عشان خاطرك أنت ... محاورات المصريين فكر جديد دم جديد كله جديد في جديد

[se_ Elsyed]

القصة دي مهداه للمشرف الجديد أحمد باشا سيف ...

وهي ليست حقيقية ....... وأي تشابهات مع شخصيات حقيقيات أنا ماليش دعوه ..

انا بأقول أهو

--------------

ذات مساء وعلى غير العادة .. تلقى سين سين مكالمة تليفونية من الرفيق سكوربيون كالآتي :

سكوب : ألووو .. بتعمل إيه يابني ؟

س س : أنا في المطبخ بأضرب سندوتشين كبده .. خير ؟

سكوب : طب سيب الكبده اللي في إيدك وقابلني بسرعه على قهوة المشرفين اللي في باب اللوق

س س : طب والكبده ؟

سكوب - بانفعال - : يا سيدي هاشتري لك ساندوتشات على حسابي ... إخلص وتعالى بسرعه

ويهرع سين سين تاركاً كبدته ويستقل الميكروباظ ويصل في الموعد المحدد الى المقهى

----------

س س : خير يا سكوب .. جايبني على ملا وشي ليه ؟

سكوب : مصيبة ..... مصيبة وحلت على راسنا يا إس

س س : يا نهار أبيض .. إيييييه هايشمعوا المنتدى ؟

سكوب : لأ .. أنيل

س س : أمن الدولة عرف طريقنا ؟

سكوب : برضوا ياريت

س س : إنطق بقى أنا مش ناقص

سكوب : أمبارح قمت من النوم جعان فقلت أروح باب المطبخ أشوف بندق طابخ إيه وأخطف لي شندوشت خفايف خفايف

س س : بمناسبة الشندوشت ... أطلبي لي 6 شاندوتشات كبده اعشان أعرف اركز معاك

سكوب : وكتاب الله بطنك دي اللي هاتوديك في داهيه .. هاتسمع ولا أقوم ومش هاتشوف وشي تاني ؟

س س : خلاص هاسمع هاسمع .. هاسمع وعصافير بطني بتزمر ... هاسمع وذنبي في رقبتك ...

سكوب : المهم ... معدي كده جنب باب شئون المحاورات فبالصدفه البحته سمعت أ عادل بيتكلم في التليفون .. وعمال يكرر كلمة الفكر الجديد والدم الجديد

س س : عادي .... عادي ... يمكن كان بيتكلم مع دكتور في بنك الدم وبيسأله عن فصيلة معينه وكدهوت

سكوب : طب خلي عندك دم وافهم اللي بين السطور .. يا بني ادم .. يا س س .. يا حبيبي ... فكر جديد ودم جديد يعني مشرفين جداد .. يعني سعادتك ممكن تتشقلط ... وممكن بكره تلاقي نفسك عالرصيف

س س : يا لهوي يا مامي ..... وهو الدم الجديد ما يجيش الا عشان ينشف دمنا .. طب والعمل دبرني يا وزير ؟

سكوب : اومال انا جايبك ليه يا خفيف ..

س س : بس .. أنا جت لي فوكيرة .... احنا نخف شويه ونحاول اننا نتقرب من الاعضاء ... انا عن نفسي هابعت رسائل حب وتقدير لكل الاعضاء مصحوبه بورده حمرا وقبله من القلب لكل واحد ..

سكوب : انت هاتعملي فيها فريد الاطرش .. ورد ايه وبوس ايه ...هاتقول لهم اية المناسبة ان شاء الله ؟

س س : آه صح ... نقول مثلاً ماتش مصر والجزاير ... أو بلاش دي ... نقول عيد الحب بتاع 13 نوفيمبر ... أو في مناسبة احسن ... بمناسبة عيد ميلاد سين سين بتاع 15 نوفيمبر برضوا

سكوب : ممكن تتلهي وتسكت .... وده هايعفيك من ركوب الطفطف ؟

س س : طب نعمل ايه ... بس بس ... استنى .. أنا هاعسس على مصدر أخبار ممكن يكون عنده ملعومات ....هاطلب لولا دلوقتي واجس نبضها بروبا يكون عندها خبر ولا حاجه .. ويمد سين سين يده ليلتقط محمول سكوب

سكوب : طب ما تستهبلش واتصل من محمولك وبلاش أستنطاع

س س على مضض وهو ينظر الى عدادا الدقائق : الوو .. لولا ... بتعملي ايه ؟

لولا : ايوه يا سين ... فيه في ايدي شوية مواعين بأشطبهم قبل ما اعلق عالرز

س س : مواعين ؟ بقى احنا عمالين نحرق في دمنا ونناقش مستقبلنا السياسي وانتي تقولي مواعين ورز مفلفل ؟ بأقول لك ايه .. ما سمعتيش اي اخبار كده ولا كده في المحاورات اليومين اللي فاتوا دول ؟

لولا : يوووووووووووه كتير ... خد عندك ... فُلانه دخلت جمعيه بسته وستين جنيه مع بعض اعضاء باب الاسرة والتفل .... وابله سلوى رايحه تحج السنة دي حج سياحي فاخر .... وعنبي قرب يقرا فاتحه بس لسه بيروح الكُتاب عشان يحفظها كويس

س س : اتفضل يا عم سكوب ... تلاجات وفاتحه وقل هو الله احد ... أدي لولا مصدر الاخبار بتاعك .!!!!!!!!! يا بنتي يا ماما .. شيلي الفيري اللي مغطي عينك ده وعامل لك غشاوة .. بأقولك سمعتي حاجه عن تعديل وزاري قريب ... بالعربي كده ... انتي إحتمال تطلعي في حركة التطهير الجاي .. يعني يا لولا ممكن تحصلي على لقب مشرفه سابقه عالمعاش

وهنا يُسمع صوت كركبه وسقوط زجاج على الأرض

وتصرخ لولا : يا نهار اسود .. يا نهار اسود ... معقول ... ؟!!!!!!!!!!! يعني قبل ما اكمل سنه في سلك الاشراف .. ارجع بيت ابويا بشنطة هدومي واقول له بنت خرجت في حركة التطهير ؟

سكوب : دي سُنة الحياه يا لولا يا بنتي ...

لولا : يا سلام .. يا سلام ... يعني سُنه علينا .. وفرض ليكو ؟؟؟؟؟ مانتو اهو انت وس س بقى لك مية سنة في الاشراف ... ما قولتوش سُنه ليه ؟

س س : اعترضي بقى على امر الله اعترضي

لولا : اللهم لا اعتراض يا سيدي ... بس انا كده اتشحور وممكن اتحبس

سكوب : ليه ؟؟ هما بيقفشوا المشرفين اللي بيركبوا الطفطف اليومين دول ؟

لولا : لأ يا سيدي .... لكن على حس الاشراف ... انا روحت اشتريت شوية حاجات من معرض الأُسر المنتجه .. تلاجه على غسالة اطباق على مفارش سرير .. ومضيت كمبيالات على نفسي .. على اساس ان دخلي من الاشراف يغطي البلاوي دي ... اعمل ايه دلوقت انا بقى ؟

س س : يا نهارك يا نهارك يا لولا ... طب سيبي لي الموضوع ده ... أنا ممكن اتوسط لك عند الناس الكبيرة ان شالله تقعدي معانا لحد ما تخلصي البلاوي دي ... مشكورة يا لولا روحي كملي غسيل مواعين وامسحي دموعك يا لولا ...

وهنا يلتفت سكوب الى س س ويصيح مهللاً .. ان جت لي حتت دين فوكيره هاتخرجنا لبر الامان ونبقى في التمام

يُتبع

[mrs gehad ahmed]

انا اول واحده ارد؟؟ يا بختييييييييي

بجد بجد بجدددددددد

مش قادره امسك نفسي م الضحك

ايه الموهبه القصصيه دي يا استاذ سين سين ؟

بجد بجد ملكش حلللللللللللل

مستنيه الجزء اللي بعد يتبع ..بسرررررررررررررررررررعه

تم تعديل 2 نوفمبر 2009 بواسطة Mohammad
حذف الاقتباس لعدم التكرار

[Scorpion]

أنا أشتريت علب الورنيش يا سي السيد زي ما اتفقنا ....

حدهن شعري و اسيبلك علبة في الدرج الشمال ... لو ما لقيتهاش يبقي عصام قشطها ...

و كله من أجلكم انتم .... يا أعضاء المحاورات .. يا مهجة القلب و قرة العين ....

[Damo]

هههههه ظريفة اوي يا س س :)

اولا احب ابارك للاستاذ احمد سيف الف الف مبروك :lol: :)

ثانيا.... فين وردتي الحمره يا س س :lol:

[لولا]

كمل ... كمل يا بنى معنديش وقت المواعين لسه عايزه تتغسل والغسيل لسه عايز يتنشر :) :D

اييييييييه فين ايام شجرة الزيزفووووووووون والقصيده ساعه الغروب .. ;)

بس بجد .. تووووووووووووحفه يا ابو الأسيان .. كمل بقى wst::

لولا

[أحمد سيف]

أسلوب روعه يا بو السيد ... بس وحياتك بلاش حتة فكر جديد ودم جديد دي أحسن بتفكرني بواحد مافيش بيني وبينه عمار ... مشيها فكر طازه كبده طازه أي حاجه طازه المرة دي عشان خاطري ولك عندي سندوتشين كبده بدل اللي ضحيت بيهم.

[فركيكو]

انا برضو سمعت عن تغيير وزارى محدود يشمل بعض الحقائب المحاورتية

و أعتقد فعلا ان التغيير هيكون يوم 15 نوفمبر و كل سنة و انت طيب يا س س

و السبب معروف !

أغلب الناس القدام قوى اللى معتقدة انة لسة فية طفطف و حاجات من دية

و مش حاسيين بالمحاوريين عايشين ازاى :)

و جايبين بقى شوية ولاد بتكاتك مكسرة الدنيا

و بيقولوا اية همه دول اللى هيحلوا كل المشاكل اللى مغرقة المحاورات !

سيبك سيبك كلة حوار . ما تجيب بقى يا أخى حتة سندوتش كبدة من اللى قدامك دول؟؟؟

[عنبو]

وانا الى كنت نااااااااااااااوى اجيب لك يا سى سين انت وسكوب سبت بيه عدد 2 بطه عدد 3 وزه عدد 5 اكياس سكر عدد 10 باااااااااكو اريال واغطى السبت بجلابيه خضراء عليها نقشه حمراء "" رشوه بالفلاحى ""

واجيبهم واجيلكم على البيت علشان تبقوا ضهرى فى المحاورات

يلااااااااا بقى شكلى كده هاخدهم واروح على احمد سيف

[se_ Elsyed]

سكوب : بُص يا سين يا أبني ... عايزك تصحصح كده وتسمعني وما تستخدمش مخك إطلاقاً ... عُمرك سمعت عن سياسة لفت الأنظار ؟

س س : أيوه طبعاً ... هي في الحقيقة سياستين مش سياسة واحده ... الأولانية إن واحد يلبس كويس ويعمل نيو لوك عشان يلفت نظر الناس .. والتانية ممكن تكون مختلفة إختلاف جزئي وكُلي عن الأولانية .. وهي إن حد يكون متضايق من حد فيلفت نظره .. يعني كإنه بيديله كرت أصفر ..

سكوب : اللهم إني لا أسألك رد القضاء ولكن .. ولكن والنبي يارب أسألك اللطف فيه ... مش قلت لك ما تشغلش مخك ؟

س س : مش إنت اللي سألت وأنا جاوبت ؟

سكوب : حقك عليه .. أنا أسف هاقوم ابوس راسك ... بص يا سين .. لو كان عندك قلق في مكان ما وعاوز تقضي عالقلق ده ... فممكن تعمل شوية قلق في مكان تاني عشان تلفت الأنظار عن القلق الأولاني ... فهمت حاجه ؟

س س فاغراً فاه : هه . آه ... طب هل من مزيد من الإيضاح سيدي الكونت ؟

سكوب : بالبلدي .. عاوزين نعمل فرقعه تشغل أستاذ عادل عن مشروع التطوير والدم الجديد ... يعني من الاخر .. بأفكر أولع في باب من الأبواب ما عليهوش ضغط كتير عشان الناس تنشغل وما حدش يتكلم عن تطوير .. عارف .. أنا بأفكر أولع في باب الأسرة والطفل ...

س س : يا نهار إسود .. إنت شيطان يا عم الحج ... يخرب بيت تلافيف مخك .. وصلت للقتل والولعه يا سكوب ؟ طب فرضنا كان في عيال صغيرة بتلعب ورا الباب .. الأبرياء دول يروحوا ضحيت أطماعك عالكرسي الزائل .. خسئت ..... بُص أنا جت لي فكره احسن ... إحنا نولع في باب الصحافة والأعلام ... ونقول إن شريف عبد الوهاب كان بيقرا الجرانين ورمى عقب سوجارة ولعت في الورق والدنيا . وبكده شريف يلبسها ونطلع إحنا منها زي الشعرة من الضفيرة ويطلع هو اللي مُقصر ونبقى احنا في السليم الأليم ..

سكوب : قشطه عليك ... بس عاوزين نحط خطه موازيه ..... تفتكر ممكن استاذ عادل يفكر في مين عشان نختاره وندرس حالته ونرشحه مُشرف معانا ..

س س : أنا حاسس كده إن أول إسم هايكون بُندق

سكوب : إشمعنى ؟

س س : عشان كذا مره لقيت عربية أ عادل راكنه قدام باب المطبخ وهو باعت السواق ياخد اكل ديليفري من عند الشيف بندق ... وكذا مره اسمع السواق بيكلم بندق ويقول له : البيه مبسوط من أكلك قوي ... وإنت عارف يا سكوبي .. أقصر طريق إلى قلب الرجل معدته ...

سكوب : والنبي إتلهي وبطل تخريف .. يابني المثل ده بيتقال لما الست بتكون بتطبخ للأفندي بتاعها أكل حلو فتمتلك قلبه ... إنما كل واحد هايروح يشتري من مطعم نضيف يبقى خلاص صاحب المطعم يبقى مُشرف .. وبعدين يا بني بندق زاهد في المناصب السياسية وأساساً واخد الطبخ ده هوايه يفرغ فيها طاقته الكامنه ...بس عرفته ... بيتهيألي زهيري .. ايوه هو زهيري ... الأفندي من ساعة ما راح فرانكفورت دي ولا اسمها إيه اللي في كندا وعاملي فيها محافظ كفر الشيخ هناك .. وشامم كده ريحة طموح إنه يبقى مشرف على باب المغتربين ويدي كتف قانوني لتهامي ويُحيله إلى التقاعد

س س : أهو زهيري بالذات بقى على جُثتي .. يا عم ده اعداءه الفكريين كتير وممكن يطفش الزبونين اللي حيليتنا في الصالون ... لأ لأ .. انا أول واحد هايعارض طرح اسمه ...

سكوب : طب قال يا خبر بفلوس . بكره يبقى ببلاش .. إحنا ننفذ مخططنا أنا وإنت في التُخبث ... وفي نفس الوقت ننتظر ما تسفر عنه الأيام ... بُص النهاردة الأثنين وبكره الجمعه ...إحنا نضرب ضربتنا يوم السبت الجاي .... إنت تروح تشتري جركن بنيزم ... وتتخفى عشان ماحدش يتعرف عليك ... وتقابلني عند باب السياسة الداخلية الساعه واحده بعد نص الليل ... أنا هاكون لابس بدله صفرا .. هاقول لك كلمة السر وهي : برميل البنيزن بكام في أوبك النهاردة ؟ تقول لي : بخمسة أفرنك يا معلم

س س : الله ... انا بأحب قوي المغامرات دي ... بس هما الخمسه فرانك يعني كام ؟؟ وبعدين هو مش في عملة متوحده في اوروبا دلوقت ؟ ...

وينصرف سكوب ناظراً إلى سين سين نظرة تحمل كل معاني الغضب والحنق ثم يختفي ...

وفي اليوم التالي تصل رسالة عاجله لكل المشرفين عبارة عن سي دي يحترق ذاتياً بعد الأستماع إليه .. وكان محتوى السي دي يتحدث عن موعد إجتماع عاجل في المكان السري للمشرفين ... يوم الأربعاء ليلاً ..

وبالفعل يذهب المشرفون ويدلفون إلى قاعة الأجتماعات المُسماة War Room ويبدأ الأدفايزر في الحديث إليهم .: طبعاُ إنتو عارفين إن البلد مقبلة على مرحلة حرجه من تاريخها السياسي والاجتماعي والصحي كمان ... عشان كده أنا اجتمعت بيكم النهاردة عشان نناقش سوياً فكرة ضخ دماء جديدة في فريق العمل بصالون محاورات المصريين ... ده كان إستهلال لازم ولابد منه ..

وما إن تسمتع لولا إلى كلمة دماء جديد ة حتى تطلق صرخه مكتومة لم يفهمها إلا سين سين وسكوب .. ويتوجه س س إليها بالحديث : قلبي عندك يا لولا .. والله هاتوحشيني .

لولا : وإشمعنى أنا يا خويا ليه ما يكونش أنت ؟

الأدفايزر : هدوء أيها السادة .. ما هذا اللغط والصخب الذي ضجت به القاعة ؟

سكوب : كمل يا عادل بيه ده موضوع جانبي كده بين لولا وس س .. تصفية حسابات يعني وغيرة إشرافية ...

أبو محمد : بأقول لك إيه يا عادل بك ... إيه رأيك في هذا الشاب المستنير أحمد سيف ؟ ...

الأدفايزر : عفارم عليك يابو محمد ونعم الأختيار ... لكن يظل إسمه مجرد ترشيح حتى يقوم جهاز الـ دي إل أبستروف إس الخاص بالمحاورات ( D L ‘ S هو جهاز الأستخبارات العامه الداخلي في المحاورات والمنوط بجمع المعلومات عن الأعضاء وإعداد تقارير أمنيه عن كل عضو .. تُسلم للي يدفع أكتر ) وبعدها نقرر .... بكره عاوز التقرير يكون على مكتبي وعاوز اعرف كل حاجه عن أحمد سيف

وبالفعل ينطلق س س وسكوب وعصام وكلاً منهم يرتدى البالطو الصوف والكوفية الكتان ويُمسك بجرنان مخروم من النص ويجتهدون في جمع المعلومات المطلوبة عن احمد سيف ...

وبالفعل تم إعداد التقرير في الوقت المحدد لعرضه على اللجنه العليا للإشراف .... وتم عرض نسخه من التقرير على الساده الأعضاء للتصويت وجاء فيه :

- الأسم : احمد سيف الحق

- السن : 42 سنة

- الحاله الاجتماعية : أعزب

- الميول : يكره المرأة كره العمى .... ومُضرب عن الزواج ويتزعم جمعيه أهليه تطلق على نفسها " يا رجالة الدنيا ... شدوا حيلكو شويه |"

- الهوايات : القراءة والكتابة وأكل المربى

- الخلفية السياسية : شارك في الثورة البلشيفية سنة 1917 وتدرج في الحزب الشيوعي الروسي حتى وصل إلى رُتبة رفيق أول .. ولكن في عام 1947 تم طرده من روسيا بعد إتهامه بتهمة التخابر لدولة أجنبية رأسمالية وذلك بعد ان ضُبط بحوزته خرطوشة سجاير مارلبورو ... فرحل إلى بولندا ... وساعد الرفيق ليخ فاونسا في ثورته ضد حكومة تشرشل حتى اعتلى فاوينسا كرسي ا الحكم ولم ينسى له الجميل القديم وعينه في منصب سكرتير محافظة بودابست .. ولكنه سآم العمل الحكومي وهاجر إلى كوبا حيث ساعد الرفيق جيفارا وقاتل معه ضد القوات الأمريكية في خليج الخنازير .. لكنه لم يستسغ أكل لحم الخنازير ففضل الرجوع إلى مصر وأنخرط في العمل السياسي الثوري وأنضم لحركة الضباط الأحرار وتم تعيينه ملحق ثقافي في محافظة الغربية .... ولكن فضل الهجرة إلى محافظة بورسعيد مع بداية الأنفتاح اللي من الجانبين حيث حصل على توكيل قطع غيار بيجو ومنذ ذلك الحين ترك العمل في السياسة ووهب نفسه لتجارة السيارات والصابون أبو ريحه المشهورة به بورسعيد ...

الأدفايرز : ما رأيكم يا سادة في هذه السيرة الذاتية ؟

س س : اللهم صلي عالنبي ... سيرة ذاتيه عامرة ورجل ثوري وحدوي تقدمي مالوش حل .

فلانه : بس أنا قلقانه من حكاية كرهه للمرأة دي ... يعني هايبقى فيه شوية قلق في القاعدة هنا ..

سكوب : على حسب معلوماتي يا مدام فلانه إنه ما بقاش فيه حيل بعد ده كله يكره ولا يحب المراة .... فالسيايسة اكلت منه راقات وخلاص سلم نمر ... أنا موافق على إسم حمد سيف

أعضاء فريق الإدارة .... : موافقون بالإجماع وعلى بركة الله

الأدفايرز : إذاً فلتنطلق ثُلة من السادة الأعضاء لمفاتحة الفاضل أحمد سيف في الموضوع ... واهو بالمره يجيبوا لنا كام علبة كموبت من هناك ...

تمت

[Scorpion]

ty:)

خسئت ..... بُص أنا جت لي فكره احسن ... إحنا نولع في باب الصحافة والأعلام ... ونقول إن شريف عبد الوهاب كان بيقرا الجرانين ورمى عقب سوجارة ولعت في الورق والدنيا . وبكده شريف يلبسها ونطلع إحنا منها زي الشعرة من الضفيرة ويطلع هو اللي مُقصر ونبقى احنا في السليم الأليم ..

:lol: <_< :Exclam:

بس دي اسمها صربعة يا استاذ .... يعني اروح اشتري بخمسين صااااااغ لب و سوداني و أمني نفسي بمسلسل ما يقلش عن عشرتاشر حلقة .. تقوم تكلفته كده في حلقتين بس ... تقولش ناشيونال جيوجرافيك يا خي ...

عالعموم ....

مازلت ملك الإبتسامة في المحاورات يا ابو السيد بدون منازع .....

-_-

[Alrefaey]

كما عودتنا يا ابو الاسيان دوما متألق

[أحمد سيف]

ايه الدماغ الجامده دي يا س س ... أستاذ ورئيس قسم الابتسامات وأبصم لك بالعشره ... ايه رأيك ترشح نفسك في الانتخابات الجايه وأنا ضامنلك انك تكتسحها ... أصل الشعب زهق من الناس الكشره اللي بيشوف خلقتهم ليل نهار وعايزين واحد دمه خفيف زيك ينسيهم الهمّ ... وأنا أول واحد هيصوتلك (أو يصوت عليك لو لبست في الحيطه).

إنما تعالا هنا قولي ... انت عرفت تاريخي النضالي وخلفيتي السياسية منين؟ هوا أكيد التهامي مافيش غيره اللي كشف المستور.

[اميره]

ياسلام على الخيال الواسع وحكايات قبل النوم دى ياس س

بس بجد تحفه وشخصيه كووووول ياباشا

ربنا يوفقك وتركب الطفطف المحاوراتى الجاى

بس ياترى ياهل ترى تاريخك النضالى يحمل فى طياته مثل تاريخ المناضل احمد سيف

وبعدين لازم يعنى تجيب سيرة الكبده وتشحتفنا أصل انا بصراحه عاشقة للكبده

وكمان فى مثل بيقول دارى على شمعتك تقيد إبقا فابلنى بقا لو قادت حتى لو اشتريت دسته شمع

تعرف بقا وانت بتتكلم كدا فكرتنى بمين ( بسيد أبو حفيظه ) ونشرة أخبار الخامسه والعشرون

احنا فى انتظار الورده :lol:

[أبو محمد]

روعة يابو الأسيان .. الله عليك ياحبيب والديك .. مع إنك مطلعنى كومبارس متكلم مابيقولش غير جملة واحدة .. ومع ذلك أنا حالغى كل ارتباطاتى وحأقعد أذاكر الدور واغوص فى أعماق الشخصية .. عشان أديها أبعاد تليق باخونا أحمد سيف وتاريخه النضالى فى جميع محافظات الوجهين ..

حضر بقى القصة اللى جاية عشان تحكيها لسواق الطفطف .. قال جملة واحدة قال .. أنا ؟؟؟؟؟؟؟؟؟؟؟؟؟؟ جملة واحدة ؟؟؟؟؟؟؟؟ طيييييييييييب يا سين سين :lol:

[se_ Elsyed]

بجد بجد

أي أديب بيحس بسعادة غامرة عندما يتفاعل الجمهور مع احد رواياته

وأي كاتب

حتى لو كان كاتب كتابه .. بيبقى مبسوط إن رسالته بتوصل للمتلقي

أشكركم شكراً جزيلاً نفر نفر

وأوعدكم بمزيد من التألق المعجون بالتواضع

يعني لو أنشهرت وقصصي إتباعت على الأرصفه وجبت مرسيدس .. عُمري ما هامشي بسرعه وأمشي اطرطش ميه على هدومك زي أدباء كتير ما بيعموا

ودلوقت أقدر أرد على رسايل المعجبين

من الاكبر سناً وإنت نازل

-----------

دي رسالة مُسجلة وصلتنا من الأبنة لولا

بتقول في شكواها

كمل ... كمل يا بنى معنديش وقت المواعين لسه عايزه تتغسل والغسيل لسه عايز يتنشر

اييييييييه فين ايام شجرة الزيزفووووووووون والقصيده ساعه الغروب

عارفه يا لولا ؟

هاتعرفي إن شاء الله

أهو ده اللي بيخلي الحياة الزوجية مملة بعد فترة وتتحول إلى حياة فردية ...

يعني في أول الجواز شجر زيزفون وتمر حنا وعصافير بتصوصو ... شويه كده تقلب بفيري وبريل قاهر الدهون والدنيا تبقى مزحلقه ...

نصيحة من أديب شاب مثلي ...

أرجو ألا تنطفأ شعلة نشاطاتك الأدبيه .. وداومي على قراءة القصص الأدبية الثرية مثل ميكي وسوبر ميكي وتان تان

شكراً ...

آبيه س س

-----------------

وده فاكس وصلنا من الرفيق سكوربيون

و كله من أجلكم انتم .... يا أعضاء المحاورات .. يا مهجة القلب و قرة العين

ورداً على رسالته أقول له :

إطلع بره يا سكوب وسيبني مع معجبيني عشان ما ابوظ لكش أي قصة من قصصك اللي مش لاقيه حد يشتريها ..

---------------

اولا احب ابارك للاستاذ احمد سيف الف الف مبروك

ثانيا.... فين وردتي الحمره يا س س

العزيزه دامو ( إنت عزيز ولا عزيزة ؟ )

طب سيبك من الورد ... عندي نص شقة بطيخ إنما إيه .. حمار وحلاوه ... وكتاب الله مع شويه جبنه بقى وعيش سُخن في يوم جمعه بعد الصلاه ... يا بوووووووووووووووووووووووووووووي

----------------------------

العريس أحمد سيف ومشرفنا الجديد اللي هايشتغل لنا في الأزرق

أسلوب روعه يا بو السيد

ميرسي يابو حميد

بس عاوز أقول لك نصيحه في بدايه سكة الأشراف

إتفضضضضضضضضضضضضضضضل على شغلك يا بيه بدل ما القطارات تخش في بعضها أنا سامع قلق في باب السياسة الداخلية .. روح شوف في إيه

---------------

وده دي إتش إل وصل بالحمام الزاجل من الفاضلة مسز جهاد

انا اول واحده ارد؟؟ يا بختييييييييي

يا فندم ده شرف لينا

وعلى فكره إنتي دخلتي التاريخ كده بالفعل

ومن العام الدراسي القادم وتحديداً في التريم التاني هاتشوفي أسمك في كتاب التاريخ بتاع رابعة ابتدائي ..

يعني بعد درس هوجة عرابي .. صفحة 17 .. هاتلاقي ملحق للدرس بيقولوا فيه " وعندما ذهب عرابي إلى الخديوي توفيق إلى قصر عابدين ............ - نقطة مقاطعة .. وكتاب الله ما فاهم النقطة دي لحد دلوقت ... يعني عرابي جه بحصانه من التل الكبير في الشرقية وخد طريق بلبيس وعدى عالعبور ... وبعدين جسر السويس ... وطلع الدائري وفضل ماشي لحد النزلة بتاعت التحرير وبعدين خرم من جنب المتحف المصري ومشي في شارع ريحان لحد ما وصل قصر عابدين ... كل ده بالحصان ؟ ليه ده حضان تربو ده ولا فور ويل ؟

عالعموم ... وبعد أنا قال له عرابي : إسمع يا تيفه ... إحنا امهاتنا ولدونا احرار ومن غير بامبرز كمان ... سيب البلد أحسن لك يا توفيق .... هذا وقد كانت مسز جهاد أول واحده ترد على الأديب س س في قصته الشهيرة " عشان خاطرك إنت "

-------------------

انا برضو سمعت عن تغيير وزارى محدود يشمل بعض الحقائب المحاورتية

فركيكو باشا

وكتاب الله أنا راضي

إن شالله يارب يدوني حقيبة قماش تيل ناديه .. فاكرها يا كيكو ؟

بس أترستق بقى على كرسي الوزارة الوثير المتنجد

---------------

وانا الى كنت نااااااااااااااوى اجيب لك يا سى سين انت وسكوب سبت بيه عدد 2 بطه عدد 3 وزه

عنبي

كنت وستظل محل تقدير جمعية الأدباء الشبان لما تبذله من جهد في تغذية عقولهم قبل أجسامهم ...

إبرز بالزيارة خليك جدع .. أخوك داخل على ايام صعيه وعاوز يروم عضمه

-----------------

كما عودتنا يا ابو الاسيان دوما متألق

يا رفاعي باشا سيادتك رجل علم وعمل وأنا عارف إنك متذوق للأدب وصاحب لسان لا يُخطيء

عملت إيه في موضوع الماجستير ؟

--------

أميرة باشا

ربنا يوفقك وتركب الطفطف المحاوراتى الجاى

أنا قاعد على قلبكو يا أميرة

أنا قلتها ..

هما فترتين أشرافيتين ومش هاجدد

ربنا يديكي طولة العمر

------------

عمي وعم عيالي أبو محمد بك الكبير زعيم الثغر وقائد قلعة قايتباي والمرسي أبو العباس

مع إنك مطلعنى كومبارس متكلم مابيقولش غير جملة واحدة

أنا أقدر بس يا باشا ؟

طب والله أنا بأبيع القصة بأسمك

يعني يكفي أضع إسم عمي أبو محمد في الأفيش جنب إسم شارون ستون أو حبيبة قلبي ميريل ستريب .. وساعتها كل الناس هاتشاور عالافيش وتقول : مين القمر اللي جنب عم ابو محمد دي ؟ ( ما تنسانيش ساعتها في اللحظات التاريخية دي .. فاهمني طبعاً وما تاكلش لوحدك )

طب هاقول لك على حاجه

صلي عالرسول

عارف فيلم سوبرمان بتاع التسعينات ده اللي بطله كريستوفر ريف ؟

شوفت الواد إتفحت في الفيلم وشاله من اوله لأخره ومش عارف تقريباً خد 35 جنيه ..

عارف بقى مارلون براندو ... كان طالع بدور أبوه .. ولما الأشرار هجموا عليه راح رامي الواد من المريخ للأرض

لقطه بسيطة جداً لمدة 5 دقايق أو اقل ... عارف إنه هبش 5 مليون دولار عالدور الصغير ده ساعتها وأنا كنت باصص له فيهم ؟

وليك عليه يا عم .. وده وعد مني .. إني هاكتب لك قصة امجد فيها تاريخك النضالي في الأسكندرة من ايام دفاعك عن تلك المدينة الباسلة من اول معركة أبو قير ودورك فيها والذي لا يخفى على أحد لكن الدور عاوز يتبروز شويه .. لحددددددددددددددددددددددددددددددددددددددددددد دورك في انتخابات 2011 القادمة

فين بقى أكلت الجمبري ؟ ولا نسيحو قدام الناس ؟

[Handasah]

بجد مشاء الله عليك قدرة رائعة على التعبيير بأسلوب شيق وخفة دم جميلة :blink: :lol:

احييك على قلمك المتميز والرائع فى سرد الاحداث بروح جميلة وخفة دم وبلا منافس انت ملك الابتسامة فى المحاورات وهو لقب بجد جميل ليك ويارب تبقى دائما ملك

الابتسامة على طول يابو الاسيان ودائما فى صحة وسعادة وجميع افراد الاسرة bv:- bv:-

بس لى اقتراح متفكر بجد انك يكون ليك مجموعة قصصية صغيرة تكون تحفة منك وبرضو اهى ترزق ....... bv:-

[mrs gehad ahmed]

يا فندم ده شرف لينا

وعلى فكره إنتي دخلتي التاريخ كده بالفعل

ومن العام الدراسي القادم وتحديداً في التريم التاني هاتشوفي أسمك في كتاب التاريخ بتاع رابعة ابتدائي ..

يعني بعد درس هوجة عرابي .. صفحة 17 .. هاتلاقي ملحق للدرس بيقولوا فيه " وعندما ذهب عرابي إلى الخديوي توفيق إلى قصر عابدين ............ - نقطة مقاطعة .. وكتاب الله ما فاهم النقطة دي لحد دلوقت ... يعني عرابي جه بحصانه من التل الكبير في الشرقية وخد طريق بلبيس وعدى عالعبور ... وبعدين جسر السويس ... وطلع الدائري وفضل ماشي لحد النزلة بتاعت التحرير وبعدين خرم من جنب المتحف المصري ومشي في شارع ريحان لحد ما وصل قصر عابدين ... كل ده بالحصان ؟ ليه ده حضان تربو ده ولا فور ويل ؟

عالعموم ... وبعد أنا قال له عرابي : إسمع يا تيفه ... إحنا امهاتنا ولدونا احرار ومن غير بامبرز كمان ... سيب البلد أحسن لك يا توفيق .... هذا وقد كانت مسز جهاد أول واحده ترد على الأديب س س في قصته الشهيرة " عشان خاطرك إنت "

ملكشي حلللللللللللللللللللللللللل :sad:

ومن بكره هنزل اشتري كتاب التاريخ بتاع سنه رابعه واوزعه ع الاقارب والمعارف :lol:

بس المشكله لما ولادي يكبروا ويسئلوني عن سر الحصان فور باي فور اياه ده ..هقولهم ايييييييييييييه يا ابو السنسنه كلها ؟؟ :lol:

[Damo]

اولا احب ابارك للاستاذ احمد سيف الف الف مبروك

ثانيا.... فين وردتي الحمره يا س س

العزيزه دامو ( إنت عزيز ولا عزيزة ؟ )

طب سيبك من الورد ... عندي نص شقة بطيخ إنما إيه .. حمار وحلاوه ... وكتاب الله مع شويه جبنه بقى وعيش سُخن في يوم جمعه بعد الصلاه ... يا بوووووووووووووووووووووووووووووي

عزيزة :)

اوكيه ماشي موافقة :)

منتظره:

١- شقة بطيخ

٢- صفيحة جبنه

٣- دستة عيش

كل ده احتفالا بالاستاذ احمد طبعا wst::

[SoSo R]

صباح الخير:

أولا أحب أبارك لأستاذ أحمد سيف على الأشراف...واضح إن بقالنا ضهر فى باب الهجرة فى كندا wst::

ثانيا باحييك يا س س على التحفة الأدبية اللولبية دى..مالهاش حل

أنا نفسى أنافسك فى كتابة القصص خفيفة الدم دى ...بس واضح مافيش أمل :)

كل ما أفكر أعمل موضوع كدة أتكسف من نفسى و أقول هاروح فين فى العملاق س س

و إلا هاستخدم أسلوب النعناع فى الأتوبيسات...وأنزل القصة وهتتقرى يعنى هتتقرى زى شربة الخروع

أنا نفسى بقى أعلق على وصفك على لولا حبيبتى

بقى لولا وردة المحاورات...وتألق عالى فى الأدب مش إنها مؤدبة يعنى :)

قصدى إنها بتشعر و تتأدب علينا...مطلعها ستيتة كدة و بركة البيت...

دة أنا حسيت إنها لابسة جلابية ومشمرة وعليها مريلة المطبخ

والكبشة فى إيد والبصلة فى إيد

ورافعة شعرها كحكة عشان تاخد الغسيل فومين po::

دة الأدب لولو

دة الشعر لولو...

هو أنا خلفت غير لولو :P

بس بجد يا لولو بأة بالنسبة لموضوعك الأخير ليا تعليق هاموووووت و أقوله

wst::

فى داخلك صوت.....

خير دة بلغم wst::

طيب خدتى دوا كحة :P

ماتسكتيش على روحك :P

تحياتى

سوسورانى