صفحة واحدة لليأس ...وصفحات كثيرة للأمل ..

[لماضة مصرية جدا]

سلام...علي مساحة قريبة اوي من قلبي

رحمة علي كل حرف بيتكتب و بينور بيه طريق ناس عابرة

بركات تنزل علي قلب كل اللي لسه مكتوب علي صفحة الحياة....و قاعد بيقلب في صفاحاتها

السلام عليكم و رحمة الله و بركاته

من فترة و انا روحي مشتاقة للتوبيك هنا اوي

و بعد ما قرب يصيبني اليأس و انا عمالة ادور عليه...والحمد لله لقيته

خليني ابص معاكي يا احلي ماما سلوي في الكون بحاله علي كتاب الحياة

حضرتك علمتينا في التوبيك هنا و في مساحات تانية كتير تحمل بصمة من ماء قلبك

أن فيه صفحة لليأس..و صفحات كتير للامل

كنت زمان بفتكر ان ببساطة كده ممكن الواحد يقلب صفحة الوجع و يبتدي يقنع نفسه انها نقطة و من اول العمر

اتاري يا ماما سلوي ابجدية الحروف كلها لازم يتعاد ترتيبها

الحروف اللي كتبت بنفسها علي صفحة اليأس حقيقي هي نفسها اللي بتكتب في صفحة جديدة يا رب للأمل....بس محتاجة روح تانية اقوي

قبل ما اقلب في الصفحات

كتاب الحياة مش بس صفحة يأس و صفحات امل

كتاب الحياة....بيفصل بينهم...بين اللونين من اقصي اليمين لاقصي اليسار....صفحات كتير للتأمل

صفحات كتير بندرب فيها روحنا انها ترجع تحب تاني و ترجع تثق تاني و ترجع تقدر تحلم تاني

صفحات اكتر بتحاول تشوف كاس كريستال جواها في لحة ما افتكرت انه خلص و بتعاند و ترجع تملاه تاني

صفحات اكتر بنناجي فيه رب الكون بحاله...اوقات بنكب في الصفحات دي....سؤال مالوش اجابة بس دايما بينسال...ليه يا رب؟؟؟

مش اعتراضا...و لا زعل....هو بس لحظة وجع مخلوطة بلحظة عجز

مش طول الوقت بنبقي فاهمين

و حتي لما بنبقي فاهمين...مش طول الوقت مصدقين

مش طول الوقت بنعيش علي اليقين...ان كل امره خير

انا بني آدم...ممكن اتمرجح في ايماني...لفوق...و يمكن انزل لتحت

يمكن اكون بساله...في صلاتي....و شايفة اني ايماني صلاة خاصة...و مناجاتي ليه صلاة....و حتي في وقت الوجع صلاة

خليني اقرا معاكي اخر سطر كتبته من صفحة يأس....علشان نعرف نقلب الصفحة ونروح لصفحة امل

كنت موجوعة أوي

و يمكن لسه

و كنت بسال مليون سؤال

و يمكن لسه معنديش اجابة

بس هربت

هربت لصفحة....مليتها كلها شخابيط....كانت حزينة صحيح

بس في اخرها لقتني بكتب آية قرآنية بحبها اوي

""فما وهنوا لما أصابهم في سبيل الله و ما ضعفوا و ما استكانوا و الله يحب الصابرين" (آل عمران: 146)

و خليني اقول انا حسيتها ازاي

في وقت اليأٍس هتبقي مرحلة متدرجة من "الوهن" من "الضعف" من "الاستكانة"

مزيج موجع

بس الآية ختمت بإيه

"و الله يحب الصابرين"

علشان نبلغ المرتبة دي اللهم آمين...كان لازم نمر بكل الوجع اللي قبله

علشان نقدر نوصف نفسنا بالصابرين....كان لازم جزء نمر بالوهن...بالضعف...بالاستكانة ...أكيد جزء من بشريتنا...أكيد جزء من الترقي واحدة واحدة

و كأن الصبر....الجميل بيتولد من لحظة اليأس الشديد

و كأن الصفحة اللي اتسطرت بحروف مرة شوية....هنختمها بيقين....ان عطاؤه خير...و منعه عطاء

و كأن علشان نقلب الصفحة...اللي كان لازم نعدي عليها....جزء من قدر مكتوب....و من غير ما نسال ليه و اشمعني ....كان لازم نكتبها و تكتبنا

عشان نقلب الصفحة....كان لازم نختمها...بتجديد العهد...مع الولي

بولادة لليقين فيه حده و في قربه و عطاؤه و رحمته اللي بتسبق غضبه

عشان لما تتكتب صفحة جديدة للامل

تكون نابعة من الروح اوي

من القلب اللي لسه شايف نوره في نور ربه

اللي لسه بيتنفس رجاء

الصفحة بتتقلب

و نقطة و ابجدية جديدة

و صفحة واحدة لليأس.....و صفحات كتير اوي للأمل فيك و بيك و معاك و عندك يا رب

متغبيش عن كتاب الحياة هنايا اغلي الناس

الصخب بره كتير

و محتاجين مساحة......"سلوي"

الله يسعد قلب حضرتك..في كل غمضة عين

[Salwa]

ريهام الحبيبة .

اسمحى لى النهاردة أعترف لك انى انا ايضا بحاجة لمساحة صفا وأمل....بحاجة لمن يردد امامى ولى ...المثل المشهور .( ايها الملاكم القوى ...لا تترك الحلبة وتلقى بالمنشفة ) ...لازلت اتمسك بحقى ( فى الحلم ) .

لازلت احاول تحقيقه..

لتسمحى لى باعتراف .

بالأمس ...طلبت من اولادى ان يسامحونى .

ان يغفروا لى كذبى ..

لأنى كذبت بدون ان ادرى انى اكذب.

طلبت منهم ذلك .....وهم فى حالة ذهول ...بالطبع مهما حاولت ن اشرح هنا احساسى فلن استطع .

قلت لهم.

اعتذر ابنائى واحب من لى ف الوجود.....لأنى مصرية ...تركت مصر وانا فى سن الصبا وحاولت زرع ما تركته من حلو العيش ...فيكم.

اعتذر...لأنى وعدتكم بزوال الغمة ( المؤقتة ) ...وتحقيق الحلم واعاشته.

اعتذر لأنى ....جهزتكم نفسيا ومعنويا ...ووعدتكم...أن الأرض لكم.

وأن الحق معكم...وأن العدل نصيبكم فى هذه الحياة .

اعتذر...لأنى قلت لكم بثقة ....انتم جيل الحصاد وسوف تحصدون ما زرعه اجدادكم .

أعتذر .لأنكم ( كما رأينا ) ...كنتم حصاد لهم.

أعتذر لأنكم ...بابتعادى ...لم تعيشوا الأمل .ولكنكم الآن ...تعيشون اليأس .

أعتذر لكم ولكل جيلكم ....ولست ادرى ذنبى ماهو على وجه التحديد.

لم أخدعكم بزرع الأمل .

خدعت انا بزرعهم اليأس ....يوما بعد يوم .

أرانى الآن فى حالة غريبة كمن يسير على سلك رفيع متحرك فوق فوهة بركان .

اخشى اقتراب اليوم ...........كان من المفترض ان يكون كيوم العرس ..

25 يناير ..يوم صراخ الأمل .

يوم نداء الايمان يملأ كل ارجاء الأرض الطيبة .

كيف لى بعد عام ........ارتعب ؟؟

كيف لى اخشى عليكم ؟؟

وانا من كانت تظن ان للعصافير أجنحة تشبه اجنحة النسور .

ريهام..

كانت الطبطبة هذه المرة ........منهم....لى .

وكان نداء الأمل يملأ أرجاء بيتى الصغير....

بيت صغير يشبه اجواء مصر بكل اريجها العطر وعبقها الأصيل..

للظلم نهاية ...وللظالم.

ومهما طالت الغربة ..سوف تعود الطيور الى اعشاشها ....تمرح فى حرية وتنطلق فى اجواء نقية .

لاتفقدى الأمل ......لازلنا فى اول الطريق .

لم تنتهى الحكاية ولم نضع لها نهاية ..

ليس ظنا ياأمنا .

قد اصبح للعصافير اجنحة...فى ضخامة اجنحة النسور...والصقور وشموخها .

و..

الأمل لاينتهى ابدااا . :clappingrose:

ولليأس دائما نهاية .

[لماضة مصرية جدا]

ريهام..

كانت الطبطبة هذه المرة ........منهم....لى .

وكان نداء الأمل يملأ أرجاء بيتى الصغير....

بيت صغير يشبه اجواء مصر بكل اريجها العطر وعبقها الأصيل..

للظلم نهاية ...وللظالم.

ومهما طالت الغربة ..سوف تعود الطيور الى اعشاشها ....تمرح فى حرية وتنطلق فى اجواء نقية .

لاتفقدى الأمل ......لازلنا فى اول الطريق .

لم تنتهى الحكاية ولم نضع لها نهاية ..

ليس ظنا ياأمنا .

قد اصبح للعصافير اجنحة...فى ضخامة اجنحة النسور...والصقور وشموخها .

و..

الأمل لاينتهى ابدااا . :clappingrose:

ولليأس دائما نهاية .

السلام عليكم و رحمة الله و بركاته

صباحك غير...يا ماما سلوي

كنت لما بسمع حد من الخليج يقولي...صباحي غير...ابقي مستنية يكمل و يحط صفة مثلا صباحك غير امبارح او صباحك غير اللي فات...اتاريهم العكاريت بيقولوا صباحك...غير و يسيبوا كل واحد و هوي قلبه...عجبتني الفكرة...و عجبتني الصباحات اللي بتشجع ع التفكير...(مع اني اشك ان قصدهم كده:)

طب تسمحيلي...ابقي طوبة واحدة في البيت المصري اللي حضرتك قولتي عليه فوق

عارفة ياماما سلوي

منكرشي اني في وقت...لا في اوقات كتير بيأس....مش هدعي صفة ملائكية و اوقلك انا مخلوق من نور

لا انا مخلوق من طين

يعني بينجذب للارض

و اوقات روحه تحب تحلق في سماوات غير

ممكن

بيأٍس مش علشان الدنيا بقت غير

و الناس بقيت غير

و حتي المباديء بقيت غير

و بعد كلمة غير...حطي كل اللي تتخيليه

بس الحقيقة بيأس لاني ببقي مش فاهمة ايه اللي بيحصل

و من كتر خوفي....فبعمل زي الغريق اللي بيلوش في الضلمة يروح طافي اللمبة الوحدية اللي ممكن تطلعه من الموجة دي

عارفة يا ماما سلوي في وقت اعتصام ال 18 يوم في الميدان اتكتب تعليق لسه معلق معايا لغاية دلوقتي بس للاسف مش فاكرة صاحبه

مصر في حالة ولادة

و المولود اسمه الحرية

من فترة افتكرت موضوع ال "ولادة" ده

يمكن لان صاحبته كانت كل الظروف عكسها....عكسها اوي...بمنطق الطب...و بمنطق البشر و بمنطق كل حاجة فيها منطق

يمكن علشان هي عشان هي زيي معاشتشش حالة الولادة قبل كده...مش فاهمة...ان الوجع ده زي ما بتقول امي...."ساعة الولادة دي ساعة منسية"....

يمكن علشان مع كل انقباضة...و كل ضغطة...و كل لحظة ألم....هتيجي لحظة فرح تطيرها من فوق الارض...اول ما تشوف.....اول نفس لكائن صغير واخد ملامحها

صاحبتي

ولدت

و اتحدت المنطق....المعاكس

مش عشان هي قوية

و لا عفية

و لا فيها اي ميزة

بس علشان في وقت ما بنقول

يا رب

في عز الوجع اوي

بنقول يا رب

المؤمن بيقولها يقينا

و الكافر بيقولها اخيرا ايمانا

كلنا بنقول

يا رب

في لحظة ما

ال "رب" يستجيب

و بقوة

و فوق ما نتخيل

مش علشان احنا كويسين

و لا احنا الملايكة اللي علي الارض

لا علشان

هو ربنا

اهو ده يقيني في اللي بيحصل دلوقتي يا ماما سلوي

كل اما احس بالياس اوي

و بالحيرة اوي

و من حالة الولادة.....اللي شكلها هتطول حبتين

بقول يا رب

مقدرشي اوصف نفسي اني حد "مؤمن" مثلا

بس انا من كتر حيرتي

مش لاقية غير....يا رب

و من كتر يقيني فيه

مش لاقية غير يا رب

و من كتر ما انا متاكدة انه شايف اللي احنا مش شايفينه

بقول يا رب

المولود هياخد وقته

و هتتولد مصر اللي بنحلم بيها

عارفة ليه

علشان لما قولنا يا رب

بنحاول نقولها من قلب لسه متلوثشي

قلب

خلاص

اتقطعت بيه كل الاسباب

و ملجأه و ملاذه هي كلمة "يا رب"

هتاخد وقت

حقيقي

هتبقي فيه لحظات وجع

اكيد

بس الاكيد....و اللي في يوم يا رب افتكره انا و حضرتك و نكون في مكة

ان لحظة الوجع دي هتكون منسية

هنعديها

هنعديها

هنعديها

و هنقوم بالسلامة

و هنشوف الضحكة البريئة اللي بتتولد في ارض مكنشي لينا ذنب غير ان احنا مش عارفين نحب غيرها...حاولنا و فشلنا بجدارة

و رجعنا نقول من قلب موجوع

يا رب

يا رب

يا رب

صباحك يا ماما سلوي....يا احلي من كتب و صحي الامل......قلب بيقول يا رب

صباحك غير:)

[الأمومة]

كلامك جميل جدا ياأختى

نفسى أصدقه

نفسى أصدق أن ممكن أضحك تان من قلبى

أو ممكن تعدى عليا لحظة يكون بالى فيها مرتاح

أو ممكن أنام زى كل الناس على طول من غير أرق

أو ممكن أشوف زوجى تانى اللى عايش فى قارة وأنا فى قارة ومحكوم علينا بالفراق باسم القوانين

آآآآآآه

الحمدلله على كل حال

[arkan]

كلامك جميل جدا ياأختى

نفسى أصدقه

نفسى أصدق أن ممكن أضحك تان من قلبى

أو ممكن تعدى عليا لحظة يكون بالى فيها مرتاح

أو ممكن أنام زى كل الناس على طول من غير أرق

أو ممكن أشوف زوجى تانى اللى عايش فى قارة وأنا فى قارة ومحكوم علينا بالفراق باسم القوانين

آآآآآآه

الحمدلله على كل حال

ربنا يشرح صدرك ويكشف همك ويجمع شملك بزوجك

بكره تتجمعوا والايام دى تبقى ذكرى

عليكى بالدعاء والاستعانة بالله

الكلمة دى يتصبرني كتير ( ما ابتلاك الا ليعافيك وما منعك الا ليعطيك وما حرمك الا ليصفيك )

دعواتي لك بالخير

[الأمومة]

جزاكِ الله خيراً كثيراً

أختى أركان

بارك الله فيكِ

[همسة الغامدي]

ويمكن كل الآلام اللى فاتت ....كانت مقدمة...وبشرى للى جاى ...(( لاتكرهوا شيئا وهو خير لكم ))

يمكن اللى مريت بيه ده كله.............مقدمة ....

علشان تعرف حلاوة اللى جاى واللى ربنا محضره ...لك..ولصاحبك..ولكل الصابرين ..

تفاءل ياصديقى ..

الشمس تسطع كل يوم ...

*

*

اثناء تصفحي العشوائي تعثرت بهذا الموضوع ..ولن اقول صدفة فانا اؤمن كثيرا باشارات القدر ورسائل السماء

هذه الكلمات التي وضعتها في اقتباس هي جزء من كلمات الغالية سلوى ..وكانما تخاطبني بها..شكرا لك سلوى