ناوي تعمل لاندنج فين في كندا

[extra]

فكره جميله جدا و يارب تعجب الناس الي في كندا

[ناوية ع الهجرة]

استاذ محمد جمال اشكر حضرتك على المشاركة واحييك على فكرتك الرائعة

بصراحة في مثل ببساطة بيقول الغريب اعمى ولو كان بصير

وعملية التأقلم على بلد تختلف في العادات والدين واللغة اكيد شئ مش سهل ابدا

ولو في فكرة زي اللي حضرتك بتقولها تبقى فكرة رائعة وانا كنت قرات قبل كده ان الجالية السودانية

لهم مقر وعليه يافطة كبيرة في تورنتو للترحيب بأي سوداني جديد وارشاده

بس انا اعتقد ان الموضوع عايز جهد جماعي مجموعة تكون متطوعة او بمقابل مادي بسيط

تتولى شئون المهاجر الجديد وتدله على كل ما يحتاجه في ايامه الاولى بداية من استقباله في المطار

والسكن واماكن التسوق الرخيصة وتاجير السيارات الى اخره

اعتقد ان ده افضل لان موضوع ان شخص واحد يكون مسئول عن اي مهاجر مصري جديد هيكون صعب شوية وده

لان كل واحد مشغول في مسئولياته وشغله وبيته علشان كده افضل ان يكون في مقابل مادي ومجموعة اشخاصيكونوا مسئولين

يالا يا جماعة مين موافق على الفكرة دي؟

[أكسيلانس]

أنا رأي نروح علي مكان الجاليه السودانيه و نساهم معاهم في تكاليف المقر ,, و بدل ما أسمه مقر الجاليه السودانيه تبقي ( مصر و السودان ) و انا واثق انهم هيرحبوا جدا,, خصوصا من واقع خبرتي ان الشعوب العربيه و الجاليات لديها رغبه جارفه في التوحد بعيدا عن النظم السياسيه الفاشله _ و كمان السودانين هيفرحوا قوي لما يعرفوا أن احنا و بكامل أردتنا متنازلين عن الاداره و كرسي الحطم

أيه رايكم , حد من اخواتنا المتكلمين الرسمين يوصل لحد عندهم و يطلب أيدهم !!!!!!!!!!

و يبخت من وفق جاليتين في الحلال

[Nassarlink]

ده تصور لاهداف الرابطه

1- هذه الرابطه تم انشاءها بغرض خدمة اعضائها العرب المهاجرين الي كندا دون التفرقه بينهم من ناحيه الجنسيه او الديانه او الفكر

2- تقويه العلاقات الشخصيه والأسريه بين اعضائها مما سيساعد كثيرا في استمرار وقوة الرابطه

3- إستقبال المهاجرين حديثا في المطار لبعث فيهم الطمأنينه التي قد يفتقدونها بسبب عدم معرفتهم للمكان

4- مساعده المهاجرين حديثا في الحصول علي سكن للإقامه فور وصوله في اي مدينه يرغب الاستقرار بها دون تحميل الرابطه اي نفقات ماليه

5- العمل علي مساعة المهاجر حديثا علي الاندماج في المجتمع الكندي عن طريق النصائح العمليه ودلهم علي افضل السبل لقبول المجتمع الجديد

6- العمل علي نشر ثقافة اوطاننا في كندا حتي لا تختفي ثقافتنا في الثقافه الكنديه

7- العمل علي نشر ثقافة الهجره الي كندا بين ابناء اوطاننا حيث ان كندا من اكثر الدول قبولا للمهاجرين وستظل كذلك لفتر طويله قادمه مهما اختلفت قوانين الهجره

8- العمل علي تدعيم العلاقه بين الرابطه والرابطات الموجوده حاليه في كندا

احنا بدل ما ننصهر جوه الرابطه السودانيه

ويجي واحد من جواها يقول الناس دول دخلاء

ونختلف في الاخر

طب ما احنا عندا الهدف الثامن الرابطه بتاعتنا بيقول اننا نقوي علاقاتنا بالرابطات الاخري

[ehabtaher]

ايوه ياعم نصار بس احنا ماقلناش ننصهر على الرغم من ان احنا رايحين كندا علشان ننصهر فى تلج كندا هى الحكايه ان المفروض يحصل اتفاق وتجمع بيننا وبين السودانيين وشويه شويه يزيد عليهم الفلسطينيين والسوريين واللبنانيين ( اعتقد دول اكتر المهاجرين) + الجزائريين والمغاربه ولما يتلم الشامى على المغربى حتلاقى الامور اسهل لكن المصرى دايما يحب يقعد لوحده ومالهوش فى الطيب نصيب

[ehabtaher]

واذا كان السودانيين بساهموا فى الرابطه ماديا لدعم اسكان الجدد مجانا لمده شهر او شهرين مثلا فمنطقيا عندما يزيد عدد الاعضاء يقل الدعم المتجه لهذا البند ويدخل فى بند اخر له الاهميه وهى تشجيع المشروعات الصغيره داخل المنزل حتى يعرف المهاجر الجديد طريقه وكليته ومدرسته وعمله

اذا كان الموضوع تشجيع نفسى ومعنوى فقط ( دون ان يكلف الرابطه ماديا) فسيتجه المهاجر الى جهات اخرى تشجعه ماديا (اعانه بطاله - اعانه دراسه) ويقول طيب حنستفيد ايه بقى خلينى فى حالى

[yosef elmadysm]

ياترى بعد اللاندنج ايه رايك فى مسيساجا ؟

انا عن نفسى قررت انتقل سكنى القادم الى هاميلتون