشغل تانى خاااالص

2- ممكن يشتغلوا فى مجال المياه وحفر الابار

الى جانب الناس الى معاهم تخصص مزدوج كيمياء بيشتغلوا ك كيميائين

بالنسبه للناس بتوع البيولوجى التخصص المنفرد

دول معظمهم لاما بيعمل ماستر علشان يفتح معمل لانه مينفعش يفتح معمل الا لما يكون معاه ماستر او بيشتغل فى البحث العلمى او فى اى جامعه خاصه او بيشتغل فى الدعايه بس الاغلبيه شغالين فى الدعايه

بالنسبه للناس الى معاهم علوم رياضه

دول على حسب تخصصه فيه منهم الى بيكون خريج علوم حاسب وده طبعاً يبشتغل فى مجال البرماجيات وفيه منهم الى بيكون خريج قسم فيزياء بيشتغل لاما مدرس او لو هيتعين معيد بيشتغل فى صطف الجامعه او فى معامل الابحاث

يعنى من الاخر كلية العلوم ليها مجالات كتير بس المشكله يمكن الناس متعرفش عنها حاجه

اما بقى موضوع شغل وما شغل فدى ارزاق

بس المشكله بقى الى تنقصنا بجد ودى مشكله فى كل الخريجين

هى ان الخريج فاكر انه بعد لما يخلص كليه المفروض كده بقى كل الشركات تتهافت عليه ؟؟

لا طبعاً لازم بعد لما تخلص كليه او اثناء فنرة الكليه تبتدأ تظبط نفسك فى اللغه والكمبيوتر وياسلام بقى لو اخدت دورتين فى HR

ثانياً تبتدى تشوف شركه من الشركات الصغيره الى هم اساساً بياخدوا الناس حديثى التخرج يعلموهم فى مقابل انك تشتغل بمرتب صغير لحد لما تكتسب خبره بعد كده تبتدى تقدم فى الشركات الكبيره بعد لما تكون عندك خبره فى مجال معين

طبعاً كلامى للناس الى ملهاش واسطه الى له واسطه دى خلاص بيدخل على طول فى الشركات الكبيره

ملحوظه اثناء شغلك فى الشركات الصغيره متمضيش على اى اوراق يعنى خليك خفيف خفيف ؟؟

اما بالنسبه عن كلية العلوم الصحيه الى فى بلاد الشام فدى حااااااااااااجه تانيه خالص غير كلية العلوم

وهم عندهم حاجه اسمها علوم صحيه وحاجه اسمها علوم على فكره يعنى

كلية العلوم الصحيه بتطلع فنى اشعه او تحاليل ومن حقه ان يعمل ماستر حتى يحصل على لقب اخصائى

والكليه دى موجوده فى جامعة 6 اكتوبر وجامعة مصر

وشكراً معرفش الفكره الى انا عاوز اوصلها وصت ولا اصل انا بكتب وانا مشغول شويه

على العموم

هجاوبك بقى على التوبيك ده

انا كان نفسى اكون صيدلى ودى مكنتش رغبتى اساساً دى كانت رغبة الوالد والوالده انما انا كان نفسى اكون مهندس او بمععنى اصح ميولى كانت هندسيه بس مكنتش وقتها فارقه معايا قوى بجد علشان كده دخلت علمى علوم بس لو كنت صممت على علمى رياضه كنت دخلت بجد بس انا قولت طالما انا مش فارقه معايا قوى يبقى ادخل علشان ابويا وامى وخلاص ويمكن ده غلط بس اهو الى حصل

على العموم انا حاليا ولله الحمد اعمل كمهندس كيميائى فى شركه محترمه والحمد لله فيمكن ربنا عوضنى خير

بس بجد لو رجع بيا الزمن كنت هصر انى ادخل هندسه

[Alrefaey]

نورت يابشمهندس عنبو التوبيك وبشكرك على توضيح بعض النقاط فى كلية العلوم والتى قد تخفى عن كثير من الشباب

انت عارف مداخلتك هذه هو ما اقصده وما اعنيه تماما فى صلب الموضوع وهو كيفية اختيار الشاب مجال عمله مستقبلا وكيف يحدد وعلى اى اساس

وياحبذ لو كانت التجربة من طرف شخص مر فيها كى يسرد خبراته بشكل عملى وواقعى .

اعرف ان مجالات كلية العلوم كثيرة بل انها بمثابة الام لكل الكليات العملية لكن كثير من الشباب يجهل مابعد كلية علوم نتمنى ان نرى تجارب اخرى كثيرة ناجحة قدرت تستثمر المجال جيدا .

دمتم بود

[OReX]

هل انت راضى عن وظيفتك ؟

انا اصلا داخل الكلية (حاسبات ومعلومات) وانا مش راضى عنها تماما وكان نفسى فى كلية تانية(هندسة) تفصلنى عنها درجتين مع انى يفصلنى عن الدرجة النهائية فى رياضة 2 نص درجة ورياضة 1 الدرجة النهائية بس هذا هوا نظام التعليم كله مع بعضة

فنا ماشى بنظام حب ما تعمل حتى تعمل ما تحب

وظيفتى مطور (مبرمج) قواعد بيانات بالاضافة الى مهمات كتير خارج عن تخصص التطوير

مهنة بصراحة جميلة جدا قاعد فى المكيف على طول ومرتب يضمن الحياة الكرية للاسرة كلها الحمد لله غير النظرة الاجتماعية العالية للمهنة والتطوير اللى كل ست شهور لازم فى الشركة يتعملى تست اطورت اد اية فنا حبيت المجال جدا وحاسس ان ان شاء الله ربنا هيكرمنى فيه

بالرغم دا كلة الا فعلا ما الحب الا للحبيب الاولي وفى ايام الاجازة بقعد ادعبس فى تصميمات الوالد الله يرحمه (كان مهندس برضة) مع ان التصميمات لمشاريع قديمة وكلها تراب وحفظتها من كتر ما بصيت عليها بس بجد بحس انى طفل وفرحان بلعبة جديدة

ما هوا مينفعش طول حياتى مظبط نفسى انى هدخل هندسة وبعشق الرياضة جدا بجميع فروعها اللى اختها وفى يوم وليلة اقول لا ادخل مجال تانى ومش اختارى انا

يلا الحمد لله

نفكنا من برنامج واحد من الناس دا

بما انكم دخلتوا فى الكليات فحدث ولا حرج عن حاسبات ومعلومات

كلية جميلة بس مشكلتها انى لازم اعمل معادلة بين اللى باخدة واللى هطلع اشتغلة بمعنى انى لو قلت هشد فى المزاكرة واجيب تقدير كويس يبقى اكيد هطلع مش هلاقى شغل الا بواسطة محترمة عضو مجلس شعب جزب وطنى كدا يعنى ولو اهتميت بالحياة العملية يبقى مش هنجح خالص لان الدكاترة مقتنعين ان اللى بتاخدة هوا نهاية العالم

بتمنى ان اللى يدخلها يبقى عارف الجزئية دى

دمتم بكل خير